دعوت اسلامی کے زیر اہتمام 27 نومبر 2021ء کو جامشورو کابینہ جھرک ڈویژن کے علاقہ شیخ سومار میں محفل نعت کا انعقاد کیا گیا جس میں مقامی اسلامی بہنوں سمیت کابینہ نگران اور ڈویژن ذمہ دار اسلامی بہنوں نے شرکت کی۔

مبلغہ دعوت اسلامی نے سنتوں بھرا بیان کیا۔ آخر میں نگران کابینہ اسلامی بہن نے ذمہ دار اسلامی بہنوں سے ملاقات اور ٹیلی تھون کا ذہن دیا جس پر اسلامی بہن ایک یونٹ جمع کروائے نیز اسلامی بہنوں نے علاقہ شیخ سومار میں دینی کاموں کو بڑھانے کی نیت بھی کی۔

شعبہ اسلامی بہنوں کے مدرسۃ المدینہ کے تحت 27 نومبر 2021ء کو حیدر آباد کابینہ میں مدنی مشورہ ہوا جس میں زون، کابینہ اور ڈویژن سطح کی اسلامی بہنوں نے شرکت کی۔

ریجن زون مشاورت مدرسۃ المدینہ ذمہ دار اسلامی بہن نے تجوید کی اہمیت پر بیان کیا اور ذمہ داراسلامی بہنوں کو خود تجویدٹیسٹ دینے اور اپنی ماتحت اسلامی بہنوں کو ٹیسٹ میں کامیابی کے لئے اہداف دیئے۔

مدنی مشورے میں اسلامی بہنوں کے مدارس کی تعداد بڑھانے اورتعلیمی نظام مزید بہتر کرنے کے متعلق کلام کیا گیا نیز شعبے کے مختلف کاموں پر اہداف دیئے گئے۔

دعوت اسلامی کے شعبہ تعلیم للبنات کے زیر اہتمام  26 نومبر2021ء بروز جمعہ سہون شریف کابینہ کی ڈویژن بھان کی گورنمنٹ گرلز کالج میں ون ڈے سیشن کا انعقاد کیا گیا جس میں گیارہویں اور بارہویں جماعت کی اسٹوڈنٹس نے شرکت کی جن کی تعداد کم و بیش 38 تھی۔

سیہون شریف کابینہ شعبہ تعلیم کی ذمہ دار اسلامی بہن نے ”حضور غوث پاک رضی اللہ عنہ کی سیرت“ پر بیان کیا جبکہ اسٹوڈنٹس کو حضور غوث پاک رضی اللہ عنہ کی سیرت پر ایک شارٹ ویڈیو کلپ بھی دکھائی گئی۔ سیشن کے اختتام پر اسٹوڈنٹس کو دعوت اسلامی کے ہفتہ وار سنتوں بھرے اجتماع میں شرکت کرنے کی دعوت بھی پیش کی۔

اسلامی بہنوں کے شعبہ اصلاح اعمال کے زیر اہتمام 27 نومبر 2021ء کو شہداد پور کابینہ ڈویژن سعید آباد کے علاقہ کمیجا شاخ میں اصلاح اعمال اجتماع کا انعقاد کیا گیا جس میں کم و بیش 17 اسلامی بہنوں نے شرکت کی۔

مبلغہ دعوت اسلامی نے ”اپنی اصلاح کیسے کی جائے“ کے موضوع پر سنتوں بھرا بیان کیا اور اسلامی بہنوں کو نفل روزے رکھنے کی ترغیب دلائی۔ آخر میں رسالہ نیک اعمال کا جائزہ بھی کروایا گیا۔

اسلامی بہنوں کے شعبہ کفن دفن کے تحت 25 نومبر 2021ء  بروز جمعرات رنچھوڑلائن کابینہ علاقہ عرب شاہ کی شو مارکیٹ میں غسل میت کی تربیتی کلاس انعقاد کیا گیا جس میں 4اسلامی بہنوں نے شرکت کی۔

تربیتی کلاس میں انہیں غسل و کفن کا طریقہ سیکھایا گیا جس اسلامی بہنوں نے اچھے تاثرات دیئے اور دوبارہ ایسی تربیت رکھنے کی درخواست کی۔

پچھلےدنوں دعوتِ اسلامی کےشعبہ رابطہ برائےتاجران کےزیرِاہتمام مدنی مرکزفیضانِ مدینہ جوہرٹاؤن لاہورمیں مدنی مشورےکاانعقاد کیا گیاجس میں اراکینِ کابینہ اورڈویژن ذمہ داران نےشرکت کی۔

اس مدنی مشورے میں لاہور شمالی جنوبی نگرانِ شعبہ رابطہ برائے تاجران حاجی افضل عطاری نےذمہ داراسلامی بھائیوں کی تربیت ورہنمائی کرتے ہوئےدعوتِ اسلامی کے12دینی کاموں کافالواپ لیا۔

نگرانِ شعبہ نےدینی کاموں میں مضبوطی اورتقرری کےحوالےسےاہم نکات پرمشاورت کی جس پرمدنی مشورےمیں شریک اسلامی بھائیوں نےدعوتِ اسلامی کےدینی کاموں کوبھرپوراندازمیں کرنےکی اچھی اچھی نیتیں کیں۔(رپورٹ:شعبہ رابطہ برائےتاجران،کانٹینٹ:غیاث الدین عطاری)

دعوتِ اسلامی کےشعبہ رابطہ برائےتاجران کےتحت ریجن ذمہ دار حمزہ علی عطاری نےزون ذمہ دار زریاب عطاری کےہمراہ انڈر گراؤنڈ مارکیٹ لیاقت آباد کراچی کادورہ کیاجس دوران انہوں نےایک تاجراسلامی بھائی کےگھرسیکھنےسکھانےکاحلقہ لگایا۔

مبلغِ دعوتِ اسلامی نےسنتوں بھرابیان کرتےہوئےحلقےمیں شریک عاشقانِ رسول کو قراٰن پاک سیکھنے سکھانے اور پانچوں نمازیں باجماعت اداکرنے کا ذہن دیا۔

اس دوران ذمہ داران نےمارکیٹ کےمختلف تاجران سےملاقات کی اور انہیں 7دسمبر2021ءکومنعقدہونےوالےتاجراجتماع میں شرکت کرنے کی ترغیب دلائی جس پرتاجران نےاچھی اچھی نیتوں کااظہارکیا۔

اس کےعلاوہ 8دسمبر2021ءکو12دن کےایبٹ آبادجانےوالےمدنی قافلےمیں سفرکرنےکےحوالےسےذہن سازی کی۔(رپورٹ:شعبہ رابطہ برائے تاجران ،کانٹینٹ:غیاث الدین عطاری)

قراٰن کے احکامات،آیات کےمطالب ومعانی اورقراٰن کے پیش کردہ واقعات  میں غوروفکر کرنے والے اہلِ ایمان کو رب العزت کی طرف سےدین ودنیا میں کامیابی کی سند دی گئی ہے کہ حقیقی کامیاب لوگ وہی ہیں جو اللہ کی آیات میں غوروفکر کرکے اللہ کی حمد وثناکرتے ہیں۔

یقیقنا ًفہم قراٰن اورتدبر ِقراٰن کےلئے قراٰن کےمعانی ومطالب سمجھنے کی صلاحیت کے ساتھ ساتھ کسی مستند تفسیر کا مطالعہ بھی از بس ضروری ہوتا ہےاورآج کے اس ڈیجیٹل دو ر میں ہر کوئی موبائل کے ذریعے علم کا متلاشی بنا ہواہے۔

ہر فن سے متعلق مختلف Mobile applications کی بھی بہتات نظرآتی ہیں یوں ہی تفسیر ِقراٰن اورقراٰن فہمی کےلئے بہت ساری Mobile applications دستیاب ہیں چنانچہ دورِحاضرکی نزاکت کومحسوس کرتے ہوئےدعوت اسلامی کےشعبے انفارمیشن ٹیکنالوجی ( آئی ٹی ڈیپارٹمنٹ)نےمعرفۃ القراٰن علی کنز العرفان کو Mobile application کی صورت میں پیش کرنےکا عزم کیا۔

معرفۃ القراٰن Mobile application کی سب سےبڑی خصوصیت یہ ہےکہ اصل کتاب کو امیجز کی صورت میں دکھایا گیاہے اورساتھ ہی سرچنگ کا آپشن بھی دے دیا گیاہے۔

اس Application کے ذریعےآیت وائز اور پارہ وائز فہرست سےبھی استفادہ کیا جاسکتاہے۔ریڈنگ ہسٹری یعنی مطالعہ کی یاد داشت کے ساتھ شیئرنگ کی بھی سہولت دی گئی ہے تو ضرور اس Application سے استفادہ کرنے لئے ڈاؤن لوڈ کیجئے اور دوسروں کو تعلیم ِقراٰن کی ترغیب دلایئے۔ (رپورٹ:نعمان عطاری شعبہ آئی ٹی،ویب ڈیسک رائٹر:غیاث الدین عطاری)

دعوتِ اسلامی کےاسپیشل پرسنز ڈیپارٹمنٹ کے تحت اسپیشل پرسنز کے لئے عالمی مدنی مرکز فیضان مدینہ کراچی میں منعقدہونےوالے ہفتہ وار سنتوں بھرےاجتماع میں سیکھنےسکھانےکاحلقہ لگایا گیا جس میں گونگے، بہرے اور نابینا افراد نے کثیرتعدادامیں شرکت کی ۔

اس موقع پر اسپیشل پرسنزکی آسانی کے لئےمبلغِ دعوتِ اسلامی نےاس اجتماعِ پاک کی اشاروں کی زبان میں ترجمانی کی نیزاجتماعِ پاک کےاختتام پرصلوٰۃوسلام کاسلسلہ بھی رہا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ،کانٹینٹ:غیاث الدین عطاری)

پچھلےدنوں دعوتِ اسلامی کےتحت دارالافتاءاہلسنت کےمولانا محمد نوید عطاری مدنی نےدینی کاموں کےسلسلےمیں کشمور زون کے مدنی مرکز فیضانِ مدینہ ڈھرکی کادورہ کیاجس دوران اسلامی بھائیوں کےلئے ایک ورکشاپ کاانعقادکیاگیاجس میں ائمہ کرام، مؤذنین، ذمہ دران اور جامعۃ المدینہ کے طلبۂ کرام سمیت دیگرعلمائے کرام نے شرکت کی۔

اس موقع پرمولانا محمد نوید عطاری مدنی نےامامت کی اہمیت اور افادیت بتاتےہوئے ائمہ ومؤذنین کی ذمہ داریوں کے حوالے اصلاحی و علمی بیان کیا۔(رپورٹ:محمداحمدعطاری مدنی ڈویژن نگران ڈھرکی،کانٹینٹ:غیاث الدین عطاری)

دعوت اسلامی کے شعبہ مکتبۃ المدینہ للبنات کے تحت 25 نومبر 2021ء  کراچی زون ساؤتھ 1لیاری کابینہ اور کھارادر کابینہ کا مشترکہ مدنی مشورہ ہوا جس میں زون مشاورت اور کابینہ سمیت کم و بیش 45 اسلامی بہنوں نے شرکت کی۔

زون مشاورت شعبہ مکتبۃالمدینہ للبنات اسلامی بہن نے صلاحیت بڑھانے کے متعلق مدنی پھول دیئےاور ذمہ داران کے سوالات کے جوابات بھی دیئے۔

درود شریف کی فضیلت

فرمان مصطفےٰ صلی اللہ علیہ واٰلہٖ وسلم:جو ایک دن میں مجھ پر 100 مرتبہ دُرُود بھیجےگا،اللہ پاک اس کی 100 حاجتیں پوری فرمائے گا،ان میں سے 70 آخرت اور 30 دنیا کی ہوں گی۔ [1]

جدول کیا ہے؟

عاشقانِ رسول کی دینی تحریک دعوتِ اسلامی کے دینی ماحول میں”جدول (Schedule)“ کثرت سے بولی جانے والی ایک اصطلاح ہے۔جس کا مطلب ہے کہ ہر اسلامی بھائی اپنے روز مرہ کے کاموں کا جائزہ لیتے ہوئے دن رات کے اوقات کو اس طرح ترتیب دے کہ اسے بخوبی یہ بات معلوم ہو کہ اس نے فلاں کام فلاں وقت میں سر انجام دینا ہے۔

جدول کی اہمیت و ضرورت

نظامِ کائنات میں غور کریں تو ہر جگہ اللہ پاک کی قدرت کے جلوے دکھائی دیتے ہیں اور ہر شے ایک جَدْوَل کے تحت نظر آتی ہے یہی وجہ ہے کہ اس کائناتِ ہستی میں ہر شے کا ایک مَخْصُوص جدول کے تَحْت ہونا جہاں وجودِ باری تعالیٰ کی واضح دلیل ہے وہیں اس خالق و مالک کے قادر وحکیم ہونے کی بھی ایک واضح دلیل ہے جیسا کہ اللہ پاک ارشاد فرماتا ہے: لِکُلِّ نَبَاٍ مُّسۡتَقَرٌّ ۫ وَّ سَوۡفَ تَعۡلَمُوۡنَ﴿۶۷﴾ ترجمۂ کنزالعرفان:ہرخبرکیلئےایک وقت مقرر ہےاور عنقریب تم جان جاؤ گے۔(پ7، انعام:67)خزائن العرفان میں ہے: اللہ پاک نے جو خبریں دِیں ان کے لئے وَقْت مُعَیَّن ہیں ان کا وُقُوع ٹھیک اسی وَقْت ہوگا۔[2]اللہ پاک نظام ِ دنیا کو اپنی حِکْمَت سے چلا رہا ہے اور ہم پر لازم ہے کہ ہم اپنے کاموں کو سر انجام دینے کیلئے مَخْصُوص قواعد و ضوابط بنائیں تاکہ ہمارا ہر کام درست و مُنَظَّم ہو ،لہٰذا ہمیں چاہئے کہ ہم اپنے اوقات کا جدول بنائیں اور پھر اس پر حتی الامکان کاربند ہوجائیں۔

جدول کی اہمیت امیرِ اہل سنّت دامت بَرَکاتُہمُ العالیہ کی نظر میں

شیخِ طریقت امیر اہلِ سنت دامت بَرَکاتُہمُ العالیہفرماتے ہیں:ہو سکے تو اپنا یومیہ نظامُ الاوقات ترتیب دے لینا چاہیے۔ اَوّلاً عشا کی نَماز پڑھ کر حَتَّی الْاِمْکَان 2 گھنٹے کے اندر اندر جلد سو جائیے۔ رات کو فُضُول چوپال لگانا، ہوٹلوں کی رونق بڑھانا اور دوستوں کی مجلِسوں میں وَقْت گنوانا (جبکہ کوئی دینی مَصْلَحَت نہ ہو) بَہُت بڑا نقصان ہے۔تفسیر رُوحُ البیان میں ہے :قومِ لُوط کی تباہ کاریوں میں سے یہ بھی تھا کہ وہ چوراہوں پر بیٹھ کر لوگوں سے ٹھٹھا مسخری کرتے تھے۔[3]

نظام ُالاوقات مُتَعَیَّن کرتے ہوئے کام کی نَوعِیَّت اور کَیْفِیَّت کو پیشِ نَظَر رکھنا مُناسِب ہے۔ مَثَلًا جو اِسْلَامی بھائی رات کو جَلْدی سو جاتے ہیں، صُبْح کے وَقْت وہ تَر وتازہ ہوتے ہیں۔ لہٰذا عِلْمی مَشَاغِل کے لئے صُبْح کا وَقْت بَہُت مُناسِب ہے۔

کوشِش کیجئے کہ صُبْح اٹھنے کے بعد سے لے کر رات سونے تک سارے کاموں کے اَوقات مُقَرَّر ہوں مثلاً اتنے بجے تَہَجُّد،عِلْمی مَشَاغِل،مَسْجِد میں تکبیر اُولیٰ کے ساتھ باجَمَاعَت نَمازِ فجر(اسی طرح دیگر نَمازیں بھی) اِشْرَاق،چاشت، ناشتہ، کَسْب مَعاش،دوپہر کا کھانا، گھریلو مُعاملات،شام کے مَشَاغِل،اَچھّی صُحْبَت، (اگر یہ مُیَسَّر نہ ہو تو تنہائی بدرجہا بہتر ہے)، اسلامی بھائیوں سے دینی ضَروریات کے تَحْت مُلَاقَات وغیرہ کے اَوقات مُتَعیَّن کر لئے جائیں۔ جو اس کے عادی نہیں ہیں ان کے لئے ہو سکتا ہے شروع میں کچھ دُشواری ہو۔ پھر جب عادَت پڑ جائے گی تواس کی برکتیں بھی خود ہی ظاہِر ہو جائیں گی۔[4] اِن شاءَ اللہ

پیشگی جدول بنانے کے فوائد

اگر ہم دنیا و آخِرَت میں سرخروئی چاہتے ہیں تو ہمارےلئے ضروری ہے کہ اپنے اوقات کو ایک مخصوص جَدْوَل کے مُطابِق تقسیم کرکے اسی کے مُطابِق زندگی بَسَر کریں، کیونکہ اللہ پاک کے پیارے حبیب صلی اللہ علیہ واٰلہٖ وسلم کا فرما نِ عبرت نشان ہے:بندے کا غیر مفید کاموں میں مشغول ہونااس بات کی عَلامَت ہے کہ اللہ پاک نے اس سے اپنی نظر ِعنایت پھیر لی ہے اور جس مَقْصَد کے لئے انسان کو پیدا کیا گیا ہے،اگر اس کی زندگی کا ایک لمحہ بھی اس کے علاوہ گزر گیا تو وہ اس بات کا حقدار ہے کہ اس پر عَرْصَہ حَسْرَت دراز کر دیا جائے اور جس کی عمر 40 سال سے زِیادَہ ہوجائےاور اس کے باوُجُود اس کی برائیوں پر اس کی اچھائیاں غالِب نہ ہوں تو اسے جہنم کی آگ میں جانے کے لئے تیّار رہنا چاہئے۔

(مجموعۃ رسائل امام غزالی،ایھا الولد،ص۲۷۵)

(1) پیشگی جدول بنانا ،پورے ماہ میں دینی کام کرنے کی نیتیں بھی ہیں،صرف پیشگی جدول بنانے کی برکت سے کتنے سارے کاموں کی نیت کرنے کا ثواب ملے گا۔ ان شاۤءَ اللہُ الْکَریم

(2)غیر مفید کاموں سے بچت ہوگی (3)ہدف کے مطابق کام ہوگا اور جو کام ہدف کے ساتھ ہوتے ہیں، ان میں ترقی ہوتی ہے(4) روزانہ کے دینی کام پایہ تکمیل کو پہنچنے سے کام پینڈنگ نہیں ہوں گے(5)وقت کی پابندی کی عادت پیدا ہوگی(6) نگران و ماتحت میں ذہنی ہم آہنگی پیدا ہوگی(7)جدول کی بَرَکَت سے دینی کاموں کی صورتحال کا پتا چلے گا(8)اپنے شعبے کے مسائل کو حل کرنے کیلئے مناسب وقت نکال سکیں گے۔

جدول نہ بنانے کے نقصانات

(1)جدول نہ بنانے سے دینی کاموں میں کمزوری آسکتی ہے ۔(2) سستی پیدا ہو سکتی ہے ۔ (3) دینی کاموں کی ترقی میں رکاوٹ پیدا ہو سکتی ہے۔(4) دینی کاموں کی کَیْفِیَّت سے اپ ڈیٹ نہیں رہا جاسکے گا۔(5)…مدنی مرکز کی طرف سے ملے ہوئے اَہْدَاف کی بروقت تکمیل نہیں ہو سکے گی۔(6)… پوچھ گچھ نہیں ہو سکے گی۔(7)…ذمہ داران سے رابطہ ختم ہونے کا باعث بن سکتاہےجس کی وجہ سے آپس میں بد گمانیاں پیدا ہو سکتی ہیں ۔

ہمارا جدول کیسا ہونا چاہیئے؟

ہمارا جَدْوَل شَریعَت اور پیارے آقا صلی اللہ علیہ واٰلہٖ وسلم کے اسوۂ حسنہ اور دعوتِ اسلامی کے طریقۂ کار کے مُطابِق ہونا چاہئےکیونکہ اگر ہمارا جدول شَریعَت اور دعوتِ اسلامی کے تنظیمی اصولوں کے مُطابِق ہوگا تو دینِ اسلام کا پرچار ہوگا اور دعوتِ اسلامی کی ترقی ہو گی۔

کامل جدول میں کیا کیا ہونا چاہئے؟

یقیناً وہی جدول کامل جدول ہو گا، جس میں نمازِ پنجگانہ باجماعت مسجد میں ادا ہوتی ہوں، انفرادی عبادت، ماں باپ کی خدمت، بہن بھائیوں کی دل جوئی، بال بچوں کی دینی تربیت، رزقِ حلال کا حُصُول، بر وقت سونا جاگنا، روز وقتِ مقررہ پر محاسبہ ، روزانہ کے دینی کاموں میں شرکت اورہفتہ وار اجتماع میں اوّل تا آخر شرکت،ہفتے کو اجتماعی طور پر دیکھے جانے والے مدنی مذاکرے میں اوّل تا آخر شرکت، ہر ماہ تین3دن ،ہر 12 ماہ میں یکمشت ایک ماہ، عمر بھر میں کم از کم ایک بار یکمشت 12 ماہ، سب کچھ ہو۔

جدول بنانے کی نیّتیں

فرمانِ مصطفٰے صلی اللہ علیہ واٰلہٖ وسلم : مسلمان کی نیت اس کے عَمَل سے بہتر ہے۔[5]

❁اللہ پاک کی رِضا اور حصولِ ثواب کی خاطر جدول بناؤں گا ❁ماہانہ پیشگی جدول و مدنی مشوروں کا جدول بنا کر دینی کاموں کی پوچھ گچھ، کارکردگی کا جائزہ اور آئندہ کے اہداف پیش کروں گا۔❁متعلقہ ذِمہ دار کو جدول کی پیشگی اطلاع دوں گا تا کہ مدنی مشورے / مدنی قافلے یا اجتماع وغیرہ کی بھرپور تیاری ہو سکے۔❁جَدْوَل اور اس کی کارکردگی،اپنے نگران کوبغیر طَلَب کئے پہلے ہی واٹس ایپ /ای میل/پوسٹ کردوں گا ۔

❁کمزور اور نئے حلقوں/علاقوں/ڈویژنوں کا بھی جدول بناؤں گا، تاکہ وہاں بھی دعوتِ اسلامی کا کام بڑھے اور سنتوں کا احیا ہو۔❁12دینی کاموں کو بھی جَدْوَل میں شامِل کروں گا تاکہ میں عملی طور پر دعوتِ اسلامی والا رہ سکوں اور دوسروں کے لئے سراپا ترغیب بنوں اور دینی کاموں کی دھومیں مچاؤں ۔❁اپنے شعبے کے کاموں کو خوش دلی اور شَرْعِی تقاضوں کو مدِ نَظَر رکھتے ہوئے پورا کرنے کی کوشش کروں گا۔ان شاءَ اللہُ الْکَریم

اے کاش! ہمیں اچھی اچھی نیتوں کے ساتھ پیشگی جَدْوَل بنانا اور اس کی کارکردگی جَمْع کروانا نصیب ہو جائے۔آمین بجاہ النبی الامین صلی اللہ علیہ واٰلہٖ وسلم