کوٹ مٹھن شریف سے حضرت خواجہ غلام فرید رحمۃُ اللہ علیہ کے آستانہ عالیہ کے سجادہ ٔنشین خواجہ محمد عامر فرید کوریجہ نے مدنی مرکز فیضانِ مدینہ فیصل آباد کا دورہ کیا۔

اس موقع پر وہاں موجود ذمہ داران نے خواجہ محمد عامر فرید کوریجہ کو مدنی مرکز میں موجود مختلف شعبہ جات کاو زٹ کروایا اور ان میں ہونے والے دینی کاموں کے بارے میں معلومات فراہم کیں ۔

بعد میں سجادۂ نشین محمد عامر فرید نے اراکینِ شوریٰ نگران پاکستان مشاورت حاجی محمد شاہد عطاری اور حاجی جنید عطاری سے ملاقات کی۔دورانِ ملاقات اراکینِ شوریٰ نے انہیں دنیا بھر میں ہونے والے دعوتِ اسلامی کے دینی و فلاحی کاموں کے متعلق بریفنگ دی اور انہیں تحفہ میں مکتبۃُ المدینہ کا شائع کردہ قرآن پین پیش کیا جس پر انہوں نے خوشی کا اظہار کرتے ہوئے خدماتِ دعوت اسلامی کو سراہا۔( رپورٹ:ساجد رسول عطاری،کانٹینٹ:رمضان رضا عطاری)

دعوتِ اسلامی کے شعبہ مدنی قافلہ، شعبہ اصلاحِ اعمال اور شعبہ مدرسۃالمدینہ بالغان کے ذمہ داران کی تربیت کے سلسلے میں فیصل آباد کے مدنی مرکز فیضانِ مدینہ میں آن لائن مدنی مشورہ ہوا جس میں مذکورہ شعبہ جات کے نگران، پاکستان بھر سے مختلف سطح کے ذمہ داران، مدرسۃالمدینہ بالغان کے قاری صاحبان اور پڑھنے والے اسلامی بھائیوں نے شرکت کی۔

دورانِ مدنی مشورہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شعبوں کے دینی کاموں کے متعلق گفتگو کرتے ہوئے کھالوں کی بکنگ کرنے،قربانی بروشر تقسیم کرنے اور قربانی رسید بکس کی کارکردگی کا جائزہ لیا۔

دعوتِ اسلامی  کی جانب سے پچھلے دنوں واہ کینٹ گرین سٹی میں موجود مدنی مرکز فیضانِ مدینہ میں مدنی مشورہ ہوا جس میں واہ کینٹ، ٹیکسلا اورگجرخان تحصیل کے نگرانوں اور ڈسٹرکٹ شعبہ جات کے ذمہ داران نے شرکت کی۔

مدنی مشورے میں ڈسٹرکٹ نگران لیاقت عطاری نے مدنی قافلوں میں سفر کرنے اور تحفظِ اوراق ِمقدسہ کے دینی کاموں کو مزید بہتر کرنے کے حوالے سے شرکا کی تربیت کی نیزاجتماعی قربانی و قربانی کی کھالوں کے حوالے اہداف دیئے اور تحصیل سطح پر کارکردگی ذمہ دار کا تقرر کرنے کے متعلق مدنی پھول دیئے ۔(رپورٹ: محمدبلال راولپنڈی سٹی وڈسٹرکٹ ذمہ دار،کانٹینٹ:رمضان رضا عطای)

بروز بدھ 21جون 2023ء  کوعاشقانِ رسول کی دینی تحریک دعوتِ اسلامی کے تحت مدنی مرکز فیضانِ مدینہ لطیف آباد نمبر 4 میں فری طبعی کیمپ کا سلسلہ ہوا جس میں ڈاکٹر و حکیم یوسف صاحب اور ڈاکٹر عرفان صاحب نے جامعۃ المدینہ بوائز کے طلبۂ کرام کا چیک اپ کیا اور انہیں فری ادویات دی۔(کانٹینٹ:رمضان رضا عطاری)

دعوتِ اسلامی  کی جانب سے 21جون بروز بدھ 2023ء کو مدنی مرکز فیضان مدینہ ملتان میں مدنی مشورہ منعقد ہوا جس میں ڈسٹرکٹ اور ڈویژن ملتان کارکردگی آفس کے ذمہ داران نے شرکت کی۔

مدنی مشورے میں نگران ڈویژن مشاورت محمد سادات عطاری نے مدرسۃالمدینہ بالغان لگانے کا ذہن دیا نیز قربانی کی کھالیں اور رسید بکس کی تقسیم کاری پر گفتگو کی اور قربانی کے تینوں دن شعبہ کارکردگی کے ذمہ داران کو کال سینٹر پر اپنی خدمات سرانجام دینے کی ترغیب دی۔(کانٹینٹ:رمضان رضا عطاری)

20جون  بروز منگل 2023ء کو دینی کاموں کے سلسلے میں مدنی مرکز فیضانِ مدینہ ملتان میں مدنی مشورے کا انعقاد ہوا جس میں ڈسٹرکٹ ذمہ داران ،ناظم الامور اور خود کفالت ذمہ داران نے شرکت کی۔

مدنی مشورے میں نگران ڈویژن مشاورت محمد سادات عطاری نے 20 جولائی 2023ء کو ملتان ڈویژن سے ایک ماہ کے مدنی قافلوں کے سفر کروانے کے حوالے سے کوشش کرنے کا ذہن دیا ۔

ساتھ ہی اجتماعی قربانی اور قربانی کی کھالیں جمع کرنے کا ہدف دیتے ہوئے شرکا کو شعبہ خود کفالت کے دینی کاموں میں مزید بہتر ی لانے کے لئے نئے مقامات پر ڈونیشن بکس ا ور ڈونیشن سیل لگانے کی ترغیب دلائی ۔(رپورٹ: قمر عطاری کارکردگی آفس،کانٹینٹ: رمضان رضا عطاری)

پچھلے دنوں دعوتِ اسلامی  کی مرکزی مجلس شوریٰ کے رکن حاجی وقار عطاری کی دعوت پر الکرم یونیورسٹی کے وائس چانسلر ملک اسلم (اسلام آباد)نے ملک ممتاز الحسن ایڈیشنل ڈائریکٹر ایف آئی اے (کراچی) کے ہمراہ کراچی مدنی مرکز فیضان مدینہ کا دورہ کیا ۔

جہاں شعبہ رابطہ برائے شخصیات کے ذمہ داران نے شخصیات کو مدنی مرکز میں موجود مختلف شعبہ جات کا وزٹ کروایا اور ان میں ہونے والے دینی کاموں کے بارے میں بریفنگ دی ۔

بعدازاں شخصیات نے اراکین شوریٰ حاجی عبد الحبیب عطاری،حاجی رفیع عطاری،ابو ماجد محمد شاہد عطاری سمیت نگرانِ شوریٰ حاجی محمد عمران عطاری سے ملاقاتیں کیں۔

ملاقات میں نگرانِ شوریٰ نے شخصیات کو دنیا بھر میں ہونے والے دعوتِ اسلامی کے اہم دینی اور فلاحی سلسلوں کے بارے میں بتایا جس پر شخصیات نے خدماتِ دعوت اسلامی کو سراہا اور دینی کاموں میں ہر ممکنہ تعاون کرنے کی اچھی نیت کااظہار کیا۔ )کانٹینٹ:رمضان رضا عطاری)

دعوت اسلامی کے عالمی مدنی مرکز فیضان مدینہ کراچی میں 15 جون 2023ء کو شعبہ جامعۃ المدینہ کے زیر اہتمام سنتوں بھرے اجتماع کا انعقاد کیا گیا جس میں جامعۃ المدینہ فیضان مدینہ کراچی کے اساتذہ / طلبہ براہِ راست جبکہ ملک و بیرون ملک کے اساتذۂ کرام و طلبہ / طالبات بذریعہ آڈیو/ ویڈیو لنک شریک ہوئے۔

نگران شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور امام غزالی رحمۃُ اللہِ علیہ کا قول نقل کرتے ہوئے فرمایا کہ جسم ایک سلطنت ہے اور اس کا بادشاہ دل ہےباقی سب اس کی رعایا ہے، حکم یہاں سے صادر ہورہا ہےکہ ہمیں کیا کرنا ہے، اگر دل و دماغ کی کیفیت دیکھنا چاہے یا اس کا امتحان لینا چاہےتو تنہائی ایک زبردست کمرۂ امتحان ہے۔نگران شوریٰ نے مزید فرمایا کہ ہم تنہائی میں ہوں یا سب کے سامنے حیا ہمیں ہر اس کام سے بچاتی جسے بُرا سمجھاجاتا ہو۔ہمیں اللہ پاک سے حیا طلب کرنی چاہیئے۔ بیان کے بعد صلوۃ و سلام پڑھا گیا اور دعا پر اجتماع کا اختتام ہوا۔

عاشقانِ رسول کی دینی تحریک دعوتِ اسلامی  کی جانب سے 15جون بروز جمعرات 2023ء کو مدنی مرکز فیضانِ مدینہ انصاری چوک ملتان میں ہفتہ وار اجتماع کا انعقاد ہوا جس میں شہر کے ذمہ دارانِ دعوت اسلامی اور مختلف شعبہ ہائے زندگی سے تعلق رکھنے والی سیاسی و سماجی شخصیات کی شرکت ہوئی۔

ملتان ڈویژن نگران محمد سادات عطاری نے ’’کعبۃُ اللہ المشرفہ کی برکتیں اور اسکے فضائل ‘‘ کے موضوع پر بیان کیا جس میں شرکا کو اس کی تعمیرات کتنی بار ہوئیں،حرمین میں گناہ سے نہ بچنے کے نقصانات ، طواف کیسے شروع ہوا اور فجر کے لئے جگانے کی برکتیں سمیت صلح کے فضائل و آداب بیان کئے ۔

اس کے علاوہ حج و عمرہ موبائل ایپ کا تعارف کروایا جس پر حاضرین نے اچھی اچھی نیتیں کیں۔ذکر،دعااور صلوۃ و سلام پر اجتماع پاک کااختتام ہوا۔(رپورٹ: قمر عطاری مجلس کارکردگی ،کانٹینٹ:رمضان رضا عطاری)

14 جون 2023ء کو دعوت اسلامی کے عالمی مدنی مرکز فیضان مدینہ کراچی میں شعبہ جامعۃ المدینہ کے تحت سنتوں بھرے اجتماع کا انعقاد کیا گیا جس میں رکن شوریٰ حاجی محمد علی عطاری، شعبہ جامعۃ المدینہ کے ذمہ داران سمیت اساتذۂ کرام نے شرکت کی جبکہ ملک کے دیگر شہروں میں کئی مقامات پر  اساتذۂ کرام اور معلمات بذریعہ آڈیو /ویڈیو لنک شریک ہوئے۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو معاشرے کی تباہی کا سبب بننی والی بےحیائی اور فحاشی سے متعلق توجہ دلاتے ہوئے ان سے بچنے اور دوسروں کو بچانے کا ذہن دیا۔نگران شوریٰ نے اساتذۂ کرام اور طلبہ کو اس کی روک تھام میں اپنا کردار اداکرنے کی ترغیب دلائی۔

آخر میں نگران شوریٰ نے اچھی کارکردگی پر اساتذۂ کرام کو سرٹیفکیٹ بھی دیا۔ 

پچھلے دنوں دعوت اسلامی کے عالمی مدنی مرکز فیضان مدینہ میں کراچی سٹی مشاورت کے  اسلامی بھائیوں کا مدنی مشورہ ہوا جس میں اراکین شوریٰ حاجی محمد علی عطاری، حاجی فضیل رضا عطاری، ڈسٹرکٹ، ٹاؤن اور یوسی سطح کے ذمہ داراسلامی بھائیوں نے شرکت کی۔

مدنی مشورے میں نگران شوریٰ مولاناحاجی محمد عمران عطاری مُدَّ ظِلُّہُ العالی نے نیک اعمال کرنے سے متعلق گفتگو کرتے ہوئے فرمایا کہ نیک اعمال آخرت کے ساتھ دنیا میں بھی کام آئیں گے۔ وقت کی قدر سے متعلق بیان کرتے ہوئے نگران شوریٰ نے فرمایا کہ جو وقت آکر گزر چکا وہ اب کسی صورت واپس نہیں آئے گا لہذا وقت کی قدر کرتے ہوئے ذکر و اذکار اور نیک اعمال کو اپنی زندگی کا معمول بنائیں۔

بچوں کی تربیت کے حوالے سے نگران شوریٰ کا کہنا تھا کہ قابل رشک ہیں وہ والدین جن کابیٹا حافظ بھی ہو عالم بھی ہو اور مفتی بھی ہو، لہذا اپنے بچوں کو نمازکی تلقین کریں اور خود بھی قرآن سیکھ کر دوسروں کو بھی اس کی تعلیم دیں۔ اس کے علاوہ نگران شوریٰ نے ذمہ داران کو شعبہ مدنی کورسز کے تحت ہونے والے مختلف دینی کورسز کرنے کی ترغیب دلائی ۔

12 جون 2023ء کو  مدنی مرکز فیضانِ مدینہ بہاولپور میں ذمہ داران کا مدنی مشورہ ہوا جس میں 12دینی کاموں کے ساتھ ساتھ قربانی کی کھالیں اکٹھی کرنے کے حوالے سے نگران بہاولپور ڈویژن ڈاکٹر حافظ عبدُالرؤف عطاری نے اسلامی بھائیوں کو مدنی پھول و احتیاطیں بیان کیں جس پر شرکا نے بھر پور دینی کاموں میں تعاون کرنے کی اچھی اچھی نیتیں کیں۔(کانٹینٹ:رمضان رضا عطاری)