علم و حکمت سے بھر پور ہفتہ وار سلسلہ  مدنی مذاکرہ ہر ہفتے کو مدنی چینل پر براہ راست دکھایا جاتا ہے ۔ اس ہفتے 16ربیع الآخر 1441ھ کی شب براہِ راست دکھائے جانے والے مدنی مذاکرے کو ملک و بیرون ملک کے جامعات المدینہ للبنات میں تقریباً 15ہزار533 معلمات و طالبات نے سننے اور دیکھنے کی سعادت حاصل کی۔

٭دعوتِ اسلامی کے تحت موڈاسا زون کے شہر مہسانا میں ذمہ دار اسلامی بہنوں کا مدنی مشورہ ہواجس میں ڈویژن تا کابینہ نگران اور شعبہ ذمہ دار اسلامی بہنوں نے شرکت کی۔ زون نگران اسلامی بہن نےمدنی مشورے میں شریک اسلامی بہنوں کی کارکردگی کا جائزہ لیتے ہوئے ان کی تربیت کی اور دعوتِ اسلامی کے مدنی کاموں کو مزید بہتر سے بہتر انداز میں کرنے کی ترغیب دلائی۔

دعوت اسلامی کے تحت 17دسمبر2019ء کو بنارس اور بریلی زون نگران اور ان کی کابینہ نگران اسلامی بہن کا مدنی مشورہ ہوا جس میں ہند دہلی ریجن نگران  اسلامی بہن نے اسلامی بہنوں کو اہم نکات پیش کرتے ہوئے دعوتِ اسلامی کے مدنی کاموں کو مزید بہتر سے بہتر انداز میں کرنے کی ترغیب دلائی۔

دارالسنہ للبنات راولپنڈی  میں معلمہ مدنی قاعدہ کورس کا انعقاد کیا گیا۔ 17دسمبر2019ء بروز منگل کو اسلام آباد ریجن سطح پر مدرستہ المدینہ بالغات کی ذمہ دار اسلامی بہن نے کورس میں شریک اسلامی بہنوں کو شعبہ مدرسۃالمدینہ بالغات کے حوالے سے تفصیلاً بریف کیا اور تمام اسلامی بہنوں کو کامیابی کے بعد اپنے گھروں میں مدارس کھولنے کے ساتھ ذیلی میں بھی مدارس لگانے کی ترغیب دلائی۔

  17دسمبر2019ء بروز منگل کو راولپنڈی کینٹ میں کابینہ سطح پر رزلٹ اجتماع کاانعقاد کیا گیا جس میں مدرسات اور ڈویژن نگران سمیت کثیر اسلامی بہنوں نے شرکت کی۔ کامیاب مدرسات میں 20 نے اپنے ذیلی حلقوں اور جہاں مدارس نہیں ہیں وہاں مدرسۃ المدینہ بالغات کے درجوں کا آغاز کرنے کی نیتیں کیں نیز کئی اسلامی بہنوں نے گھر میں مدرسۃالمدینہ بالغات لگانے کی نیتیں کیں۔ مدرسات اور ڈویژن نگران اسلامی بہنوں کو تحفے میں مکتبۃ المدینہ کی کتب و رسائل تحائف میں پیش کی گئیں۔

اسلامی بہنوں کی مجلس شارٹ کورسز کے تحت بلدیہ کابینہ میں فیضان انوار القراٰن کورس کا سلسلہ ہوا جس میں کم و بیش 100 اسلامی بہنوں نے شرکت کی۔دورانِ کورس زونل نگران اسلامی بہن نے شرکت کی اور کورس میں شریک اسلامی بہنوں کی تربیت کی اور مختلف امور پر نکات فراہم کئے۔  

دعوتِ اسلامی کے تحت16 دسمبر2019ء کو جنوبی لاہور زون گارڈن ٹاؤن میں محفلِ نعت کا انعقاد کیا گیا جس میں مقامی اسلامی بہنوں نے شرکت کی۔جنوبی لاہور زونل نگران اسلامی بہن نے سنتوں بھرا بیان کیا اور محفلِ نعت میں شریک اسلامی بہنوں کو دعوتِ اسلامی کے مدنی ماحول سے وابستہ رہنے، ہفتہ وار اجتماع میں شرکت کرنے اور تجوید کے ساتھ قراٰنِ پاک کی تعلیم حاصل کرنے کے لئے مدرستہ المدینہ بالغات میں داخلہ لینے کا ذہن دیا۔

دعوتِ اسلامی کے تحت17 دسمبر2019ءکوجنوبی لاہور زون ٹاؤن شپ میں زون نگران  اسلامی بہن نے مقامی اسلامی بہنوں کے ہمراہ علاقائی دورے میں شرکت کی اور گھر گھر جاکر اسلامی بہنوں کو نیکی کی دعوت پیش کرتے ہوئے ہفتہ وار اجتماع میں شرکت کرنے کی ترغیب دلائی۔

دعوتِ اسلامی کے شعبہ مدرستہ المدینہ بالغات کے تحت17 دسمبر 2019ء کو کراچی ڈرگ روڈ کابینہ میں مدنی قاعدہ کورس کےرزلٹ اجتماع کا انعقاد کیا گیا جس میں کثیر اسلامی بہنوں نے شرکت کی۔ مدرستہ المدینہ بالغات کی ریجن ذمہ داراسلامی بہن نے سنّتوں بھرا بیان کیا اور اجتماعِ پاک میں شریک اسلامی بہنوں کو مدرسۃ المدینہ بالغات میں پڑھنے اور ناظرہ قراٰن کورس کرنے کی ترغیب دلائی جس پر کئی اسلامی بہنوں نے اچھی اچھی نیتوں کا اظہار بھی کیا۔

٭ دعوتِ اسلامی کے مدنی کاموں کے سلسلے میں 16 دسمبر 2019ء  کو صاحبزادیِ عطار سَلَّمَہَا الغَفَّار کی ترکی کے شہر استنبول تشریف آوری ہوئی ۔ اس موقع پر ترکی کے شہر استنبول ابو ایوب انصاری کابینہ کی ذمہ داراسلامی بہنوں کا مدنی مشورہ ہواجس میں صاحبزادیِ عطار سَلَّمَہَا الغَفَّار نے مدنی مشورے میں شریک اسلامی بہنوں کی تربیت کی اور مدنی کاموں کے حوالے سے مختلف امور پرنکات فراہم کئے۔

٭ 17 دسمبر 2019ء کو صاحبزادیِ عطار سَلَّمَہَا الغَفَّار نے ترکی کی مقامی اسلامی بہنوں کے مدنی حلقے میں شرکت فرمائی اور مدنی حلقے میں شریک اسلامی بہنوں پر انفرادی کوشش کرتےہوئے انہیں زیادہ سےزیادہ مدنی کام کرنے کا ذہن دیا۔

پچھلے دنوں دعوتِ اسلامی کے تحت اسپین کے شہر بادالونا میں اسلامی بہنوں کے سنتوں بھرے اجتماعات کا انعقاد کیا گیا جن میں کثیر اسلامی بہنوں نے شرکت کی ۔ صاحبزادیِ عطار سَلَّمَہَا الغَفَّار نے سنّتوں بھرےبیانات کئے اور اجتماعات میں شریک اسلامی بہنوں کو دعوتِ اسلامی کے مدنی کاموں کے بارے میں آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے ، ہفتہ وار اجتما ع میں شرکت کرنے اور دعوتِ اسلامی کے مدنی کاموں میں عملی طور پر شرکت کرنے کی ترغیب دلائی۔

حیدر آباد میں واقع دارالمدینہ لطیف آبا د کیمپس 1 میں کلاس th 4 میں میرا پسندیدہ موسم کے عنوان سے سر گر می کا انعقاد کیا گیا جس میں طالبات نے بڑھ چڑھ کر حصہ لیا اوراپنے پسندیدہ موسم پر مختلف پروجیکٹ بناتے ہوئے کلاس پریزنٹیشن دی جس سے طالبا ت کی معلو ما ت میں اضافہ ہوا۔ اس موقع پر پرنسپل نے کلاس میں جا کر بچوں کی حوصلہ افزائی بھی کی۔