دعوت اسلامی کے شعبہ رابطہ برائے حکیم کے زیر اہتمام 14 فروری 2021ء کو عالمی مدنی مرکز فیضان مدینہ کراچی میں اطباء کا اجتماع ہوا جس میں حکیم رانا وزیر شاہی  (صدر اتحاد اطباء سندھ)، حکیم ندیم راجپوت (چیئرمین اتحاد اطباء سندھ)، پروفیسرطبیب جمیل اصغر خضری (بانی دفاع طب پاکستان)،حکیم سرور، حکیم شکیل، حکیم فیض سلطان قادری، حکیم غزالی، حکیم جعفر علی عطاری، حکیم ندیم عطاری اور حکیم محمد مدثر نذر عطاری سمیت اتحاد اطباء سندھ کے 50 اطباء، قاسمی طبیہ کالج کے پروفیسرز اور پنسار اسٹورز کے مالکان نے شرکت کی۔

مرکزی مجلس شوریٰ کے رکنِ حاجی قاری محمد سلیم عطاری نے بیان کرتے ہوئے شرکا کو دعوت اسلامی کا تعارف پیش کیا۔ اجتماع میں سوال و جواب کا بھی سلسلہ ہوا جس میں مختلف تجاویز زیر ِغور آئیں۔ اختتام پر رکن شوریٰ حاجی محمد امین عطاری نے خصوصی دعا فرمائی۔ (رپورٹ:حکیم محمد حسان عطاری، شعبہ رابطہ برائے حکیم پاکستان)

پچھلے دنوں رکن شوریٰ و نگران اسلام آباد ریجن الحاج ابو انوار محمد وقار المدینہ عطاری نے جامعۃ المدینہ للبنین G-11 مدنی مرکز اسلام آباد کے طلباء کرام میں سنتوں بھرا بیان فرمایا ۔ طلبہ سے ملاقات کی ۔ صراط الجنان کے سیٹ ودیگر تحائف بھی دئیے۔

پچھلے دنوں دعوت اسلامی کے مدنی مرکز فیضان مدینہ کوٹ ادو میں سجادہ نشین آستانہ عالیہ پیر بارو شریف محمد عاشق باروی الحسنی صاحب، مفتی ریاض سعیدی صاحب (مہتمم جامعہ شمس العلوم)، مولانا عبد العزیز سیرانی صاحب (امام خطیب جامع مسجد مدنی کیپکو کوٹ ادو)، مولانا فتح محمد باروی صاحب (امام و خطیب جامع مسجد گلزار مدینہ کوٹ ادو)، مفتی محمد نصیر احمد صاحب (اسلامیات کے ٹیچر گورنمنٹ ہائی اسکول کوٹ ادو) اور مولانا طاہر الحسن باروی صاحب (مہتمم جامعہ انوار الاسلام کوٹ ادو) کی آمد ہوئی۔

جامعۃا لمدینہ کے طلبہ و اساتذۂ کرام اور مقامی ذمہ داران نے انہیں خوش آمدیدکہا۔ علمائے کرام نے فیضان مدینہ کا وزٹ کرتے ہوئے دعوت اسلامی کی دینی خدمات کو سراہااور اس میں مزید ترقی کے لئے دعائیں کیں۔(رپورٹ: سید عمار الحسن عطاری، مجلس رابطہ بالعلماء)

گزشتہ رات(12فروری کو) عالمی مدنی مرکز میں فیضان آن  لائن فیضان آن لائن اکیڈمی کے طلباء اور ان کے سرپرستوں کا سنتوں بھرا بیان ہوا جس میں دعوتِ اسلامی کی مرکزی مجلسِ شوریٰ کے نگران مولانا محمد عمران عطاری مَدَّظِلُّہُ الْعَالِی نے خصوصی بیان فرمایا اور طلبہ و شرکا کی مختلف امور پر دینی اور اخلاقی رہنمائی فرمائی۔

اس موقع پر نگران مجلس آن لائن یاسر عطاری اور دیگر ذمہ دارانِ دعوتِ اسلامی سمیت طلبہ کرام نے شرکت کی سعادت حاصل کی۔ 

12 فروری  2021ء جمعۃ المبارک پاکستانی وقت کے مطابق رات 9:00 بجے عالمی مدنی مرکز فیضان مدینہ کراچی سے براہ راست نگران ِشوری ٰمولانا عمران عطاری مُدَّظِلُّہُ الْعَالِی فیضان آن لائن آکیڈمی میں پڑھنے والے طلبہ اور ان کے سرپرست کے لئے خصوصی بیان فرمائیں گے۔ یہ بیان مدنی چینل پر براہ راست نشر کیا جائے گا۔

دعوتِ اسلامی کی مجلس مدنی کورسز کے تحت عالمی مدنی مرکز فیضان مدینہ کراچی میں  2 فروری 2021ء سے 12 دینی کام کورس کا آغاز ہوا جس میں تمام عربی شعبے سے 24 اسلامی بھائیوں نے شرکت کی۔

دینی کام کورس میں شرکا کو 12 دینی کاموں کے حوالے سے معلومات فراہم جارہی ہے جس کی ٹائمنگ روزانہ ایک گھنٹے ہے جوکہ 12 دن تک جاری رہےگا۔

دعوت اسلامی کے مدنی مرکز فیضان مدینہ فیصل آباد میں 3فروری 2021ء کو  ماہانہ مدنی مشورہ ہوا جس میں پاک کابینہ آفس فیصل آباد کے ذمہ داران نے شرکت کی۔

نگران پاکستان مشاورت حاجی محمد شاہد عطاری نے شرکا کی تربیت کی اور ان کی جانب سے کئے گئے سوالات کے جوابات دیئے۔

نگران پاکستان مشاورت نے انہیں آخرت کی یاددلاتے ہوئے اپنی عملی کیفیت کو بہتر کرنے کا ذہن دیاجبکہ شرکا کو مطالعہ کی اہمیت بیان کرتے ہوئے مطالعہ کرنےکے حوالے سے مدنی پھول ارشاد فرمائے۔

دعوت اسلامی کی مجلس رابطہ برائے ہومیو پیتھک ڈیپارٹمنٹ کے زیر اہتمام31جنوری 2021ء کو  مدنی مرکز فیضان مدینہ فیصل آباد میں مدنی مشورہ ہواجس میں شعبہ رابطہ برائے ہومیو پیتھک ڈیپارٹمنٹ کے نگران اور ریجن ذمہ داران نے شرکت کی۔

نگران پاکستان مشاورت حاجی محمد شاہدعطاری نے گزشتہ و موجودہ کارکردگی کا جائزہ لیا اور شعبے میں ہونے والی کمزریوں پر ذمہ داران کی تربیت فرمائی۔ نگران پاکستان مشاورت نے ذمہ داران کی تقرری کو مکمل کرنے ہومیو پیتھک سے وابستہ افراد میں اجتماعات منعقد کروانے اور بالخصوص 2026ء تک کے اہداف بھی دیئے۔مدنی مشورے میں یہ طے پایا کہ ہومیو پیتھک سے وابستہ افراد میں نیکی کی دعوت عام کی جائیگی جبکہ ہومیو پیتھک کے حوالے سے سوالات تیار کرکے دار الافتاء اہلسنت سے شرعی رہنمائی لی جائیگی۔‫

دعوت اسلامی کے شعبہ کفن دفن کے زیر اہتمام 31 جنوری 2021ء مدنی مرکز فیضان مدینہ فیصل آباد میں مدنی مشورہ ہوا جس میں رکن شوریٰ حاجی محمد منصور عطاری سمیت شعبے کے متعلقہ ذمہ داران نے شرکت کی۔

نگران پاکستان مشاورت حاجی محمد شاہد عطاری نے گزشتہ کارکردگی اور تقرری کا جائزہ لیتے ہوئے تقرری کے نظام کو مضبوط کرنے کے ساتھ ساتھ مکمل کرنے کے اہداف دیئے۔نگران پاکستان مشاورت نے آئندہ کے اہداف دیتے ہوئے ذمہ داران کو 2026ء تک کے پلان اور ہر ماہ اس کا فالو اپ کرنے پر گفتگو کی۔مدنی مشورے میں خیر خواہی امت کے جذبے کے تحت مسلمانوں میں کفن دفن کے مسائل اور غسل میت کی آگاہی کے لئے کورسز کو مزید بڑھانے کا ذہن دیا گیا۔اس مشورے میں یہ طے پایا کہ ذمہ داران مسلمانوں کے تیجے اور چہلم وغیرہ کے مواقع پر ایصالِ ثواب اجتماع منعقد کرواکر اراکین شوریٰ و دیگر مبلغین کے بیانات کروائیں گے اور دارالافتاء اہلسنت سے شرعی رہنمائی لیکر شعبے کے حوالے سے ایک رسالہ مرتب کیا جائیگا۔

دعوت اسلامی کی مجلس جامعۃ المدینہ کے زیر اہتمام 2 فروری 2021ء کو مدنی مرکز فیضان مدینہ لاہور میں مدنی مشورہ ہوا جس میں جامعۃ المدینہ لاہور ریجن کے ذمہ داران نے شرکت کی۔

مرکزی مجلس شوریٰ کے رکن حاجی یعفور رضا عطاری نے شرکا کی تربیت کی اور تعلیمی و انتظامی امور کے حوالے سے اپڈیٹ لیتے ہوئے اپنے نظام کو مزید بہتری کی طرف لانے کے متعلق مدنی پھول دیئے۔

دعوت اسلامی کے زیر اہتمام 31 جنوری 2021ء کومدنی مرکز فیضان مدینہ نوابن والی دنیا پور  میں سنتوں بھرا اجتماع ہوا جس میں کثیر تعداد میں عاشقان رسول نے شرکت کی۔

یوکے سے تشریف لائے ہوئے نگران برمنگھم ریجن یوکے حاجی سید فضیل رضا عطاری نے سنتوں بھرابیان کیااورشرکا کو مدنی قافلے میں سفر کرنے کی ترغیب دلائی۔

دعوت اسلامی کے زیر اہتمام مدنی مرکز فیضان مدینہ پاکپتن شریف میں جزوقتی 12 دینی کام کورس کا سلسلہ جاری ہے۔

دوران کورس 29 جنوری 2021ء کو مدنی حلقہ ہوا جس میں نگران زون پاکپتن حاجی سرفراز عطاری مدنی نے شرکا کی تربیت کی اور انہیں کورس مکمل کرنے کے بعد 12 دینی کاموں میں عملی طور پر شرکت کرنے اور نیکی کی دعوت دینے کی ترغیب دلائی۔