بوسان ساؤتھ کوریا میں  دعوت اسلامی کے زیرِ اہتمام میلادالنبی صلَّی اللہ علیہ واٰلہٖ وسلَّم کے سلسلے میں اجتما ع کا انعقاد ہوا جس میں دور و نزدیک سے اسلامی بھائیوں نے شرکت کی ۔

مرکزی مجلسِ شوریٰ کے رکن حاجی محمد امین عطاری نے ’’سیرت ِ مصطفی صلَّی اللہ علیہ واٰلہٖ وسلَّم‘‘ کے موضوع پر بیان کیاجس میں نبی کریم صلَّی اللہ علیہ واٰلہٖ وسلَّم کی سیرت کےمختلف پہلوؤں کے بارے میں بتایا نیز حاضرینِ محفل کو دعوت اسلامی کےدینی ماحول سے وابستہ ہونے کا ذہن دیا اور آخر میں دعا کروائی جبکہ شرکا نے دینی کام کرنے کی اچھی اچھی نیتوں کا اظہار بھی کیا۔ (کانٹینٹ:رمضان رضا عطاری)

ساؤتھ کوریا کے شہر سنگدو کے ایک ریسٹورنٹ  میں سیکھنے سکھانے کا حلقہ منعقد ہوا جس میں دعوت اسلامی کی مرکزمجلسِ شوریٰ کے رکن و نگرانِ آسٹریلیا حاجی محمد امین عطاری نے سنتوں بھرا بیان کیا۔

دورانِ بیان رکنِ شوریٰ نے شرکا کی دینی واخلاقی اعتبار سے تربیت کی اور انہیں نیکی کی دعوت پیش کرتے ہوئے نمازوں کی پابندی کرنے نیز مدنی مذاکرہ دیکھنے کی ترغیب دلائی جس پر انہوں نے نیک خیالات کا اظہار کیا۔(کانٹینٹ:رمضان رضا عطاری)

دنیا  بھر میں تعلیمات مصطفی صلَّی اللہ علیہ واٰلہٖ وسلَّم کوپھیلانے والی عاشقانِ رسول کی دینی تحریک دعوت اسلامی کے تحت ساؤتھ کوریا کے شہر چھانگ وان میں قائم اسلامک سینٹر میں اجتماع میلاد کا انعقاد ہوا جس میں مختلف شعبہ ہائے زندگی سے وابستہ افراد نے شرکت کی ۔

معلومات کے مطابق اجتماع پاک کا آغاز تلاوت و نعت سے ہوا اور رکنِ شوریٰ حاجی محمد امین عطاری نے میلاد مصطفی صلَّی اللہ علیہ واٰلہٖ وسلَّم کی مناسبت سے بیان کیا جس میں شرکا کو دعوت اسلامی کے دینی ماحول سے وابستہ ہوکر تعلیمات مصطفی علیہ السلام کی روشنی میں اپنی زندگی گزرنے کا ذہن دیا ۔(کانٹینٹ:رمضان رضا عطاری)

دعوتِ اسلامی کے تحت ساؤتھ  کوریا کے شہر آنسان میں ہفتہ وار سنتوں بھرے اجتماع کا انعقاد ہوا جس میں مقامی عاشقانِ رسول و ذمہ داران نے شرکت کی ۔

اجتماع پاک میں مرکزی مجلسِ شوریٰ کے رکن حاجی محمد امین عطاری نے بیان کیا جس میں شرکا کی دینی و اخلاقی اعتبار سے تربیت کرتے ہوئے انہیں مدنی مذاکرہ دیکھنے اور ہفتہ وار اجتماع میں باقاعدگی سے آنے کی ترغیب دلائی ۔ (کانٹینٹ:رمضان رضا عطاری)

دعوتِ  اسلامی کے زیرِ اہتمام 12 ربیع الاول والے دن د نیا کے کئی مما لک میں عید میلادالنبی صلَّی اللہ علیہ واٰلہٖ وسلَّم کے موقع پر جلوس میلاد النبی صلَّی اللہ علیہ واٰلہٖ وسلَّم کا سلسلہ ہوا جن میں کثیرعاشقانِ رسول نے مدنی پرچموں کے ہمراہ مرحبا یا مصطفی ٰ کے نعرے لگائے ۔

اس سلسلے میں ساؤتھ کوریہ کے شہر چھانگوان میں بھی جلوسِ میلاد نکالا گیا جس میں عاشقانِ رسول نے دعوت اسلامی کی مرکزی مجلسِ شوریٰ کے رکن حاجی محمد امین عطاری کے ہمراہ جلوسِ میلاد النبی صلَّی اللہ علیہ واٰلہٖ وسلَّم میں شرکت کی اور سرکار صلَّی اللہ علیہ واٰلہٖ وسلَّم کی آمد کی خوشی کا اظہار کرتے ہوئے نعرے لگائے اور بارگاہ ِ مصطفی میں نعتِ رسول صلَّی اللہ علیہ واٰلہٖ وسلَّم کے نذرانے پیش کئے ۔( کانٹینٹ:رمضان رضا عطاری)

جنوبی کوریا کے شہر گمہائے (Gimhae) میں عاشقانِ رسول کی دینی تحریک دعوتِ اسلامی کے تحت جشنِ میلادالنبی صلی اللہ علیہ و سلم کے سلسلے میں جلوسِ میلاد کا اہتمام کیا گیا۔

معلومات کے مطابق مقامی ذمہ دار اسلامی بھائیوں نے عاشقانِ رسول کے ہمراہ مل کر جلوسِ میلاد میں شرکت کی اور بھرپور انداز میں پیارے آقا کی ولادت کا جشن مناتے ہوئے مرحبایا مصطفیٰ کے نعرے بھی لگائے۔

میلبور ن کے علاقےریزروائر (Reservoir)میں 12 ربیع الاول 1445ھ کی شب جشنِ ولادت کے موقع پر اجتماعِ میلاد کا انعقاد کیا گیا جس میں عاشقانِ رسول کی کثیر تعداد نے شرکت کی۔

تلاوتِ قراٰن سے اجتماع کا آغاز کرنے کے بعد مبلغِ دعوتِ اسلامی نے سنتوں بھرا بیان کیا اور عاشقانِ رسول کو حضور صلی اللہ علیہ و سلم کے بارے میں چند واقعات بیان کئے۔

عاشقانِ رسول کی دینی تحریک دعوتِ اسلامی کے تحت 24 ستمبر 2023ء کو   ہانگ کانگ کے TSUEN WAN PARK میں جشنِ ولادت مصطفیٰ صلی اللہ علیہ و سلم کی خوشی میں جلوسِ میلاد نکالا گیا جس میں خصوصی طور پر خلیفۂ امیرِ اہلِ سنت مولانا حاجی عبید رضا عطاری مدنی مدظلہ العالی کی تشریف آوری ہوئی۔

اس موقع پر خلیفۂ امیرِ اہلِ سنت مولانا حاجی عبید رضا عطاری مدنی مدظلہ العالی نے مبلغینِ دعوتِ اسلامی اور مقامی عاشقانِ رسول کے ہمراہ مل کر مرحبایا مصطفیٰ کے نعرے لگاتے ہوئے پُرجوش انداز میں جشنِ ولادت منایا۔

ہانگ کانگ کے شہر Tin Shui Wai میں قائم دعوتِ اسلامی کے مدنی مرکز فیضانِ صحابہ میں 20 ستمبر 2023ء کو اجتماعِ میلاد کا انعقاد کیا گیا جس میں خصوصی طور پر خلیفۂ امیرِ اہلِ سنت مولانا حاجی عبید رضا عطاری مدنی مدظلہ العالی کی آمد ہوئی ۔

معلومات کے مطابق اس اجتماعِ پاک میں تلاوتِ قراٰن کے بعد نعت خواں اسلامی بھائیوں نے پیارے آقا صلی اللہ علیہ و سلم کی بارگاہِ اقدس میں نذرانۂ عقیدت پیش کیا اور مرحبایا مصطفیٰ کے نعرے بلند کئے۔

اس دوران خلیفۂ امیرِ اہلِ سنت مولانا حاجی عبید رضا عطاری مدنی مدظلہ العالی نے سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت کی نیز انہیں مدنی پھولوں سے نوازا۔

علاوہ ازیں خلیفۂ امیرِ اہلِ سنت مولانا حاجی عبید رضا عطاری مدنی مدظلہ العالی نےشرکائے اجتماع کو سلسلہ عالیہ قادریہ رضویہ عطاریہ میں داخل کر کے امیرِ اہلِ سنت کا مرید بنایا اور مدرسۃ المدینہ بوائز فیضانِ صحابہ کے بچوں کے درمیان تحائف و سرٹیفیکیٹ تقسیم کئے۔

نبی آخر الزمان حضرت محمد مصطفیٰ صلی اللہ علیہ و سلم کا جشنِ ولادت منانے کے سلسلے میں پچھلے دنوں دعوتِ اسلامی کے زیرِا ہتمام چٹا گانگ، بنگلہ دیش میں عظیم الشان اجتماعِ میلاد منعقد ہوا جس میں مختلف علاقوں سے عاشقانِ رسول کی کثیر تعداد اور مبلغینِ دعوتِ اسلامی نے شرکت کی۔

اجتماعِ پاک کے آغاز میں تلاوتِ قراٰنِ کریم کی گئی اور حضور سرورِ کونین صلی اللہ علیہ و سلم کی بارگاہ میں نعت شریف کا نذرانہ پیش کیا گیا جبکہ مبلغِ دعوتِ اسلامی نےجشنِ ولادت کی مناسبت سے سنتوں بھرا بیان کیا۔

مبلغِ دعوتِ اسلامی نے بیان کے دوران شرکا کو حضور صلی اللہ علیہ و سلم کی سیرتِ طیبہ اور اُن کے فرامین کے مطابق اپنی زندگی گزارنے کا ذہن دیتے ہوئے دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔( کانٹینٹ:غیاث الدین عطاری)

سرکارِ دوعالم، نورِ مجسم، شاہِ بنی آدم حضرت محمد  صلی اللہ علیہ و سلم کا جشنِ ولادت منانے کے لئے عاشقانِ رسول کی دینی تحریک دعوتِ اسلامی کے تحت یورپی ملک اٹلی (Italy) میں جلوسِ میلاد کا اہتمام کیا گیاجس میں عاشقانِ رسول نے جھنڈوں کے ساتھ ”مرحبایا مصطفیٰ“ کے نعرے لگاتے ہوئے شرکت کی۔

اس دوران بزنس کمیونٹی سمیت مختلف شعبہ ہائے زندگی سے تعلق رکھنے والے کثیر عاشقانِ رسول اور مبلغینِ دعوتِ اسلامی نے مرکزی مجلسِ شوریٰ کے رکن مولانا حاجی عبد الحبیب عطاری کے ہمراہ مرحبایا مصطفیٰ کی صدائیں لگائیں اور حضور خاتم النبیین صلی اللہ علیہ و سلم کی ولادت کا جشن منایا جبکہ جشنِ ولادت مصطفیٰ صلی اللہ علیہ و سلم کے حوالے سے کلام بھی پڑھے گئے۔

بعدِ جلوس عاشقانِ رسول کے درمیان سنتوں بھرے اجتماع کا انعقاد کیا گیا جس میں رکنِ مرکزی مجلسِ شوریٰ مولانا حاجی عبد الحبیب عطاری نے سنتوں بھرا بیان کیا۔

دورانِ بیان رکنِ شوریٰ مولانا حاجی عبد الحبیب عطاری نے عاشقانِ رسول کی تربیت و رہنمائی کی اور انہیں دعوتِ اسلامی کے دینی و فلاحی کاموں میں حصہ لینے کا ذہن دیا۔( کانٹینٹ:غیاث الدین عطاری)

یورپین ملک فرانس کے دارالحکومت پیرس میں بزنس کمیونٹی سمیت مختلف شعبوں سے تعلق رکھنے والے اسلامی بھائیوں کے لئے عاشقانِ رسول کی دینی تحریک دعوتِ اسلامی کے تحت ایک میٹ اپ ہوا۔

تفصیلات کے مطابق میٹ اپ میں دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے گفتگو کرتے ہوئے ویڈیو ڈاکومنٹری کے ذریعے دعوتِ اسلامی کے تحت عالمی سطح پر ہونے والے دینی و فلاحی سرگرمیوں کے متعلق آگاہی دی گئی نیز شرکا کو دعوتِ اسلامی کے دینی و فلاحی کاموں میں حصہ لینے اور تعاون کرنے کا ذہن دیا گیا۔

رکنِ شوریٰ مولانا حاجی عبد الحبیب عطاری نے گفتگو کے دوران 15 اکتوبر 2023ء کو دعوتِ اسلامی کے تحت ہونے والی ٹیلی تھون مہم میں حصہ لینے اور دیگرعاشقانِ رسول کو بھی اس کی ترغیب دلاکر زیادہ سے زیادہ عطیات جمع کروانے پر مدنی پھول دیئے۔