6نومبر 2020ء کو عالمی مدنی مرکز فیضان مدینہ کراچی میں ”کراچی ریجن آفس“ کا افتتاح ہوا۔

اس موقع پر ایک تقریب کا انعقاد کیا گیا جس میں اراکین شوریٰ حاجی محمد امین عطاری اور حاجی محمد اطہر عطاری سمیت کارکردگی ڈیپارٹمنٹ کے اسٹاف نے شرکت کی۔

اراکین شوریٰ نے آفس کا افتتاح کرتے ہوئے شرکا کو مختلف مدنی پھول بیان فرمائیں جن کی تفصیلات درج ذیل ہے:

ایک دوسرے کے تجربات سے فائدہ اٹھائیں، ایک دوسرے کی ایکسپرٹیز کا فائدہ زندگی میں چینج لاتا ہے، جو ادارہ ترقی دیتا ہے لوگ ان اداروں کو نہیں چھوڑتے، ہر شخص یہ عہد کرے کہ میری زندگی کی تمام قابلیتیں دعوت اسلامی کے لئے ہے اور میں اپنی صلاحیت کو دعوت اسلامی کے لئے وقف کرونگا، اپنے آفس کے کام سے وفاداری کریں، اپنی صلاحیتوں سے بہتریں فائدہ اٹھائیں اور دوسروں کی بھی سکھائیں۔

دعوت اسلامی کے مدنی مرکز فیضان مدینہ وندر بلوچستان میں مدنی مشورہ ہوا جس میں لسبیلہ کابینہ کے ڈویژن نگران، اراکین کابینہ، نگران کابینہ، زونل نگران، ناظمین، مدرسین، اساتذہ اور ائمہ کرام نے شرکت کی۔

مرکزی مجلس شوریٰ کے رکن حاجی امین عطاری نے مدنی پھول بیان کرتے ہوئے فرمایا کہ ”ایک بزرگ رحمۃ اللہ علیہ فرماتے ہے کہ جوانی کو بڑھاپے سے پہلے، زندگی کو موت سے پہلے، صحت کو بیماری سے پہلے، مالداری کو غربت سے پہلےاور فرصت کو مصرفیات سے پہلے غنیمت جانو“۔

رکن شوریٰ نے مدنی کاموں کو بڑھانے کے حوالے سے فرمایا کہ ”ہر اسلامی بھائی سے خندہ پیشانی سے ملاقات کریں، سلام کو عام کریں اور مدنی کام کو بڑھانے کے لئے اپنا ظاہری حلیہ بھی درست ہونا چاہیئے۔

حاجی محمد امین عطاری نے 12 مدنی کاموں کو مضبوط کرنے کا ذہن دیا اور 15 نومبر 2020ء کو ہونے والے ٹیلی تھون میں بھر پور حصہ لینے کی ترغیب دلائی۔ 

دعوت اسلامی کے زیر اہتمام مدنی مرکز فیضان مدینہ گوجرہ میں مدنی مشورہ ہوا جس میں مدرسۃ المدینہ کے ناظمین اور مدرسین نے شرکت کی۔

مرکزی مجلس شوریٰ کے رکن حاجی محمد رفیع العطاری نے مدنی کام میں شرکت کرنے اور ٹیلی تھون میں حصہ لینے کا ذہن دیا۔ رکن شوریٰ نے شرکا کو امیر اہل سنت دَامَتْ بَرَکَاتُہُمُ الْعَالِیَہ کی دعا حاصل کرنے کے لئے انفرادی کوشش کے ذریعے اپنے عزیز و اقارب سے ٹیلی تھون جمع کرنے کی ترغیب دلائی۔

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ فرماتے ہے کہ”مدنی قافلہ دعوت اسلامی کی ریڑھ کی ہڈی ہے“

اسی جذبے کو لیکر عاشقان رسول 3دن، 12دن، 1ماہ اور 12 ماہ کے مدنی قافلے میں سفر کرتے رہتے ہیں ۔

گزشہ دنوں 12 ماہ کے مدنی قافلے میں سفر کرنے والے عاشقان رسول مدنی مرکز فیضان مدینہ اسلام آباد پہنچے ۔ اس موقع پر مدنی حلقے کا انعقاد کیا گیا جس میں مرکزی مجلس شوریٰ کے رکن حاجی وقار المدینہ عطاری نے ”ذکر اللہ“ کے فضائل پر سنتوں بھرا بیان فرمایا۔

اس موقع پر رکن شوریٰ کا کہنا تھا کہ”جنت الفردوس خاص اس شخص کے لیے ہے جو نیکی کی دعوت دے اور برائی سے منع کرے“ ۔ (تنبیہ المغترّین ص۲۹۰ دارالبشائربیروت) ۔

رکن شوریٰ نے شرکا کو 12 ماہ میں 1 کروڑ درود پاک پڑھنے کی نیتیں کروائی اور اسلامی بھائیوں کو سچا عاشق رسول بننے کے ساتھ ساتھ مخلص محبت وطن بننے کی ترغیب دلائی۔مدنی حلقے کے اختتام پر عاشقان رسول کو مکتبۃ المدینہ کی کتب و رسائل تحفے میں دیئے گئے۔

دعوت اسلامی کی مجلس حج و عمرہ کے زیر اہتمام مدنی مرکز فیضان مدینہ حیدر آباد میں مدنی مشورہ ہوا جس میں حیدر آباد ریجن مجلس حج و عمرہ کے ذمہ داران نے شرکت کی۔

مرکزی مجلس شوریٰ کے رکن حاجی سید ابراہیم عطاری، نگران مجلس حج و عمرہ بیرون ملک عبد الاحد عطاری اور نگران مجلس حج و عمرہ پاکستان حاجی شوکت عطاری نے شرکا کو شعبے کے حوالے سے مدنی پھول بیان کئے۔

مدنی مشورے میں عمرے میں جانے والے افراد کی تربیت کرنے اور حکومتی پالیسز سے آگاہ کرنے کا ذہن دیا گیا۔ رکن شوریٰ نے ذمہ داران کو ٹریول ایجنسیز والوں سے رابطے میں رہنے اور ان کے آفسز میں میلاد اجتماع کروانے کی ترغیب دلائی۔ اس مدنی مشورے میں 15 نومبر 2020ء کو ہونے والے ٹیلی تھون میں مدنی عطیات جمع کرنے کا ذہن دیا گیا جس کے لئے ہر کابینہ کو 112 یونٹ جمع کرنے کے اہداف دیئے گئے۔

آج رات  عالمی مدنی مرکز فیضان مدینہ میں مدنی قافلے کے ذمہ داران کا مدنی مشورہ ہوگا جس نے دعوت اسلامی کی مرکزی مجلس شوریٰ کے رکن حاجی امین عطاری مدنی قافلہ شرکائے مدنی مشورہ کی تربیت فرمائیں گے۔

مدنی مشورے میں کراچی ریجن ساؤتھ، ایسٹ، بن قاسم زون کے تمام زون ، کابینہ ڈویژن مدنی قافلہ ذمہ داران شرکت فرمائیں گے ۔

مدنی مشورہ رات 8 بجے سے رات 10 بجے تک ہوگا۔

متعلقہ ذمہ داران سے شرکت کی مدنی التجا ہے

عالمی مدنی مرکز فیضان مدینہ کراچی میں 12ربیع الاول 1442ھ کی شب ہونے والے اجتماع میلاد میں گورنر سندھ عمران اسماعیل اور M.P.A خرم شیر زمان کی آمد ہوئی۔

مجلس رابطہ کے ذمہ دار یوسف سلیم عطاری نے انہیں خوش آمدید کہا۔ گورنر سندھ اور ان کے ساتھ آئے ہوئے مہمانوں نے مدنی مذاکرے اور اجتماع میلاد میں شرکت کی۔ گورنر سندھ عمران اسماعیل نے دعوت اسلامی کی دینی خدمات کو سراہا اور اپنی نیک خواہشات کا اظہار کیا۔

اس موقع پر کوآرڈینیٹر علی رضا صدیقی، ڈسٹرکٹ ساؤتھ کے ایڈیشنل جنرل سیکرٹری عبد الرحمٰن موتی والا اور ڈپٹی جنرل سیکرٹری اویس اجمیری بھی موجود تھے۔

کراچی میں قائم دعوت اسلامی کے عالمی مدنی مرکز فیضان مدینہ میں مجلس ڈاکٹرز کے تحت سنتوں بھرااجتماع ہوا  جس میں ملکی، ریجن اور زون سطح کے ذمہ داران سمیت دیگراسلامی بھائیوں نے شرکت کی۔ نگران شوریٰ مولانا محمد عمران عطاری مَدَّظِلُّہُ الْعَالِی نے ان اسلامی بھائیوں کی رہنمائی فرمائی اور مدنی پھول بھی دئیے۔

دعوت اسلامی کی مرکزی مجلس شوریٰ کے رکن حاجی محمداطہر عطاری نے ان ذمہ داران کا مدنی مشورہ کیا اور ان اسلامی بھائیوں کی ان کے شعبے میں مدنی کاموں کے حوالے سے رہنمائی فرمائی۔ اس دوران 2020ء کے اہداف پر کلام ہوا، مجلس ڈاکٹرکے مدنی کاموں کو مزید بہتربنانے اور بڑھانے کے حوالے سے گفتگو ہوئی جبکہ صحت کے شعبہ میں ڈاکٹر ز، پیرامیڈیکل اسٹا ف،ہیلتھ ورکرز اور فارما انڈسٹری کے لوگوں کو کس طرح نیکی کی دعوت دی جائے گی اس موضوع پر بھی گفتگو کی گئی۔

عالمی مدنی مرکزفیضان مدینہ کراچی میں راولپنڈی میں قائم مرکزی جامع مسجد کے امام و خطیب مولانا عاطف سلیم نقشبندی صاحب کی تشریف آوری ہوئی جہاں مجلس المدینۃ العلمیہ کے ناظم محمد آصف خان عطاری مدنی اور رکن مجلس محمدعدنان چشتی عطاری نے ان کو خوش آمدید کہا۔ذمہ داران نے انہیں فیضان مدینہ میں قائم مکتبۃ المدینہ العربیہ، المدینۃ العلمیہ، تراجم سمیت دیگر شعبہ جات کا دورہ کروایا اور وہاں ہونے والے مدنی کاموں کے حوالے سے بریفنگ دی۔

مولانا عاطف سلیم نقشبندی صاحب نے رکن شوریٰ حاجی ابو ماجدمحمد شاہدعطاری مدنی سے ملاقات کی۔ رکن شوریٰ نے مختلف مدنی کاموں کے حوالے سے بتایا اور مکتبۃ المدینہ سے شائع ہونے والی مختلف دینی کتب و رسائل کے حوالے سے بھی آگاہ کیا۔

آخر میں مولانا عاطف سلیم نقشبندی صاحب کو بذریعہ ویڈیو مدرسۃ المدینہ، جامعۃ المدینہ سمیت دیگر شعبہ جات اور دنیا بھر میں ہونے والے مدنی کاموں کا تعارف پیش کیاگیا جس پر مولانا صاحب نے خوشی کا اظہار کیا اور دعوت اسلامی کی ترقی کے لئے دعائیں کیں۔

کراچی میں قائم دعوت اسلامی کے عالمی مدنی مرکزفیضان مدینہ میں شعبہ تعلیم کے تحت سنتوں بھرا اجتماع ہوا جس میں کراچی کی مختلف یونیورسٹیز، کالجز، اسکولز، کوچنگ سینٹرز  اور دیگر تعلیمی شعبوں سے تعلق رکھنے والے ٹیچرز اور اسٹوڈنٹس نے شرکت کی۔ مرکزی مجلس شوریٰ کے رکن حاجی محمد امین عطاری نے ان اسلامی بھائیوں میں سنتوں بھرا بیان فرمایا۔

اس موقع پر حاجی محمد امین عطاری نے ان عاشقان رسول کو ترغیب دلائی کہ وہ دنیاوی تعلیم کے ساتھ دینی تعلیم بھی ضرور حاصل کریں اور اس کے لئے دعوت اسلامی ایک بہترین پلیٹ فارم ہے۔ رکن شوریٰ نے دعوت اسلامی کے مدنی ماحول سے وابستہ ہوکر دین اسلام کی خدمت کرنے کا ذہن بھی دیا۔

واضح رہے کہ اس اجتماع میں دعوت اسلامی کی مجلس اسپیشل افراد کے اسلامی بھائیوں نے بھی شرکت کی۔ جن میں مجلس کے ذمہ دار نے رکن شوریٰ حاجی محمد امین عطاری کے بیان کی اشاروں کی زبان میں ترجمانی کی۔

دعوت اسلامی کی مرکزی مجلس شوریٰ کے رکن حاجی فضیل رضا عطاری نے عالمی مدنی مرکز فیضان مدینہ کراچی سے بذریعہ ویڈیو لنک مدنی مشورہ فرمایا جس میں اورسیز اور  پاکستان کی مجلس اصلاح اعمال کورس، مجلس مدنی کورسز، مجلس اسپیشل افراد، مجلس ہفتہ وار اجتماع اور مدنی مذاکرہ کے نگران مجلس نے شرکت کی۔ مدنی مشورے میں شعبے کی بہتری اور ترقی کے حوالے سے مدنی پھول دیئے گئے۔ نگران مجالس نے بھی رکن شوریٰ کو اپنے اہداف پیش کئے اور آئندہ کے اہداف طے کئے گئے۔

فیصل آباد مدینہ ٹاؤن میں قائم مدنی مرکز فیضان مدینہ میں دعوت اسلامی کی مجلس حج و عمرہ فیصل آباد ریجن کے ذمہ داران کا مدنی مشورہ ہوا جس میں فیصل آباد ریجن ، کابینہ اور زون ذمہ داران نے شرکت کی۔ رکن شوریٰ سید ابراہیم عطاری نےاور مجلس حج و عمرہ کے ذمہ دار نےان اسلامی بھائیوں کی رہنمائی فرماتے ہوئے اہداف بھی دیئے۔