گزشتہ روز  دعوت اسلامی کے شعبہ رابطہ برائے شخصیات کے تحت ذمہ داران نے لائیواسٹاک فارمز ویلفیئر ایسوسی ایشن خیبر پختونخواہ کے صوبائی صدر محمد آصف خان عوان اور پرائیویٹ سیکریٹری کوآرڈینیٹر کے۔پی۔ کے۔ عبد الکبیر خان سے ملاقات کی ۔

اس ملاقات میں ذمہ داران نے دعوت اسلامی کا تعارف پیش کیا اور اسکے دیگر شعبہ جات کے بارے میں بھی بریفنگ دی ، ساتھ ہی ساتھ FGRF کی خدمات بیان کیں، اجتماع میلاد النبی اور انتظامی معاملات پر مشورہ بھی کیا ۔

اس کے علاوہ میلاد النبی ﷺ کے سنتوں بھرے اجتماع میں شرکت کی دعوت دی ، جس پر آصف خان اعوان اور دیگر افسران نے اجتماع میں شرکت کی یقین دہانی کروائی ۔(رپورٹ: احمد رضا مدنی ، پشاور ڈویژن کوآرڈینیشن ڈیپارٹمنٹ ، کانٹینٹ: محمد مصطفی انیس )

لوگوں کی دینی و اخلاقی تربیت کرنے اور انہیں دینِ اسلام کی تعلیمات سے آگاہ کرنے کے لئے دعوتِ اسلامی کے تحت 3 اکتوبر 2022ء بروز پیر فیصل آباد ایڈن گارڈن میں حاجی محمد خالد کے گھر پر سیکھنے سکھانے کا حلقہ لگایا گیاجس میں سیاسی و سماجی شخصیات اور تاجران سمیت ذمہ دار اسلامی بھائیوں نے شرکت کی۔

تفصیلات کے مطابق دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”رزق ان کا ہے کھلاتے یہ ہیں“ کے موضوع پر سنتوں بھرا بیان کرتے ہوئے سرکارعلیہ السلام کے فضائل و کمالات بیان کئے۔

نگرانِ پاکستان مشاورت نے سرکارﷺ کی آمد کی خوشی میں اپنی گلیوں اور اپنے محلوں کو سجانے کے ساتھ ساتھ اپنے باطن کو بھی سنوارنے کی ترغیب دلائی نیز گناہوں سے بچتے ہوئے نیکیوں بھری زندگی گزارنے، نمازوں کی پابندی کرنے اور دعوتِ اسلامی کے دینی کاموں میں حصہ لینے کا ذہن دیا۔

دورانِ بیان شرکائے حلقہ کو اجتماع میلاد اور جلوس میلاد میں شرکت کرنے کی دعوت دی گئی جس پر انہوں نے اچھی اچھی نیتوں کا اظہار کیا۔بعدازاں نگرانِ پاکستان مشاورت حاجی محمد شاہد عطاری نے اختتامی دعا کروائی اور صلوٰۃ و سلام بھی پڑھا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے شعبہ رابطہ برائے شخصیات کے تحت عالمی مدنی مرکز فیضانِ مدینہ کراچی میں بلوچستان سے آئے ہوئے کچھ اضلاع کے ذمہ داران کی مرکزی مجلسِ شوریٰ کے رکن حاجی محمد اطہر عطاری سے ملاقات ہوئی۔

اس دوران رکن ِ شوریٰ حاجی محمد اطہر عطاری نے ذمہ داران سے دعوتِ اسلامی کے 12 دینی کاموں کے متعلق اہم امور پر گفتگو کی اور اُن کی حوصلہ افزائی کرتے ہوئے انہیں اخلاص کے ساتھ دینی کام کرتے رہنے کا ذہن دیا۔آخر میں رکنِ شوریٰ نے ذمہ دار اسلامی بھائیوں کو دعاؤں سے نوازا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں جشنِ عیدِ میلاد النبی ﷺ کے سلسلے میں دعوتِ اسلامی کے شعبہ رابطہ برائے شخصیات کے ذمہ داران نے ڈپٹی کمشنر آفس ٹنڈو محمد خان میں ہونے والی میٹنگ میں شرکت کی۔

دورانِ میٹنگ ذمہ دار اسلامی بھائیوں نے 12 ربیع الاول کی شب دعوتِ اسلامی کے تحت ہونے والے عظیم الشان اجتماعِ میلاد اور ربیع الاول کی دوپہر جلوسِ میلاد میں عاشقانِ رسول کی شرکت اور ان کی سیکیورٹی کے متعلق اہم نکات پر کلام کیا۔بعدازاں وہاں موجود آفیسرز نے دعوتِ اسلامی کے ساتھ مکمل تعاون کی یقین دہانی کروائی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

3 اکتوبر 2022ء بروز پیر مختلف شخصیات جن میں اسسٹنٹ کمشنر اشرف سانگھری، میونسپل کمشنر فاخر شاکر، ایم ڈی واسا انجم سعید، ڈی ایس پی پریل موریو، ایس ایچ او ایاز بکھو اور چیئر مین پولیس امن کمیٹی عمران سہروردی نے دعوتِ اسلامی کے مدنی مرکز فیضانِ مدینہ حیدر آبا دکا وزٹ کیا۔

اس دوران شعبہ رابطہ برائے شخصیات کے ذمہ داران نے شخصیات کو شعبہ ایف جی آر ایف دعوتِ اسلامی کی جانب سے سیلاب و بارشوں سے متأثرین کی بحالی اور امداد کے متعلق بریفنگ دی۔بعدازاں ذمہ داران نے شخصیات سے مختلف موضوعات پر گفتگو کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

امت کی خیر خواہی کا جذبہ رکھنے والی عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے ڈپٹی کمشنر کورنگی ڈاکٹر سیّد محمد علی سے ملاقات کی۔

دورانِ ملاقات ذمہ دار اسلامی بھائیوں نےڈپٹی کمشنر کو شعبہ ایف جی آر ایف دعوتِ اسلامی کی جانب سے اپریسیشن لیٹر پیش کیا۔

اس موقع پر ڈپٹی کمشنر نے دعوتِ اسلامی کی دینی و فلاحی خدمات کو سراہتے ہوئے اپنی نیک خواہشات کا اظہا رکیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

ماہِ ربیع الاول کی مناسبت سے فیصل آباد کے اطراف چک 206 میں MPA سردار مزمل سرور ڈوگر کی رہائش گاہ پر دعوتِ اسلامی کے زیرِ اہتمام سیکھنے سکھانے کا حلقہ لگایا گیا جس میں سیاسی و سماجی شخصیات، تاجران اور ذمہ داران سمیت دیگر عاشقان رسول کی شرکت رہی۔

اس حلقے میں دعوتِ اسلامی کی مرکزی مجلس ِشوریٰ کے رکن و نگرانِ پاکستان مشاورت حاجی محمد شاہد عطاری کی آمد ہوئی۔نگرانِ پاکستان مشاورت نے سنتوں بھرا بیان کرتے ہوئے پیارے آقاﷺ کے فضائل وخصوصیات کے بارے میں شرکا کو مدنی پھول دیئے۔

دورانِ بیان نگرانِ پاکستان مشاورت نے ربیع الاول میں پیارے آقا ﷺ کی آمد میں خوشی کا اظہار کرنے اور گلیوں و محلوں کو سجانے کے ساتھ ساتھ باطن کو سنوار تے ہوئے جھوٹ، چغلی اور غیبت جیسے گناہوں سے بچنے کی ترغیب دلائی۔

اس کے علاوہ نگرانِ پاکستان مشاورت حاجی محمد شاہد عطاری نے شخصیات کو اسلامی تعلیمات کے مطابق زندگی گزارنے نیز نماز کی پابندی کرنے اور دعوت اسلامی کے دینی کاموں میں حصہ لینے کا ذہن دیا۔

علاوہ ازیں نگرانِ پاکستان مشاورت نے اجتماعِ میلاد و جلوس ِمیلاد میں شرکت کرنے کے متعلق حاضرین کی ذہن سازی کی جبکہ سردار محمد سرور ڈوگر کے ایصالِ ثواب کے لئے خصوصی دعا کروائی اور صلاۃ وسلام پڑھا گیا۔آخر میں حلقے میں شریک شخصیات نے نگران ِپاکستان مشاورت حاجی محمد شاہد عطاری سے ملاقات کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

30 ستمبر 2022ء بروز جمعہ ماہِ میلاد کے سلسلے میں دعوتِ اسلامی کے تحت لاثانی پلی خیابان گارڈن فیصل آباد میں شخصیت محمد رضوان کے گھر پر سیکھنے سکھانے کا حلقہ لگایا گیا جس میں سیاسی و سماجی شخصیات، تاجران اور ذمہ داران سمیت دیگر عاشقانِ رسول نے شرکت کی۔

تفصیلات کے مطابق اس حلقے میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے پیارے آقا محمد مصطفٰیﷺ کی شان کے حوالے سے شرکا کو مدنی پھول دیئے۔

دورانِ بیان نگرانِ پاکستان مشاورت نے حاضرین کی ، تلاورتِ قراٰنِ پاک و نمازوں کی پابندی کرنے اور نیکی کے کاموں میں بڑھ چڑھ کر حصہ لینے کے متعلق ذہن سازی کی نیز ماہِ میلاد کی خوشی میں اپنے گھروں کو سجانے کا ذہن دیا جس پر انہوں نے اچھی اچھی نیتوں کا اظہا رکیا۔

علاوہ ازیں نگرانِ پاکستان مشاورت حاجی محمد شاہد عطاری نے دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِا ہتمام پنجاب پاکستان کی تحصیل دنیا پور میں شخصیات عبدالغنی طور، محمد انس طور اور چوہدری طور کے گھر پر سیکھنے سکھانے کا حلقہ لگایا گیا جس میں سیاسی و سماجی شخصیات، تاجران اور ذمہ داران سمیت کثیر عاشقانِ رسول نے شرکت کی۔

حلقے کی ابتداء تلاوتِ قراٰنِ پاک اور نعتِ رسولِ مقبول ﷺ سے کی گئی جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے ماہِ ربیع الاوّل میں پیارے آقا ﷺ کی آمد کی خوشی منانے کا ذہن دیا۔

نگرانِ پاکستان مشاورت نے اپنی گلیوں اور محلوں کو سجانےکے ساتھ ساتھ اپنے باطن کو سنوارنے نیز جھوٹ، غیبت اور چغلی سمیت دیگر گناہوں سے بچتے ہوئے نیکیوں بھری زندگی گزارنے کی ترغیب دلائی۔

مزید نگرانِ پاکستان مشاورت نے دورانِ بیان پانچوں نمازیں باجماعت پابندی کے ساتھ پڑھنے اور دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔

آخر میں نگرانِ پاکستان حاجی محمد شاہد عطاری نے شرکائے حلقہ کو امیرِ اہلِ سنت دامت بَرَکَاتُہمُ العالیہ کے ذریعے سلسلہ قادریہ عطاریہ میں داخل کیا اور اختتامی دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوتِ اسلامی کے زیرِا ہتمام پچھلے دنوں پاکستان کی تحصیل  کروڑپکامیں ایک شخصیت حاجی عبدالجبار کے گھر پر سیکھنے سکھانے کا حلقہ لگایا گیا جس میں تاجران اور ذمہ دار اسلامی بھائیوں کے علاوہ دیگر عاشقان رسول کی شرکت رہی۔

معلومات کے مطابق مرکزی مجلسِ شوریٰ کے رکن و نگرانِ پاکستانِ مشاور ت حاجی محمد شاہد عطاری نے حاضرین کی تربیت کرتے ہوئے انہیں نیکی کرنے اور نیکی کے کاموں میں بڑھ چڑھ کر حصہ لینے کی ترغیب دلائی جس پر وہاں موجود ایک تاجر اسلامی بھائی نے مدرسۃالمدینہ کے لئے پلاٹ (زمین) دعوتِ اسلامی کو دینے کی نیت کی۔

اس کے علاوہ حلقے میں شریک دیگر شخصیات نے اس مدرسۃالمدینہ کی تعمیرات وغیرہ میں ہونے والے اخراجات میں تعاون کرنےکی نیتیں کیں جس پر نگرانِ پاکستان مشاورت نے انہیں دعاؤں سے نوازا۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوت  اسلامی کے زیر اہتمام سبی میں پی ٹی سی ایل آفیسر امداد علی ابڑو کے بھائی لیاقت علی ابڑو کی رہائش گاہ پر قرآن خوانی اور محفلِ میلاد کا سلسلہ ہوا جس میں پی ٹی سی ایل آفیسر امداد علی ابڑو سمیت مقامی لوگوں نے شرکت کی۔

اس موقع پر سبی ذمہ داران نے سنتوں بھرا بیان کیااور شرکا کو نیکی کی دعوت پیش کرتے ہوئے انہیں ہفتہ وار سنتوں بھرے اجتماع میں آنے نیز مدنی مذاکرہ دیکھنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ: محمد وقار عطاری کوآرڈینیشن ڈیپارٹمنٹ دعوت اسلامی بلوچستان، کانٹینٹ: رمضان رضا عطاری )

پچھلے  دنوں عالمی مدنی مرکز فیضان مدینہ کراچی میں صوبہ بلوچستان رخشان ڈویژن کے معروف عالم دین مولانا مفتی نعمت اللہ قادری صاحب کی حاضری ہوئی ۔

اس موقع پر ذمہ داران نے ان کو مختلف شعبہ جات کا وزٹ کروایا اور ملک و بیرون دعوت اسلامی کے تحت ہونے والے دینی کاموں کے متعلق بریفنگ دی۔ مولانا صاحب نے دعوت اسلامی کے دینی کاموں کی تعریف کرتے ہوئے مزید ترقی کے لئے دعائے دی۔ ( کانٹینٹ: رمضان رضا عطاری )