پچھلے دنوں  میونسپل کمیٹی گوجرہ میں سیرت النبی ﷺ کانفرس کا انعقاد ہوا جس میں اسسٹنٹ کمشنر گوجرہ یاسر رضوان، چیف آفیسر گوجرہ اشتیاق گوندل اور دیگر عاشقان رسول نے شرکت کی۔

اس موقع پر دعوت اسلامی کے ڈسٹرکٹ نگران اور دیگر مبلغین نے سنتوں بھرے بیانات کئے جن میں پیارے آقا ﷺ کی سیرت کے حوالے سے بتایا اور آپ علیہ السلام کی فرامین پر عمل پیرا ہونے کا ذہن دیا ۔ ساتھ ساتھ شرکا کو اجتماع میلاد میں شرکت کی دعوت بھی دی جس پر انہوں نے نیک جذبات کا اظہار کیا۔آخر میں امیر اہل سنت دامت برکاتہم العالیہ کے’’ صبح بہاراں‘‘ نامی رسالے تقسیم کئے۔(رپورٹ: تحصیل گوجرہ ڈسٹرکٹ ٹوبہ ڈویژن فیصل آباد، کانٹینٹ:رمضان رضا عطاری )

پچھلے دنوں  اسسٹنٹ کمشنر چیف آفیسر میونسپل کمیٹی کی جانب سے بھیرہ شریف میں محفل نعت کا انعقاد ہوا جس میں محمد ابراہیم ارباب،سید یاسر محمود گیلانی، میاں نعیم الدین الازہری ودیگر سیاسی و سماجی شخصیات نے شرکت کی۔

محفل نعت کا آغاز تلاوت قرآن پاک و نعت رسول ﷺ سے ہوا۔بعدازاں مبلغ دعوت اسلامی نے سنتوں بھرا بیان کیا اور شرکا کو دینِ اسلام کی تعلیمات پر عمل کرنے کا ذہن دیتے ہوئے ہفتہ وار سنتوں بھرے اجتماع میں شر کت کرنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ: کوآرڈینیشن ڈیپارٹمنٹ تحصیل بھیرہ شریف ، ڈسٹرکٹ سرگودھا ، کانٹینٹ:رمضان رضا عطاری )

پچھلے دنوں شعبہ رابطہ برائے شخصیات دعوت اسلامی کے تحت  تھانہ کینٹ سرگودھا میں اجتماع میلاد ہوا جس میں ایس ایچ او تھانہ کینٹ سرگودھا چوہدری ذیشان اقبال پڑھیار،ایس ایچ او تھانہ ساجد شہیر، ملک محمد نسیم خان،ایس ایچ او فیکٹری ایریا جواد حسین گل ودیگر تفتیشی افسران کی شرکت ہوئی ۔

مبلغ دعوت اسلامی نے ’’نبی پاک ﷺ کی سیرت ‘‘ کے موضوع پر سنتوں بھرا بیان کیا اور انہیں ملک و بیرون ملک ہونے والی دعوت اسلامی کی دینی خدمات پر بریفنگ دیتے ہوئے ہفتہ وارسنتوں بھرے اجتما ع میں آنے کا ذہن دیا نیز بالخصوص اس موقع پر انہیں 12ویں شریف کے اجتماع میلاد میں شرکت کی دعوت دی اور آخر میں ملک و قوم کی ترقی کے لئے دعائے خیر کروائی۔(رپورٹ: کوآرڈینیشن ڈیپارٹمنٹ سرگودھا سٹی ، کانٹینٹ:رمضان رضا عطاری )

دعوت اسلامی کے  شعبہ رابطہ برائے شخصیات کی جانب سے ڈسٹرکٹ اکاؤنٹ آفس حافظ آباد میں محفل میلاد کا انعقاد ہوا جس میں پولیس ڈیپارٹ سے متعلق اتھارٹی پرسنز نے شرکت کی ۔

محفل میلاد میں ڈسٹرکٹ نگران مولانا محمد وسیم عطاری نے ’’سیرت مصطفی ﷺ‘‘ کے موضوع پر سنتوں بھرا بیان کیا اور شرکا کو نیکی کی دعوت پیش کرتے ہوئے سیرت رسول پر عمل کرنے کا ذہن دیا نیز انہیں دعوت اسلامی کے تحت ہونے والے اجتماع میں شرکت کی دعوت دی جس پر انہوں نے اچھی نیتوں کا ا ظہار کیا۔(رپورٹ: مجلس رابطہ ڈسٹرکٹ حافظ آباد، کانٹینٹ:رمضان رضا عطاری )

6  اکتوبر 2022ء کو کمشنر کراچی اقبال میمن نے شعبہ ایف جی آر ایف کے تحت لگائے گئے کورنگی متاثرین کیمپ کا دورہ کیا۔ ان کے ساتھ ساتھ (ایڈیشنل ڈپٹی کمشنر مشتاق جتوئی، اسسٹنٹ کمشنر کورنگی فاروق سومرو ، اسسٹنٹ کمشنر لانڈھی مونس احمد، سی پی ایل سی چیف زبیر، حمزہ ڈی ایچ او، ڈاکٹر عبدالحی کھوسو، ڈی ایس پی کورنگی اسلم جویا، ڈی ایس پی لانڈھی ملک نواز، سی ای او اپیرل زون زائد حمید ) نے بھی کیمپ کا دورہ کیا۔

اس موقع پر کیمپ ذمہ دار نے شخصیات کو سیلاب زدگان کے لئے جو امداد کی گئی اس حوالے سے انہیں بریفنگ دی اور اس سلسلے میں آئندہ دنوں کی پلاننگ بھی بتائی جس پر انہوں نے دعوت اسلامی کی اس کاوش کو سراہا۔

اس کے علاوہ کمشنر صاحب نے اپری سیشن لیٹر پیش کیا ۔ دوران گفتگو کمشنر صاحب اور زبیر صاحب کو ذمہ دار اسلامی بھائی نے فیضان مدینہ آنے کی دعوت بھی پیش کی۔

٭دوسری جانب ایڈمنسٹریٹر ڈسٹرکٹ کورنگی جاوید کلہوڑ اور میونسپل کمشنر ڈسٹرکٹ کورنگی وسیم سومرو سے ماہ میلاد کے سلسلے میں میٹنگ ہوئی۔ (رپورٹ: غلام محبوب عطاری ڈسٹرکٹ کورنگی ، کانٹینٹ:رمضان رضا عطاری )

عالمی مدنی مرکز فیضان مدینہ کراچی میں تربیتی اجتماع کے دوران مختلف شہروں سے آئی ہوئی شخصیات  سے شعبہ ایف جی آر ایف پلانٹیشن پاکستان کے نگران حاجی محمد الطاف عطاری اور کوئٹہ کنٹونمنٹ بورڈ کے ٹاؤن نگران نے ملاقات کی اور انہیں خوش آمدید کیا نیز ان میں نیکی کی دعوت بھی پیش کی گئی۔

اس موقع پر ذمہ داران نے شخصیات کو دعوت اسلامی کے دینی کاموں پر مشتمل ڈاکو مینٹری پریزنٹیشن دکھائی جس پر شخصیات نے اظہار مسرت کیا۔بعدازاں مرکزی مجلس شوریٰ کے رکن حاجی محمد امین عطاری نے بھی شخصیات سے ملاقات کی۔

رکن شوریٰ نے شخصیات کو تربیتی مدنی پھول دیئے، کتب و رسائل تحفے میں پیش کئے اور ان سب کے لئے دعائے خیر کی۔(رپورٹ: محمد وقار عطاری کوآرڈینیشن ڈیپارٹمنٹ دعوت اسلامی بلوچستان ، کانٹینٹ:رمضان رضا عطاری)

6اکتوبر 2022ء کو شعبہ رابطہ برائے شخصیات کے ذمہ داران نے جلوس میلاد اور اجتماع میلاد کے سلسلے میں دورہ کیا جہاں انہوں نے مختلف ٹرانسپورٹ سے متعلق افراد سے ملاقات کرکے گاڑیوں کی بکنگ کروائی۔

اس کے علاوہ ڈی ایم سی آفس میں جلوس میلاد کے سلسلے میں میٹنگ کی اور اس کے بعد ڈپٹی کمشنر ویسٹ غلام قادر تالپور ، ایکس سی این حسن شیخ سے ملاقات کی اور انہیں فیضان مدینہ وزٹ کی دعوت دی جس پر انہوں نے اچھے جذبات کا اظہار کیا۔(رپورٹ:شعبہ رابطہ برائے شخصیات محمد اویس رضا عطاری ، کانٹینٹ:رمضان رضا عطاری)

عید میلادالنبی ﷺ کے سلسلے میں 6 اکتوبر 2022ء بروز جمعرات میونسپل کارپوریشن ہال فیصل آبادمیں سیرت النبیﷺ کانفرنس کا انعقاد کیا گیاجس میں دعوتِ اسلامی کے ذمہ داران، ایڈیشنل ڈپٹی کمشنر جنرل قیصر عباس رند، ڈسٹرکٹ انچارج کنٹرول روم ڈپٹی کمشنر آفس صادق صواتی، شہر بھر سے علمائے کرام اور سیاسی و سماجی شخصیات سمیت دیگر عاشقانِ رسول نے شرکت کی۔

دورانِ کانفرنس دارالافتاء اہلسنت کے مولانا محمد اویس عطاری نے ”حسنِ مصطفیٰ ﷺ“ کے موضوع پر سنتوں بھرا بیان کرتے ہوئے آپ ﷺ کے حسن و جمال کے واقعات بتائے نیز وہاں موجود اسلامی بھائیوں کو سرکار علیہ السلام کی تعلیمات کے مطابق اپنی زندگی گزارنے کا ذہن دیا جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِا ہتمام اسسٹنٹ کمشنر آفس بھیرہ شریف میں اجتماعِ میلادالنبی ﷺ کا انعقاد کیا گیا جس میں سب رجسٹرار بھیرہ شریف مہر خضر حیات ہرل، تحصیل بھیرہ کے تمام ریونیو افسران اور حلقہ افسران سمیت اسٹاف کے دیگر لوگوں نے شرکت کی۔

اس اجتماعِ پاک میں تحصیل بھیرہ شریف کے نگران نے سنتوں بھرا بیان کرتے ہوئے پیدائشِ مصطفیٰ ﷺ کے واقعات بیان کئے اور وہاں موجود اسلامی بھائیوں کو سرکار ﷺ کی سیرتِ طیبہ کے مطابق اپنی زندگی گزارنے کا ذہن دیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے زیرِا ہتمام پردہ باغ پشاور میں ہونے والے سالانہ اجتماعِ میلاد کے سلسلے میں شعبہ رابطہ برائے شخصیات کے نگرانِ ڈویژن مشاورت پشاور محمد توصیف عطاری سمیت دیگر ذمہ داران نے مقامی تھانہ فقیر آباد میں SHO حاجی محمد ظفر خان سے ملاقات کی۔

دورانِ ملاقات ذمہ داران نے اجتماعِ میلاد کی سیکورٹی مینجمنٹ کے حوالے سے میٹنگ کی جس میں SHO حاجی محمد ظفر خان نے اپنی طرف سے مکمل تعاون کی یقین دہانی کروائی۔

آخر میں ذمہ داران نے SHO کو دعوتِ اسلامی کے زیرِ اہتمام پردہ باغ پشاور کے عظیم الشان اجتماعِ میلاد میں شرکت کرنے کی دعوت دی جس پر انہوں نے اچھی اچھی نیتوں کا اظہا رکیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں متحدہ قومی مومنٹ پاکستان حیدر آباد ڈسٹرکٹ کے وفد (جن میں ایم پی اے راشد خلجی بھی شامل تھے) نے دعوتِ اسلامی کے مدنی مرکز فیضانِ مدینہ کا وزٹ کیا جہاں اُن کی ملاقات شعبہ رابطہ برائے شخصیات کے اسلامی بھائیوں سے ہوئی۔

اس دوران ذمہ داران نے وفد کے اسلامی بھائیوں سے مختلف موضوعات پر گفتگو کرتے ہوئے دعوتِ اسلامی کے دینی و فلاحی کاموں کے بارے میں بتایا نیز 12 ربیع الاول کی شب ہونے والے عظیم الشان اجتماعِ میلاد میں میں شرکت کرنے کی دعوت دی جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

5 اکتوبر 2022ء بروز بدھ ماہ ِمیلاد کے سلسلے میں فیصل آباد کے علاقے ریاض الجنہ /32 ،ابو ایوب انصاری روڑ میں واقع محمد فاروق یوسف کے گھر پر شخصیات کے درمیان سیکھنے سکھانے کے حلقے کا اہتمام کیا گیا جس میں سیاسی و سماجی شخصیات، تاجران اور ذمہ داران سمیت دیگر عاشقان رسول نے شرکت کی۔

اس حلقے میں دعوتِ اسلامی کی مرکزی مجلس شوریٰ کے رکن و نگرانِ پاکستان مشاورت حاجی محمد شاہد عطاری نے ”حضور ﷺ کا مُردے زندہ کرنا“ کے موضوع پر سنتوں بھرا بیان کیا۔

نگران پاکستان مشاورت نے دورانِ بیان بتایا کہ کس طرح حضور ﷺ نے اللہ کے حکم سے مردوں کو زندہ کیا اور حضور ﷺ کے معجزات بھی بیان کئے نیز شرکاکو درودِ پاک کی کثرت کرنے، نماز کی پابندی کرنے اور دعوتِ اسلامی کے دینی کاموں میں حصہ لینے کی ترغیب دلائی۔

مزید نگرانِ پاکستان مشاورت نے فیصل آباد میں دعوتِ اسلامی کے تحت ہونے والے اجتماع میلاد اور جلوس میلاد میں شرکت کرنے کا ذہن دیا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)