18 اگست 2022ء کو دعوت اسلامی کے شعبہ رابطہ برائے شخصیات کے تحت مدنی مرکز فیضان مدینہ G11 اسلام آباد میں مدنی حلقے کاانعقاد کیا گیا جس میں مختلف شعبے سے وابستہ سیاسی و سماجی شخصیات نے شرکت کی۔

نگران حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو نیکی کی دعوت دیتے ہوئے انہیں دعوت اسلامی کے جملہ کاموں کا تعارف پیش کیا۔ نگران شوریٰ نے انہیں بھی دینی ماحول سے وابستہ ہونے اور دعوت اسلامی کے ساتھ جانی و مالی تعاون کرنے کی ترغیب دلائی جس پر شخصیات نے تعاون کی یقین دہانی کروائی۔

اس موقع پر نگران پاکستان مشاورت حاجی محمد شاہد عطاری، اراکین شوریٰ حاجی محمد اسلم عطاری، حاجی وقار المدینہ عطاری اور شعبہ رابطہ برائے شخصیات پاکستان کے نگران محمد قربان عطاری بھی موجود تھے۔

18 اگست 2022ء کو دعوت اسلامی کے مدنی مرکز فیضان مدینہ G11 اسلام آبادمیں مدنی مشورہ ہوا جس میں اسلام آباد، راولپنڈی، کشمیر، گلگت بلتستان اور خیبرپختونخواہ کے ذمہ داران نے شرکت کی۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کی تربیت فرمائی۔نگران شوریٰ نے انہیں 12 دینی کاموں کو زیادہ سے زیادہ عام کرنے ، مدنی قافلے میں خود بھی سفر کرنے اور دوسرے کو کروانے ، اس کے علاوہ مدنی مذاکرے کی دعوت کو عام کرنے کا ذہن دیا۔

اس موقع پر نگران پاکستان مشاورت حاجی محمد شاہد عطاری، حاجی وقار المدینہ عطاری، حاجی محمد اسلم عطاری، حاجی مولانامحمد جنید عطاری مدنی اور رکن شوریٰ حاجی بغداد عطاری بھی موجود تھے۔

مرکزی مجلس شوری دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی ان دنوں دینی کاموں کے سلسلے میں پنجاب کے دورے پر ہیں۔

دوران دورہ 18 اگست 2022ء کو نگران شوریٰ نے مدنی مرکز فیضان مدینہ G11اسلام آباد میں علمائے کرام سے ملاقات کی۔ نگران شوریٰ نے انہیں دعوت اسلامی کے تحت ہونے والے دینی و فلاحی کاموں پر بریفنگ دی اور اُن سے دعوت اسلامی کے جملہ کاموں میں ساتھ دینے کی درخواست کی۔ آخر میں دعوت اسلامی کی ترقی کے لئے دعائیں کی گئیں۔

اس موقع پر نگران پاکستان مشاورت حاجی محمدشاہد عطاری، اراکین شوریٰ حاجی مولانا محمد اسد عطاری مدنی اور حاجی وقار المدینہ عطاری بھی موجود تھے۔

مرکزی مجلس شوریٰ دعوت اسلامی کے نگران مولانا حاجی محمد عمران عطاری مُدَّ ظِلُّہُ العالی 17 اگست 2022ء کو اپنے تنظیمی دورے پر عالمی مدنی مرکز فیضان مدینہ کراچی سے پاکستان کے صوبہ پنجاب روانہ ہوگئے۔

پنجاب پہنچ کر نگران شوریٰ حاجی مولانا محمد عمران عطاری مُدَّ ظِلُّہُ العالی نے پاکستان کے دار الحکومت اسلام آباد میں قائم مدنی مرکز فیضان مدینہ میں منعقد کردہ سنتوں بھرے اجتماع میں بیان فرمایا۔ اجتماع میں اسلام آباد، راولپنڈی، کشمیر اور خیبر پختونخواہ میں قائم جامعات المدینہ کے طلبہ ، اساتذہ کرام اور ناظمین شریک تھے۔

نگران شوریٰ نے شرکا کی تربیت کرتے ہوئے انہیں اپنا زیادہ سے زیادہ وقت تعلیم میں خرچ کرنے، دینی کاموں میں شریک ہونے اور محنت و شوق کے ساتھ علم دین حاصل کرنے کی ترغیب دلائی۔

اس موقع پر نگران پاکستان مشاورت حاجی محمد شاہد عطاری، اراکین شوریٰ حاجی محمد اسلم عطاری، حاجی مولانا محمدجنید عطاری مدنی، حاجی مولانا محمد اسد عطاری مدنی اور حاجی محمد رفیع عطاری بھی موجود تھے۔

دعوتِ اسلامی کے تحت سرکاری و نیم سرکاری اداروں کے افسران کے لئے اسلام آباد کے مدنی مرکز فیضانِ مدینہ میں ایک سیشن کا انعقاد کیا گیا جس میں دیگر کثیر عاشقانِ رسول کی بھی شرکت رہی۔

دورانِ سیشن مرکزی مجلسِ شوریٰ کے رکن حاجی یعفور رضا عطاری نے”Quality enhancement“ کے موضوع پر سنتوں بھرا بیان کرتے ہوئے اُن کی دینی و اخلاقی اعتبار سے تربیت کی۔

اس کے علاوہ رکنِ شوریٰ نے وہاں موجود افسران کو دعوتِ اسلامی کی دینی و فلاحی خدمات کے بارے میں بتایا جس پر انہوں نے دعوتِ اسلامی کے دینی کاموں کو سراہا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوتِ اسلامی کے تحت پاکستان کے دارالحکومت اسلام آباد میں قائم مدنی مرکز فیضانِ مدینہ میں مدنی مشورے کا انعقاد ہوا جس میں پنڈی مشاورت کے ذمہ دار اسلامی بھائیوں سمیت دیگر عاشقانِ رسول نے شرکت کی۔

اس مدنی مشورے میں دعوت اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری نے 12 دینی کاموں کے حوالے سے گفتگو کرتے ہوئے فروری 2022ء تا اپریل 2022ء کی کارکردگی کا جائزہ لیا۔بعدازاں نگرانِ پاکستان مشاورت نے شعبہ جات کے متعلق کلام کرتے ہوئے مدنی پھولوں سے نوازا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوتِ  اسلامی کے شعبہ مدنی قافلہ کی جانب سے 17 فروری 2022ء بروز جمعرات اسلام آباد جی 11 فیضان مدینہ میں مدنی مشورہ ہواجس میں ڈویژن ڈسٹرکٹ میٹرو پولیٹن کے مدنی قافلہ ذمہ داران نے شرکت کی۔

نگران مجلس مدنی قافلہ حاجی مشکور عطاری نے اسلامی بھائیوں کو 12 ماہ کے مدنی قافلے میں سفر کرنےکا ذہن دیا جس پر کثیر اسلامی بھائیوں نے اپنی نیتوں کا اظہار کیا ۔مزید ہر ماہ 3 دن کےمدنی قافلے میں سفر کی ترغیب بھی دلائی۔

٭دوسری جانب دعوت اسلامی کے زیر اہتمام17 فروری 2022ءبروز جمعرات فیصل آبادمیں مدنی مشورہ ہوا جس میں جامعۃالمدینہ کے طلباء کرام وناظرہ کے اسلامی بھائی نے شرکت کی۔

صوبائی ذمہ دار پنجاب محمد شہباز عطاری نے اسلامی بھائیوں کو جامعۃالمدینہ اور قاعدہ، ناظرہ کے اسلامی بھائیوں کو مدنی قافلوں کے متعلق بریفنگ دی نیز انہیں علاقائی دورہ کے حوالے سے مدنی پھول دیئے جس پر طلبا کرام نے اچھی اچھی نیتوں کا اظہار کیا ۔( بدرمنیرعطاری)

پچھلے دنوں مدنی مرکز فیضان مدینہ جی الیون اسلام آباد میں معروف بزنس مین ایڈوکیٹ محمد امین انجم کی رکن ِ مرکزی مجلسِ شوریٰ حاجی جنید عطاری مدنی سے ملاقات ہوئی، اس دوران رکن ِشوریٰ نے انہیں مدنی مرکز فیضان مدینہ میں قائم شعبہ فیضان آن لائن اکیڈمی اور جامعۃ المدینہ بوائز سمیت دیگر شعبہ جات کا وزٹ کرواتے ہوئےدعوت اسلامی کی دینی وفلاحی خدمات بالخصوص مدنی چینل وکڈز مدنی چینل کا تعارف کروایا۔

بعدازاں رکن شوریٰ نے انہیں کُتُب و رسائل تحفے میں پیش کئے جس پر ایڈووکیٹ امین انجم نے دعوتِ اسلامی کی خدمات کو سراہا اور اچھی اچھی نیتوں کا اظہار کیا۔

اس موقع پر کنسلٹنٹ کنزالمدارس بورڈ پروفیسر جاوید اسلم باجوہ عطاری، نگران شعبہ رابطہ برائے اوقاف پاکستان عمران عطاری اورشعبہ رابطہ اسلام آباد کے عامر عطاری سمیت دیگر ذمہ داران موجود تھے۔(رپورٹ:حافظ ساجد سلیم عطاری مدنی، کانٹینٹ:غیاث الدین عطاری)

پچھلے دنوں اسلام آباد جی-11 میں قائم دعوت اسلامی کے مدنی مرکز فیضان مدینہ میں مدنی مشورہ ہوا جس میں اسلام آباد مشاورت کے اسلامی بھائیوں نے شرکت کی۔

رکن شوریٰ حاجی وقار المدینہ عطاری نے شرکا کی تربیت کی اور اسلام آباد میں 12 دینی کاموں کو فروغ دینے کے ساتھ ساتھ ماتحت ذمہ داران کے ساتھ بھر پور تعاون کرنے کی ترغیب دلائی۔

19جنوری 2022ء کو دعوت اسلامی کے  مدنی مرکز فیضان مدینہ اسلام آباد میں تربیتی نشست کا سلسلہ ہوا جس میں جامعۃ المدینہ کے طلبہ کرام نے شرکت کی۔

مرکزی مجلس شوریٰ کے رکن حاجی وقار المدینہ عطاری نے سنتوں بھرابیان کیا اور طلبہ کو خوب محنت کرکے دینی تعلیم حاصل کرنے اور دین اسلام کی خدمت کرنے کی ترغیب دلائی۔

پچھلے دنوں اسلام آبادG-11 میں قائم دعوتِ اسلامی کے مدنی مرکز فیضانِ مدینہ میں سانحہ مری کے متاثرین کے لئے قرآن خوانی و ایصال ثواب اجتماع کا اہتمام کیا گیا جس میں بڑی تعداد میں عاشقانِ رسول اور شخصیات نے شرکت کی۔

رکن شوریٰ و نگران اسلام آباد مشاورت حاجی وقار المدینہ عطاری نے اجتماعِ پاک میں فکر آخرت کے موضوع پر سنتوں بھرا بیان فرمایا اور آخرت کی تیاریوں کا ذہن دیتے ہوئے نمازوں کی پابندی کا ذہن دیا۔

رکن شوریٰ نے شرکا کو دعوتِ اسلامی کے دینی کاموں میں حصہ ملانے ، مساجد کو آباد کرنے اور ہفتہ وار سنتوں بھرے اجتماع میں شرکت کرنے کی ترغیب بھی دلائی۔

اختتام پر مرحومین کے لیے فاتحہ خوانی اور دعائے مغفرت کا سلسلہ بھی ہوا ۔ 

دنیا بھر میں قراٰن و سنت کی تعلیمات کو عام  کرنے اور عاشقانِ رسول کی دینی اور اخلاقی تربیت کرنے کے سلسلے میں دعوت اسلامی کی مرکزی مجلسِ شوریٰ کے اراکین وقتاً فوقتا ًذمہ داران کا مدنی مشورہ فرماتے رہتے ہیں۔

اسی سلسلے میں پچھلے دنوں مدنی مرکز فیضانِ مدینہ اسلام آباد میں اسلام آباد مشاورت کے مختلف شعبہ ذمہ داران کا مدنی مشورہ ہوا جس میں رکنِ مرکزی مجلسِ شوریٰ حاجی محمد وقارالمدینہ عطاری سمیت دیگر اہم ذمہ داران نے شرکت کی۔

اس مدنی مشورے میں مرکزی مجلسِ شوریٰ کے رکن و نگران پاکستان مشاورت حاجی محمد شاہد عطاری نے اسلام آباد مشاورت کے ذمہ داران کی تقرری کرتے ہوئے 12 دینی کاموں کے حوالے سے گفتگو کی۔

اس کے علاوہ نگران پاکستان مشاورت نے ذمہ داران کو مدنی چینل کو عام کرنے کا ذہن دیتے ہوئےمدنی پھولوں سے نوازا۔بعدازاں اسلامی بھائیوں نے نگران پاکستان مشاورت سے ملاقات کی۔( کانٹینٹ:غیاث الدین عطاری)