دعوت اسلامی کے زیر اہتمام  جشن ولادت مصطفی ﷺ کے سلسلے میں سندھ سیکریٹریٹ منسٹر لوکل گورنمنٹ کے کمیٹی ہال میں پروگرام منعقد ہوا جس میں منسٹر کے کوآرڈینیٹر سردار نزاکت علی کے علاوہ افسران، اسٹاف اور مہمانوں نے شرکت کی۔

پروگرام کے بعد شعبہ رابطہ برائے شخصیات کے ذمہ دار نے شخصیات کو ملک و بیرون ملک ہونے والی خدمات دعوت اسلامی کے حوالے سے معلومات فراہم کیں اور مدنی مرکز فیضان مدینہ وزٹ کرنے کی دعوت دی جس پر انہوں نے اچھی اچھی نیتوں کا اظہار کیا۔ آخر میں ان سب کو ماہنامہ فیضان مدینہ پیش کئے۔(رپورٹ: شعبہ رابطہ براے شخصیات عطاری مجلس کراچی،ڈیپارٹمنٹ:رمضان رضا عطاری)

26 اکتوبر2022ء  کو دعوت اسلامی کے زیر اہتمام ڈی آئی جی ویسٹ میں محفل میلاد کا سلسلہ ہوا جس میں زیڈ آئی بی انچارج حسیب اللہ ،ڈی ایس پی گلبرگ اسد خان ، انچارج شاہد خان،پی ایس ڈی آئی جی طاہر شاہ اور دیگر پولیس نوجوانوں نے شرکت کی۔

نگران ڈسڑکٹ ویسٹ بغداد عطاری نے سنتوں بھرا بیان کیا اور شرکا کو پابندِ سنت بننے اور گنا ہوں سے نفرت کرنے کا ذہن دیتے ہوئے دعوت اسلامی کے ہفتہ وار سنتوں بھرے اجتماع میں آنے کی دعوت دی نیز ٹیلی تھون مہم میں حصہ شامل کرنے کی ترغیب دلائی جس پر شخصیات نے اچھے خیالات کا اظہار کیا۔(رپورٹ: رابطہ برائے شخصیات ڈسٹڑک ویسٹ اویس رضا عطاری،ڈیپارٹمنٹ:رمضان رضا عطاری)

پچھلے دنوں شعبہ رابطہ برائے شخصیات کے ذمہ داران کی نارووال ڈی پی او عبدالوحد سے ملاقات ہوئی جس میں ذمہ دار اسلامی بھائی نے انہیں دعوت اسلامی کے شعبہ جات کا تعارف پیش کیا۔

دوران گفتگو DPO دفتر میں شجر کاری کی گئی جس میں ڈی پی او عبدالوحد نے ذمہ داران کے ہمراہ پودے لگائے بعدازاں ملک و قوم کی سلامتی کے لئے دعا مانگی گئی اور نارووال پولیس لائن میں اجتماع میلاد رکھنے کے حوالے سے مشاورت ہوئی۔(رپورٹ: رابطہ برائے شخصیات گوجرانولہ ڈویژن،ڈیپارٹمنٹ، کانٹینٹ:رمضان رضا عطاری)

دعوتِ اسلامی کے تحت پچھلے دنوں شعبہ رابطہ برائے شخصیات پسرور میں اسسٹنٹ کمشنر سفیان دلاور ایس ایچ او سٹی جہانزیب خان،سیکرٹری بار فیاض باجوہ،سابقہ سیکرٹری بار غلام غوث سے ملاقات کی۔

دوران ملاقات ذمہ دارا سلامی بھائی نے شخصیات کو دعوت اسلامی کی دینی ،فلاحی اور سماجی خدمات کر حوالے سے بتایا جس پر انہوں اظہار مسرت کیا اور کچہری کے سامنے پندرہ مرلہ جگہ کی رجسٹری دعوت اسلامی کے نام کروائی۔(رپورٹ: رابطہ برائے شخصیات گوجرانولہ ڈویژن،ڈیپارٹمنٹ، کانٹینٹ:رمضان رضا عطاری)

دعوت اسلامی کے زیر اہتمام  پچھلے دنوں کوئٹہ میں ڈی آئی جی جیل خانہ جات بلوچستان اسٹیبلشمنٹ حمید اللہ پیچی و دیگر افسران، ڈپٹی سپرنٹنڈنٹ، PSO آئی جی جیل خانہ جات اسد عامر، اسسٹنٹ سپرینڈنٹ محمد شاہ، سیکورٹی آفیسر نور خان کلریکل اسٹاف و یونین کے عہدے داران سے بلوچستان کے صوبائی ذمہ دار محمد وقار عطاری نے ملاقات کی۔

اس موقع پر فیضان قرآن فاؤنڈیشن کے تحت جیلوں میں ہونے والے دینی اور فلاحی کاموں کے حوالے سے گفتگو ہوئی نیز شعبہ رابطہ برائے شخصیات شعبہ اصلاح برائے قیدیان (فیضان قرآن فاؤنڈیشن) شعبہ مزارات اولیاء کے صوبائی ذمہ دار ذوالفقار علی عطاری بھی ساتھ تھے۔(رپورٹ: محمد وقار عطاری صوبائی ذمہ دار کوآرڈینیشن ڈیپارٹمنٹ، کانٹینٹ:رمضان رضا عطاری)

پچھلے دنوں  دعوت اسلامی شعبہ رابطہ برائے شخصیات کے ذمہ دار اسلامی بھائیوں نے سبی پریس کلب کے سینئر صحافی آج نیوز کے رپورٹر میر سلیم گشکوری سے ان کے آفس میں ملاقات کی۔

دوران ملاقات دعوت اسلامی کے مختلف دینی اور فلاحی کاموں کے حوالے سے گفتگوہوئی۔میرسلیم گشکوری نے دعوت اسلامی کی عالمی سطح پر ہونے والی دینی اور فلاحی خدمات کو سراہا اور اپنی نیک خواہشات کا اظہار کیا نیز ہر ممکنہ تعاون کی یقین دہانی کرائی۔ ملاقات میں صوبائی ذمہ دار میڈیا ڈیپارٹمنٹ محمد منیر عطاری بھی ساتھ تھے۔آخر میں ملک و قوم کی سلامتی کے لئے خصوصی دعا کی گئی۔(رپورٹ: محمد وقار عطاری صوبائی ذمہ دار کوآرڈینیشن ڈیپارٹمنٹ، کانٹینٹ:رمضان رضا عطاری)

پچھلے دنوں  ڈپٹی کمشنر آفس حافظ آباد میں عظیم الشان محفل میلادکا انعقاد ہوا جس میں خصوصی شرکت ایڈیشنل ڈپٹی کمشنر ریونیو عبدالروف، اسسٹنٹ کمشنر حافظ آباد رب نواز ، اسسٹنٹ کمشنر ہیڈ کواٹراشفاق احمدان کے علاوہ دفتر کے دیگر عملہ نے شرکت کی اور مکمل انتطامات دعوت اسلامی کے سپرد تھے ۔

محفل نعت کا باقاعدہ آغاز تلاوت قرآن پاک و نعت رسول مقبول ﷺ سے کیا گیا۔ بعدازاں جامعۃالمدینہ حافظ آباد کے مدرس مولانا شہزاد مدنی نے ’’سیرتِ مصطفیٰ ﷺ‘‘ کے موضوع پر سنتوں بھرا بیان کیا اور شرکا کو نیکی کی دعوت پیش کرتے ہوئے آخری نبی ﷺ کی سیرت طیبہ پر عمل پیرا ہوتے ہوئے درود پاک پڑھنے اور نمازوں کی پابندی کرنے کا ذہن دیا نیز ہفتہ وار سنتوں بھرے اجتماع میں شرکت کرنے کی دعوت دیتے ہوئے مدنی مذاکرہ سننے کا ذہن دیا۔ (رپورٹ: مجلس رابطہ ڈسٹرکٹ حافظ آباد، کانٹینٹ:رمضان رضا عطاری)

24 اکتوبر 2022ء  کو آڈیٹوریم ہال پولیس لائن ملتان میں اجتماع میلادکاانعقادکیاگیا جس میں (سربراہ ملتان پولیس سی پی او خرم شہزادحیدر، ایس ایس پی انویسٹیگیشن فرازاحمد،ڈی ایس پی ہیڈکوارٹر،لائن آفیسرسمیت ایلیٹ،ڈولفن،ٹریفک،وارڈنزویگرپولیس کےجوانون) نے شرکت کی۔

تفصیلات کے مطابق دعوت اسلامی کی مرکزی مجلس شورٰی کےرکن ابوالبیان حاجی محمداظہرعطاری نے’’سیرت مصطفی ٰ ﷺ‘‘ کے موضوع پر سنتوں بھرا بیان فرمایا اور وہاں موجود شخصیات کو نیکی کی دعوت پیش کرتے ہوئے قرآن و سنت کی تعلیمات کے مطابق زندکی گزارنے کا ذہن دیا۔اس موقع پر ملتان ڈویژن مشاورت کےنگران سادات عطاری ونگران ملتان سٹی محمد راشدعطاری ودیگرذمہ داران بھی موجود تھے۔(رپورٹ: شعبہ رابطہ برائےشخصیات ملتان، کانٹینٹ:رمضان رضا عطاری) 

پچھلے دنوں  نیکی کی دعوت دینے کے سلسلے میں دینی تحریک دعوت اسلامی کے شعبہ رابطہ برائے شخصیات بلوچستان کے صوبائی ذمہ دار محمد وقار عطاری نے کوئٹہ میں ڈی آئی جی پولیس پروجیکٹ ڈائریکٹر بلوچستان ڈاکٹر شہزاد اسلم سے ملاقات کی ۔

دوران ملاقات وقار عطاری نے انہیں دعوت اسلامی کے دینی کاموں کے حوالے سے بتایا اور مدنی مرکز فیضان مدینہ وزٹ کرنے کی دعوت دی جس پر ڈاکٹر شہزاد اسلم نے اظہار مسرت کرتے ہوئے خدمات دعوت اسلامی کو سراہا۔ آخر میں انہیں ماہنامہ فیضان مدینہ تحفے میں پیش کیا اس موقع پر صوبائی ذمہ دار شعبہ مزارات اولیاء حاجی ذوالفقار علی عطاری بھی ساتھ تھے۔(رپورٹ: محمد وقار عطاری شعبہ رابطہ برائے شخصیات، کانٹینٹ: رمضان رضا عطاری)

دعوتِ  اسلامی کے زیر اہتمام پچھلے دنوں بلوچستان کے صوبائی دارالحکومت کوئٹہ میں آئی جی جیل خانہ جات بلوچستان شجاع الدین کاسی سے صوبائی ذمہ دار شعبہ رابطہ برائے شخصیات کے ذمہ دار محمد وقار عطاری نے ان کے آفس میں ملاقات کی۔

تفصیلات کے مطابق محمد وقار عطاری نے دعوت اسلامی کے شعبہ فیضان قرآن فاؤنڈیشن اصلاح برائے قیدیان کے تحت بلوچستان کے جیلوں میں ہونے والے دینی اور فلاحی کاموں کے حوالے سے گفتگو کی۔آخر میں ماہنامہ فیضان مدینہ تحفے میں پیش کیا۔(رپورٹ: محمد وقار عطاری شعبہ رابطہ برائے شخصیات، کانٹینٹ:رمضان رضا عطاری)

پچھلے دنوں  دعوت اسلامی شعبہ رابطہ برائے شخصیات کے ذمہ داران نے ریجنل پٹرولنگ آفس میں ایس ایس پی پٹرولنگ مرزا انجم کمال بیگ،ڈی ایس پی پٹرولنگ ملک محمد امین اور ڈی ایس پی پٹرولنگ ٹوبہ محمد سعید سے ملاقات کی ۔

دوران ملاقات ذمہ دار اسلامی بھائی نے شخصیات کو ملک و بیرو ن ملک میں دعوت اسلامی کے تحت چلنے والے مدارس المدینہ و جامعۃ المدینہ کے نظام کے حوالے سے بریفنگ دی جس پر انہوں نے ان کاوشوں کو سراہتے ہوئے اظہار مسرت کیا۔ اس موقع پر ذمہ داران نے انہیں اجتماع دستار فضیلت میں شرکت کی دعوت بھی دی۔

دوسری طرف مینجنگ ڈائریکٹر ویسٹ، مینجمنٹ کمپنی محمد بلال فیروز جوئیہ، اسسٹنٹ کمشنر سٹی صاحبزادہ محمد عمر یوسف سے ملاقاتیں کیں۔

دوران ملاقات ذمہ داران نے ان کو عالمی سطح پر ہونے والی دعوت اسلامی کی دینی و سماجی خدمات کے بارے میں معلومات فراہم کیں اور دستار فضیلت اجتماع میں شرکت کی دعوت دی جس پر انہوں نے شرکت کی یقین دہانی کروائی۔(رپورٹ: کوآرڈینیشن ڈیپارٹمنٹ میٹرو پولیٹن و ڈویژن فیصل آباد، کانٹینٹ:رمضان رضا عطاری)

24 اکتوبر  2022ء کو دعوت اسلامی کے زیر اہتمام کوٹ رادھا کشن ضلع قصور میں ریسکیو 1122 کے آفس میں سیکھنے سکھانے کے حلقے کا انعقاد ہواجس میں ریسکیو 1122 کے اہلکاروں نے شرکت کی۔

اس موقع پر حاجی غلام یاسین عطاری نے دعوت اسلامی کے شعبہ جات کا تعارف پیش کیااور نماز کے متعلق بیان کرتے ہوئے نماز پڑھنے کے فضائل اور نہ پڑھنے کی نحوستوں کے بارے میں بتایا اور انہیں دینی ماحول سے وابستہ ہونے کا ذہن دیتے ہوئے مدنی مرکز فیضان مدینہ آنے کی دعوت دی۔اس موقع پر ڈسٹرکٹ ذمہ دار شعبہ رابطہ برائے شخصیات ، ڈسٹرکٹ ذمہ دار شعبہ اسپیشل پرسنز محمد سہیل عطاری اور دیگر ذمہ داران بھی موجود تھے۔ (رپورٹ: علی ریاض عطاری تحصیل ذمہ دار سیکیورٹی ڈیپارٹمنٹ ، کانٹینٹ:رمضان رضا عطاری)