دعوتِ اسلامی کے شعبہ رابطہ بالعلماء کے تحت ذمہ دار اسلامی بھائیوں نے دینی کاموں کے سلسلے میں پاکستان کی تحصیل ملکوال کا دورہ کیا جہاں انہوں نے الکلیۃ الغوثیہ للبنات کے مہتمم مولانا عطاء اللہ طاہر صاحب سے ملاقات کی۔

اس دوران شعبے کے گوجرانوالہ ڈویژن ذمہ دار مولانا محمد ظہیر عباس عطاری مدنی نے انہیں دعوتِ اسلامی کے مختلف شعبہ جات کے ذریعے دنیا بھر میں ہونے والے دینی و فلاحی کاموں کے بارے میں آگاہی دی۔

پچھلے  دنوں تحصیل ٹیکسلا میں دعوتِ اسلامی کے شعبہ حج و عمرہ کے ذمہ دار حاجی ہاشم عطاری نے اراکینِ شعبہ کے ہمراہ ٹور آپریٹر سے ملاقات کی ۔

دورانِ ملاقات ٹور آپریٹر کو ذمہ دار اسلامی بھائی نے دعوتِ اسلامی کا تعارف پیش کیا اور واہ کینٹ میں موجود مستقل عمرہ تربیت گاہ کے بارے میں معلومات دیں نیز ان کے کاروان سے عمرے پر جانے والے معتمرین کی تربیت شعبہ حج و عمرہ تربیت گاہ پر کروانے کا ذہن دیا جس پر انہوں نے اچھی نیت پیش کرتے ہوئے خوشی کا اظہار کیا۔ آخر میں انہیں مکتبۃُ المدینہ کی مطبوعہ کتاب’’ رفیق ُالحرمین ‘‘تحفہ میں پیش کی۔(رپوٹ :مبشر حسن عطاری شعبہ حج و عمرہ ڈسٹرکٹ اٹک، کانٹینٹ:رمضان رضا عطاری)

دعوتِ اسلامی کے شعبہ معاونت برائے اسلامی بہنوں کے تحت گجرات میں فیضانِ صحابیات کے لئے لی گئی بلڈنگ میں مدنی مشورے کا انعقاد ہوا جس میں ذمہ دار اسلامی بھائیوں نے شرکت کی ۔

صوبائی ذمہ دار عبدالماجدعطاری نے اسلامی بھائیوں کو نئی تنظیمی اسٹیکچر کی تقسیم کاری سمجھاتے ہوئے گجرات ڈسٹرکٹ پرعارف عطاری کاتقرر کیا نیز فیضانِ صحابیات بلڈنگ کاوزٹ کرتے ہوئےاسلامی بھائیوں کو بلڈنگ کی بنیادی ضروریات جلدپورا کرنے کا ذہن دیتے ہوئے اس میں شعبہ جات کےدفاتربنانےاورجلداس کام کوشروع کرنےکاہدف دیا۔(رپورٹ: صوبہ پنجاب ،قاری عبدالماجدعطاری،کانٹینٹ:رمضان رضا عطاری)

سائنسی اداروں اور سائنس دانوں کا طلبہ کے ساتھ رابطہ قائم کرناکافی اہمیت کا حامل ہے۔ جب طلبہ سائنس دانوں کو ان کی تجربہ گاہوں میں دیکھتے ہیں تو وہ سائنسی سرگرمیوں میں حصہ لینے، انہیں بہتر طریقے سے کرنے اور سائنس کواپنا کیریئر بنانے پر غور کرتے ہیں۔ان دوروں کا بنیادی مقصدسائنس کو قابل رسائی اور دلچسپ بنانا ہے۔

گزشتہ روز لاہور ڈویژن کے سیکنڈری کیمپسز (دارالمدینہ انٹرنیشنل اسلامک اسکول سسٹم) کے طلبہ نے سینٹر فار انرجی ریسرچ اینڈ ڈویلپمنٹ (CEARD) کا دورہ کیا۔

سینٹر فار انرجی ریسرچ اینڈ ڈویلپمنٹ (CEARD) کے عملے نے طلبہ کو قابل تجدید توانائی کے ذرائع، اس کی پیداوار اور استعمال کے بارے میں آگاہ کیا۔

طلبہ اس دورے میں سائنسی ایجادات اور ان کے کام کرنے کے طریقے سے بھی واقف ہوئے نیز انہیں یہ بھی جاننے کا موقع ملا کہ ایئر کنڈیشن، سولر پلیٹس اور موسمی اسٹیشن کیسے کام کرتے ہیں اور ان کے معیار کی جانچ کیسے کی جاتی ہے۔بعدازاں طلبہ کو پاکستان میں توانائی کی بچت کے مختلف طریقوں اور توانائی کے منصوبوں سے بھی متعارف کروایا گیا۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

پچھلے دنوں دعوتِ اسلامی کے  زیرِ اہتمام ساہیوال ڈویژن پاک پتن میں ایصالِ ثواب اجتماع کا انعقاد ہوا جس میں مقامی عاشقانِ رسول نے شرکت کی۔

صوبائی ذمہ دارعبدالماجدعطاری نے سنتوں بھرا بیان کیا اور فکرِ آخرت کا ذہن دیتے ہوئے شرکا ئے اجتماع کو نمازوں کی پابندی کرنے اور دعوتِ اسلامی کے دینی ماحول سے وابستہ ہونے کی ترغیب دلائی جس پر شخصیات نے اچھی اچھی نیتوں کا اظہار کیا۔

٭بعدازاں شعبہ معاونت برائےاسلامی بہنیں کے ذمہ دار اسلامی بھائیوں کا مدنی مشورہ ہوا جس میں ڈسٹرکٹ نگران اوردیگرذمہ داران شریک ہوئے۔صوبائی ذمہ دارعبدالماجدعطاری نے سابقہ کارکردگی کا جائزہ لیا اور اسلامی بھائیوں کو دینی کاموں میں مزید بہتری لانے کے اعتبار سے تربیت کرتے ہوئے آئندہ کے لئے اہداف دیئے۔

٭اس کے علاوہ صوبائی ذمہ دار نے اوکاڑہ دارُالسنّہ کا د ورہ کیا اور وہاں ذمہ داران سے دینی کاموں کے سلسلے میں مشاورت کی ۔( کانٹینٹ:رمضان رضا عطاری)

شعبہ تحفظ اوراقِ مقدسہ دعوتِ اسلامی  کے تحت 20 دسمبر 2022ء کو بہاولنگر کی مقامی مسجد میں سیکھنے سکھانے کے مدنی حلقے کا انعقاد ہوا جس میں مقامی شخصیات اور ذمہ دار اسلامی بھائیوں نے شرکت کی۔

نگرانِ شعبہ تحفظ اوراقِ مقدسہ شاہ نواز احمد عطاری نے مقامی شخصیات کے درمیان سنتوں بھرا بیان کیا اور اوراقِ مقدسہ کا ادب کرنے کا ذہن دیتے ہوئےاپنے گھروں، محلوں میں مقدس اوراق کے تحفظ کے لئے باکسز نصب کرنے کی ترغیب دلائی جس پر شخصیات نے تعاون کرنے کی اچھی اچھی نیتوں کا اظہار کیا۔(رپورٹ: بلال عطاری مدنی ڈویژن بہاولپور شعبہ تحفظ اوراق مقدسہ ،کانٹینٹ:رمضان رضا عطاری)

18 دسمبر2022ءکو  مدنی مرکز فیضانِ مدینہ گلشنِ حدید میں 3 دن کے مدنی قافلے میں مرکزی مجلسِ شوریٰ کے رکن حاجی محمد امین عطاری نے امیر ِقافلہ مع 12 دینی کام کورسز کروائے ۔

رکنِ شوریٰ نے مختلف مقامات سے آئے ہوئے عاشقانِ رسول کی مدنی قافلہ چلانے کے حوالے سے تربیت کی اور دعوتِ اسلامی کے 12دینی کام کیسے کئے جائیں اس کے متعلق رہنمائی فرمائی ۔

کورس کے بعد آن لائن ٹیسٹ لیا گیا اور رزلٹ بھی بتایا گیا۔آخر میں رکن ِشوریٰ نے اچھی کارکردگی والے اسلامی بھائیوں میں تحائف تقسیم کئے۔(کانٹینٹ:رمضان رضا عطاری)

نصابی سرگرمیوں کے ساتھ ساتھ ہم نصابی سرگرمیاں بھی طلبہ کے لئے بے حد ضروری ہیں،ان سرگرمیوں میں تعلیمی دوروں کو خاص اہمیت حاصل ہے، اہم اور تاریخی مقامات کی سیر کرنے سے طلبہ تاریخ سے آگاہ ہوتے ہیں  نیز ان کی معلومات اور تفہیم میں بھی اضافہ ہوتا ہے۔ تاریخی ورثے کسی بھی ملک کا ورثہ ہوتے ہیں، اس لئے زندہ قومیں اپنے ورثے پر فخر کرتی ہیں اوران کی حفاظت کرتی ہیں۔

گزشتہ روز لاہور ڈویژن کے پرائمری اور سیکنڈری کلاسز (دارالمدینہ انٹرنیشنل اسلامک اسکول سسٹم) کے طلبہ نے مینارِ پاکستان، شاہی قلعہ اور مقبرہ اقبال کا دورہ کیا جس دوران طلبہ کو ان مقامات کی مختصر تاریخ سے بھی آگاہ کیا گیا۔

مینار پاکستان تحریک آزادی کی علامت ہے۔یہ جس جگہ واقع ہے ، وہاں قرار داد ِ پاکستان منظور کی گئی تھی اور اس کی قرارداد کی یاد میں مینار ِ پاکستان تعمیر کیا گیا تھا۔اس تعلیمی دورے سےطلبہ نے مفید معلومات حاصل کیں اور دوسرے ساتھیوں کو اپنے مشاہدات سے آگاہ کیا۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

19 دسمبر2022ء  بروز پیر مدنی مرکز فیضانِ مدینہ گلشن ِحدید کراچی میں بعد نمازِ مغرب سنتوں بھرا اجتماع ہوا جس میں شرکائے مدنی قافلہ اور اہلِ علاقہ نے شرکت کی ۔

دعوتِ اسلامی کی مرکزی مجلس ِ شوریٰ کے رکن حاجی محمد امین عطاری نے سنتوں بھرا بیان کیا اور نیکی کی دعوت دیتے ہوئے شرکائے اجتماع کو دینی ماحول سے وابستہ ہونےنیز ہفتہ وار سنتوں بھرے اجتماع و مدنی مذاکرےمیں شرکت کرنے کا ذہن دیا جس پر اسلامی بھائیوں نے اچھے خیالات کا اظہار کیا۔ (کانٹینٹ:رمضان رضا عطاری)

کتاب میلہ ایک عمدہ اور صحت مند روایت ہے،اس روایت سے معاشرے کے ہر طبقے  کو فائدہ پہنچتا ہے۔اسکولز کے طلبہ کے لئے کسی کتاب میلے میں شرکت وقت کا مفید استعمال اور ایک بہترین سرگرمی ہے جس سے طلبہ میں کتاب سے محبت پیدا ہوتی ہے نیز مطالعے کی عادت کو پروان چڑھایا جاتا ہے۔

گزشتہ روز کراچی عالمی کُتُب میلے (کراچی انٹرنیشنل بک فیئر) کا انعقاد ہوا جس میں دارالمدینہ انٹرنیشنل اسلامک اسکول سسٹم کلفٹن، گلشن اقبال، ملیر، صدر، نارتھ کراچی، اورنگی اور کورنگی کیمپسزکے طلبہ نے خصوصی طور پر شرکت کی۔

اس میلے میں طلبہ نے اپنے اساتذہ کی رہنمائی میں دارالمدینہ انٹرنیشنل یونیورسٹی پریس، مکتبۃ المدینہ اور دیگر پبلشرز کے اسٹالز کا خصوصی دورہ کیا۔اس موقع پر طلبہ نے خوبصورت اور رنگ برنگی کتابیں دیکھنے میں خصوصی دلچسپی کا اظہار کیا اور اپنی پسند کی کتابیں بھی خریدیں۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

دعوتِ اسلامی  کے شعبہ اصلاحِ اعمال کے زیرِ اہتمام 18 دسمبر 2022ء کو ڈیفنس فیز 4 کراچی میں قائم فیضانِ رمضان مسجد میں سحری اجتماع

کا سلسلہ ہوا جس میں مقامی عاشقانِ رسول و دیگر ذمہ داران نے شرکت کی۔

اسلامی بھائیوں نے تہجد کی نماز باجماعت ادا کی اور مناجات کی۔بعدازاں کراچی سٹی اصلاحِ اعمال ذمہ دار شیراز عطاری نے ’’تہجد کی نماز کی فضیلت ‘‘ کے موضوع پر سنتوں بھرا بیان کیا۔ اس کے بعد اسلامی بھائیوں نے سحری کی اور اذانِ فجر کے بعد مسجد کے باہر جاکر اہلِ علاقہ کو نمازِ فجر کے لئے جگایا۔

اس کے علاوہ ڈیفنس کراچی میں مزید 4 مقامات پر سحری اجتماعات منعقد ہوئے جن میں مقامی عاشقانِ رسول نے شرکت کی۔(رپورٹ: شیراز عطاری کراچی اصلاح اعمال،کانٹینٹ:رمضان رضا عطاری)

آج رات مؤرخہ 22 دسمبر 2022ء بروز جمعرات دعوت اسلامی کے زیر اہتمام دنیا بھر میں ہفتہ وار اجتماعات کا انعقاد کیا جائیگا جن میں اراکین شوریٰ و مبلغین دعوت اسلامی سنتوں بھرے بیانات فرمائیں گے۔اجتماع کا آغاز تلاوت قرآن مجید سے شروع ہوگا جبکہ اختتام بروز جمعہ نماز اشراق و چاشت کی ادائیگی کے ساتھ ہوگا۔

تفصیلات کے مطابق مدنی چینل پر براہ راست ہونے والے ہفتہ وار اجتماع میں میمن مسجد بولٹن مارکیٹ کراچی سے رکن شوریٰ مولانا حاجی عبد الحبیب عطاری سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں مبلغ دعوت اسلامی مولانا محمد اشفاق عطاری مدنی، مدنی مرکز فیضان مدینہ ڈھوک جمعہ جہلم میں رکن شوریٰ مولانا حاجی محمد اسد عطاری مدنی، مدنی مرکز فیضان مدینہ جوہرٹاؤن لاہور میں رکن شوریٰ حاجی منصوررضا عطاری اور جامع مسجد اقصیٰ شیرانوالہ گیٹ، لاہور میں نگران مجلس شعبہ پروفیشنلز فورم محمد ثوبان عطاری سنتوں بھرا بیان فرمائیں گے۔