پاکستان اللہ تعالی ٰ کی ایک نعمت ہے،ہمیں اس نعمت کی قدر کرنی چاہیے۔ اس نعمت کی قدر کرنے کا بہترین طریقہ یہ ہے کہ ہم اللہ پاک کا شکر ادا کریں اور ایسے کام کریں جن سے ہمارے دین، ملک اور ہمیں فائدہ ہو۔ہمیں چاہیے کہ پاکستان حاصل کرنے کے مقاصد یاد رکھیں۔ دارالمدینہ انٹرنیشنل اسلامک اسکول سسٹم (پاکستان )کے پنجاب اور سندھ ریجن کے کیمپسز میں یوم آزادی کی تقریبات جوش و خروش کے ساتھ منعقد ہوئیں۔ اس موقع پر کیمپسز کو پاکستانی جھنڈوں اورسبز اور ہرے رنگوں سے مزین غباروں سے بھی سجایا گیا تھا۔یوم آزادی کی مناسبت سے کیمپسز کی دیواروں پر پاکستانی نقشے بنائے گئے ۔ ان دیواروں پر حب الوطنی پر مبنی اقوال اور امیر اہل سنت کے پاکستان سے متعلق کلام کے اشعار بھی لکھے گئے۔

ان تقریبات کا آغاز تلاوت ِقرآن پاک سے ہوا، بعد ازاں نعت شریف اور اردو انگریزی تقاریر کا سلسلہ بھی ہوا ۔ طلبہ نے یوم آزادی کی مناسبت سے تقاریر کیں ، طلبہ نے ایک آواز میں قومی ترانہ بھی پڑھا اور ملی نغمے بھی پیش کیے۔ اساتذہ کرام نے طلبہ کی تربیت کی اور انھیں قیام پاکستان کے حقیقی مقاصد سے آگاہ کیا اور یوم ِآزادی کو اسلامی اصولوں کے مطابق منانے کی ترغیب دلائی۔

ان تقریبات کی خاص بات یہ تھی کہ طلبہ کے ہاتھوں میں سبز پرچم موجود تھے جو وہ وقفے وقفے سے لہرارہے تھے اور ساتھ ہی پاکستان زندہ باد کے نعرے بھی بلند کررہے تھے۔آخر میں پاکستان کی سلامتی،ترقی اور خوشحالی کے لیے دعائیں بھی مانگی گئیں۔(رپورٹ: غلام محی الدین ترک ،اردو کانٹینٹ رائیٹر(مارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی)

بچّہ ابتدائی عمر میں سکھائی جانے والی باتیں  ساری عمر یاد رکھتا ہے۔جن بچّوں کے والدین یا اساتذہ نے قرآن سے اُن کا مضبوطی سےتعلق قائم کیا،وہ بچے ساری زندگی قرآن سے اپناتعلق قائم رکھتے ہیں۔ الحمد للہ عزوجل دارالمدینہ انٹرنیشنل اسلامک اسکول سسٹم میں جہاں بچوں کو پاکیزہ دینی ماحول میں دورِ جدید کے تقاضوں کے مطابق تعلیم فراہم کی جاتی ہے ، وہیں اُن کی دینی تعلیم کا بھی خاص اہتمام کیا جاتا ہے۔

تعلیمی سال 2023-24کے اختتام پر دارالمدینہ انٹرنیشنل اسلامک اسکول سسٹم کےتحت 5731طلباوطالبات نے مدنی قاعدہ اور ناظرہ مکمل کیا۔اس طرح اب تک تقریباً 29ہزار طلباوطالبات قاعدہ اور ناظرہ مکمل کرچکے ہیں۔( غلام محی الدین ترک ،اردو کانٹینٹ رائیٹر(سوشل میڈیا ڈیپارٹمنٹ دارالمدینہ ،ہیڈ آفس کراچی)

زندگی کی مہارتوں کو نئے انداز اور نئے ماحول میں سیکھنا طلبہ کے لیے کافی فائدہ مندہوتا ہے۔سمر کیمپ ان باتوں کو نہ صرف بہتر انداز میں پورا کرتا ہے بلکہ طلبہ کو کم وقت میں زیادہ سے زیادہ سیکھنے کا موقع بھی فراہم کرتا ہے۔ دارالمدینہ ، سندھ اور پنجاب ریجن کے کیمپسز میں سمرکیمپس کا انعقاد ہوا۔

دارالمدینہ نے اس سمر کیمپ کے لیے کئی منفرد سرگرمیاں تیار کیں ۔ ان میں تربیہ اورکردار سازی کے علاوہ روبوٹکس،STEM، انگریزی بول چال، ذاتی تربیت، ری سائیکلنگ ، آرٹ اورپودے اگانے سمیت کئی تعلیمی، ذہنی، جسمانی اور ماحولیاتی آگاہی کی دلچسپ سرگرمیاں کروائی گئیں۔ یہ سرگرمیاں طلبہ کی تخلیقی صلاحیتوں کو اُجاگر کرنے ، نئی صلاحیتیں دریافت کرنے اور زندگی کی قیمتی مہارتیں حاصل کرنے میں مدد گار ثابت ہوں گی ۔اس سمر کیمپ میں دارالمدینہ کے علاوہ دوسرے اسکولوں کےطلبہ نے بھی شرکت کی۔(رپورٹ: غلام محی الدین ترک ،اردو کانٹینٹ رائیٹر(مارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی))

دارالمدینہ انٹرنیشنل اسلامک  ایجوکیشن سسٹم (دعوتِ اسلامی)کے تحت اسلامی بھائیوں کے لئے عالمی مدنی مرکز فیضان مدینہ کراچی میں3 دن (19 تا 21 جولائی 2024ء)کے سنتوں بھرے اجتماع کا انعقاد ہوا جس میں دارالمدینہ اور فیضان اسلامک اسکول سسٹم کے اسٹاف نے شرکت کی جبکہ اجتماع کے آخری دن مرکزی مجلسِ شوریٰ کے نگران مولانا حاجی محمد عمران عطاری کا خصوصی بیان بھی ہوا۔

تفصیلات کے مطابق افتتاحی نشست میں دارالمدینہ انٹرنیشنل اسلامک اسکول سسٹم کے CEO ڈاکٹر دانش اقبال عطاری نے اجتماع میں آنے والے تمام ذمہ داران کو خوش آمدیدکہا اور اس کی اہمیت سے آگاہ کرتے ہوئے بتایا کہ دارالمدینہ ایک نعمت ہے،اس کی بدولت ہمیں وقتاً فوقتاً دینی و تربیتی سرگرمیوں میں شریک ہونے کا موقع ملتا ہے یہ اجتماع بھی اسی کی ایک مثال ہے۔

دارالمدینہ کے شرعی ایڈوائزر مفتی کفیل رضا عطاری مدنی نے ذمہ داران کو خیرخواہی کے مفہوم اور اس کی اہمیت سے آگاہ کرتے ہوئے کہا کہ دعوتِ اسلامی مسلمانوں کی خیرخواہی قراٰن مجید کی تعلیم، FGRF اور دیگر دینی کاموں کےذریعے کررہی ہے۔دارالمدینہ بھی اسی خیرخواہی کی ایک مثال ہے۔ایک مسلمان گھرانے میں پیداہونے والے نونہال کی خیرخواہی یہ ہے کہ وہ دینِ اسلام کی روشنی میں تعلیم حاصل کرے۔مزید انہوں نے اعلیٰ حضرت علیہ الرَّحمہ کے دس تعلیمی نکات پر بھی روشنی ڈالی۔

سنتوں بھرے اجتماع میں رکنِ مرکزی مجلسِ شوری ٰ حاجی فضیل رضاعطاری نے بیان کیا اور بتایا کہ انسان کو اپنی زبان کا استعمال احتیاط سے کرنا چاہیئے نیز رکنِ شوری ٰ نے امیر اہل سنت دامت بَرَکَاتُہمُ العالیہکی دینی خدمات پر بھی روشنی ڈالی ۔

سنتوں بھرے اجتماع کے دوسرے دن مدنی چینل کے CEO مولانا اسد عطاری مدنی نے بیان کے دوران کہا کہ ہر شخص کو اپنا لرننگ پراسس ہمیشہ جاری رکھنا چاہیئے اور اپنے موجودہ مقام سے آگے بڑھنے کے لئے ترقی کرنی چاہیئے۔ مزید انہوں نے شرکا کی تربیت کرتے ہوئے ترقی کرنے کے لئے مطالعہ کرنے، سفر کرنے اور ایسے نئے دوست بنانے کی ترغیب دی جن سے زندگی میں کچھ سیکھا جاسکے ۔

اسی طرح دارالمدینہ انٹرنیشنل اسلامک ایجوکیشن سسٹم کے نگرانِ شعبہ اوررکنِ مرکزی مجلسِ شوریٰ حاجی محمد اطہر عطاری نے شرکا کی تربیت کرتے ہوئے کہا کہ آج معاشرے میں جو عزت ٹیچر کی ہے وہ کسی اور کی نہیں۔ٹیچر اپنی سوچ، اپنا نظریہ، علم اور معلومات طلبہ کے سینوں میں اتارتا ہے۔ ایک استاد کی کامیابی یہی ہے کہ اس کااثر اپنے طالب علموں پر کتنا ہے؟ اپنااثر پیدا کرنے کے لئے استاد کو چاہیئے کہ اپنے مطالعے کو وسیع کرے اور اپنی ٹیچنگ کو ٹیکسٹ بک تک محدود نہ رکھے۔اس کے علاوہ استاد بچوں کے مزاج کو بھی سمجھے اور انہیں دینی و دنیاوی معلومات فراہم کرے۔

اس کے علاوہ دورانِ اجتماع رکنِ مرکزی مجلسِ شوری ٰ حاجی محمد امین عطاری نے بیان کیا جس میں اُن کا کہنا تھا کہ پہلے کے لوگ ایک حدیث سننے کے لئے مہینوں سفر کیا کرتے تھے، بزرگوں کی صحبت اختیار کرتے تھے۔ہمیں بھی بزرگانِ دین اور علمائے کرام کی صحبت میں بیٹھ کر علم ِدین حاصل کرنا چاہیئے۔

سنتوں بھرے اجتماع کی اختتامی نشست میں دعوتِ اسلامی کی مرکزی مجلس شوری کے نگران مولانا حاجی محمد عمران عطاری سلمہ الباری نے ٹیچر کی خوبیوں پر روشنی ڈالتے ہوئے مدنی پھولوں سے نوازا جن میں سے بعض یہ ہیں: ٭سوسائٹی کی تبدیلی کا سب سے بڑا ذریعہ استاد ہے٭ اگر اُستاد کو ترقی کرنی ہے تو اُسے لرننگ موڈ میں ہونا چاہیئے٭اس میں مطالعہ کی عادت ہونی چاہیئے٭اس کے اخلاق وکردار اور سوچ درست ہونی چاہیئے ٭ٹیچر حکمت،مصلحت و دانائی کے ساتھ بچے اور والدین کو ہینڈل کرنا سیکھے کیوں کہ ذہن سازی کرنا آسان نہیں٭بچے کے ساتھ ساتھ اس کے گھروالوں کو بھی دعوتِ اسلامی والا بنایئے۔

بعدازاں نگرانِ شوری ٰ مولانا حاجی محمد عمران عطاری نے ماہنامہ فیضان مدینہ اور دیگر کتب کے مطالعے کی ترغیب بھی دلائی ۔

دارالمدینہ بوائز ہائی اسکول ، اورنگی کیمپس کے طالب علم محمد طاہر شریف نے بورڈ آف سیکنڈری ایجوکیشن ، کراچی کے ہونے والے 2022اور2023 کے امتحانات برائے میٹرک سائنس کے امتحانات میں سولہویں پوزیشن حاصل کی ۔اس امتحان میں ایک لاکھ 56ہزار  سے زائد طلبا و طالبات شریک ہوئے تھے۔

طالب علم نے اس موقع پر کہا: اس کامیابی میں میرے اساتذہ کی محنت اور والدین کی دعائیں شامل ہیں۔اس شاندار کامیابی پر بورڈ آف سیکنڈری ایجوکیشن ، کراچی نے محمد طاہر شریف کو سرٹیفیکیٹ آف میرٹ اور نقد انعام سے بھی نوازا۔

دارالمدینہ انٹرنیشنل یونیورسٹی پریس  کی سیکنڈری کلاسز کی 11 کتابیں پاکستان کے قومی نصاب کے تحت منظور ہوچکی ہیں ۔ ان میں اسلامیات کی درسی کتب کا سلسلہ راہ اسلام ، روشن سفر اردو سلسلہ ، Unique Mathematics اورSmart ICTکی کتابیں شامل ہیں ۔

واضح رہے کہ پاکستان میں قومی نصاب (National Curriculum)کے نفاذ کے بعد پچھلے سالوں میں دارالمدینہ انٹرنیشنل یونیورسٹی پریس کی پری پرائمری اور پرائمری کی 70نصابی کُتُب پنجاب کریکولم اینڈ ٹیکسٹ بک بورڈ(PCTB) سے منظور ہوچکی ہیں۔ ان میں اُردو خوش خطی، واقفیت عامہ اور Dynamics English کی کتابیں بھی شامل ہیں نیزیہ درسی کتابیں دیدہ زیب ٹائٹل،معیاری کاغذاور عمدہ طباعت سے مزین ہیں۔

دارالمدینہ انٹرنیشنل اسلامک ایجوکیشن سسٹم کا ایک اہم ڈیپارٹمنٹ دارالمدینہ انٹرنیشنل یونیورسٹی پریس گزشتہ سالوں میں 150سے زائد درسی کتابیں شائع کرچکا ہے۔ یہ کتابیں دارالمدینہ انٹرنیشنل اسلامک اسکول سسٹم اور فیضان اسلامک اسکول سسٹم کے علاوہ دیگر پرائیویٹ تعلیمی اداروں میں بھی پڑھائی جارہی ہیں۔

ان درسی کتابوں کی تیار ی میں بچوں کی نفسیات اور ان کی ذہنی سطح کو ملحوظ رکھا گیا ہے۔ طلبہ کی ذہنی اور جسمانی نشوونما کی بہتری کے لئے دینی، اخلاقی ،ذہنی ، تعلیمی ،ادبی اور جسمانی سرگرمیاں خصوصیت کے ساتھ شامل کی گئی ہیں ۔

مذکورہ کتابوں کی ایک خاص بات یہ ہے کہ ماہرین کی زیرِ نگرانی تیار ہونے کے بعد علما بورڈ ان تمام کُتُب پر نظر ثانی کرتا ہے جس میں ان کُتُب کو عقائد، کفریہ عبارات، اخلاقیات اورفقہی مسائل وغیرہ کے حوالے سے حتی الامکان چیک کیا جاتا ہے اور اس بات کا بغور جائزہ لیا جاتا ہے کہ ان کُتُب کا متن ،تصاویراور کوئی بھی سرگرمی اسلامی تعلیمات و روایات کے منافی نہ ہوں۔

پچھلے دنوں دارالمدینہ بوائز ہائی اسکول،اورنگی کیمپس میں رزلٹ ڈے کی تقریب  کا انعقاد ہوا جس میں ٹیچرز، اسکول اسٹاف، والدین اور بچوں کی بڑی تعداد نے شرکت کی۔ تقریب کا آغاز تلاوتِ قراٰن پاک سے کیا گیا اور اس کے بعدحمد و نعت ِ رسول مقبول صلی اللہ علیہ و سلم پڑھی گئیں ۔

رزلٹ ڈے کی اس تقریب میں دارالمدینہ سندھ کے پروویژنل ہیڈ ابو الحسنین رضاعطاری اور پرنسپل شکیل احمد نے امتحانات میں نمایاں پوزیشن حاصل کرنے والے طلبہ میں شیلڈز تقسیم کیں۔

شرکائے تقریب سے خطاب کرتے ہوئے پروویژنل ہیڈ کا کہنا تھا کہ طلبہ محنت کریں، ہمت نہ ہاریں اور آگے بڑھیں نیز کیمپس پرنسپل نے بھی طلبہ کو محنت کی ترغیب دلاتے ہوئے دارالمدینہ کے جملہ اسٹاف کی کارکردگی کو سراہا اور شاندار رزلٹ پر اطمینان کا اظہار کیا۔تقریب میں مدنی قاعدہ و ناظرہ قراٰن کی تکمیل اور پوزیشن حاصل کرنے والے طلبہ میں بھی انعامات تقسیم کئے گئے۔

موسم گرما کی تعطیلات کی مناسبت سے دارالمدینہ انٹرنیشنل اسلامک اسکول سسٹم (دعوتِ اسلامی) کے Education Management Department نے بچّوں کی تربیت کے لئے Summer Vacation Tarbiah homework ترتیب دیا ہے ۔

تربیہ ہوم ورک میں پری نرسری ، نرسری کے جی، پرائمری اور سیکنڈری کلاسز کے بچوں کی ذہنی سطح اور سیکھنے کی استعداد کو مدنظر رکھا گیا ہے۔Summer Vacation Tarbiah homework میں نیکیوں کا درخت، رنگ بھرنے کی مشقیں، حج، معلومات عامہ،مدنی قاعدہ ہوم ورک اور روزمرہ امور سے متعلق بہت سی سرگرمیوں سے مزین کیا گیا ہے۔

اس Summer Vacation Tarbiah homeworkکو www.darulmadinah.net پر بھی رکھا گیا ہےتاکہ دارالمدینہ کے علاوہ دوسرے اسکولز میں پڑھنے والے بچوں کے والدین بھی اس سے استفادہ کرسکیں اور اپنے بچوں کی بہترین تربیت کرسکیں۔( رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ، ویب ڈسک رائٹر:غیاث الدین عطاری)

دارالمدینہ انٹرنیشنل اسلامک ایجوکیشن سسٹم کے ہیڈآفس میں ”قربانی کے احکام و مسائل“ پر ایک تربیتی نشست منعقد ہوئی جس میں دارالمدینہ کے نگران شرعی ایڈوائزرمفتی محمدکفیل رضا عطاری مدنی نے قربانی کے مختلف احکام و مسائل سے آگاہی دی۔

نشست کے دوران گفتگو کرتے ہوئےمفتی محمد کفیل رضا عطاری مدنی کا کہنا تھا کہ ذوی الحجۃالحرام کے ابتدائی عشرے اور اس کی راتوں کی فضیلت قراٰنِ کریم میں بیان کی گئی ہے، ہمیں چاہیئے کہ ان ایام کو غفلت میں نہ گزاریں۔

اسی طرح مفتی محمد کفیل رضا عطاری مدنی کا یہ بھی کہنا تھا کہ ہمیں اپنی نیت کو درست رکھتے ہوئے خوش دلی سے قربانی کرنی چاہیئے۔آخر میں مفتی صاحب نے شرکا کی جانب سے ہونے والے سوالات کے جوابات دیئے۔( رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ، ویب ڈسک رائٹر:غیاث الدین عطاری)

پچھلے دنوں مدنی چینل کے چیف ایگزیکٹو مولانا محمد اسد عطاری مدنی نے دارالمدینہ انٹرنیشنل اسلامک ایجوکیشن سسٹم کے ہیڈ آفس کا دورہ کیا جہاں اُن کی ملاقات سی ای او(C.E.O) ڈاکٹر دانش اقبال عطاری اور مختلف ڈیپارٹمنٹس کے ایچ او ڈیز سے ہوئی۔

اس دورے میں مولانا محمد اسد عطاری مدنی کو دارالمدینہ انٹرنیشنل اسلامک ایجوکیشن سسٹم کے مختلف شعبوں کے تعارف اور نصابِ تعلیم سے آگاہ کیا گیا جس پر انہوں نے خوشی کا اظہار کیا اور پیشہ ورانہ امور پر گفتگو کی۔

دورانِ گفتگو مولانا محمد اسد عطاری مدنی کا کہنا تھا کہ عاشقانِ رسول کی دینی تحریک دعوتِ اسلامی کے مختلف شعبوں میں Artificial Intelligence کا استعمال کیا جارہا ہے لہٰذا انہوں نے دارالمدینہ انٹرنیشنل اسلامک ایجوکیشن سسٹم میں بھی Artificial Intelligence ٹولز کے استعمال کا ذہن دیا۔( رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ، ویب ڈسک رائٹر:غیاث الدین عطاری)

عید الفطر سال میں ایک دن آتی ہےلیکن اِس کی مٹھاس ہفتوں تک باقی رہتی ہے۔ عید کی تعطیلات ختم ہونے کے بعد اسکولوں میں عید ملن تقریبات کااہتمام کیا جاتا ہے، جن میں طلبہ اپنے دوستوں کے ساتھ بہترین وقت گزارتے ہیں۔

دارالمدینہ انٹرنیشنل اسلامک اسکول سسٹم کے تحت پاکستان بھر کے کیمپسز میں عید ملن اجتماعات کا انعقاد ہوا۔ان عید ملن اجتماعات میں جن میں طلبہ نے ایک دوسرے کو عید کی مبارک باد پیش کی اور مختلف سرگرمیوں میں حصہ لیا ۔

دوستوں کے ساتھ عید ملن اجتماعات میں شرکت اور عید کی خوشیاں منانا گویا ایک نعمت ہے۔اس نعمت کے ذریعے محبت اور بھائی چارے کو فروغ حاصل ہوتا ہ۔)رپورٹ:غلام محی الدین ترک ،اردو کانٹینٹ رائٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)

پیرنٹ مینجمنٹ میٹنگ طلبہ کی تعلیمی کامیابیوں اور سیکھنے کے عمل میں ان کی مشکلات کو جاننےکا بہترین ذریعہ ہے۔دارالمدینہ انٹرنیشنل اسلامک اسکول سسٹم ،پیرنٹ مینجمنٹ میٹنگ کے ذریعے اسکول مینجمنٹ اور والدین کے تعلقات کو بہتر بناتا ہے۔ اس میٹنگ میں والدین اوردارالمدینہ اسکول مینجمنٹ تعلیمی عمل کو مزید بہتر بنانے پر بات چیت کرتے ہیں۔

دارالمدینہ انٹرنیشنل اسلامک اسکول سسٹم، کورنگی کیمپس میں پیرنٹ مینجمنٹ میٹنگ کا انعقاد ہوا جس میں دارالمدینہ انٹرنیشنل اسلامک اسکول سسٹم کے CEOڈاکٹر دانش اقبال عطاری اور ڈائریکٹر ایجوکیشن عابد سہیل عطاری نے بھی شرکت کی۔

پیرنٹ مینجمنٹ میٹنگ میں والدہ و سرپرست اسلامی بہنوں سے فی میل ڈویژن ہیڈ اور فی میل اکیڈمک کوآرڈینیٹر نے ملاقات کی نیز دارالمدینہ کے تعلیمی نظام کے بارے میں ان کی رائے لی ۔

دارالمدینہ کی مینجمنٹ نے تعلیمی اورانتظامی امور پر والدین سے گفتگو کرتے ہوئے مختلف امور پر ان کی رائے لی ۔ )رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ویب ڈسک رائٹر:سیّد شعیب عطاری)