دعوتِ اسلامی کے شعبہ اصلاح اعمال کے  زیر اہتمام بروز ہفتہ 4دسمبر 2021ء کو ماڑی پور کابینہ میں محفل نعت کا ا نعقاد ہوا جس میں 16 اسلامی بہنوں نے شرکت کی۔

آغاز تلاوت قراٰن پاک اور نعت رسول ﷺ سے کیا گیا ۔ بعدازاں کابینہ مشاروت ذمہ دار اسلامی نے سنتوں بھرا بیان کیا اور اسلامی بہنوں کو نفل روزوں کی ترغیب دلاتے ہوئے رسالہ نیک اعمال میں موجود خانہ پُر کرنے نیز اس کے مطابق عاملات نیک اعمال بننے کا ذہن دیا ۔ دعا ، صلوۃ و سلام کے ساتھ محفل نعت کا اختتام ہوا۔

    دعوتِ اسلامی کے شعبہ تقسیم رسائل کی سرجانی ٹاؤن کابینہ کی ماہ نومبر 2021ء کی ماہانہ کارکردگی یہ رہی۔

تقسیم کئے گئے رسائل کی تعداد : 2 ہزار318

شعبہ کفن دفن کے تحت تقسیم کئے گئے رسائل کی تعداد : 400

شعبہ رابطہ کے تحت تقسیم کئے گئے رسائل کی تعداد: 3

علاقائی دورہ کے تحت تقسیم کئے گئے رسائل کی تعداد: 383

محافلِ نعت کے ذریعے تقسیم کئے گئے رسائل کی تعداد: 658

ہفتہ وار سنتوں بھرے اجتماع میں تقسیم کئے گئے رسائل کی تعداد: 875 

دعوتِ اسلامی کے شعبہ تعلیم (اسلامی بہنیں)کے تحت کورنگی 4کراچی میں قائم الائیڈ اسکول میں محفلِ نعت کا انعقاد ہوا جس میں لیڈی پرنسپل، ٹیچرز طالبات اور ان کی سرپرست اسلامی بہنوں نے شرکت کی ۔

عالمی مجلس مشاورت کی ذمہ دار اسلامی بہن نے ’’نیکی کی دعوت دینے‘‘ کے موضوع پر سنتوں بھرا بیان کیا اور نیکیاں کرنے کے احسن انداز بھی بیان میں شامل کئے نیز مدنی چینل دیکھنے اور مدنی مذاکرہ سننے کی ترغیب دلائی۔بعدازاں لیڈی پرنسپل نےہر ماہ اپنے اسکول میں day session one رکھوانے کی خواہش بھی پیش کی۔ آخر میں رسائل بھی تقسیم کئےگئے۔

دعوتِ اسلامی کے شعبہ اصلاح اعمال( اسلامی بہنیں) کی طرف سے 4 دسمبر 2021ء بروز ہفتہ کراچی ایسٹ زون 1 ملیر کابینہ کراچی میں ماہانہ مدنی مشورے کا انعقاد ہوا جس میں ڈویژن ذمہ دارا سلامی بہنوں نے شرکت کی۔

مدنی مشورے میں کابینہ سطح ذمہ دار ا سلامی بہن نے اسلامی بہنوں کو مدنی مذاکرہ دیکھنے کی ترغیب دلائی اور شعبہ کی سابقہ کارکردگی کا فالواَپ لیا نیز کارکردگی میں اضافے کا ذہن دیا اور دارالسنہ میں داخلے کے حوالے سے کلام کیا۔

دعوتِ  اسلامی کے شعبہ اسلامی بہنوں کے تحت 6 دسمبر 2021ء بروز اتوار کراچی ایسٹ زون 1ملیر کابینہ میں مدنی مشورے کا انعقاد ہوا جس میں مدرسات سمیت دار السنۃ للبنات میں کورس کرنے والی اسلامی بہنوں نے بھی شرکت کی ۔

کابینہ ذمہ دار اسلامی بہن نے دارالسنہ کورس میں شرکت کرنے والی اسلامی بہنوں کو وضو کا طریقہ اور تجوید کے متعلق کچھ بنیادی باتیں بتائی نیز تجوید درست کرنے اور کروانے کی ترغیب دی ۔ اس کے علاوہ سابقہ دینی کاموں کی کارکردگی کا جائزہ لیتے ہوئے مزید دینی کام کرنے کے لئےذہن سازی کی۔ 

دعوتِ  اسلامی کے شعبہ روحانی علاج کے زیرِ اہتمام 5 دسمبر 2021ء برزو اتوار کراچی بن قاسم زون کی کابینہ بن قاسم شاہ لطیف ٹاؤن میں واقع جامعۃ المدینہ فیضانِ صحابیات میں دوہرائی اجتماع ہوا جس میں ریجن تا کابینہ سطح تک کی تمام بستہ ذمہ دار اسلامی بہنوں نے شرکت کی جن کی تعداد کم و بیش 22 تھی۔

پاکستان نگران اسلامی بہن نے سنتوں بھرا بیان کرتے ہوئے اسلامی بہنوں کی تربیت کی نیز اوراد عطاریہ کی برکتیں اور مدنی بہاریں بھی بتائیں۔ ساتھ ہی اسلامی بہنوں کو نیک اعمال کے رسالے پر عمل کرنے، بستہ پر آنے والی اسلامی بہنوں کے ساتھ شفقت سے پیش آنے کا ذہن دیا نیز امیرِ اہل سنّت دامت برکاتہم العالعیہ کی اس شعبے کے متعلق جذبات اور تأثرات بھی بتائے جس پر اسلامی بہنوں نے سنتوں بھرے اجتماع میں شرکت کرنے اور نیک اعمال کا رسالہ پُر کرنے کی نیتیں پیش کیں۔

دعوتِ  اسلامی کے شعبہ تقسیم رسائل کے تحت 4 دسمبر 2021 ء بروز ہفتہ کراچی ساؤتھ زون 2 سُرجانی کابینہ ڈویژن گرین لائن میں ماہانہ مدنی مشورہ ہواجس میں شعبہ تقسیم رسائل کی کابینہ مشاورت ذمہ دار اسلامی بہنوں نے شرکت کی ۔

مدنی مشورے میں دینی کاموں کو بہتر بنانے اور نئے مقامات پر ہفتہ وار سنتوں بھرے اجتماعات کا آغاز کرنے کا ذہن دیا نیز اسلامی بہنوں کی طرف سے کئےجانے والے سوالات کے جوابات دیئے۔

٭ دعوت اسلامی کے تحت 4 نومبر 2021ءبروز ہفتہ ساؤتھ زون 1 مدرسۃ المدینہ جمشید روڈ میں ماہانہ مدنی مشورے کا انعقاد ہوا جس میں کابینہ مشاورت ڈویژن نگران و ڈویژن مشاورت ذمہ دار اسلامی بہنوں نے شرکت کی۔

کابینہ نگران اسلامی بہن نے ذمہ داراسلامی بہنوں کے درمیان ’’مثبت سوچ رکھنے‘‘کے موضوع پر سنتوں بھرا بیان کیا اور اس کے دنیاوی اور اُخروی فائدے بیان کئے نیز منفی سوچ کے نقصانات بتائے ۔ مزید مہلکات میں سے عجب ( یعنی خود پسندگی ) کیا ہے اسے کی تعریف بتاتے ہوئے اس کے نقصانات بھی بتائے۔ اس کے علاوہ دینی کام بڑھانے کے اہداف دیئے شیڈول اور کارکردگیوں کا تقابل بھی کیا۔

دعوتِ اسلامی کے زیرِ اہتمام 6 دسمبر 2021 ء برزو پير کراچی بن قاسم زون جامعۃ المدینہ  فیضانِ صحابیات شاہ لطیف ٹاؤن میں ماہانہ مدنی مشورے کا انعقاد ہوا جس میں زون مشاورت، کابینہ مشاورت، 3 کابینہ نگران نے بالمشافہ جبکہ میر پور ساکرو کابینہ نگران اسلامی بہن نے آن لائن شرکت کی جن کی تعداد کم و بیش 25 رہی۔

زون نگران اسلامی بہن نے تربیت کے مدنی پھول دیتے ہوئے ذمہ دار اسلامی بہنوں کو ماتحت اسلامی بہنوں کے شیڈول چیک کرنے، اُن کے جدول کا فالو اپ لینےاور دار السنہ کے لئے نگران اسلامی بہن کا تقرر کرنے کاہدف دیا نیز دار السنہ میں ہونے والے کورسز کے داخلے پر کلام کیا۔ ساتھ ہی ماتحت اسلامی بہنوں کے لئے دو سطحوں کے مدنی مشورے کا شیڈول بنانے کا بھی ذہن دیا۔ 

دعوتِ  اسلامی کے شعبہ اسپیشل پرسنز کے تحت 4 دسمبر2021ء بروز ہفتہ کراچی ساؤتھ زون 2 اورنگی ٹاؤن کابینہ کراچی میں ماہانہ مدنی مشورہ منعقد کیا گیا جس میں کابینہ سطح کی ذمہ دار اسلامی بہن نے کابینہ ذمہ دار اسلامی بہنوں کو شیڈول پر عمل کرنے کے طریقے بتائے ۔

ہفتہ وار رسالے کی تعداد بڑھانے اور علاقائی دورہ میں زیادہ سے زیادہ رسائل تقسیم کرنے کا ذہن دیا نیز سیکھنے سکھانے کے دینی حلقے میں تمام ذمہ دار اسلامی بہنوں کو شرکت کرنے کا ذہن دیا جس پر انہوں نے ان مدنی پھولوں کے حوالے سے اچھی اچھی نیتیں پیش کیں۔

دعوتِ اسلامی کے زیر اہتمام  6 دسمبر 2021 ء کو عالمی مجلس اورمجلس بین الاقوامی امور کی اراکین اسلامی بہنوں کا کراچی میں مدنی مشورہ ہوا جس میں بیرونی شہر اور بیرون ملک میں رہنے والی اراکین اسلامی بہنوں نے بذریعہ انٹر نیٹ شرکت کی ۔

مدنی مشورے میں کارکردگیوں کا معیار بنایا گیا تا کہ ممتاز،بہتر،مناسب اور کمزور پر نظر رکھی جا سکے ۔یہ طے پایا کہ شعبہ تعلیم ،شعبہ رابطہ اور دارلمدینہ کا اسٹاف مل کر دینی کام کریں ۔مزید مختلف شعبے کی اسلامی بہنوں نے مختلف مسائل پیش کئے جن کا باہمی مشاورت سے حل نکالا گیا ۔

دعوتِ اسلامی کے شعبہ  مدرسۃ المدینہ گرلز کی جانب سے 6 دسمبر 2021ء کو گلزار ہجری کابینہ میمن نگر میں مدنی مشورے کا انعقاد کیا گیا جس میں مدرسات نے شرکت کی ۔

پاکستان ذمہ دار اسلامی بہن نے مدرسات کو تعلیمی تکمیلی شیڈول سمجھایا اور انداز تدریس میں بہتری لانے کے حوالے سے تربیت کی نیز مدرسات کے تدریسی امتحان کے متعلق اہداف بھی دیئے جس پر مدرسات نے اچھی اچھی نیتیں پیش کیں۔

دعوتِ اسلامی کے شعبہ کفن دفن (اسلامی بہنیں)کے تحت 7دسمبر 2021 ءبروز منگل اسلام آباد جھنگی سیداں میں کفن دفن اجتماع کا ا نعقاد ہواجس میں کم و بیش 15 اسلامی بہنوں نے شرکت کی۔

ڈویژن ذمہ دار اسلامی بہن نے شریعت کے مطابق غسل میت دینے اور کفن پہنانے کا عملی طریقہ سکھایا۔ مزید اسلامی بہنوں کو کفن دفن کی تربیت لیکر ٹیسٹ دینے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔

٭اسی طرح شعبہ کفن دفن (اسلامی بہنیں)کے تحت کراچی ریجن گوادر زون حب کابینہ کے علاقے جام کالونی میں کفن دفن اجتماع کا انعقاد کیا گیا جس میں کم و بیش 30 اسلامی بہنوں نے شرکت کی ۔

٭دوسری جانب دعو ت اسلامی کے شعبہ کفن دفن کے زیر اہتمام 6 دسمبر 2021ء بروز پیر لیاقت آباد کابینہ میں مدنی مشورے کا انعقاد ہوا جس میں کابینہ ذمہ داراسلامی بہنوں نے شرکت کی ۔

زون مشاورت ذمہ دار اسلامی بہن نے اسلامی بہنوں کو کفن دفن اجتماع منعقد کرنے کے متعلق نکات بتائے اور کارکردگی شیڈول بروقت جمع کروانے کا ذہن دیا نیز ماتحت کے ساتھ مدنی مشورہ کرنے کا ہدف دیاجس پر اسلامی بہنوں نے اچھی اچھی نیتوں کا اظہار کیا۔