بیرونِ ممالک میں ہونے والے دعوتِ اسلامی کے دینی کاموں کے سلسلے میں 17 اکتوبر 2025ء کو مدنی مشورے کا اہتمام کیا گیا جس میں ملک سطح کی علاقائی دورہ برائے نیکی کی دعوت ذمہ دار اور فنانس ڈیپارٹمنٹ ذمہ دار اسلامی بہنوں نے شرکت کی۔

اس موقع پر ذمہ دار اسلامی بہنوں نے مختلف دینی امور پر مشاورت کی جن میں سے بعض درج ذیل ہیں:

٭ڈونیشن جمع کرنا اور کروانا٭اوبرن اور کینٹربری کاؤنسل میں درس و بیان سمیت سیکھنے سکھانے کے حلقے لگانا٭سنتوں بھرا اجتماع کورس کے ذریعے نئی ذمہ دار اسلامی بہن تیار کرنا٭کینبرا، کوئنزلینڈ، ایڈیلیڈ، پرتھ اور میلبرن میں مدنی پھولوں کے مطابق علاقائی دورہ برائے نیکی کی دعوت کرنا٭محفلِ نعت کا شیڈول۔

16 اکتوبر2025ء کو  عاشقانِ رسول کی دینی تحریک دعوتِ اسلامی کے تحت نیو زی لینڈ نگران کے ہمراہ ایک اہم مدنی مشورہ منعقد ہوا جس میں مختلف دینی امور پر تفصیلی گفتگو کی گئی ۔

معلومات کے مطابق مدنی مشورے میں درج ذیل اہم امور پر غور کیا گیا:

٭مدرسۃ المدینہ گرلز کی ٹیچر کے لئے ٹریننگ پروگرام ٭ماہانہ دو بار فیملی اجتماع شروع کروانا ٭ٹیلی تھون کارکردگی کا جائزہ لیا ٭محفل نعت کا جائزہ ٭مبلغۂ اسلامی بہن کا بیان رکھوانا٭انفرادی کوشش کے دوران رسائل کی تقسیم۔

15 اکتوبر 2025ء کو  عالمی سطح پر دینی خدمات سرانجام دینے والی عاشقانِ رسول کی دینی تحریک دعوتِ اسلامی کے تحت وکٹوریا نگران، کانٹیننٹ نگران اور ایسٹ کاؤنسل نگران اسلامی بہنوں کی میٹنگ منعقد ہوئی جس میں مختلف اہم امور پر تفصیلی تبادلۂ خیال کیا گیا جن میں سے بعض درج ذیل ہیں:

٭ایسٹ کاؤنسل کے دینی کاموں میں مزید بہتری لانے کے لئے آئندہ کی پلاننگ کی گئی٭وقف مبلغہ کا دینی کاموں کے حوالے سے سفر ٭بچوں اور اسلامی بہنوں کے لئے مختلف کورسز کا انعقاد ٭مدرسۃ المدینہ گرلز ویک اینڈ پروگرام کا آغاز کرنا٭فیضان ویک اینڈ اسلامک اسکول کی مستقبل کی پلاننگ کرناتاکہ تعلیمی معیار کو بہتر بنایا جا سکے٭ مختلف کمیونٹی (مثلاً افغانی، سری لنکن، اور البانین کمیونٹی) میں دینی کام کرنا٭دیگر سنی اداروں میں دینی کام کرنا٭مدنی قاعدہ کریش پروگرام کا انعقاد کرنا٭ایونٹس کو مؤثر انداز میں فیضانِ صحابیات میں کیسے منعقد کیا جائے؟٭وقف مبلغہ کے دینی کاموں کو وسعت دینے کے لئے مختلف نکات پر گفتگو ٭آنے والی تعطیلات (چھٹیوں) میں سمر کیمپس کے انتظامات ٭جامعۃ المدینہ بوائز کے ایڈمیشن۔

U.Kمیں Graduation Ceremony 2025 کا انعقاد

فارغ التحصیل 17 علمائے کرام کی دستار بندی کی گئی

یہ پرُوقار تقریب طلبۂ کرام کی علمی و دینی کامیابیوں کے اعتراف میں دعوتِ اسلامی کے تعلیمی شعبہ جامعۃ المدینہ U.K کے زیر اہتمام 02 نومبر 2025ءکو Manchester Central Mosque UK میں منعقد کی گئی۔ تقریب میں مختلف جامعات اہلسنت و اسلامک سینٹر کے علماء و ائمہ کرام، سیاسی و سماجی شخصیات، سرکاری عہدیداران، جامعۃ المدینہ کے اساتذہ و طلبۂ کرام، والدین و سرپرست، دعوتِ اسلامی کے ذمہ داران اور مختلف علاقوں کے عاشقانِ رسول شریک ہوئے۔

پروگرام کا آغاز تلاوتِ قرآنِ پاک اور نعتِ رسول مقبول صلَّی اللہ علیہ واٰلہٖ وسلَّم سے ہواجس کے بعد رکن شوریٰ حاجی خالد عطاری نے سنتوں بھرا بیان کرتے ہوئے شعبہ جامعۃ المدینہ کا تعارف پیش کیااور U.K میں جامعۃ المدینہ کا آغاز اور اب تک فارغ التحصیل ہونے والے علمائے کرام کی تعداد کے متعلق بریفنگ دی۔بیان میں بتایا گیا کہ کس طرح دعوتِ اسلامی اور اس کے ذمہ داران اس شعبے کو آگے بڑھانے اور اس کے نظام کو چلانے کے لئے دن رات اپنی خدمات پیش کرتے ہیں جن کا صرف ایک ہی مقصد ہوتا ہے کہ دنیا بھر میں دین اسلام اور قرآن و سنت کی تعلیمات کو عام کیا جائے۔

پُر وقار تقریب میں شیخ الحدیث والتفسیر مفتی محمد قاسم عطاری مُدَّ ظِلُّہُ العالی نے”علم کا سفر کہاں سے شروع ہوا؟“ کے موضوع پر بیان کیا۔ مفتی صاحب نے فرمایاکہ اس کی ابتداء اللہ تبارک و تعالیٰ نے حضرت آدم علیہ السلام کو علم عطا فرما کر کی، اللہ تبارک و تعالیٰ نے ابو البشر علیہ السلام کو سب سے پہلے جو شرف عطا فرمایا وہ علم کا شرف تھا، اللہ تبارک و تعالیٰ نے جب حضرت آدم علیہ السلام کودنیا میں اتارا تب بھی صحیفوں کے ذریعے انہیں علم عطا فرمایا اور یہ سلسلہ یونہی چلتا رہا۔اس موقع پر مفتی صاحب نےعلم کی اہمیت و فضیلت پرمختلف فرامین باری تعالیٰ اور احادیث نبوی صلَّی اللہ علیہ واٰلہٖ وسلَّم کو بیان کیا۔آپ نے کہا کہ علم پڑھنے پڑھانے اور سیکھنے سکھانے والے اپنے رب پر بھروسہ کرتے ہوئے یہ کہ سکتے ہیں کہ اللہ پاک نے ان کے ساتھ بھلائی کا ارادہ کیا ہوا ہے۔بیان میں کہا گیا کہ ”عالم کی فضیلت عابد پر ایسی ہی ہے جیسے چاند کی فضیلت ستاروں پر“، علم سیکھنا بہترین عبادت ہے، دن رات نفل پڑھنے والے اور علم دین سیکھنے والے یہ دونوں برابر نہیں ہوسکتے، علم دین سیکھنے والوں کے لئے فرشتے اپنے پر بچھادیتے ہیں، دنیا میں انیبائے کرام علیہ السلام کی بعثت کا ایک مقصد لوگوں علم سکھانا تھا۔ ہمارے آقا کریم صلَّی اللہ علیہ واٰلہٖ وسلَّم دین اسلام کے سب سے پہلے معلم ہیں اور آپ کے شاگرد صحابہ کرام علیہم الرضوان ہیں، صحابہ کرام علیہم الرضوان علمِ دین حاصل کرنے کے لئے وقتاً فوقتاً بارگاہِ رسالت صلَّی اللہ علیہ واٰلہٖ وسلَّم میں حاضری دیا کرتے تھے، علم دین سیکھنے سکھانے کے لئے ہمارے اسلاف نے دنیا بھر کا سفر کیا اور آنے والی آزمائشوں پر صبر کیا۔ مفتی صاحب کی جانب سے شرکا کو علم دین حاصل کرنے، فرض علوم (مثلاً وضو، غسل، نماز)، والدین کے حقوق، میاں بیوی کے حقوق اور دیگر ضروری مسائل سیکھنے کی ترغیب دلائی گئی۔

بیان کے بعد درسِ نظامی (عالم کورس)مکمل کرنے والے خوش نصیب 17علمائے کرام کے سروں پر مفتی صاحب کے ہاتھوں دستار سجائی گئی اور انہیں Certificate دیئے گئے۔ آخر میں صلوۃ و سلام اور دعا کا سلسلہ ہوا۔

U.S.Aمیں گریجویشن سیریمنی 2025ء کا انعقاد

فارغ التحصیل 21 علمائے کرام کی دستار بندی کی گئی

دعوتِ اسلامی کے تعلیمی شعبہ جامعۃ المدینہ U.S.A کے زیر اہتمام 02 نومبر 2025ءکو Safari Texas Rench Sugar Land میں عظیم الشان ”Graduation Ceremony 2025 “کا انعقاد کیا گیا جس میں مختلف جامعات اہلسنت و اسلامک سینٹر کے علماء و ائمہ کرام، سیاسی و سماجی شخصیات، سرکاری عہدیداران، جامعۃ المدینہ کے اساتذہ و طلبۂ کرام، دعوتِ اسلامی کے ذمہ داران اور مختلف علاقوں کے عاشقانِ رسول شریک ہوئے۔

پروگرام کا آغاز تلاوتِ قرآنِ پاک اور نعتِ رسول مقبول صلَّی اللہ علیہ واٰلہٖ وسلَّم سے ہواجس کے بعد جامعۃ المدینہ کے استاد و مبلغ دعو تِ اسلامی احمد خان عطاری مدنی نے ”مَنْ لَمْ يَشْكُرِ النَّاسَ لَمْ يَشْكُرِ اللَّهَ“ کے موضوع پر گفتگو کی اور شکر کرنے کے حوالے سے شرکا کی رہنمائی کی۔

کراچی پاکستان سے مدنی چینل کے ذریعے دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا۔ بیان کرتے ہوئے نگران شوریٰ نے فرمایا کہ جو اپنی دنیا سے محبت کرتا ہے اس کی آخرت کو نقصان پہنچتا ہےاور جو آخرت سے محبت کرتا ہے اس کی دنیا کو نقصان پہنچتا ہے، یعنی دنیا کو سنوارنے سے آخرت اور آخرت کو سنوارنے سے دنیاخراب ہوتی ہے تو آقا کریم صلَّی اللہ علیہ واٰلہٖ وسلَّم فرماتے ہیں کہ باقی رہنے والی چیز کو ترجیح دینی چاہیئے، ہمارے نزدیک باقی رہنے والی چیز آخرت ہے۔ ہم یہ کہہ سکتے ہیں کہ جن والدین نے اپنے بچوں کو درسِ نظامی کے لئے جامعۃ المدینہ میں داخل کروایا انہوں نے اپنے اور اپنے بچوں کے لئے دُنیا پر آخرت کو ترجیح دی اور یہ عمل والدین کے لئے صدقۂ جاریہ ہےکیونکہ ان کے مرنے کے بعد بھی ان کی اولاد ان کے لئے ایصالِ ثواب کرتی رہے گی۔ اس موقع پر نگران شوریٰ کا کہنا تھا کہ اس پُر فتن دور میں جہاں دنیا کمانے اور دنیا پڑھنے کے تعلق سے Race لگی ہوئی ہے ایسے ماحول سے نکل کر علم دین حاصل کرنا یہ اللہ پاک کی رحمت سے ہی ممکن ہوسکتا ہےاس کے علاوہ نہیں ہوسکتا اور یہ سب ہمارے رب کریم کا فضل ہے۔اس کے علاوہ نگران نے مزید کہا کہ یہ ہماری خوش قسمتی ہے کہ ہم آج ایسی Graduation Ceremonyکو Celebrateکررہے ہیں جنہوں نے درسِ نظامی پورا کیا، علم دین سیکھا اور جنہوں نے کئی سال اللہ و رسول کے دین کو پڑھنے میں گزارا۔یہ پروگرام فارغ التحصیل ہونے والے علمائے کرام کے لئے Appreciation اور ہمارے لئے Motivation ہے کہ ہمیں بھی اس طرف آنا چاہیئے، اپنے بچوں کو اس فیلڈ میں لانا چاہیئے۔ بیان کے آخر میں شرکا کو دعوتِ اسلامی کے دینی ماحول سے وابستہ ہونے اور اس کے ساتھ ہمیشہ جڑے رہنے کا ذہن دیا۔

پروگرام کے دوران شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ کا ویڈیو پیغام بھی دیکھایا گیاجس میں امیر اہلسنت نے فارغ التحصیل ہونے والے علمائے کرام، ان کے والدین و سرپرست اور پروگرام کے تمام شرکا کو مبارکباد دی۔امیر اہلسنت نے علمائے کرام کی تربیت فرماتے ہوئے انہیں ہمیشہ دینی ماحول سے وابستہ رہنے اور درس و تدریس کی فیلڈ سے جڑے رہنے کا ذہن دیتے ہوئے انہیں دُعاؤں سے نوازا۔

آخر میں جامعۃالمدینہ USA سے فارغ التحصیل ہونے والے 21 علمائے کرام کی دستار بندی کی گئی اور انہیں Certificate دیئے گئے۔

صلوۃ و سلام اور دعا پر Graduation Ceremony 2025 اپنے اختتام کو پہنچی۔

4 نومبر 2025ء کو حضرت سیّد غلام نبی شاہ رحمۃاللہ علیہ المعروف سمندری بابا کے مزار پر دعوتِ اسلامی کے تحت ہونے والے سنتوں بھرے اجتماع میں اسپیشل پرسنز کے لئے خصوصی حلقے کا اہتمام کیا گیا جس میں اسپیشل پرسنز کی اشاروں زبان میں رہنمائی کی گئی۔

ڈسٹرکٹ ملیر کے ذمہ دار اویس عطاری نے صاحبِ مزار کی مختصر سیرت بیان کرتے ہوئے اسپیشل پرسنز کو سنتوں پر عمل کرنے اور دعوتِ اسلامی کے تحت 1 ماہ کے قافلے میں سفر کرنے کا ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

گجرانوالہ، پنجاب کے علاقے قلعہ دیدار سنگھ میں 4 نومبر 2025ء کو ایک اہم مدنی مشورہ ہوا جس میں شعبہ اوراقِ مقدسہ کی آگاہی مہم  کے حوالے سے کلام کیا گیا نیز قلعہ دیدار سنگھ کے گودام میں موجود اوراقِ مقدسہ کے باکسز اور بڑے ڈرمز کا وزٹ کیا گیا۔

معلومات کے مطابق اس مدنی مشورے میں شعبے کے صوبائی ذمہ دار محمد فہیم عطاری نے مختلف اداروں میں جاکر اسلامی بھائیوں سے ملاقاتیں کیں اور اُن کے درمیان سیکھنے سکھانے کے حلقے لگائے جبکہ اسلامی بھائیوں کو مکتبۃالمدینہ کا رسالہ ”اوراقِ مقدسہ کے آداب و مسائل“ تحفے میں پیش کیا گیا تاکہ ذمہ داران اوراقِ مقدسہ کے مسائل کے بارے میں آگاہی حاصل کرسکیں۔

بعد ازاں تحصیل نگران اسلامی بھائیوں کے ہمراہ ایک اور مدنی مشورہ ہوا جس میں شعبہ کے امور اور اوراقِ مقدسہ کے تحفظ کے حوالے سے مشاورت کی گئی جس میں قرآن محل بنانے کا بھی ذکر کیا گیا تاکہ اوراق مقدسہ کا تحفظ مضبوط بنایا جا سکے۔(رپورٹ: حافظ نسیم عطاری سوشل میڈیا شعبہ تحفظ اوراق مقدسہ ، کانٹینٹ:غیاث الدین عطاری)

مظفرگڑھ ڈسٹرکٹ، ڈیرہ غازی خان، پنجاب  میں 22 اکتوبر 2025ء کو دعوتِ اسلامی کے تنظیمی معاملات کے سلسلے میں شعبہ تحفظِ اوراقِ مقدسہ کے تحت اہم میٹنگ منعقد ہوئی جس میں ڈویژن ذمہ دار محمد خالد عطاری اور تمام محافظینِ اوراقِ مقدسہ نے شرکت کی۔ میٹنگ کا مقصد سابقہ نکات پر تبادلہ ٔخیال کرنا تھا ۔

اس موقع پر شعبے کےصوبائی ذمہ دار محمد فہیم عطاری نے ٹیلی تھون 2025ء کی کارکردگی کا جائزہ لیتے ہوئے اچھی کارکردگی کے حامل اسلامی بھائیوں کی حوصلہ افزائی کی اور انہیں تحائف سے نوازا۔

دورانِ میٹنگ باکسز کا بھی جائزہ لیا گیا نیز جن مقامات پر باکسز تبدیل کرنے کی ضرورت تھی وہاں ذمہ دار اسلامی بھائیوں کو ہدایات دی گئی تاکہ نئے اور پرانے باکسز لگائے جاسکے۔

علاوہ ازیں ذمہ دار اسلامی بھائیوں نے شخصیات سے ملاقات کی اور ہاتھوں ہاتھ 80 نئے باکسز وصول کئے تاکہ تنظیمی معاملات کو مزید احسن انداز میں کیا جاسکے جبکہ میٹنگ میں شریک اسلامی بھائیوں نے ٹیلی تھون کی رقم بھی جمع کروائی۔(رپورٹ: حافظ نسیم عطاری سوشل میڈیا شعبہ تحفظ اوراق مقدسہ ، کانٹینٹ:غیاث الدین عطاری)

دعوتِ اسلامی کے زیر اہتمام 06 نومبر 2025ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکینِ شوریٰ ومبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماعات میں مسلمانوں کی اصلاح، کردار کی تعمیر اور بہتر زندگی گزارنے کے طریقے بیان کئے جاتے ہیں۔ اس کے ساتھ ساتھ شرکا کو گناہوں سے توبہ کی ترغیب دی جاتی ہے اور روحانی ترقی کے لیے ذکر و اذکار و دعاؤں کا سلسلہ بھی جاری رہتا ہے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں رکنِ شوریٰ قاری سلیم عطاری، مدنی مرکز فیضانِ مدینہ شاہ رکن عالم کالونی نزد انصاری چوک ملتان سے سنتوں بھرا بیان فرمائیں گے۔

اس کے علاوہ کمفرٹ بینکوئٹ، کچھی کالونی، نزد فاطمہ ریسٹورنٹ، مین میمن گوٹھ روڈ کراچی میں مولانا حاجی عبد الحبیب عطاری، مدنی مرکز فیضان مدینہ ڈسکہ میں مولانا حاجی محمد اسد عطاری مدنی، جامع مسجد محمدی حنفیہ، سوڈیوال لاہور میں رکن شوریٰ حاجی یعفور رضا عطاری اور مدنی مرکز فیضان مدینہ Malabar Road Leicester LE1 2LG میں رکن شوریٰ حاجی خالد عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

30 اکتوبر 2025ء کو ضلع وہاڑی، پنجاب کے شہر میلسی میں عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات   کے ذمہ داران نے DSP مہرسعیداحمدسیال سے اُن کے آفس میں جاکر ملاقات کی۔

ذمہ دا ر اسلامی بھائیوں نے DSP مہرسعیداحمدسیال کو پَرموشن پر مبارکباد پیش کرتے ہوئے انہیں عالمی سطح پر ہونے والی دینی و فلاحی خدما ت کے بارے میں بتایا نیز دعوتِ اسلامی کے مدنی مرکز فیضانِ مدینہ کا وزٹ کرنے اور ہفتہ وار سنتوں بھرے اجتماع میں شرکت کرنے کی دعوت بھی دی۔

بعدازاں ذمہ دار اسلامی بھائیوں کی جانب سے DSP مہرسعیداحمدسیال کو ماہنامہ فیضانِ مدینہ سمیت دیگر کتابیں تحفے میں دی گئیں جس پر انہوں نے خوشی کا اظہار کیا۔

اس موقع پر شعبے کے ڈویژنل ذمہ دار فدا علی عطاری، مرکزی جامعۃالمدینہ فیضانِ مدینہ میلسی کے ناظم مولانا صدام عطاری مدنی اور محمد افتخار عطاری موجود تھے۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

جلالپورپیروالا، ڈسٹرکٹ ملتان:

دعوتِ اسلامی کے تحت ڈسٹرکٹ ملتان کی تحصیل جلالپور پیر والا میں نگرانِ شعبہ FGRF شفاعت علی عطاری اور شعبہ رابطہ برائے شخصیات کے ڈویژنل ذمہ دار فدا علی عطاری نے ذمہ دار اسلامی بھائیوں کے ایک وفد کے ہمراہ ڈپٹی ڈائریکٹر لائیو اسٹاک ڈاکٹر جمشید اختر سے ملاقات کی۔

ملاقات کے دوران ڈاکٹر جمشید اختر نے دعوتِ اسلامی کی فلاحی خدمات بالخصوص حالیہ سیلابی صورتحال کے دوران لائیو اسٹاک کے حوالے سے شعبہ FGRF کی جانب سے کئے گئے اقدامات کو سراہا جن میں جانوروں کا ریسکیو کرنا، وَنڈہ، چارہ اور مویشیوں کی دیکھ بھال شامل تھے۔

جلالپور پیر والا، ڈسٹرکٹ ملتان میں حالیہ سیلاب سے متأثر ہونے والے تقریباً 3 ہزار 500 خاندانوں میں راشن تقسیم کرنے کے لئے  دعوتِ اسلامی کےفلاحی شعبے FGRF کے زیرِ اہتمام 28 اکتوبر 2025ء کو ایک تقریب منعقد ہوئی۔

اس تقریب میں علاقے کے MPA لعل محمد جوئیہ کی نمائندگی کرتے ہوئے اُن کے بھتیجے و داماد ملک ماجد حسین جوئیہ، سیاسی و سماجی شخصیات، نگرانِ شعبہ FGRF شفاعت علی عطاری اور ذمہ دارانِ دعوتِ اسلامی سمیت دیگرعاشقانِ رسول نے کثیر تعداد میں شرکت کی۔

تقریب کے اختتام پر نگرانِ شعبہ FGRF نے ملک و قوم کی سلامتی کے لئے خصوصی دعا کروائی جبکہ وہاں موجود سیلاب سے متأثرہ افراد کے درمیان راشن تقسیم کئے گئے جس پر انہوں نے دعوتِ اسلامی کی اس امداد پر خوشی کا اظہار کیا اور دعوتِ اسلامی سمیت امیرِ اہلِ سنت دامت بَرَکَاتُہمُ العالیہ کا شکریہ ادا کیا۔(رپورٹ: شعبہ FGRF ، کانٹینٹ:غیاث الدین عطاری)