پچھلے دنوں  بلوچستان جت علاقے خضدار کی معروف قبائلی شخصیت میر ظفر اقبال گرگناڑی نے دعوتِ اسلامی کے عالمی مدنی مرکز فیضانِ مدینہ کراچی کا دورہ کیا جہاں مجلس رابطہ نے ذمہ داران نے انہیں خوش آمدید کہا۔ ذمہ داران نے انہیں مدنی مرکز میں موجود مختلف شعبہ جات کا وزٹ کروایا جن کو دیکھنے کے بعد انہوں نے تاثرات دیتے ہوئے کہاکہ آج مجھے یہاں آکر بہت خوشی ہوئی اور ایک روحانی سکون ملا۔ سب سے بڑی بات یہ کہ دعوت اسلامی کا نظام بہت ہی پیارا ہے ہر شعبہ مثالی ہےدینِ اسلام کی خدمت جس انداز سے کی جارہی ہے وہ قابلِ تعریف ہے۔ امیراہل سنت کی شب وروز کی محنت کا صلہ ہے کہ آج دعوت اسلامی دنیا بھر میں دین اسلام کا کام کررہی ہے ۔

اس موقع پر مجلس رابطہ برائے شخصیات کے ذمہ داران میں قلات ڈویژن کے عبدالشکور عطاری، ڈسٹرکٹ لسبیلہ کے ذمہ دار شیخ فیصل عطاری اور کراچی ریجن کےذمہ داران بھی موجودتھے ۔ (رپورٹ: مجلس رابطہ برائے شخصیات ڈسٹرکٹ لسبیلہ قلات ڈویژن)

21 فروری 2021ء کو ایبٹ آباد پریس کلب کے صحافیوں کی مدنی مرکز فیضان مدینہ جوہر ٹاؤن لاہور آمد ہوئی۔ صحافیوں میں طاہر حسین شاہ (صدر الیکٹرونک میڈیا ایبٹ آباد)، جنرل سیکرٹری ندیم اکرم عباسی اور بیورو چیف سمیت 28 سینئرز صحافی شامل تھے۔

صحافیوں نے مدنی مرکز میں قائم مختلف ڈیپارٹمنٹ کا دورہ کیا جہاں ہونے والی دینی کاموں کا جائزہ لیتے ہوئے معلومات حاصل کی۔ بعد ازاں صحافیوں نے رکن شوریٰ حاجی یعفور رضاعطاری سے ملاقات کی۔ رکن شوریٰ نے ان کے درمیان بیان کرتے ہوئے دعوت اسلامی کا تعارف پیش کیا اورانہیں اپنے اداروں میں دینی کاموں کو فروغ دینے کا ذہن دیا۔

پچھلے دنوں مفتی سید زاہد سراج قادری صاحب(جنرل سیکریٹری ادارہ تحقیقات امام احمد رضا کراچی)، مولانا نعمان کریم انصاری صاحب (خطیب جامع مسجد مدینہ قائد آباد ملیر کراچی) اور مولانا ندیم صدیقی قادری صاحب (مدرس و ناظم دار العلوم مدرسہ قادریہ رضویہ کراچی) کی عالمی مدنی مرکز فیضان مدینہ کراچی آمد ہوئی۔

ذمہ داران نے انہیں خوش آمدید کہا اور مدنی مرکز میں قائم اسلامک ریسرچ سینٹراور شعبہ مدنی چینل سمیت مختلف ڈیپارٹمنٹ کا دورہ کروایا۔

علمائے کرام نے عالمی مدنی مرکز سے دنیا بھر میں ہونے والے دینی کاموں کو سراہا اور اس میں مزید ترقی کے لئے دعائیں کیں۔

19 فروری 2021ء کو مدنی مرکز فیضان مدینہ جوہر ٹاؤن لاہور میں گورنر پنجاب چوہدری محمد سرور کی آمد ہوئی۔

گورنر چوہدری سرور فیضان مدینہ میں قائم شعبہ چائنیز ڈیپارٹمنٹ سمیت مختلف ڈیپارٹمنٹ کا دورہ کیا اور وہاں ہونے والے دینی کاموں کا جائزہ لیا۔ وزٹ کے بعد چوہدری سرور مرکزی مجلس شوریٰ کے رکن حاجی یعفور رضا عطاری ملاقات کی اور دعوت اسلامی کے دینی و فلاحی کاموں کے بارے میں تبادلۂ خیال ہو۔

اس موقع پر گورنر پنجاب چوہدری محمد سرور دعوت اسلامی گرین پاکستان مہم کا حصہ بنتے ہوئے فیضان مدینہ میں پودے بھی لگائے۔

دعوت اسلامی کے شعبہ چائنیز لینگویج کے زیر اہتمام 17 فروری 2021ء کو مدنی مرکز فیضان مدینہ جوہر ٹاؤن لاہور میں تربیتی سیشن ہوا جس میں K.P.K سے آئے ہوئے ٹیچرز نے شرکت کی۔

نگران مجلس شعبہ چائنیز لینگویج ڈاکٹر مطیع اللہ عطاری نے اسکول کے مینجمنٹ اور صفائی کے حوالے سے شرکا کی تربیت کی اور اسٹوڈنٹس کو وقت ضائع کرنے سے کس طرح بچایا جائے اس بارے میں گفتگو کی۔

تربیتی سیشن میں دعوت اسلامی کے دینی کاموں کے بارے میں بتایا گیا اور ساتھ ساتھ چائنیز لینگویج ڈیپارٹمنٹ کے دینی کاموں کے حوالے سے تعارف پیش کیا گیا۔ (رپورٹ: محمد انیس رضا عطاری، چائنیز لینگویج ڈیپارٹمنٹ)

دعوت اسلامی کے زیر اہتمام 16 فروری 2021ء کو مدنی مرکز فیضان مدینہ جوہر ٹاؤن لاہور میں شعبہ خدام المساجد و المدارس کا مدنی مشورہ ہوا جس میں متعلقہ شعبے کے ذمہ داران اور نگران زون حاجی محمد نعیم عطاری نے شرکت کی۔

اراکین شوریٰ حاجی سید لقمان عطاری اور حاجی یعفور رضا عطاری نے شرکا کی تربیت اور سابقہ کارکردگی کا جائزہ لیا۔ مدنی مشورے میں زیادہ سے زیادہ نیو مساجد و مدارس کا قیام کرنے اور جن مساجد و مدارس میں تعمیرات کا کام چل رہا ہے اسے جلد از جلد مکمل کرتے ہوئے دینی کام شروع کرنے کے حوالے سے گفتگو ہوئی۔

پچھلے دنوں دعوت اسلامی کے عالمی مدنی مرکز فیضان مدینہ کراچی میں سوشل میڈیا ڈیپارٹمنٹ کا مدنی مشورہ ہوا جس میں متعلقہ شعبے کے اسلامی بھائیوں نے شرکت کی۔

رکن شوریٰ حاجی مولانا عبد الحبیب عطاری نے مختصر بیان فرمایا جبکہ نگران مجلس سوشل میڈیا ڈیپارٹمنٹ حاجی بغداد رضا عطاری نے شرکا کی تربیت کی اور شعبے کو مزید ترقی کی طرف گامزن کرنے کے لئے مدنی پھول بیان کئے۔

دعوت اسلامی کے زیر اہتمام عالمی مدنی مرکز فیضان مدینہ کراچی میں 10 مارچ 2021ء سے 11 دن پر مشتمل ”مدنی مقصد کورس“ شروع ہونے جارہا ہے۔ اس کورس میں شرکت کرنے والے اسلامی بھائیوں کو ملک و بین الاقوامی سطح پر دعوت اسلامی کا دینی کام کرنے کا طریقہ کار سکھایا جائیگا۔

داخلے کی شرائط: عمر کم از کم 25 سال ہو ٭دعوت اسلامی کے دینی ماحول سے وابستہ ہوئے 5 سال ہوچکے ہو ٭ایک ماہ کے مدنی قافلے میں کم از کم ایک مرتبہ امیر قافلہ بن چکے ہو ٭دعوت اسلامی کی تنظیمی ذمہ داری کا کم از کم علاقہ سطح کا تین سال کا تجربہ ہو ٭نگران کابینہ اور نگران زون کی طرف سے اجازت ہو۔ (نگران کابینہ اور نگران زون کے لئے متعلقہ ریجن نگران کی اجازت ضروری ہے) ٭12 ماہ دینی کاموں کے سفر (ملک و بیرون ملک) کے لئے تیار ہو۔

واضح رہے کہ داخلہ فارم جمع کروانے کی آخری تاریخ 25 فروری 2021ء ہے۔

کورس کی مزید معلومات اور داخلہ فارم کے لئے انٹر نیشنل ٹریول ڈیپارٹمنٹ کے ریجن ذمہ دار یا درج ذیل تفصیلات پر رابطہ فرمائیں:

WhatsApp:03153784755- phon:02134921394

Email: safar@dawateislami.net

دعوت اسلامی کے مدنی مرکز فیضان مدینہ اوکاڑہ میں 16 فروری 2021ء کو مجلس اصلاح اعمال کا مدنی مشورہ ہواجس میں متعلقہ شعبے کے اسلامی بھائیوں نے شرکت کی۔

مرکزی مجلس شوریٰ کے رکن حاجی محمد رفیع عطاری نے شرکا کی تربیت کی اور شعبے کے حوالے سے مدنی پھول بیان کئے۔

پچھلے دنوں دعوت اسلامی کے عالمی مدنی مرکز فیضان مدینہ کراچی میں قائم مرکزی جامعۃ المدینہ کے درجہ دورۃ الحدیث میں تربیتی سیشن ہوا جس میں دورۃ الحدیث شریف کے طلبائے کرام نے شرکت کی۔

مجلس تراجم انگلش کے شرعی ایڈیٹر مولانا محمود عطاری مدنی نے ”فارغ التحصیل ہونے کے بعد کیا کرنا ہے“ کے موضوع پر بیان کیا اور مختلف امور کے حوالے سے شرکا کی تربیت کی۔ (رپورٹ، محمد تصور عطاری مدنی، لائبریری انچارج اسلامک ریسرچ سینٹر)

دعوت اسلامی کے شعبہ رابطہ برائے حکیم کے زیر اہتمام 14 فروری 2021ء کو عالمی مدنی مرکز فیضان مدینہ کراچی میں اطباء کا اجتماع ہوا جس میں حکیم رانا وزیر شاہی  (صدر اتحاد اطباء سندھ)، حکیم ندیم راجپوت (چیئرمین اتحاد اطباء سندھ)، پروفیسرطبیب جمیل اصغر خضری (بانی دفاع طب پاکستان)،حکیم سرور، حکیم شکیل، حکیم فیض سلطان قادری، حکیم غزالی، حکیم جعفر علی عطاری، حکیم ندیم عطاری اور حکیم محمد مدثر نذر عطاری سمیت اتحاد اطباء سندھ کے 50 اطباء، قاسمی طبیہ کالج کے پروفیسرز اور پنسار اسٹورز کے مالکان نے شرکت کی۔

مرکزی مجلس شوریٰ کے رکنِ حاجی قاری محمد سلیم عطاری نے بیان کرتے ہوئے شرکا کو دعوت اسلامی کا تعارف پیش کیا۔ اجتماع میں سوال و جواب کا بھی سلسلہ ہوا جس میں مختلف تجاویز زیر ِغور آئیں۔ اختتام پر رکن شوریٰ حاجی محمد امین عطاری نے خصوصی دعا فرمائی۔ (رپورٹ:حکیم محمد حسان عطاری، شعبہ رابطہ برائے حکیم پاکستان)

پچھلے دنوں رکن شوریٰ و نگران اسلام آباد ریجن الحاج ابو انوار محمد وقار المدینہ عطاری نے جامعۃ المدینہ للبنین G-11 مدنی مرکز اسلام آباد کے طلباء کرام میں سنتوں بھرا بیان فرمایا ۔ طلبہ سے ملاقات کی ۔ صراط الجنان کے سیٹ ودیگر تحائف بھی دئیے۔