صوبہ گلگت بلتستان کے شہر جٹیال میں 22 جون 2025ء کی دوپہر 3:00 سے 5:00 بجے تک ایک ٹریننگ سیشن کا انعقاد ہوا جس میں ذیلی حلقے جٹیال، سلطان آباد، رحمان آباد اور سکور کی کم و بیش 35  ذمہ دار اسلامی بہنیں شریک ہوئیں۔

ذمہ داران کی تربیت کے لئے پاکستان مجلسِ مشاورت کی نگران اسلامی بہن نے ”علمِ دین کے فضائل“ کے موضوع پر بیان کیااور وہاں موجود اسلامی بہنوں کی مختلف امور پر ذہن سازی کی جن میں سے بعض درج ذیل ہیں:

٭منسلک، معلمات اور مبلغات کی فہرست تیار کرنا٭ہفتہ وار سنتوں بھرے اجتماع میں پابندی کے ساتھ شرکت کرنا٭سنتوں بھرے اجتماعات کو مضبوط بنانا٭مدرسۃالمدینہ بالغات میں پڑھنا/پڑھانا٭نئی جگہوں پر دینی کام کا آغاز کرنا٭جولائی 2025ء میں”معلمہ مدنی قاعدہ کورس“ کروانا۔

ٹریننگ سیشن کے اختتام پر نگران و ذمہ دار اسلامی بہنوں نے پاکستان مجلسِ مشاورت کی نگران سے ملاقات کی جبکہ ذمہ داران کی نمایاں کارکردگی پر اُن کی حوصلہ افزائی کے لئے رسائل و تحائف تقسیم کئے گئے۔ 

21 جون 2025ء:

دعوتِ اسلامی کے زیرِ اہتمام استور شہر، صوبہ گلگت بلتستان کے علاقے بلند میں نیکی کی دعوت عام کرنے کے لئے سیشن کا انعقاد کیا گیاجس میں مقامی ذمہ دار اسلامی بہنوں نے شرکت کی۔

سیشن کا باقاعدہ آغاز صبح 10:00 بجے ہوا جس میں نگرانِ پاکستان مجلسِ مشاورت اسلامی بہن نے مدرسۃ المدینہ بالغات کے لئے ٹیسٹ کے حوالے سے ذمہ داران کو ہدف دیا اور مدرسۃ المدینہ گرلز کی طالبات کے بارے میں مشاورت کی۔

اس کے علاوہ نگرانِ پاکستان مجلسِ مشاورت نے ہفتہ وار سنتوں بھرے اجتماع میں پابندی کے ساتھ شرکت کرنے اور اجتماعات کو مزید مضبوط بنانے کے لئے مدنی پھول بیان کئے۔

سیشن کے بعد تقریباًدوپہر 12:30 تا 1:30 بجے کے دوران نگرانِ پاکستان مجلسِ مشاورت نے ذمہ داران کے ہمراہ عوامی سطح پر نیکی کی دعوت دی ۔

گوریکورٹ شہر، صوبہ گلگت بلتستان کے علاقے چھوگام میں 20 جون 2025ء کو دعوتِ اسلامی کے دینی کاموں کے سلسلے میں نگرانِ پاکستان مجلسِ مشاورت نے دیگر ذمہ داران کے ہمراہ ایجوکیشن ڈیپارٹمنٹ سے تعلق رکھنے والی گورنمنٹ ٹیچرز سے ملاقات کی۔

ملاقات کے دوران نگرانِ پاکستان مجلسِ مشاورت اسلامی بہن نے ٹیچرز کو دعوتِ اسلامی کا تعارف کرواتے ہوئے انہیں اسکولز میں دعوتِ اسلامی کے دینی کام کرنے اور طالبات میں اصلاحی و اسلامی علوم پر مشتمل مختلف سیشنز کروانے کی ترغیب دلائی۔

اسی طرح علاقہ چھوگام ہی کی جملہ ذمہ دار اسلامی بہنوں کے لئے ایک بھی سیشن منعقد ہوا جس میں نگرانِ پاکستان مجلسِ مشاورت نے ذیلی حلقے میں نگران اور علاقائی دورہ برائے نیکی کی دعوت کی ذمہ دار اسلامی بہنوں کا تقرر کیا۔

اس موقع پر نگرانِ پاکستان مجلسِ مشاورت نے اسلامی بہنوں کو نئے اجتماعات شروع کروانے اور مدرسۃالمدینہ بالغات میں پڑھنے کا ذہن دیا جس پر انہوں نے اچھی اچھی نیتوں کا اظہار کیا۔

صدیق آباد میں قائم فیضانِ صحابیات میں تخصص فی الدعوۃ کی طالبات کے درمیان  ہونے والے ”8 دینی کام کورس“ میں 18 جون 2025ء کو ایک سیشن ہوا جس میں خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت کی آمد ہوئی۔

اس موقع پر صاحبزادیِ عطار سلمہا الغفار نے صحابۂ کرام کی محبت و عقیدت کے حوالے سے بیان کیا اور کفایت شعاری کے متعلق طالبات کو مدنی پھولوں سے نوازا جبکہ نگرانِ عالمی مجلسِ مشاورت اسلامی بہن نے طالبات کو دعوتِ اسلامی کی ذمہ داریاں لینے کی ترغیب دلائی جس پر انہوں نے اچھی اچھی نیتیں کیں۔

18 جون 2025ء کو گوریکورٹ شہر میں واقع اسلامی بہنوں کے مدنی مرکز فیضانِ صحابیات میں دعوتِ اسلامی کے تحت   مدنی مشورہ ہوا جس میں صوبہ گلگت بلتستان مشاورت کی بعض اسلامی بہنیں براہِ راست اور بعض اسلامی بہنیں آن لائن شریک ہوئیں۔

مدنی مشورے کے دوران نگرانِ پاکستان مجلسِ مشاورت اسلامی بہن نے صوبہ گلگت بلتستان کی ماہانہ کارکردگی کا جائز لیتے ہوئے مختلف نکات پر مشاورت کی ۔

بعض نکات:

٭تمام مسلک، معلمات اور مبلغات کی فہرست تیار کرنا٭تقرریاں مکمل کرنا٭نئی جگہ پر دینی کاموں کا آغاز کرنا٭بروقت کارکردگی شیڈول جمع کروانا٭ماہانہ مدنی مشورے لینا٭جولائی 2025ء سے شروع ہونے والے معلمہ مدنی قاعدہ کورس کا فالو اپ٭دینی کاموں میں مزید بہتری لانا۔

ذمہ دار اسلامی بہنوں کی جانب سے دینی کاموں میں درپیش مسائل بیان کئے گئے جس پر نگرانِ پاکستان مجلسِ مشاورت نے اُن کا حل بتایا جبکہ اسلامی بہنوں نے دیئے گئے اہداف کو مکمل کرنے کے لئے اچھی اچھی نیتیں کیں۔

آخر میں نگرانِ پاکستان مجلسِ مشاورت نے اسلامی بہنوں کی نمایاں کارکردگی پر اُن کی حوصلہ افزائی کے لئے تحائف تقسیم کئے۔

صوبہ گلگت بلتستان کی دیامیر ڈویژن کے علاقے گوریکوٹ میں دعوتِ اسلامی کے تحت  18 جون 2025ء کو دریال 1، دریال 2 اور دریال 3 ذیلی حلقوں کی اسلامی بہنوں کے لئے ایک سیشن منعقد ہوا۔

اس سیشن میں پاکستان مجلسِ مشاورت کی نگران اسلامی بہن نے اپنا محاسبہ کرتے ہوئے ہر روز اپنے اعمال کا جائزہ لینے اور نیکی کی دعوت دینے کے حوالے سے مدنی پھول بیان کئے۔

نگرانِ پاکستان مجلسِ مشاورت نے سنتوں بھرے اجتماعات میں شرکت کرنے، منسلک اسلامی بہنوں کی فہرست تیار کرنے، درس و بیان کے حلقے لگانے اور نئی اسلامی بہنوں کو دعوتِ اسلامی سے وابستہ کرنے کے لئے علاقائی دورہ برائے نیکی کی دعوت کرنے کی ترغیب دلائی۔ اس موقع پر تمام ذمہ دار اسلامی بہنوں نے اپنے اپنے اہداف کو پورا کرنے کے لئے اچھی اچھی نیتوں کا اظہار کیا۔

17 جون 2025ء کو دوپہر 12:00 تا 02:00 گلگت شہر کے علاقے سلطان آباد میں ذمہ دار اسلامی بہنوں کے لئے ایک سیشن منعقد کیا گیا جس میں اسلامی بہنوں کی دینی و اخلاقی اعتبار سے تربیت کی گئی۔

دعوتِ اسلامی کی نگرانِ پاکستان مجلسِ مشاورت اسلامی بہن نے بیان کیا جس میں انہوں نے اپنا محاسبہ کرتے ہوئے روزانہ اپنے اعمال کا جائزہ لینے، دینی ماحول سے منسلک اسلامی بہنوں کو سنتوں بھرے اجتماعات کرنے، مدرسۃالمدینہ بالغات میں پڑھنے اور دیگر اسلامی بہنوں کو دعوتِ اسلامی کے دینی ماحول سے وابستہ کرنے کے لئے علاقائی دورہ برائے نیکی کی دعوت میں شرکت کرنے کی ترغیب دلائی۔

سیشن کے اختتام پر اسلامی بہنوں نے مذکورہ اہداف کو مکمل کرنے اور دینی ماحول سے ہر دم وابستہ رہنے کی اچھی اچھی نیتوں کا اظہار کیا۔

پاکستان بھر میں عاشقانِ رسول کی دینی تحریک دعوتِ اسلامی کے زیرِ اہتمام مئی 2025ء میں ہونے والے 8 دینی کاموں کی کارکردگی کا تفصیلی جائزہ درج ذیل ہے۔

اس رپورٹ کے مطابق دعوتِ اسلامی کی دینی خدمات میں ذمہ دار اسلامی بہنوں کی شرکت اور سرگرمیاں شامل ہیں:

٭روزانہ گھر درس دینے والی اسلامی بہنوں کی تعداد: 22 ہزار 573 (22,573)۔

٭روزانہ امیراہل سنت دامت بَرَکَاتُہمُ العالیہ کا بیان/مدنی مذاکرہ سننے والی اسلامی بہنوں کی تعداد:2 لاکھ 25 ہزار 298 (2,25,298)۔

٭مدرسۃالمدینہ بالغات کی تعداد:13 ہزار 367 (13,367)۔

٭مدرسۃالمدینہ بالغات میں پڑھنے والی اسلامی بہنوں کی تعداد:1 لاکھ 13 ہزار 876 (1,13,876)۔

٭اسلامی بہنوں کے ہفتہ وار سنتوں بھرے اجتماعات کی تعداد:11 ہزار 406 (11,406)۔

٭شرکائے اجتماع کی مجموعی تعداد:4 لاکھ 18 ہزار 974 (4,18,974)۔

٭ہفتہ وار علاقائی دورہ برائے نیکی کی دعوت میں شریک اسلامی بہنوں کی تعداد: 28 ہزار 350 (28,350)۔

٭ہفتہ وار رسالہ پڑھنے/سننے والی اسلامی بہنوں کی تعداد: 7 لاکھ 62 ہزار 456 (7,62,456)۔

٭اسلامی بہنوں سے وصول ہونے والے نیک اعمال کے رسائل کی تعداد: 1 لاکھ 91 ہزار 807(191,807)۔

٭اسلامی بہنوں کے درمیان ہونے والے کل مدنی کورسز کی تعداد: 5 ہزار 279 (5,279)۔

٭مدنی کورسز میں شریک اسلامی بہنوں کی تعداد: 68 ہزار 773 (68,773)۔

کراچی (14 جون 2025ء) :

دعوتِ اسلامی کے تحت اسلامی بہنوں کی تربیت و رہنمائی کرنے اور انہیں دینی کاموں کا جذبہ دلانے کے لئے وقتاً فوقتاً مدنی مشوروں کا انعقاد ہوتا رہتا ہے۔

اسی سلسلے میں کراچی کے علاقے P.I.B کالونی میں واقع اسلامی بہنوں کے مدنی مرکز فیضانِ صحابیات میں 14 جون 2025ء کو ڈسٹرکٹ اورنگی کی 8 دینی کام کی نگران اسلامی بہنوں کا مدنی مشورہ منعقد ہوا۔

اس دوران نگرانِ عالمی مجلس اسلامی بہن نے نئی اسلامی بہنوں کو ذمہ داریاں دینے اور ان کے ساتھ یکساں سلوک کرنے کے حوالے سے ذمہ داران کی ذہن سازی کی جبکہ صاحبزادیِ عطار سلمھا الغفار سے اسلامی بہنوں نے مختلف سوالات کئے جن میں تقرریاں مکمل کرنے، ذمہ داریاں لینے اور ذمہ داریوں سے متعلق گفتگو ہوئی۔

10 جون 2025ء کی دوپہر 3:00 تا 4:00 بجے تک شعبہ قراٰن ٹیچر ٹریننگ کورسز کے حوالے سے آن لائن سیشن منعقد کیاگیا جس میں صوبہ سندھ کی تمام ڈویژن و ڈسٹرکٹ نگران اور پاکستان سطح کی ذمہ دار اسلامی بہنیں شریک ہوئیں۔

دعوت اسلامی کی نگرانِ پاکستان مجلسِ مشاورت اسلامی بہن نے ”مدنی قاعدہ کورس مہم 2025ء“ کے موضوع پر بیان کرتے ہوئے تمام ڈسٹرکٹ نگران سے ڈسٹرکٹ وائز کورسز کے اہداف لئے جس میں کم و بیش صوبہ سندھ کے 361 مقامات پر فزیکل آن لائن کورسز کروانا طے کیا گیا۔

علاوہ ازیں نگرانِ پاکستان مجلسِ مشاورت نے کورسز کروانے میں در پیش مسائل سنے اور اُن کا حل بھی بتایا نیز ذمہ دار اسلامی بہنوں نے اپنے اہداف کو پورا کرنے اور دینی کاموں کو بڑھانے کی اچھی اچھی نیتیں پیش کیں۔

10 جون 2025ء کو دوپہر 12 تا 2 بجے تک پاکستان کے شہر راولپنڈی سے بذریعہ انٹرنیٹ ماہانہ آن لائن میٹنگ  منعقد ہوئی جس میں ملک سطح کی شعبہ ذمہ داران اور صوبائی نگران اسلامی بہنوں نے شرکت کی۔

نگرانِ پاکستان مجلسِ مشاورت اسلامی بہن نے اسلامی بہنوں کو اپنا محاسبہ کرتے ہوئے ہر روز اپنے اعمال کا جائزہ لینے کے حوالے سے مدنی پھول دیئے جبکہ ملک سطح کی شعبہ ذمہ داران و صوبائی نگران اسلامی بہنوں کے سفر شیڈول اور کارکردگی شیڈول کے متعلق رپورٹ بھی پیش کی گئی۔

آخر میں نگرانِ پاکستان مجلسِ مشاورت نے دینی ماحول سے منسلک اسلامی بہنوں کی فہرست تیار کرنے، اسلامی بہنوں کو دعوتِ اسلامی کے واٹس ایپ چینل فالو کرنے، نئی جگہوں پر دینی کام شروع کرنے اور تقرریاں مکمل کرنے کے اہدا ف دیئے جس پر اسلامی بہنوں نے اپنے اہداف کو پورا کرنے کے لئے اچھی اچھی نیتوں کا اظہار کیا۔

4 جون  2025ء کو دوپہر 2 بجے سے 3 بجے تک شعبہ 8 دینی کام للبنات دعوتِ اسلامی کے تحت لاہور سٹی کی سمن آباد اور اقبال ٹاؤن کی ذمہ داران کے”آن لائن سیشن“ کا انعقاد ہوا جس میں سٹی، ٹاؤن اور سب ٹاؤن نگران اسلامی بہنیں شریک ہوئیں۔

تفصیلات کے مطابق اس سیشن میں دعوتِ اسلامی کی نگرانِ پاکستان مجلس ِمشاورت اسلامی بہن نے ”نیک اعمال“ کے موضوع پر بیان کیا اور اسلامی بہنوں کو نیکی کے اعمال کی اہمیت نیز ان کے نفاذ کے طریقوں سے آگاہ کیا بالخصوص دینی ماحول سے منسلک اسلامی بہنوں، معلمات اور مبلغات کی تعداد میں اضافے کے لئے مدنی پھولوں سے بھی نوازا۔

اسی طرح نگرانِ پاکستان مجلسِ مشاورت نے ہفتہ وار سنتوں بھرے اجتماعات کے ایڈریس کو سافٹ ویئر میں شامل کرنے، علاقائی دورہ برائے نیکی کی دعوت اور ہفتہ وار رسالہ مطالعہ کو فروغ دینے کے مختلف طریقے پر گفتگو کی۔

اس کے علاوہ نگرانِ پاکستان مجلسِ مشاورت نے جولائی 2025ء سے شروع ہونے والے شعبہ قرآن ٹریننگ کورسز کے بارے میں آگاہی فراہم کی جس پر اسلامی بہنوں نے کورسز کے اہداف مقرر کئے اور دینی کاموں کو مزید بڑھانے کی نیتیں کیں۔