دعوت اسلامی کے زیر اہتمام 22 جنوری 2021ء کو مدنی مرکز فیضان مدینہ فیصل آباد میں مدنی مشورہ ہوا جس میں فیصل آباد ریجن کے شعبہ نگران، زون نگران، ڈویژن و علاقہ نگران نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے شرکا کی تربیت کی اور دینی کاموں کی کارکردگی کا جائزہ لیتے ہوئے انہیں 12 دینی کاموں میں بڑھ چڑھ کر حصہ لینے کا ذہن دیا۔ نگران شوریٰ نے انہیں اپنے اپنے شعبہ جات کو مزید ترقی کی طرف گامزن کرنے لئے عملی اقدام ٹھانے کی ترغیب دلائی۔

اس موقع پر نگران پاکستان انتظامی کابینہ حاجی محمد شاہد عطاری، اراکین شوریٰ حاجی یعفور رضا عطاری اور حاجی محمد جنید عطاری مدنی بھی موجود تھے۔

دعوت اسلامی کے مدنی مرکز فیضان مدینہ اسلام آباد میں بذریعہ زوم مدنی مشورہ ہوا جس میں اسلام آباد ریجن کے اراکین اور نگران زون نے شرکت کی۔

مرکزی مجلس شوریٰ کے رکن حاجی وقار المدینہ عطاری نے شرکا کی تنظیمی و اخلاقی تربیت کی اور مختلف دینی کاموں کے حوالے سے اہداف دیتے ہوئےدینی کاموں کو مزید بڑھانے کا ذہن دیا۔(رپورٹ: محمد شعیب رضا عطاری، مجلس کارکردگی سرگودھا زونل دفتر)

دعوت اسلامی کے تحت مدنی مرکز فیضان مدینہ واہ کینٹ میں مدنی مشورہ ہوا جس میں اراکین زون، اراکین کابینہ، ڈویژن اور  علاقہ مشاورت کے نگران سمیت دیگر ذمہ داران نے شرکت کی۔

مرکزی مجلس شوریٰ کے رکن حاجی وقار المدینہ عطاری نے شرکا کی تنظیمی و اخلاقی تربیت کی اور مختلف دینی کاموں کے حوالے سے اہداف دیتے ہوئے انہیں ایک ماہ کے مدنی قافلے میں سفر کرنے کی ترغیب دلائی جس پر 30 اسلامی بھائیوں نے رواں ماہ سے ہی کے ایک ماہ کے مدنی قافلے سفر کرنے کی نیت کی۔ (رپورٹ: محمد شعیب رضا عطاری، مجلس کارکردگی سرگودھا زونل دفتر)

دعوت اسلامی کے شعبہ رابطہ برائے شخصیات کے تحت مدنی مرکز فیضان مدینہ اسلام آباد مدنی مشورہ ہوا جس میں اسلام آباد کے ریجن ، زون اور ڈسٹرکٹ ذمہ داران نے شرکت کی۔

مرکزی مجلس شوریٰ کے رکن حاجی وقار المدینہ عطاری نے مختلف دینی کاموں کی کارکردگی کا جائزہ لیا اور دینی کاموں کو مزیدمضبوط کرنے اور آگے بڑھانے کے حوالے سے اہداف دیئے۔اس موقع پر نگران مجلس رابطہ پاکستان محمد قربان عطاری بھی موجود تھے۔ (رپورٹ: محمد شعیب رضا عطاری، مجلس کارکردگی سرگودھا زونل دفتر)

کراچی کے علاقے فیڈرل بی ایریا میں قائم دار العلوم نعیمیہ کے اساتذہ کرام کی 20 جنوری 2021ء کو عالمی مدنی مرکز فیضان مدینہ کراچی آمد ہوئی۔

ذمہ دار اسلامی بھائی نے انہیں خوش آمدید کہا اور فیضان مدینہ میں قائم مختلف شعبہ جات کا وزٹ کروایا۔ اساتذہ کرام نے شعبہ اسلامک ریسرچ سینٹر (المدینۃ العلمیہ)، مدنی چینل اور دیگر شعبہ جات کا دورہ کیاجہاں انہیں ہونے والے دینی کاموں کے متعلق اپڈیٹ فراہم کی گئی۔

اساتذہ کرام نے عالمی مدنی مرکز سے دنیا بھر میں ہونے والے دینی کاموں کا سراہا اور خوشی کا اظہار کرتے ہوئے اپنے نیک خواہشات کا اظہار کیا۔

دعوت اسلامی کے زیر اہتمام 21 جنوری 2021ء کو مدنی مرکز فیضان مدینہ جوہر ٹاؤن لاہور میں تاجر اجتماع کا انعقاد کیا گیا جس میں لاہور کے تاجر اسلامی بھائیوں نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کیا اور شرکا کو دعوت اسلامی دینی کاموں میں تعاون کرنے اور اس میں ذاتی طور پر شرکت کرنے کا ذہن دیا۔نگران شوریٰ کے انہیں تاجروں اور اپنے ماتحت لوگوں میں نیکی کی دعوت عام کرنے کی ترغیب بھی دلائی۔

اس موقع پر نگران پاکستان انتظامی کابینہ حاجی محمد شاہد عطاری بھی موجود تھے۔

دعوت اسلامی کے عالمی مدنی مرکز فیضان مدینہ کراچی میں18جنوری 2021ء کو حضرت علامہ مفتی محمد ابراہیم قادری صاحب سکھر مَدَّظِلُّہُ الْعَالِی اور مولانا سید سعید رضا گیلانی صاحب کی آمد ہوئی۔

حاجی ابو البنتین محمد حسان عطاری اور دیگر ذمہ داران نے انہیں خوش آمدید کہا اور فیضان مدینہ میں قائم مختلف شعبہ کا دورہ کروایا۔ مفتی ابراہیم قادری صاحب نے دار الافتاء اہلسنت کا وزٹ کیا جہاں مفتیان کرام مفتی محمد فضیل عطاری، مفتی سجاد عطاری مدنی اور مفتی محمد حسان عطاری مدنی نے شعبے کے حوالے سے بریفنگ دی۔

بعدازاں علامہ صاحب کو المدینۃ العلمیہ سمیت تخصص فی الحدیث اور دارالتدریب و لائبریری کا وزٹ کروایا گیاجہاں ہونے والے دینی کاموں کے بارے میں معلومات فراہم کی گئیں۔

مفتی ابراہیم صاحب نے دعوت اسلامی کے دینی کاموں کے ساتھ ساتھ تخصص فی الحدیث سال دوئم میں جاری علمی و تحقیقی کام کو خوب سراہا اور خوشی کا اظہار کیا۔(رپورٹ : احمدرضا مغل عطاری، شعبہ تخصصات)

20جنوری 2021ء کو دعوت اسلامی کے عالمی مدنی مرکز فیضان مدینہ کراچی میں جاری تخصصات کی کلاسز میں تربیتی سیشن کا اہتمام کیا گیا جس میں تخصصات کے طلبہ کرام نے شرکت کی۔

تربیتی سیشن میں موٹیویشنل اسپیکر سرفرید عطاری نے زندگی گزارنے کے حوالے سے گفتگو کرتے ہوئے کہا کہ زندگی کا کوئی نہ کوئی مقصد ضرور ہونا چاہیئے کیونکہ جس زندگی میں مقصد نہ ہو اس زندگی کا کوئی فائدہ نہیں ہوتا ، آپ اپنے آپ کو اس طرح نہ بنائیں کہ زندگی جو چاہے مجھے بنادے بلکہ اپنے آپ کو اس طرح بنائیں کہ جو میں چاہتا ہوں مجھے وہی بننا ہے بس۔

سرفرید نے مستقبل کی پلاننگ کی حوالے بات کرتے ہوئے کہا کہ آپ آگے کوئی کام کرنا چاہتے ہیں مثلا گھر بنانا ہے اور کتابوں کا مطالعہ کرنا ہے تو یاد رکھیں صرف جذبات سے کوئی کام نہیں ہوتا بلکہ آپ کو اس کام کو مرتب کرنا ہوگا لہذا اپنے کام کو مرتب کریں۔ سرفرید کی شرکا سے گفتگو کرتے ہوئے کہنا تھا کہ ایک بات ہمیشہ یاد رکھیں! مبہم اہداف مبہم نتیجہ پیدا کرتے ہیں جب آپ کا ہدف بالکل واضح ہوگا تو اِنْ شَآءَ اللہ نتیجہ بھی واضح آئے گا، انسان کی فطرت ہے کہ وہ آرام پسند ہوتا ہے لہذا اگر ایسا ہے تو آپ اپنی زندگی کو ایک شیڈول دیں کہ مجھے ان ان وقتوں میں یہ یہ کام کرنے ہیں اِنْ شَآءَ اللہ ایک بہترین نتیجہ حاصل ہوگا۔(رپورٹ: دانیال رضا عطاری مدنی، تخصص فی الحدیث)

دعوت اسلامی کے مدنی مرکز فیضان مدینہ جوہر ٹاؤن لاہور میں 20 جنوری 2021ء کو مدنی مشورہ ہوا جس میں لاہور ریجن میں قائم فیضان آن لائن اکیڈمی کے تمام اساتذہ نے شرکت کی۔

مرکزی مجلس شوریٰ کے نگران مولانا محمد عمران عطاری نے شرکا کی تربیت کی اور فیضان آن لائن اکیڈمی کے ذریعے ہونے والے کورسز اور دیگر دینی تعلیم کے حوالے سے مدنی پھول بیان کئے۔مدنی مشورے میں نگران شوریٰ نےاپنی ٹیچنگ مزید بہتر بنانے کے حوالے سے گفتگو کی اور 12دینی کاموں میں بڑھ چڑھ کر حصہ لینے کا ذہن دیا۔

اس موقع پر نگران پاکستان انتظامی کابینہ حاجی محمد شاہد عطاری اور رکن شوریٰ حاجی یعفور رضا عطاری بھی موجود تھے۔

دعوت اسلامی کے زیر اہتمام 19 جنوری 2021ء کو مدنی مرکز فیضان مدینہ گوجرانوالہ میں تاجر اجتماع کا انعقاد کیا گیا جس میں گوجرانوالہ کے تاجر اسلامی بھائیوں نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کیا اور شرکا کو دعوت اسلامی کے دینی کاموں میں تعاون کرنے اور اس میں ذاتی طور پر شرکت کرنے کا ذہن دیا۔نگران شوریٰ کے انہیں تاجروں اور اپنے ماتحت لوگوں میں نیکی کی دعوت عام کرنے کی ترغیب بھی دلائی۔

اس موقع پر نگران پاکستان انتظامی کابینہ حاجی محمد شاہد عطاری اور رکن شوریٰ حاجی یعفور رضا عطاری بھی موجود تھے۔

19جنوری 2021ء کو دعوت اسلامی کے عالمی مرکز فیضان مدینہ کراچی میں مدنی مشورہ ہوا جس میں کراچی ریجن کے ذمہ داران نے شرکت کی۔

مرکزی مجلس شوریٰ کے اراکین حاجی محمد امین عطاری، حاجی محمد علی عطاری اور حاجی امین قافلہ عطاری نے شرکا کی تربیت کی اورکراچی ریجن میں 12 دینی کاموں کو بڑھانے کا ذہن دیا۔مدنی مشورے میں اہم امور پر گفتگو بھی ہوئی۔