دعوت اسلامی کے شعبہ رابطہ برائے شخصیات کے زیر اہتمام 16 جون 2023ء کو تاج محل رائل مارکی دبئی چوک بہاولپور سٹی میں شخصیات  اجتماع کا انعقاد کیا گیا جس میں ظہیر انور جپہ (D.Cبہاولپور)، غلام عباس (آپریٹر ایڈیشنلI.G )، D.P.Oآفس کمپلیٹ سیل کے انسپکٹر، پروفیسرز، ڈاکٹرز، میڈیکل کالج و یونیورسٹی کے اسٹوڈنٹس، تاجر اور دیگر شعبہ ہائے زندگی سے وابستہ عاشقان رسول نے شرکت کی۔

رکن شوریٰ حاجی محمد اظہر عطاری نے ”معجزات مصطفٰے صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا اور شرکا کو سیرت مصطفٰے صلَّی اللہ علیہ واٰلہٖ وسلَّم کے مطابق زندگی گزارنے کا ذہن دیتے ہوئے انہیں دعوتِ اسلامی کے دینی ماحول سے ہونے کی ترغیب دلائی۔بیان کے بعد صلوۃ و سلام پڑھا گیا اور دعا پر اجتماع اپنے اختتام کو پہنچا۔

پنجاب کے شہر مری میں ہیمسن گروپ آف کمپنیزکےڈیلرز کے درمیان ہونے والے سالانہ میٹنگ کے دوران دعوت اسلامی کے شعبہ رابطہ برائے ایگریکلچر اینڈ لائیو سٹاک کے تحت زیر اہتمام 12 جون 2023ء کو سنتوں بھرے اجتماع کا انعقاد کیا گیا جس میں ہیمسن گروپ آف کمپنیز کے چیئرمین، C.E.O، مارکیٹنگ ٹیم اور ڈیلرز کی کثیر تعداد نے شرکت کی۔

رکنِ شوریٰ حاجی محمد اظہر عطاری نے”تجارت کے اسلامی اصول“ کے موضوع پر سنتوں بھرا بیان کیا اور شرکا کو آقا کریم صلَّی اللہ علیہ واٰلہٖ وسلَّمکے اندازِ تجارت کے حوالےسے بتایا۔ رکنِ شوریٰ نے شرکا کو شرعی اصول کے مطابق تجارت کرنے، اسلامی اصول پر عمل پیرا ہونے، اللہ پاک کے آخری نبی محمد عربی صلَّی اللہ علیہ واٰلہٖ وسلَّم کی سیرت و سنت کے مطابق تجارت اور رزق حلال کمانے کا ذہن دیا۔ آخر میں صلوۃ و سلام اور دعا کا سلسلہ ہوا۔

بانیٔ دعوتِ اسلامی شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ کی ترغیب پر سمندری طوفان سے بچنے اور رب عَزَّوَجَلَّ سے اپنی گناہوں کی معافی مانگنے کے لئے 16 جون 2023ءبروز جمعہ ”یومِ دعا“ منایا گیا۔

عالمی مدنی مرکز فیضان مدینہ کراچی، لاہور اور ملتان سمیت ملک کے دیگر شہروں میں قائم مدنی مراکز فیضانِ مدینہ اور مختلف مساجد میں نماز جمعہ کے بعد صلوٰۃُ التوبہ کے نوافل ادا کئے گئے۔اس کے بعد سمندری طوفان سے حفاظت کے لئے اجتماعی طور پر خصوصی دعاؤں کا اہتمام بھی کیا گیا۔

دعوت اسلامی کے زیر اہتمام 12 جون 2023ء کو سیکٹر 11/Bنارتھ کراچی کی جامع مسجد فیضان مصطفٰے میں تقسیم اسناد و انعامات کے سلسلے میں سنتوں بھرے اجتماع کا انعقاد کیا گیا جس میں بچوں کے سرپرست، اہل علاقہ، مذہبی اور کاروباری شخصیات نے شرکت کی۔

نگران مجلس شعبہ پروفیشنلز فورم محمد ثوبان عطاری نے سنتوں بھرا بیان کیا اور شرکا کو اپنے بچوں کی اچھی تربیت کرنے کے ساتھ ساتھ انہیں دینی و دنیاوی تعلیم سے آراستہ کرنے کا ذہن دیا۔دورانِ اجتماع بچوں میں ذہنی آزمائش کا سلسلہ بھی ہوا جس میں بچوں کے درمیان دلچسپ مقابلے ہوئے اور کامیاب ہونے والی ٹیم کو تحائف دیئے گئے۔

آخر میں مدرسۃ المدینہ کے مدرسین، مختلف شخصیات اور نگران مجلس پروفیشنلز فورم محمد ثوبان عطاری کے ہاتھوں مدرسۃ المدینہ سے ناظرہ قرآنِ پاک اور 15 دن کا ”حسنِ قرأت کورس“ مکمل کرنے طلبہ میں اسناد تقسیم کی گئیں اور انعامات دیئے گئے۔

لاہور، پنجاب کے علاقے سوڈیوال کی جامع مسجد حنفیہ میں عاشقانِ رسول کی دینی تحریک دعوتِ اسلامی کے زیرِا ہتمام 15 جون 2023ء بروز جمعرات ہفتہ وار سنتوں بھرے اجتماع کا انعقاد کیا گیا جس میں کثیر اسلامی بھائیوں کی شرکت رہی۔

اجتماع کا آغاز معمول کے مطابق تلاوتِ کلامِ پاک اور نعت شریف سے کیا گیا جبکہ مرکزی مجلسِ شوریٰ کے رکن حاجی یعفور رضا عطاری نے ”بیت اللہ کے فضائل“ کے موضوع پر سنتوں بھرا بیان کیا۔

15 جون 2023ء بروز جمعرات دعوتِ اسلامی کے مدنی مرکز فیضانِ مدینہ بہاولپورمیں شعبہ مدنی قافلہ اور شعبہ اصلاحِ اعمال کے ذمہ دار اسلامی بھائیوں کا مدنی مشورہ ہوا ۔

معلومات کے مطابق دورانِ مدنی مشورہ نگرانِ بہاولپور ڈویژن ڈویژن ڈاکٹر حافظ عبد الرؤف عطاری نے ذمہ داران سے مختلف موضوعات پر گفتگو کرتے ہوئے ایک ماہ کے مدنی قافلے کے اہداف طے کئے جس پر ذمہ دار اسلامی بھائیوں نے اپنی اپنی رائے پیش کی۔

پنجاب پاکستان کے شہر خانیوال میں واقع دعوتِ اسلامی کے مدنی مرکز فیضانِ مدینہ میں 14 جون 2023ء بروز بدھ مدنی مشورہ ہوا جس میں تحصیل خانیوال کے یوسی اور وارڈ نگران و ذمہ دار اسلامی بھائیوں نے شرکت کی۔

مدنی مشورے کی ابتداء تلاوتِ قراٰن اور نعت شریف سے کی گئی جبکہ نگرانِ ملتان ڈویژن محمد سادات عطاری نےذمہ دار اسلامی بھائیوں کو دعوتِ اسلامی کے 12 دینی کام اپنے اپنے ذیلی میں بھرپور انداز سے کرنےاور قربانی کی کھالیں جمع کرنے کا ذہن دیا۔

بعدازاں قربانی کی کھالوں کی رسیدیں ذمہ دار اسلامی بھائیوں کے درمیان تقسیم کی گئیں ۔(رپورٹ: محمد اشرف عطاری شعبہ مدنی چینل عام کریں ، کانٹینٹ:غیاث الدین عطاری)

دعوتِ اسلامی کے تحت پاکستان بھر میں ہونے والے دینی کاموں کے حوالے سے پاکستان مشاورت کے اراکین کا آن لائن مدنی مشورہ ہوا جس میں مرکزی مجلسِ شوریٰ کے اراکین حاجی یعفور رضا عطاری، حاجی امین عطاری اور دیگر اہم ذمہ دار اسلامی بھائیوں نے شرکت کی۔

دورانِ مدنی مشورہ دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے دعوتِ اسلامی کے 12 دینی کاموں کے متعلق گفتگو کرتے ہوئے شرکا کو مدنی پھولوں سے نوازا۔

بعدازاں اراکینِ شوریٰ سمیت دیگر ذمہ دار اسلامی بھائیوں نے دعوتِ اسلامی کے دینی کاموں میں ترقی کے لئے اپنی اپنی رائے پیش کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوت اسلامی کے زیر اہتمام 15 جون 2023ء کو بعد نمازِ مغرب دنیا بھر میں ہفتہ وار سنتوں بھرے اجتماع کا انعقاد کیا جائے گا جن میں اراکین و مبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماع میں پابندی کے ساتھ ذکر اللہ، دُورد شریف کا ورد اور رقت انگیز دعاؤں کا بھی خصوصی اہتمام کیا جاتا ہے۔

15 جون کی شب عالمی مدنی مرکز فیضان مدینہ کراچی میں ہونے والے ہفتہ وار اجتماع میں رکنِ شوریٰ حاجی سید ابراہیم عطاری، محمد حنفیہ مسجد سوڈیوال سمن آباد لاہور میں رکنِ شوریٰ حاجی یعفور رضا عطاری، جامع مسجد رضا کورنگی نمبر 4 کراچی میں رکن شوریٰ حاجی ابو ماجد محمد شاہد عطاری مدنی، مدینہ مسجد پنجابی کلب کھارادر کراچی میں رکنِ شوریٰ حاجی فضیل عطاری اور مدنی مرکز فیضان مدینہ ننکانہ میں رکن شوریٰ حاجی محمد اظہر عطاری سنتوں بھرا بیان فرمائیں گے۔

دعوت اسلامی کے شعبہ مدنی قافلہ کے تحت 12 جون 2023ء کو مدنی مرکز فیضان مدینہ میر پور کشمیر میں مدنی مشورہ ہوا جس میں میرپور کے مقامی ذمہ داران نے شرکت کی۔

نگران مجلس شعبہ مدنی قافلہ حاجی مشکور عطاری نے مدنی قافلوں کے حوالے سے ذمہ داران کے ساتھ گفتگو کی اور انہیں تین دن، 12 دن اور ایک ماہ کے مدنی قافلے میں اسلامی بھائیوں کو سفر کروانے کا ذہن دیتے ہوئے اہداف طے کئے۔

وفاقی دارالحکومت اسلام آباد میں گزشتہ روز دعوتِ اسلامی کی مرکزی مجلسِ شوریٰ مولانا حاجی عبد الحبیب عطاری اور شعبہ رابطہ برائے شخصیات اسلام آباد کے ذمہ دار محمد عامر عطاری کی ایڈیشنل ڈپٹی کمشنر اوقاف عثمان اشرف سے ملاقات ہوئی۔

تفصیلات کے مطابق دورانِ ملاقات رکنِ شوریٰ مولانا حاجی عبد الحبیب عطاری نے عثمان اشرف سے مختلف امور پر گفتگو کرتے ہوئے دعوتِ اسلامی جو مساجد کی تعمیر و آباد کاری پر کام کر رہی ہے اس حوالے سےانہیں بریفنگ دی۔

اس کے علاوہ رکنِ شوریٰ مولانا حاجی عبد الحبیب عطاری نے دعوتِ اسلامی کے شعبہ جات بالخصوص شعبہ ایف جی آر ایف کے ذریعے ہونے والےدینی و فلاحی کاموں(مدنی ہیلتھ کلینک، شجرکاری، بلڈ کیمپس، عارضی مکانات، ترکیہ اور پاکستان میں سیلاب و زلزلہ متاثرین کے درمیان امدادی کام) کے بارے میں بتایا جس پر عثمان اشرف نے دعوتِ اسلامی کی کاوشوں کو سراہا۔

بعدازاں رکنِ شوریٰ مولانا حاجی عبد الحبیب عطاری نے عثمان اشرف کو مدنی مراکز فیضانِ مدینہ کراچی اور جی الیون اسلام آباد کا وزٹ کرنے کی دعوت پیش کی۔ (رپورٹ:محمد دانش عطاری، کانٹینٹ:غیاث الدین عطاری)

پچھلے دنوں دعوت اسلامی کے تحت میر پور خاص کی ایک سوسائٹی میں ختمِ قرآن کے سلسلے میں مدنی حلقے کا انعقاد کیا گیا جس میں میر پور خاص کے ڈویژن نگران حافظ زین عطاری اور ڈسٹرکٹ نگران سمیت دیگر عاشقان رسول  نے شرکت کی۔

مرکزی مجلس شوریٰ کے رکن حاجی قاری ایاز عطاری نے سنتوں بھرا بیان کیا اور شرکا کو روزانہ قرآن پاک کی تلاوت کرنےکی ترغیب دلائی۔ اس موقع پر دعوت اسلامی کو ملنے والی جگہ پر مسجد کا سنگِ بنیاد بھی رکھا گیا جبکہ رکن شوریٰ نے سوسائٹی کے اونر کو قرآن پاک کا تحفہ بھی پیش کیا۔