دعوتِ اسلامی کے زیرِا ہتمام پردہ باغ پشاور میں ہونے والے سالانہ اجتماعِ میلاد کے سلسلے میں شعبہ رابطہ برائے شخصیات کے نگرانِ ڈویژن مشاورت پشاور محمد توصیف عطاری سمیت دیگر ذمہ داران نے مقامی تھانہ فقیر آباد میں SHO حاجی محمد ظفر خان سے ملاقات کی۔

دورانِ ملاقات ذمہ داران نے اجتماعِ میلاد کی سیکورٹی مینجمنٹ کے حوالے سے میٹنگ کی جس میں SHO حاجی محمد ظفر خان نے اپنی طرف سے مکمل تعاون کی یقین دہانی کروائی۔

آخر میں ذمہ داران نے SHO کو دعوتِ اسلامی کے زیرِ اہتمام پردہ باغ پشاور کے عظیم الشان اجتماعِ میلاد میں شرکت کرنے کی دعوت دی جس پر انہوں نے اچھی اچھی نیتوں کا اظہا رکیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں متحدہ قومی مومنٹ پاکستان حیدر آباد ڈسٹرکٹ کے وفد (جن میں ایم پی اے راشد خلجی بھی شامل تھے) نے دعوتِ اسلامی کے مدنی مرکز فیضانِ مدینہ کا وزٹ کیا جہاں اُن کی ملاقات شعبہ رابطہ برائے شخصیات کے اسلامی بھائیوں سے ہوئی۔

اس دوران ذمہ داران نے وفد کے اسلامی بھائیوں سے مختلف موضوعات پر گفتگو کرتے ہوئے دعوتِ اسلامی کے دینی و فلاحی کاموں کے بارے میں بتایا نیز 12 ربیع الاول کی شب ہونے والے عظیم الشان اجتماعِ میلاد میں میں شرکت کرنے کی دعوت دی جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

5 اکتوبر 2022ء بروز بدھ ماہ ِمیلاد کے سلسلے میں فیصل آباد کے علاقے ریاض الجنہ /32 ،ابو ایوب انصاری روڑ میں واقع محمد فاروق یوسف کے گھر پر شخصیات کے درمیان سیکھنے سکھانے کے حلقے کا اہتمام کیا گیا جس میں سیاسی و سماجی شخصیات، تاجران اور ذمہ داران سمیت دیگر عاشقان رسول نے شرکت کی۔

اس حلقے میں دعوتِ اسلامی کی مرکزی مجلس شوریٰ کے رکن و نگرانِ پاکستان مشاورت حاجی محمد شاہد عطاری نے ”حضور ﷺ کا مُردے زندہ کرنا“ کے موضوع پر سنتوں بھرا بیان کیا۔

نگران پاکستان مشاورت نے دورانِ بیان بتایا کہ کس طرح حضور ﷺ نے اللہ کے حکم سے مردوں کو زندہ کیا اور حضور ﷺ کے معجزات بھی بیان کئے نیز شرکاکو درودِ پاک کی کثرت کرنے، نماز کی پابندی کرنے اور دعوتِ اسلامی کے دینی کاموں میں حصہ لینے کی ترغیب دلائی۔

مزید نگرانِ پاکستان مشاورت نے فیصل آباد میں دعوتِ اسلامی کے تحت ہونے والے اجتماع میلاد اور جلوس میلاد میں شرکت کرنے کا ذہن دیا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

شعبہ رابطہ برائے شخصیات دعوتِ اسلامی کے تحت ڈسٹرکٹ لاہور ذمہ دار عظیم عطاری نے حاجی رفیق عطاری (پنجاب سطح کے شعبہ رابطہ برائے شخصیات پولیس ذمہ دار) اور ڈسٹرکٹ لاہور ذمہ دار پولیس کے ہمراہ میٹنگ کی۔

اس میٹنگ میں ذمہ داران نے اجتماعِ میلاد کے حوالے سے پولیس افسران کو دعوت دینے اور انہیں اجتماعِ میلاد میں شرکت کروانے کے حوالے سے اہم نکات پر مشاورت کی۔

بعدازاں ذمہ داران نے پولیس اسٹیشن،سرکل آفس اور ایس پیز کے دفاتر میں اجتماعِ میلاد منعقدکرنے پر چند اہداف طے کئے۔

(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے تحت  پچھلے دنوں شعبہ رابطہ برائے شخصیات کے ذمہ دار اسلامی بھائیوں کی عاصم عباسی سیکرٹری ٹو کمشنر ہزارہ سے ملاقات ہوئی۔

معلومات کے مطابق اس دوران ذمہ داران نے انہیں دعوتِ اسلامی کی دینی وفلاحی خدمت کے بارے میں آگاہی دیتے ہوئے ڈیجیٹل سروسز کا تعارف کروایا۔

اسی طرح ذمہ دار اسلامی بھائیوں نے ایس ایچ او واجد سے ملاقات کی اور اُن کی تیمار دارئی کرتے ہوئے صحتیابی کی دعا کروائی جس پر انہوں نے ذمہ داران کا شکریہ ادا کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

عید میلاد النبی ﷺ کے سلسلے میں دعوتِ اسلامی کےشعبہ رابطہ برائے شخصیات کے زیرِا ہتمام میونسپل کارپوریشن حافظ آباد میں اجتماعِ میلاد کا انعقاد کیا گیا جس میں کثیر عاشقانِ رسول کی شرکت رہی۔

مبلغِ دعوتِ اسلامی نے تلاوتِ قراٰنِ پاک و نعتِ رسول مقبول ﷺ سے اجتماعِ پاک کاآغاز کیا جبکہ ڈسٹرکٹ نگران محمد وسیم عطاری نے سنتوں بھرا بیان کرتے ہوئے عاشقانِ رسول کی دینی و اخلاقی اعتبار سے تربیت کی۔

دورانِ بیان ڈسٹرکٹ نگران نے عاشقانِ رسول کو بھر پور انداز میں عیدِ میلاد النبی ﷺ منانے کا ذہن دیا جس پر انہوں نے اچھی اچھی نیتوں کا اظہا رکیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے زیرِا ہتمام پچھلے دنوں میونسپل کارپوریشن جلالپور بھٹیاں میں مقابلہ حسنِ قرأت اور محفل ِنعت کا انعقاد کیا گیا جس میں مدرسۃالمدینہ بوائز کے بچوں نے حصہ لیا اور کثیر عاشقانِ رسول نے شرکت کی۔

تلاوتِ قراٰنِ پاک سے محفلِ نعت کا آغاز کیا گیا اور مبلغِ دعوتِ اسلامی نے سرکارﷺ کی بارگاہ میں نذرانۂ عقیدت پیش کیا جبکہ نگرانِ تحصیل مولانا ڈاکٹر محمد آصف عطاری نے ”سیرتِ مصطفی ﷺ“ کے موضوع سنتوں بھرا بیان کیا۔

محفلِ نعت کے اختتام پر ذمہ داران نے وہاں موجود سرکاری آفیسرز سے گفتگو کرتے ہوئے اجتماعِ میلاد اور جلوسِ میلاد کے روٹس کی صفائی اور انتظامات کے حوالے سے تبادلۂ خیال کیا۔(رپورٹ:شعبہ رابطہ برائے شخصیات ، کانٹینٹ:غیاث الدین عطاری)

پچھلے دنوں ڈی پی او دفتر گجرات میں سیرت النبی ﷺ کانفرنس کا انعقاد کیا گیا جس میں دعوتِ اسلامی کی مرکزی مجلسِ شوریٰ کے رکن حاجی محمد اظہر عطاری، ڈی پی او سیّد غضنفر علی، ڈی ایس پی رانا آصف، ڈی ایس پی محمد ریاض اور تمام ڈسٹرکٹ کے ایس ایچ او سمیت پولیس کے دیگر جوانوں کی شرکت رہی۔

تفصیلات کے مطابق اس کانفرنس میں رکنِ شوریٰ حاجی محمد اظہر عطاری نے سنتوں بھرا بیان کرتے ہوئے وہاں موجود آفیسرز کی دینی و اخلاقی اعتبار سے تربیت کی اور انہیں مدنی پھولوں سے نوازا۔

ڈی پی او نے مدنی چینل کو اپنے تأثرات دیتے ہوئے دعوتِ اسلامی کی کاوشوں کو خوب سراہا اور اپنے نیک خواہشات کا اظہار کیا۔بعدازاں رکنِ شوریٰ نے ڈی پی او سے دعوتِ اسلامی کے دینی و فلاحی کاموں کے بارے میں اہم امور پر گفتگو کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے زیرِ اہتمام 5 اکتوبر 2022ء بروز بدھ شعبہ رابطہ برائے شخصیات کے ذمہ داران نے مختلف شخصیات جن میں میونسپل کمشنر ڈسٹرکٹ کورنگی وسیم سومرو، ڈائریکٹر سالڈ ویسٹ سلیم رضا، ڈائریکٹر سالڈ ویسٹ مینجمنٹ راشد رؤوف، ڈائریکٹر پارک وقاص سومرو، ایکس سی این بہروز خان اور ایکس سی این بی اینڈ آر سمیت دیگر افسران کو کورنگی ڈسٹرکٹ میں ہونے والے اجتماعِ میلاد کے گراؤنڈ نیز جلوسِ میلاد گزرنے کی شاہراہوں کے انتظامات کا وزٹ کروایا۔

دوسری جانب این اے ابوبکر اور ایم پی اے غلام جیلانی نے ذمہ داران کے ہمراہ دعوتِ اسلامی کے جامعۃالمدینہ بوائز فیضان بغداد کا دورہ کیااور وہاں کے تعمیراتی کاموں کا جائزہ لیا۔ بعدازاں این اے ابوبکر اور ایم پی اے غلام جیلانی نےعالمی مدنی مرکز فیضانِ مدینہ میں ہونے والے مدنی مذاکرے میں شرکت کی۔

اسی طرح ذمہ دار اسلامی بھائیوں نے ڈپٹی کمشنر ایسٹ راجہ طارق اور مختیار کار احمد میمن کو دعوتِ اسلامی کے عالمی مدنی مرکز فیضانِ مدینہ کراچی کا وزٹ کروایا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوت اسلامی کے تحت   تھانہ سلانوالی میں اجتماع میلاد کا انعقاد ہوا جس میں مدرسۃ المدینہ کے بچوں نے قرآن خوانی بھی کی۔اس اجتماع میں ایس ایچ او سلانوالی اقرار حسین ودیگر تفتیشی افسران ، محرر اسٹاف اور جوانوں نے شرکت کی ۔

اس موقع پر مبلغ دعوت اسلامی نے سنتوں بھرا بیان کیا اور نیکی کی دعوت پیش کرتے ہوئے شرکا ئے اجتماع کو سنتوں پر عمل کرنے، نمازوں کی پابندی کرنے کی ترغیب دلائی اور اجتماع میلاد میں شرکت کی دعوت دی جس پر انہوں نے اچھی اچھی نیتوں کا اظہار کیا ۔ آخر میں دعا و صلاۃ و سلام کے ساتھ اختتام ہوا۔(رپورٹ: تحصیل سلانوالی/ڈسٹرکٹ سرگودھا، کانٹینٹ: رمضان رضا عطاری) 

دعوت اسلامی کی جانب سے شعبہ رابطہ برائے شخصیات کے  ذمہ داران نے 10 ربیع الاول کو ايك مقامی ہوٹل سکردو میں ہونے والے اجتماع میلاد کے سلسلے میں سیکیورٹی پرسن اتھاڑٹی سے ملاقاتیں کیں جن میں (اڈیشنل ڈپٹی کمشنر وقاص جوہر ،عنایت علی ڈسٹرکٹ آفسر ،زبیر ڈویژنل اسسٹنٹ، ڈائریکٹر ڈی ایم اے خپلو،ڈپٹی کمشنر رضا، کمشنر بلتستان شجاع عالم، پریس کلب کے صدر مظفر حسین) سمیت کئی شخصیات سے ملاقات کی۔

دوران ملاقات انہیں دعوت اسلامی کے دینی کاموں کا اسٹریکچر بتایا اور FGRF ڈیپارٹمنٹ کا تعارف کروایا۔بعدازاں اجتماع میلاد کے انتظامات پر تبادلہ خیال ہوا جس پر اتھارٹی پرسنز نے اس سلسلے میں خدمات پیش کرنے پر اپنی رضا مندی کا اظہار کیا۔(رپورٹ: شعبہ رابطہ برائے شخصیات، کانٹینٹ: رمضان رضا عطاری)

دعوت  اسلامی کے زیر اہتمام پچھلے دنوں شعبہ رابطہ برائے شخصیات کے ذمہ داران کی استور ڈسی آفس میں ڈپٹی کمشنر ذوالقرنین اور ایس ایس پی شیرین قادری سے ملاقات ہوئی ۔

دوران ملاقات ڈویژن نگران عبدالکریم عطاری،ڈسٹرکٹ نگران ضمیر دین عطاری اور دیگر ذمہ داران نے جلوس میلاد کے حوالے سے میٹنگ کی جس میں ان کو جلوس میلاد کا سارا شیڈول بتایا اس پر انہوں نے اظہار مسرت کرتے ہوئے اس سلسلے میں تعاون کرنے کی یقین دہانی کروائی۔ (رپورٹ: شعبہ رابطہ برائے شخصیات، کانٹینٹ: رمضان رضا عطاری)