دعوتِ اسلامی کے زیر اہتمام ہفتہ وار مدنی مذاکرے میں امیر اہل سنت دامت برکاتہم العالیہ کسی ایک رسالے کے مطالعے کی ترغیب ارشاد فرماتے ہیں اور رسالہ پڑھنے اور سننے والوں کو اپنی دعاؤں سے نوازتے ہیں ۔مطالعہ کرنے یا سننے والے خوش نصیبوں کی کارکردگی امیر اہل سنت دامت برکاتہم العالیہ کی بارگاہ میں پیش بھی کی جاتی ہے ۔اس ہفتے امیر اہل سنت دامت برکاتہم العالیہ نے رسالہ ’’یتیم کسے کہتے ہیں ‘‘پڑھنے یا سننے کی ترغیب دلائی ۔ملک ہند کی اسلامی بہنوں کی اس ہفتے رسالہ پڑھنے اور سننے کی کارکردگی 40108 رہی۔

دعوتِ اسلامی کے زیر اہتمام کراچی ریجن ذمہ داراسلامی بہن بنت حسین عطاریہ نے 14جنوری کو کراچی ساؤتھ اور ایسٹ زون کی زون ذمہ داراسلامی بہن اور تمام کابینہ ذمہ دار اسلامی بہنوں کا اجلاس ہوا۔ جس میں شعبہ مدرستہ المدینہ بالغات کے حوالے سے اہم نکات سمجھائے گئے اور متفرق نئے کاموں (مدارس کا آغاز، تجوید کورس میں کامیاب اسلامی بہنوں کو امتحان دلوانے اورمدرستہ المدینہ بالغات کے درجات کی تفتیش کروانے) کے حوالے سے ذہن دیا گیا۔جس میں ہاتھوں ہاتھ اسلامی بہنوں نے ان مدنی کاموں کو بہتر طریقے سے سر انجام دینے کی نیتیں پیش کیں۔

دعوت اسلامی کی مجلس شاورٹ کورسز کے تحت لاہور جنوبی زون میں  یکم فروری 2020ء سے 26 دن کے مدنی قاعدہ کورس شروع ہوگیا ہے ۔ اسی سلسلے میں 29جنوری 2020ء کو کورس کروانے والی مدرِّسہ اسلامی بہنوں کا مدنی مشورہ ہوا جس میں معاون مفتشہ نے بذریعہ فون مدرسات کی تربیت کی ۔ مفتشہ نے مدنی قاعدہ پڑھنے میں عموما کی جانے والی غلطیوں کی نشاندہی کی اورغلطیوں کو درست کرنے کا طریقہ بتاتے ہوئے کورس سے قبل انٹری ٹیسٹ لینے اور کورس کے مقصدکو پیش نظر رکھتے ہوئے طالبات کی تربیت کرنے کا ذہن دیاگیا۔

دعوت اسلامی کے تحت 2فروری 2020ء کو کابینہ اطراف ٹھٹھہ میں مدنی مشورہ ہوا جس میں مجلس مدنی انعامات کے ذمہ دار اسلامی بہنوں نے شرکت کی۔ زون ذمہ دار مجلس مدنی انعامات نے مختلف شعبہ جات (مدنی انعامات، مدنی مذاکرہ، مدنی بہاروں) کے حوالے سے کلام کرتے ہوئے اسلامی بہنوں کو تمام کارکردگی وقت پر جمع کروانے کی ترغیب دلائی۔ زون ذمہ دار نے کابینہ اور ڈویژن ذمّہ داران مجلس مدنی انعامات کو اپنے علاقے اور ڈویژن میں مدنی انعامات کی ذمہ داران کا تقرری کرنے کا ذہن دیا اور اچھی اچھی نیتیں بھی کروائیں۔

دعوت اسلامی کے تحت یکم فروری 2020ء کو کراچی ایسٹ کابینہ گلزار ہجری میں ذیلی تازون مدنی مشورہ ہوا جس میں مجلس مدنی انعامات کی  ذمہ دار اسلامی بہنوں نے شرکت کی ۔ زون ذمہ دار مجلس مدنی انعامات نے شرکا سے کارکردگی کا جائزہ لیا اور شعبے میں بہتری لانے کے حوالے سے مدنی پھول دیئے۔ اس موقع پر تمام کارکردگی فارمز کے متعلق معلومات فراہم کی گئی۔

دعوتِ اسلامی کے زیر اہتمام 28 جنوری 2020‫کراچی ریجن ذمہ دار اسلامی بہن نےکراچی ایسٹ اور ساؤتھ زون  کی مدرسات اسلامی بہنوں کے درمیان میں یکم فروری2020 سے شروع ہونے والے26 روزہ مدنی قاعدہ کورس کی مدرسات اسلامی بہنوں کی تربیت کی جس میں مُدرِّسہ اسلامی بہنوں کو کورس کے جدول، تجوید، اور تدریس کے مطلق اہم معلومات دی گئی ۔اس کے بعد مدرسات اسلامی بہنوں کے سوالات کے جوابات بھی دیے گئے ۔مبلغہ اسلامی بہن نے قرآن پاک سیکھنے اور سیکھانے کے فضائل پر بیان بھی کیا .اسی مقام پر 6 ماہ کے ناظرہ قرآن کورس کی مدرسات اسلامی بہنوں کے درمیان اجلاس بھی ہوا، ‫آخر میں مدرسات اسلامی بہنوں نے تاثرات پیش کئے تربیت میں بہت اچھا لگا قرآن پاک مزید سیکھنے اور سیکھانے کا جذبہ ملامزید ہاتھوں ہاتھ اپنے گھر میں مدرستہ المدینہ پڑھانے،‫ذیلی حلقے میں بالغات کا درجہ پڑھانے، اور مزید کورسز کروانے کی نیتیں پیش کیں۔

دعوتِ اسلامی  کی مجلس دارالسنہ کے زیر انتظام  پنڈی اسلام آباد زون میں بارہ دن کا (مدنی کام کورس) ہوا جس میں گلگت بلتستان سے آئی ہوئیں اسلامی بہنوں نے شرکت فرمائی  29 جنوری کوجدول کے مطابق مبلغہ دعوت اسلامی(رکن عالمی مجلس مشاورت آسٹریلیا نیوزی لینڈ نگران)نے مکتبہ المدینہ کی مطبوعہ تجہیزوتکفین کاطریقہ کی مدد سےسنت کے مطابق غسل میت اور کفن پہنانے کا طریقہ سکھایا  کم و بیش 42  اسلامی  بہنوں نے اس کورس کو سیکھنے کی سعادت حاصل  کی۔

دعوتِ اسلامی کے زیر اہتمام کراچی کے زون ایسٹ کے علاقے اورنگی ٹاؤن  میں دعائے صحت اجتماع منعقد ہوا ۔ جس میں تقریباً 300اسلامی بہنوں نے شرکت کی اورپاک سطح کی شعبہ تعویذاتِ عطاریہ کی ذمہ دار اسلامی بہن نے بھی اس اجتماع میں شرکت کی اجتماع کے بعد نمازحاجات کے نوافل پڑھے گئے۔ آنے والی پریشان حال اسلامی بہنوں کے لئے رقت انگیز دعا مانگی گئی ۔اس کے بعد تعویذات عطاریہ کے بستے( اسٹال) لگائے گئے۔

27 جنوری کو چشمہ میں شخصیات کے مدنی حلقے کا انعقاد ہوا جس میں 15 شخصیات (آئی پی ایس کالج کی ٹیچرز، زولوجی ڈیپارٹمنٹ کی پروفیسرز اور مِل اونرز خواتین) نے شرکت کی۔ مجلس رابطہ ریجن ذمہ دار اسلامی بہن نے سنتوں بھرا بیان کیا۔ اجتماع میں موجود شخصیات نے دعوت اسلامی کے بارے میں اچھے تاثرات دیئے اور دارالمدینہ کے سلیبس، دارالمدینہ کے اسٹاف کی قابلیت اور معیار تعلیم کو بے حد سراہا اور دارالمدینہ کے ساتھ تعاون کی نیت کی۔

27 جنوری کو دارالسنہ میں ہونے والا 12 دن کا کورس اپنے اختتام کو پہنچا۔ اس موقع پر اختتامی نشست منعقد کی گئی جس میں کراچی ریجن لیاقت آباد کابینہ سے شخصیات اسلامی بہنوں نے بھی شرکت کی۔ دعائیہ اشعار اور رقت انگیز دعاؤں سے شخصیات بہت متاثر ہوئیں اور  انہوں نے آئندہ کورس میں شرکت کی نیت کی۔

27 جنوری کو حیدرآباد کے علاقے لطیف آباد نمبر 7 میں مجلس رابطہ ذمہ دار اسلامی بہن نے ایک بیوٹی پارلر کی اونر سے ملاقات کی اور ان پر انفرادی کوشش کی۔ اسلامی بہن نے ماہنامہ فیضان مدینہ کی سالانہ بکنگ کی نیت بھی  کی۔

26 جنوری کو نواب شاہ میں مجلس رابطہ کی ذمہ دار اسلامی بہن نے تین بیوٹی پارلرز میں جا کر وہاں کی بیوٹیشن خواتین سے ملاقات کی اور ان پر انفرادی کوشش کی۔ انہیں دعوت اسلامی کے مدنی ماحول سے وابستہ ہونے اور ہفتہ وار اجتماع میں شرکت کرنے کی ترغیب دلائی۔