دعوتِ اسلامی کے شعبہ تحفظ اوراق مقدسہ کی جانب سے26 مئی 2023 ء  کو مدینہ ٹاؤن فیضان مدینہ فیصل آباد میں سنتوں بھرے اجتماع کا انعقاد کیا گیا جس میں نگران مجلس اور ڈویژن ذمہ داران نے شرکت کی۔

اس اجتماع میں رکن شوریٰ ابو ماجد حاجی محمد شاہد عطاری مدنی نے ’’قرآنِ پاک کی اہمیت‘‘ کے موضوع پر بیان کیا اور شعبہ تحفظ اوراق مقدسہ کے تحت ہونے والے دینی کاموں کی بہتری پر اہم نکات بیان کئے اورآئندہ کے لئے اہداف دیئے نیز اسلامی بھائیوں کی جانب سے کئے گئے سوالات کے جوابات بھی دیئے۔ (رپورٹ: الله دتہ عطاری فیصل آباد میٹروپولیٹن ذمہ دار، کانٹینٹ:رمضان رضا عطاری)

دنیا بھر  میں اسلامی تعلیمات کو عام کرنے والی عاشقانِ رسول کی دینی تحریک دعوتِ اسلامی کی جانب سے رکنِ شوریٰ حاجی یعفور رضا عطاری نے ٹیلفورڈ یو کے (Telford UK) میں قائم فیضانِ رمضان مسجد کا دورہ کیا۔

معلومات کے مطابق اس جگہ پر غیر مسلموں کی عبادت گاہ قائم تھی جو کہ کچھ دنوں پہلے ہی دعوت اسلامی نے خرید کر اس جگہ پر مسجد قائم کردی۔

اس جگہ رکن شوریٰ کی آمد کے موقع پر مقامی ذمہ داران نے وہاں تربیتی سیشن کا انعقاد کیا جس میں حاجی یعفور رضا عطاری نے سنتوں بھرا بیان کیا اور وہاں موجود حاضرین کودینی کام کرنے کے متعلق مدنی پھول دیئے جس پر انھوں نے اچھی اچھی نیتیں کیں۔(کانٹینٹ:رمضان رضا عطاری)

رکنِ شوریٰ حاجی یعفور عطاری نے والسال یو کے (Walsall UK) میں قائم دعوتِ اسلامی کے دوسرے مدنی مرکز فیضانِ مدینہ کا دورہ کیا۔ جہاں رکنِ شوریٰ نے وہاں موجود حاضرین میں سنتوں بھرا بیان کیا اور انہیں قرآ ن و سنت کی تعلیمات کے مطابق اپنی زندگی کے شب و روز گزارنے کا ذہن دیا ۔ آخر میں مقامی اسلامی بھائیوں سے ملاقات بھی کی۔(کانٹینٹ:رمضان رضا عطاری)

پچھلے دنوں دعوتِ اسلامی  کے تحت ویسٹ مڈلینڈز،یو کے سینڈ ویل میں قائم مدنی مرکز فیضانِ مدینہ میں سیکھنے سکھانے کے حلقے کا انعقاد ہوا جس میں مقامی عاشقانِ رسول نے شرکت کی۔

سیکھنے سکھانے کے حلقے میں مرکزی مجلسِ شوریٰ کے رکن حاجی یعفور رضا عطاری نے بیان کیا جس میں حاضرین کو تربیتی مدنی پھول دیئے اور آخر میں اسلامی بھائیوں سے ملاقات کی۔

٭اس کے علاوہ مرکزی مجلس شوریٰ کے رکن حاجی یعفور رضاعطاری نے ایسٹن میں موجود جامعۃُ المدینہ گرکز کیمپس کا دورہ کیا اور وہاں کے انتظامی معاملات کا جائزہ لیتے ہوئے ذمہ داران سے اس حوالے سے گفتگو کی۔(کانٹینٹ:رمضان رضا عطاری)

دینِ اسلام کی اشاعت و تبلیغ کرنے، لوگوں کو قراٰن و حدیث کی تعلیمات سے آگاہ کرنے اور اُن کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کا ترقی کی طرف ایک اور قدم۔

فیضانِ مدینہ کراچی اور فیضانِ غوثِ اعظم سائٹ ایریا کراچی کے دورۂ حدیث شریف کے بعد27 مئی 2023ء بروز ہفتہ کراچی کے علاقے کورنگی ڈھائی نمبر میں واقع دعوتِ اسلامی کے جامعۃالمدینہ بوائز فیضانِ بغداد میں تیسرے دورۂ حدیث شریف کا افتتاح کر دیاگیا۔

تفصیلات کے مطابق اس موقع پر جامعۃالمدینہ بوائز فیضانِ بغداد میں سنتوں بھرا اجتماع منعقد کیا گیا جس میں طلبۂ کرام اوراساتذۂ کرام سمیت دیگر ذمہ دار اسلامی بھائیوں کی کثیر تعداد نے شرکت کی۔

دعوتِ اسلامی کے دینی کاموں کے حوالے سے گزشتہ روز نگرانِ شعبہ ماہنامہ فیضانِ مدینہ مولانا مہروز عطاری مدنی نے بنوں ڈویژن صوبہ خیبرپختونخوا میں سیّد اکبر صاحب سے ملاقات کی اور دعوتِ اسلامی کے دینی و فلاحی کاموں کے متعلق چند اہم نکات پر تبادلۂ خیا ل کیا۔

بنوں ڈویژن صوبہ خیبرپختونخوا میں دعوتِ اسلامی کے تحت 24 مئی 2023ء بروز بدھ نگرانِ شعبہ ماہنامہ فیضانِ مدینہ مولانا مہروز عطاری مدنی نے دیگر ذمہ دار اسلامی بھائیوں کے ہمراہ گورنمنٹ اسلامیہ ہائی اسکول نمبر 2 کا دورہ کیا جہاں انہوں نے وائس پرنسپل سیّد عرفان صاحب سے ملاقات کی۔

دورانِ ملاقات ذمہ داران میں موجود نگرانِ شعبہ ماہنامہ فیضانِ مدینہ مولانا مہروز عطاری مدنی نے وائس پرنسپل سے دعوتِ اسلامی کے دینی کاموں اور ماہنامہ فیضانِ مدینہ کے حوالے مختلف امور پر مشاورت کی۔

علاوہ ازیں نگرانِ شعبہ نے وائس پرنسپل کو دعوتِ اسلامی کے تحت راہِ خدا عزوجل کے مدنی قافلے میں سفر کرنے کی دعوت پیش کی جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

صوبہ خیبرپختونخوا کی بنوں یونیورسٹی میں 24 مئی 2023ء بروز بدھ دعوتِ اسلامی کے دینی کاموں کے سلسلے میں نگرانِ شعبہ ماہنامہ فیضانِ مدینہ مولانا مہروز عطاری مدنی نے چیئرمین ڈیپارٹمنٹ آف اسلامک اسٹڈیز اینڈ ریسرچ ڈاکٹر عرفان اللہ صاحب اور اسسٹنٹ پروفیسر امیر نواز صاحب سے ملاقات کی۔

معلومات کے مطابق اس ملاقات میں نگرانِ شعبہ نے ڈاکٹر عرفان اللہ صاحب اور امیر نواز صاحب سے ماہنامہ فیضانِ مدینہ کی بکنگ، سرکولیشن اور پروموشن کے حوالے سے اہم امور پر گفتگو کی۔

عاشقانِ رسول کی دینی تحریک دعوتِ اسلامی کے زیرِا ہتمام 22 تا 24 مئی 2023ء بروز پیر، منگل اور بدھ عالمی مدنی مرکز فیضانِ مدینہ کراچی میں سیکورٹی ڈیپارٹمنٹ کا اجتماع منعقد ہوا۔

تفصیلات کے مطابق تلاوتِ قراٰن و نعتِ رسولِ مقبول صلی اللہ علیہ و سلم اور امیرِ اہلِ سنت دامت بَرَکَاتُہمُ العالیہ کے صوتی پیغام سے اجتماع کا آغاز ہوا جبکہ مرکزی مجلسِ شوریٰ کے رکن مولانا حاجی عبد الحبیب عطاری نے شرکا اسلامی بھائیوں کو نماز کی پابندی کرنے، درود و استغفار کی کثرت کرنےاور اپنے اخلاق کو بہتر بنانے کا ذہن دیا۔

دورانِ اجتماع مرکزی مجلسِ شوریٰ کے اراکین حاجی محمد علی عطاری اور حاجی فضیل رضا عطاری نے بھی اسلامی بھائیوں کی تربیت و رہنمائی کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی نیز نیک اعمال کا رسالہ پُر کرنے والے اسلامی بھائیوں کے درمیان تحائف تقسیم کئے گئے۔

25 مئی 2023ء بروز جمعرات صوبہ خیبرپختونخوا کے شہر کوہاٹ میں قائم مدنی مرکز فیضانِ مدینہ میں دعوتِ اسلامی کے زیرِا ہتمام ہفتہ وار سنتوں بھرے اجتماع کا انعقاد کیا گیا جس میں قرب و جوار کے کثیر اسلامی بھائیوں نے شرکت کی۔

اجتماع کا باقاعدہ آغاز تلاوتِ کلامِ پاک اور نعت شریف سے ہوا ، نگرانِ ماہنامہ فیضانِ مدینہ مولانا مہروز عطاری مدنی نے سنتوں بھرا بیان کیااور وہاں موجود اسلامی بھائیوں کو دعوتِ اسلامی کے دینی ماحول سے وابستہ رہنے کی ترغیب دلائی۔ (کانٹینٹ:غیاث الدین عطاری)

دعوتِ اسلامی کے تحت پچھلے دنوں نگرانِ ماہنامہ فیضانِ مدینہ مولانا مہروز عطاری مدنی نے نگرانِ شعبہ تقسیمِ رسائل سیّد حسنین عطاری کے ہمراہ کوہاٹ یونیورسٹی کی سینٹرل لائبریری کا وزٹ کیا۔

اس دوران ذمہ دار اسلامی بھائیوں نے چیف لائبریرین سے ملاقات کی جس میں چیف لائبریرین کو دعوتِ اسلامی اور ماہنامہ فیضانِ مدینہ کا تعارف پیش کرتے ہوئے انہیں عالمی مدنی مرکز فیضانِ مدینہ کراچی آنے کی دعوت دی گئی۔

قراٰن و حدیث میں علمِ دین حاصل کرنے کے بےشمار فضائل موجود ہیں نیز صحابۂ کرام علیہم الرضوان اور بزرگانِ دین رحمہم اللہ المبین کا یہ معمول تھا کہ وہ ہر وقت علمِ دین حاصل کرنے کی تلاش میں لگے رہتے تھے۔

علمِ دین کی جستجو کو برقرار رکھتے ہوئے آج 27 مئی 2023ء بروز ہفتہ عالمی مدنی مرکز فیضانِ مدینہ کراچی میں مدنی مذاکرے کا انعقاد کیا جائے گاجس میں کراچی کے کثیر عاشقانِ رسول براہِ راست اور پاکستان کے دیگر شہروں سمیت بیرونِ ملک کے اسلامی بھائی بذریعہ مدنی چینل شریک ہوں گے۔

مدنی مذاکرے کا آغاز پاکستانی وقت کے مطابق تقریباً 9:30 بجے تلاوتِ قراٰنِ پاک سےکیا جائے گا اور نعت خواں اسلامی بھائی حضور صلی اللہ علیہ و سلم کی بارگاہ میں نذرانۂ عقیدت پیش کریں گے۔

اس کےبعد امیرِ اہلِ سنت حضرت علامہ محمد الیاس عطار قادری رضوی ضیائی دامت بَرَکَاتُہمُ العالیہعاشقانِ رسول کی جانب سے ہونے والے مختلف سوالات کے علم و حکمت بھرے جوابات ارشاد فرمائیں گے۔

تمام عاشقانِ رسول وقت کی پابندی کے ساتھ اس مدنی مذاکرے میں براہِ راست یا بذریعہ مدنی چینل شرکت کرکے اپنے لئے علمِ دین کا خزانہ حاصل کریں۔