پچھلے دنوں ایس پی ہاؤس سوئی میں دعوتِ اسلامی کے کوآرڈینیشن ڈیپارٹمنٹ کے تحت ایس پی ضلع ڈیرہ بگٹی عیسٰی جان رند سے دعوت اسلامی کے صوبائی نگران بلوچستان حاجی محمد انور عطاری سمیت دیگر ذمہ داران کی ملاقات ہوئی۔

اس دوران وہاں موجود اسلامی بھائیوں کے لئے سیکھنے سکھانے کا حلقہ لگایا گیا جس میں صوبائی ذمہ دار شعبہ جامعۃ المدینہ بوائز مولانا شہزاد احمد عطاری مدنی نے شرکا کو نیکی کی دعوت دیتے ہوئے دعوت اسلامی کے شعبہ FGRF کی جانب سے سیلاب زدگان میں ہونے والے مختلف امدادی کاموں کے حوالے سے آگاہی دی۔

علاوہ ازیں ایس پی ڈیرہ بگٹی نے دعوتِ اسلامی کی کاوشوں کو سراہا اور اپنی نیک خواہشات کا اظہار کیا جبکہ مبلغِ دعوتِ اسلامی نے ملک و قوم کی سلامتی، شہدائے پولیس نیز بارش و سیلاب متاثرین کے لئے دعا کروائی۔

اس موقع پر ڈویژن نگران سبی حاجی غلام حیدر عطاری، صوبائی ذمہ دار شعبہ FGRF ذوالفقار علی عطاری اور ضلع ڈیرہ بگٹی کے شعبہ رابطہ برائے شخصیات کے ذمہ دار محمد شعیب عطاری بھی موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

29 ستمبر 2022ء بروز جمعرات لیبر ڈیپارٹمنٹ سندھ سیکریٹریٹ میں دعوتِ اسلامی کے تحت میلادِ مصطفیٰﷺ پروگرام منعقد کیا گیا جس میں مختلف افسران نے شرکت کی جن میں لئیق احمد سیکریٹری لیبر اینڈ ہیومین ریسورسز ڈیپارٹمنٹ، محمد خالدخان ایڈیشنل سیکریٹری، شمس الدین شیخ ایڈیشنل سیکریٹری، محمد حسین یوسفزئی ڈپٹی سیکریٹری، آصف راجپوت ڈپٹی سیکریٹری اور نذیر خاصخیلی سیکشن آفیسر شامل تھے۔

اس پروگرام میں دعوتِ اسلامی کی مرکزی مجلسِ شوریٰ کے رکن حاجی محمد اطہر عطاری نے سنتوں بھرا بیان کرتے ہوئے میلادِ مصطفیٰ ﷺ کے واقعات بتائے نیز شرکا کو سرکار ﷺکی تعلیمات کے مطابق اپنی زندگی گزارنے کا ذہن دیا۔بعدازاں تمام آفیسرز کو دعوتِ اسلامی کے مکتبۃالمدینہ سے شائع ہونے والے رسائل تحفے میں پیش کئے۔(رپورٹ: شعبہ رابطہ برائے شخصیات، کانٹینٹ:غیاث الدین عطاری)

گزشتہ روز  وادی کمراٹ ضلع اپر دیر میں اسسٹنٹ کمشنر اپردیر محمد یار نے دعوت اسلامی کے شعبے FGRF کاسیلاب زدگان کے لئے امدادی کاموں کا جائزہ لیاجس پر اسسٹنٹ کمشنر نے دعوت اسلامی کی خدمات کو خوب سراہا ۔

یاد رہے !وادی کمراٹ اپر دیر میں FGRF کی طرف سے 1200 سے زائد گھرانوں کو راشن و امدادی سامان پیش کیا گیا ہے۔(رپورٹ: وقار مدنی عطاری ڈسٹرکٹ نگران اپر دیر ، کانٹینٹ : محمد مصطفی انیس)

27 ستمبر 2022ء  بروز منگل شعبہ رابطہ برائے شخصیات کے ذمہ داران نے انڈسٹریز ڈیپارٹمنٹ سندھ سیکریٹریٹ میں میلاد مصطفی ﷺ کے پروگرام میں شرکت کی ، ذمہ دار اسلامی بھائی نے تلاوت قراٰن پاک کی اور نعت رسول مقبول ﷺ کانذرانہ پیش کیا ، اس کے بعد مبلغ دعوت اسلامی نے سنتوں بھرا بیان کیا اور شرکا کو نیکی کی دعوت پیش کی۔

اجتماع کے اختتام پر ایڈیشنل سیکریٹری نے مدنی چینل کو اپنے تأثرات بھی ریکارڈ کروائے۔اس اجتماع میں درجِ ذیل افسران :

1۔ آغا فخر حسین ، ایڈیشنل سیکریٹری

2۔ احمد کھتری، ایڈمنسٹریٹو آفیسر

3۔ قاضی عابد، سیکشن آفیسر

4۔ احسن علی، سیکشن آفیسر

5۔ عبدالستار عباسی ، ڈپٹی ڈائریکٹر اور دیگر افسران و اسٹاف نے شرکت کی۔( رپورٹ: شعبہ رابطہ براے شخصیات مجلس کراچی ، کانٹینٹ : محمد مصطفی انیس)

26 ستمبر 2022ء  کو شعبہ رابطہ برائے شخصیات کے تحت ذمہ داراسلامی بھائیوں نے کراچی ونگ 34 میں ربیع الاول کے حوالے سے ونگ کمانڈر کرنل آصف علی ، میجر احسن اور ونگ ڈی ۔ایس۔ آر۔ منظور سے ملاقات کی اور ربیع الاول کے اجتماعات وجلوسوں کے انتظامات کے حوالے سے مشورہ کیا ۔

اس کے علاوہ کے۔پی۔ او۔ آفس میں ایڈیشنل آئی ۔جی ۔کراچی جاوید عالم اوڈھو ، ڈی ۔آئی ۔جی ۔ایڈمن عمران یعقوب ، ڈی ۔آئی ۔جی۔ ایسٹ مقدس حیدر ، ڈی ۔آئی ۔جی ۔ساؤتھ شرجیل کھرل ، ڈی ۔آئی ۔جی ۔ویسٹ ناصر آفتاب اور ایس ۔ایس ۔پی ۔کورنگی فیصل بشیر میمن، ایس ۔ایس ۔پی ۔عرفان بہادر اور ایس ۔ایس ۔پی ۔ایسٹ شیرازی سے ملاقاتیں کیں نیز میٹنگ میں سٹی ذمہ دار مجلس رابطہ حاجی یعقوب عطاری نے ربیع الاول کے پروگراموں کی تفصیل بیان کی ۔

27ستمبر 2022ء کو ڈپٹی کمشنر آفس کورنگی میں ایڈیشنل ڈپٹی کمشنر مشتاق جتوئی سے سیلاب متأثرین کیمپ کے حوالے سے میٹنگ کی نیز متاثرین کیمپ کا وزٹ کیا اور تھانہ زمان ٹاؤن میں ایس ۔ایچ ۔او ۔رضوان پٹیل ،ایچ ۔ایم ۔وقار اور انٹیلیجنس افسر نوازسے ملاقاتیں کیں۔(رپورٹ: غلام محبوب عطاری ڈسٹرکٹ کورنگی ، کانٹینٹ : محمد مصطفی انیس)

گزشتہ روز استقبال ماہِ میلاد کے سلسلے میں  زم زم میرج ہال سیالموڑ میں سنتوں بھرے اجتماع کا اہتمام کیا گیا جس میں مبلغِ دعوت اسلامی محمد ثوبان عطاری نے سنتوں بھرا بیان کیا ۔

اس اجتماعِ پاک میں ایم ۔پی۔ اے۔میاں مناظر علی رانجھا، کلکٹر محکمہ انہار فیصل آبادمحمد شہباز احمد قمر،ملک شہباز نٹھر ایڈوکیٹ، ایس ۔ڈی۔ او۔ واپڈا بھاگٹانوالہ محمد جمیل عطاری، وائس چیئرمین بھکھی کلاں ملک محمد خان کھوکھر ، تاجر مہر محمد افضل سیال اور پروفیشنلز شخصیات و دیگر عاشقانِ رسول نے شرکت کی ۔

اجتماع کے اختتام پر شرکاء نے مولانا ثوبان عطاری سے ملاقات بھی کی ۔(رپورٹ: کوآرڈینیشن ڈیپارٹمنٹ سیالموڑ/ڈسٹرکٹ سرگودھا ، کانٹینٹ : محمد مصطفی انیس)

گزشتہ روز لودہراں میں شعبہ رابطہ برائے شخصیات کے ذمہ داران نے مرکزی میلاد کمیٹی کی جانب سے استقبال ربیع الاول  اجتماع میں شرکت کی۔

اس موقع پر وزیر مملکت برائے داخلہ عبد الرحمٰن خان کانجو ، سابق وفاقی وزیرمذہبی امور صاحبزادہ حامد سعید کاظمی،چیئرمین آل پاکستان مشائخ کونسل صاحبزادہ خواجہ قطب الدین فریدی،سابق ضلعی چیئرمین میاں راجن سلطان پیرزادہ،ایم۔پی۔اے ۔پیر سید رفیع الدین شاہ، امیدوار MPA و منیجنگ ڈائریکٹر ایئر سیال مہر محمد اشرف سیال،سابق سٹی ناظم حاجی ملک غلام نازک ارائیں،سابق چیئرمین بلدیہ شیخ افتخارالدین تاری سمیت شہر بھر سے مختلف سیاسی وسماجی شخصیات ومیڈیا نمائندگان نے شرکت کی۔(رپورٹ: مجلسِ رابطہ ڈسٹرکٹ لودہراں ، کانٹینٹ : محمد مصطفی انیس) 

پچھلے دنوں گوجرانوالہ میں شعبہ رابطہ برائے شخصیات اور FGRF کے ذمہ داران نے مختلف سیاسی و سماجی شخصیات جن میں (ق) لیگ کے صدر خواجہ وقار ، چیئر مین خواجہ مدثر ، سابق مشیر وزیر اعلیٰ پنجاب پی ٹی آئی ٹکٹ ہولڈرپی پی 64 ایم ۔پی ۔اے ۔ایس اے حمید ، ٹکٹ ہولڈر ایم ۔ این ۔اے 77 چودھری صدیق مہر ، امید وار ایم۔ پی۔ اے حق نواز چیمہ اور چیئر مین طارق شاہ سے ان کے ڈیروں پر ملاقات کیں ۔

دورانِ ملاقات ذمہ دار اسلامی بھائی نے دعوت اسلامی کی دینی و فلاحی خدمات کے بارے میں بیان کیا نیز انہیں مدنی مرکز فیضان مدینہ گوجرانوالہ کا وزٹ کرنے کی دعوت دی اور اپنے اپنے ڈیروں پر پودے لگانے کا ذہن دیا جس پرشخصیات نے ذمہ داران کے ساتھ مل کر شجرکاری کی ۔(رپورٹ: محمد احسان عطاری ،شعبہ رابطہ برائے شخصیات ، کانٹینٹ : محمد مصطفی انیس)

پولیس لائنز حافظ آباد میں دعوت اسلامی کے زیر اہتمام شہداء گارڈن میں ڈسٹرکٹ پولیس آفیسر انور سعید کنگرا  کا وزٹ ہوا۔اس موقع پر شعبہ رابطہ برائے شخصیات کے ذمہ داران نے انہیں خوش آمدید کہا۔

اس دوران نے ڈسٹرکٹ نگران مولانا محمد وسیم عطاری نے ڈی پی او حافظ آباد کو باغ کا وزٹ کروایتے ہوئے ان کے ذریعے وہاں شجر کاری کی اور اس موقع پر ملک و قوم کی خوش حالی کے لئے دعاکروائی نیز دوران گفتگو ان کو دعوت اسلامی کے فلاحی کاموں کے حوالے سے اپڈیٹ کیا۔ ساتھ ساتھ پولیس لائنز میں محفل میلاد کرنے کے حوالے بات ہوئی جس پر انہوں بہت جلد محفل میلاد منعقد کرنے کی یقین دھانی کروائی۔(رپورٹ: محمد مدثر عطاری شعبہ رابطہ برائے شخصیات ڈسٹرکٹ حافظ آباد، کانٹینٹ: رمضان رضا عطاری)

پچھلے دنوں پھالیہ شہر میں  ڈی ایس پی سٹی گجرات چوہدری پرویز گوندل صاحب کی والدہ محترمہ کے ایصالِ ثواب کےسلسلے میں ایصال ثواب اجتماع کا انعقاد کیا گیا جس میں شعبہ رابطہ برائے شخصیات دعوتِ اسلامی گجرات کے ڈسٹرکٹ ذمہ دار حاجی ضیاءالرحمن عطاری سمیت دیگر ذمہ دران نے شرکت کی ۔

شعبہ رابطہ برائے شخصیات کے ذمہ دران نے ڈی ایس پی صاحب کے غم میں شریک ہوتے ہوئے ان سے والدہ کے انتقال پر اظہارِ تعزیت کیا اس دوران ڈی پی او سید غضنفرعلی شاہ صاحب سے ملاقات کی اور انہیں دعوت اسلامی کی خیر خواہی امت کے جذبےکے تحت دنیا بھر میں ہونے والی دینی و فلاحی خدمات سے آگاہ کیا ۔

دعوت اسلامی کی طرف سے ختمِ قل خوانی کے اس موقع پر 200 سے زائد قرآن پاک،سورتیں اور دیگروظائف چوہدری پرویز گوندل صاحب کی والدہ محترمہ کو ایصال کیے گئے اوران کے لیے بخشش و مغفرت کی دعا کی گئی۔(رپورٹ رابطہ برائے شخصیات دعوت اسلامی ڈسٹرکٹ گجرت)

ماہِ ربیع الاوّل میں دعوتِ اسلامی کے زیرِا ہتمام ہونے والے اجتماعِ میلاد اور جلوسِ میلاد کے حوالے سے ڈی آئی جی آفس میرپوخاص میں میٹنگ منعقد ہوئی جس میں ڈی آئی جی ذوالفقار علی مہر، ایس ایس پی کیپٹن اسد چوہدری، ایس ایس پی حسن اور ایس ایس پی اعجاز احمد شیخ سمیت ذمہ داران کی شرکت رہی۔

اس میٹنگ میں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے آفیسرز سے مختلف موضوعات پر گفتگو کی اور اجتماعِ میلاد و جلوسِ میلاد میں انتظامی معاملات پر مشاورت کی جس پر وہاں موجود آفیسرز نے مکمل تعاون کی یقین دہانی کروائی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

دعوتِ اسلامی خالصتاً غیر سیاسی تحریک ہے جس  کا کام دینِ اسلام کی دعوت دنیا بھر میں پہچانا ہے، ان خیالات کا اظہار ڈپٹی کمشنر ضلع کورنگی سیّد محمد علی زیدی نے FGRF کے CEO عمران گیگی کے ہمراہ آئے ہوئے وفد سے ملاقات کے دوران کیا۔

ڈپٹی کمشنر کا کہنا تھا کہ دعوتِ اسلامی دنیا بھر میں دین و دنیا کی بھلائی کے لئے دینی کاموں میں دن رات مصروفِ عمل ہےجس کا عملی ثبوت سیلاب زدگان کے لئے لگائے گئےریلیف کیمپس بھی ہیں۔

مزید اُن کا کہنا تھا کہ اللہ پاک دعوتِ اسلامی کے ذمہ داران کی محنت کو اپنی بارگاہ میں قبول فرمائے اور دعوتِ اسلامی کو دن دگنی اور رات چوگنی ترقی عطا فرمائے۔

بعدازاں ڈپٹی کمشنر نے ریلیف کاموں میں نمایاں کارکردگی دکھانے پر دعوتِ اسلامی کے شعبہ FGRF کو تعریفی اسناد پیش کی۔اس موقع پر حاجی یعقوب عطاری، غلام محبوب عطاری اور کاشف عطاری بھی موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )