قرآن پاک میں ہے:إِنَّمَا يَخْشَى اللَّهَ مِنْ عِبَادِهِ الْعُلَمَاءُ۔ترجمہ کنز الایمان” اللہ سے اس کے بندوں میں وہی ڈرتے ہیں جو علم والے ہیں“

جو کوئی اللہ عَزَّوَجَلَّ کے فرائض سے متعلق ایک یا دو یا تین یا چار یا پانچ کلمات سیکھے اور اسے اچھی طرح یا د کرلے اور پھر لوگوں کو سکھائے تووہ جنت میں ضرور داخل ہوگا ۔حضرت ِسیِّدُنا ابو ہریرہ رضی اللہ عنہ فرماتے ہیں :’’ میں رسولُ اللہ صلّی اللہ علیہ واٰلہٖ وسلّم سے یہ بات سننے کے بعد کوئی حدیث نہیں بھولا۔ ‘‘ (الترغیب والترہیب، کتاب العلم ، الترغیب فی العلم الخ، رقم۲۰، ج۱، ص۵۴)

٭ایک ساعت علم حاصل کرنا ساری رات قیام کرنے سے بہتر ہے۔ (مسند الفردوس،ج2،ص441،حدیث:3917) ٭ علم اسلام کی حیات اور دین کا ستون ہے۔ (کنز العمال، جزء10،ج 5،ص58، حدیث:28657) ٭مرنے کے بعد بھی بندے کو علم سے نفع پہنچتا رہتا ہے۔(مسلم، ص684، حدیث:4223) ٭ علم کی مجالس جنّت کے باغات ہیں۔ (معجم کبیر،ج11،ص78،حدیث:11158)

دعوت اسلامی کے زیر اہتمام ہرجمعرات پابندی کے ساتھ ہونے والے ہفتہ وار اجتماع میں بھی عاشقان رسول کو دینی تعلیم سے سیراب کیا جاتا ہےتاکہ وہ اپنی روزمرہ کے مصروفیات اور عبادات کو احسن انداز میں عین شریعت کے مطابق مکمل کرسکیں۔

ہر ہفتے کی طرح 13 جنوری 2022ء کو بھی بعد نماز عشاء رات ساڑھے آٹھ بجے دنیا بھر میں ہفتہ وار سنتوں بھرے اجتماعات شروع ہوجائیں گے جن میں مبلغینِ دعوتِ اسلامی سنتوں بھرے بیانات فرمائیں گے۔ تفصیلات کے مطابق نورانی مسجد نشتر اسکوائر ملیر، کراچی میں ہونے والے ہفتہ وار اجتماع میں رکن شوریٰ حاجی محمد امین عطاری سنتوں بھرا بیان فرمائیں گے جسے مدنی چینل پر براہ راست نشر کیاجائیگا۔ اس کے علاوہ مدنی مرکز فیضان مدینہ فیصل آباد مدینہ ٹاؤن میں نگران پاکستان مشاورت حاجی محمد شاہد عطاری ”مال و اولاد قرب الٰہی کا ذریعہ کیسے بن سکتے ہیں؟“کے موضوع پر ، حسن مہتاب چڑڑ ڈیفنس کینٹ لاہور میں رکن شوریٰ حاجی یعفور رضا عطاری اور مدنی مرکز فیضان مدینہ ٹنڈو الٰہ یار میں رکن شوریٰ حاجی قاری ایاز عطاری سنتوں بھرے بیانات فرمائیں گے۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

دعوتِ اسلامی کے زیرِ اہتمام پچھلے دنوں مدنی مرکز فیضانِ مدینہ آفندی ٹاؤن حیدرآباد میں مدنی مشورے کا انعقاد ہوا جس میں شعبہ فالواپ کے ذمہ دار اسلامی بھائیوں نے شرکت کی۔

مدنی مشورے میں رکنِ مرکزی مجلسِ شوریٰ حاجی قاری ایاز عطاری نے ذمہ داران سے گفتگو کرتے ہوئے شعبے کے دینی کاموں کا جائزہ لیا۔اس موقع پر نگرانِ آفس سمیت دیگر ذمہ داران بھی موجود تھے۔(کانٹینٹ:غیاث الدین عطاری)

پچھلےدنوں دعوتِ اسلامی کے تحت مدنی مرکز فیضانِ مدینہ کاہنہ نو  لاہور میں مدنی مشورے کا اہتمام ہوا جس میں نشتر ٹاؤن کے ذمہ داران نے شرکت کی۔

اس مدنی مشورے میں رکنِ مرکزی مجلسِ شوریٰ حاجی یعفور رضا عطاری نے ذمہ داران سے گفتگو کرتے ہوئے دعوتِ اسلامی کے 12 دینی کاموں کا جائزہ لیا اور انہیں دینی کاموں میں ترقی کے لئے مدنی پھول دیئے جس پر ذمہ داران نے اچھی اچھی نیتوں کا اظہار کیا۔
(کانٹینٹ: غیاث الدین عطاری)

پچھلے دنوں دعوتِ اسلامی کے زیرِ اہتمام سینئر ممبر بورڈ آف ریونیو پنجاب چوہدری بابر حیات تارڑ کے والد جو پچھلے دنوں انتقال کر گئے ۔ اُن کے  لئے ایصالِ ثواب کا اہتمام کیا گیا جس میں جسٹس ہائی کورٹ لاہورجسٹس علی باقر نجفی، کمشنر سرگودھا ڈویژن محمد نبیل جاوید، کمشنر ملتان ڈویژن ڈاکٹر ارشاد احمد، کمشنر فیصل آباد ڈویژن محمد زاہد حسین، ڈپٹی کمانڈنٹ پولیس نیشنل اکیڈمی ڈی آئی جی بابر سرفراز الپاء، ایڈیشنل فیڈرل سیکرٹری سید علی ناصر شاہ، سیکرٹری ریونیو پنجاب محمد اشفاق خان، ڈی جی پی ایل آر اے پنجاب لیفٹیننٹ ر سہیل اشرف، سیکرٹری ٹیکسسز پنجاب شفقت اللہ مشتاق، مشیر وزیراعلیٰ پنجاب فیصل حیات خان جبوآنہ، ڈپٹی کمشنر سرگودھامحمد اصغر جوئیہ، ڈپٹی کمشنر قصورفیاض احمد موہل، ڈپٹی کمشنر چکوال کیپٹن ر بلال ہاشم، ڈائریکٹر لینڈ ریکارڈ پنجاب محمد ندیم عباس بھنگواور ایم این اےڈاکٹر نثار احمد جٹ سمیت پنجاب بھر سے اہم بیوروکریٹس افسران نے شرکت کی۔

اس موقع پر مرکزی مجلسِ شوریٰ کے رکنِ حاجی یعفور رضا عطاری نے سنتوں بھرا بیان کرتے ہوئے وہاں موجود اسلامی بھائیوں کی تربیت و رہنمائی کی نیز انہیں اسلامی تعلیمات کے مطابق زندگی گزارنے کا ذہن دیا۔بعدازاں اسلامی بھائیوں نے رکنِ شوریٰ سے ملاقات کی۔(کانٹینٹ:غیاث الدین عطاری) 

پچھلے دنوں مری میں ہونے والے حادثے کے سبب وفات پانے والے محمد ظفر اقبال کے لئے ایصالِ ثواب کا اہتمام ہوا جس میں مقامی اسلامی بھائیوں نے مرحوم کے گھر والوں سے تعزیت کی۔

اس دوران مرکزی مجلسِ شوریٰ کے اراکین حاجی یعفور رضا عطاری اور حاجی منصور عطاری نے بھی مرحوم کے گھر والوں سے تعزیت کرتے ہوئے انہیں صبر کی تلقین کی۔بعدازاں رکنِ شوری ٰ نے فاتحہ خوانی کی اور مرحوم کے لئے دعا کروائی جس پر اہلِ خانہ نے اظہارِ تشکر کیا۔(کانٹینٹ:غیاث الدین عطاری)

دعوت اسلامی کے زیر اہتمام جامع مسجد فیضان بسم اللہ شومارکیٹ گارڈن ٹاؤن میں بعد نماز فجر  ہونےوالے دینی حلقے میں صراط الجنان کی پہلی جلد ختم ہونے 10 جنوری 2022ء کو دینی حلقے کا سلسلہ ہوا جس میں علاقے کے عاشقان رسول نے شرکت کی۔

رکن شوریٰ حاجی محمد امین عطاری نے سنتوں بھرا بیان کیا اور شرکا کو قرآن پاک کی تعلیمات پر عمل کرنےکی ترغیب دلائی۔

دعوت اسلامی کے زیر اہتمام9 جنوری 2022ء کو انڈس شادی ہال کنری روڈ، عمر کوٹ سندھ میں سنتوں بھرے اجتماع کا انعقاد کیا گیا جس میں کثیر تعداد میں عاشقان رسول نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے ”خطرناک زلزلہ آنے والا ہے (سورۃ الزلزال)“ کے موضوع پر سنتوں بھرا بیان کیااور شرکا کو دل میں خوفِ خدا پیدا کرنے کی ترغیب دلائی۔

دعوت اسلامی کے زیر اہتمام 9 جنوری 2022ء کو پولیس گراؤنڈ چھاچھرو تھرپارکر  سندھ میں دعائے صحت اجتماع کا انعقاد کیا گیا جس میں مقامی عاشقان کی کثیر تعداد نے شرکت کی۔

رکن شوریٰ حاجی مولانا عبد الحبیب عطاری نے ”دل کو صاف کیجئے“ کے موضوع پر سنتوں بھرا بیان کیا اور شرکا کو مسلمانوں کی غیبت، چغلی، حسد اور دل کی دیگر باطنی بیماریوں سے بچتے ہوئے زندگی گزارنے کی ترغیب دلائی۔

ہاؤس اوپننگ کے سلسلے میں دعوت اسلامی کے زیر اہتمام 7جنوری 2022ء کوفیصل آباد کے علاقے ناظم آباد میں ایک اسلامی بھائی کی رہائش گاہ پر دینی حلقے کا انعقاد کیا گیا جس میں کثیر تاجران، سیاسی شخصیات اور ذمہ داران اسلامی بھائیوں نے شرکت کی۔

نگران پاکستان مشاورت حاجی محمد شاہد عطاری نے ”فکر آخرت “کے موضوع پر سنتوں بھرا بیان کیا اور شرکا کو دنیا کے گھر میں رہتے ہوئے جنت میں گھر بنانے کی تیاری کرنے کی ترغیب دلائی۔

عاشقان رسول کی عالمگیر تحریک دعوت اسلامی کے زیر اہتمام 8 جنوری 2022ء بعد نماز ظہر کیریئر کیمپس Career Campus کنری روڈ سندھ میں سنتوں بھرے اجتماع کا انعقاد کیا گیا جس میں مختلف شعبے سے وابستہ شخصیات نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے ”قرآن کا اثر لینے والے“ کے موضوع پر سنتوں بھرا بیان کیا اور شرکا کو نیکی کی عوت دیتے ہوئے قرآن پاک کی تعلیمات پر عمل کرنے کی ترغیب دلائی۔ 

دعوت اسلامی کے زیر اہتمام 8 جنوری 2022ء کو جامع مسجد عشق رسول، کنری روڈ سامارو سندھ میں سنتوں بھرے اجتماع کا انعقاد کیا گیا جس میں مختلف شعبے سے وابستہ شخصیات اور دیگر عاشقان رسول سمیت ذمہ داران دعوت اسلامی نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے ”ضروری پیغام کونسا ہے؟“ کے موضوع پر سنتوں بھرا بیان کیا اور شرکا کو فضول کاموں سے بچتے ہوئے اپنا قیمتی وقت نیکی کے کاموں میں صرف کرنے کا ذہن دیا۔

دعوتِ اسلامی کے زیرِ اہتمام 6 جنوری 2022ء بروز جمعرات پنجاب پاکستان کے شہر سیالکوٹ کے پُلی حبیب ڈویژن میں ہفتہ وار سنتوں بھرے اجتماع کا انعقاد ہوا جس میں مقامی اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی محمداظہر عطاری نے سنتوں بھرا بیان کرتے اسلامی بھائیوں کی تربیت و رہنمائی کی اور آخر میں دعا بھی کروائی۔

بعدازاں اسلامی بھائیوں نے(مسجدمیں) رات اعتکاف کیا جس میں بعدِفجر تفسیر سُننے کا حلقہ لگایا گیاجبکہ ذمہ داراسلامی بھائیوں نے عاشقانِ رسول کے ہمراہ شجرہ ٔقادریہ عطاریہ بھی پڑھا ۔(رپورٹ:محمد عادِل رضا عطاری سیالکوٹ مدنی چینل عام کریں ، کانٹینٹ:غیاث الدین عطاری)