دارالمدینہ انٹرنیشنل اسلامک اسکول سسٹم کے CEOڈاکٹر دانش اقبال عطاری اور ڈائریکٹر ایجوکیشن عابد سہیل عطاری نے صوبائی ذمہ دار(provincial head)عدنان یعقوب عطاری کے ہمراہ پنجاب ریجن کا دورہ کیا۔

گزشتہ روز دارالمدینہ انٹرنیشنل اسلامک اسکول سسٹم کے CEOڈاکٹر دانش اقبال عطاری اور ڈائریکٹر ایجوکیشن عابد سہیل عطاری نے صوبائی ذمہ دار(provincial head)عدنان یعقوب عطاری کے ہمراہ پنجاب ریجن کا دورہ کیا۔

دعوتِ اسلامی کے تحت ہونے والی مختلف ایکٹیویٹیز  کا جائزہ لینے کے لئے پچھلے دنوں مدنی مرکز فیضانِ مدینہ فیصل آباد میں پاکستان مشاورت کے ذیلی ڈیپارٹمنٹ SOPs کے ذمہ داران کا مدنی مشورہ ہوا۔

تفصیلات کے مطابق رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے ابتداءً شعبے کی موجودہ کارکردگی کا جائزہ لیا اور 2025ء کے آئندہ کے اہداف کے حوالے سے اسلامی بھائیوں کی رہنمائی کی۔

اس کے علاوہ نگرانِ پاکستان مشاور ت نےاسلامی بھائیوں کو مدنی پھولوں سے نوازتے ہوئے دیگر موضوعات پر بیان کیا جن میں فالو اپ کے مدنی پھول اور مسائل و تجاویز شامل تھے۔

فیصل آباد، پنجاب کے مدنی مرکز فیضانِ مدینہ میں گزشتہ روز دعوتِ اسلامی کے تحت  ایک مدنی مشورے کا انعقاد کیا گیا جس میں میڈیا کانٹینٹ (اسلامک ریسرچ سینٹر) کے ذمہ دار اسلامی بھائیوں نے شرکت کی۔

میٹنگ میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شعبے کی موجودہ کارکردگی کا جائزہ لیتے ہوئے آئندہ کے اہداف 2025ء پر کلام کیا اور فالو اپ کے مدنی پھولوں سمیت مسائل و تجاویز پر گفتگو کی۔

نگرانِ پاکستان مشاورت نے اسلامی بھائیوں کی تربیت و رہنمائی کرتے ہوئے انہیں مدنی پھولوں سے نوازا اور انہیں احسن انداز میں اپنے کام کو سرانجام دینے کی ترغیب دلائی۔

اس موقع پر نگرانِ پاکستان مشاورت آفس مولانا حاجی عمر عطاری مدنی، شرجیل انجم عطاری، مولانا حسین یونس عطاری مدنی اور مولانا حسین خوشی عطاری مدنی سمیت شعبے کے دیگر ذمہ داران موجود تھے۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

شعبہ معاونت برائے اسلامی بہنیں دعوت اسلامی کے تحت بلوچستان کے شہر  کوئٹہ میں 13مئی2025ء کو مدنی مشورہ منعقد ہوا جس میں ڈویژن نگران ، میٹروپولیٹن ذمہ دار ، اور ڈسٹرکٹ ذمہ دار سمیت دیگر عاشقان رسول نے شرکت کی۔

صوبائی ذمہ دار شعبہ معاونت بلوچستان نے مشورے میں گلی گلی مدرسۃ المدینہ شروع کرنے، فیضان صحابیات کے لئے بھر پور کوششیں کرنےاورشعبہ معاونت کے دینی کام بڑھانے کےمتعلق گفتگو کرتے ہوئے شعبہ معاونت میں ترقی کرنے کے حوالے سےحاضرین کو اہم نکات دیئے۔(رپورٹ:صوبائی ذمہ دار ابو احمد گلفام عطاری،کانٹینٹ:شعیب احمد عطاری) 

شعبہ تحفظ اوراق مقدسہ دعوت اسلامی کے تحت لاہور سٹی میں   13 مئی2025ء کو مدنی مشورہ منعقد ہوا جس میں صوبائی ذمہ دار اور ڈسٹرکٹ ذمہ داران سمیت مختلف عاشقان رسول نے شرکت کی ۔

مدنی مشورے میں ڈسٹرکٹ نگران شمالی لاہور حاجی محمد شہزاد عطاری نے شعبے کے کاموں کا جائزہ لیتے ہوئے حاضرین کو اہداف دیئےجبکہ شعبہ کے مسائل اور ان کے حل پر گفتگو کرتے ہوئے ہر ٹاون میں اوراق مقدسہ کے اسٹور کے لیے نگران ٹاون کو ہدایت فرمائی بعدازاں ایک عالم دین مولانا عبداللہ صاحب سے ملاقات کی اور شعبے کے کاموں پر بریفنگ دی جس پر مولانا عبداللہ صاحب نے دعوت اسلامی کے شعبہ تحفظ اوراق مقدسہ کے کاموں کو سراہا۔(رپورٹ: ڈویژن ذمہ دار محمد رضا عطاری،کانٹینٹ:شعیب احمد عطاری)

دعوت اسلامی کے شعبہ مدنی کورسز اور رابطہ برائے تاجران کے تحت 12 مئی 2025ءبروز پیر ملیر لیاقت مارکیٹ کراچی میں قائم طیبہ رحمت مسجد میں قربانی کورس کروایا گیا جس میں تاجران سمیت دیگر عاشقان رسول نے شرکت کی۔

کورس کے دوران دارالافتاء اہلسنت کے مفتی سجاد مدنی نے قربانی کے احکام پر شرکا کی تربیت و رہنمائی کی اور اُن کی جانب سے ہونے والے مختلف سوالات کے جوابات دیئے۔

کورس کے اختتام پر عاشقانِ رسول نے کورس کے متعلق اپنے تأثرات دیتے ہوئے اپنی نیک خواہشات کا اظہار کیا۔(رپورٹ: محمد حاشر عطاری مدنی، شعبہ مدنی کورسز ڈسٹرکٹ کورنگی ، کانٹینٹ:غیاث الدین عطاری)

الحمداللہ عزوجل عالمی مدنی مرکز فیضانِ مدینہ باب المدینہ کراچی میں درجہ امامت کورس جاری ہے جس میں پاکستان کے مختلف شہروں سے اسلامی بھائی علم دین حاصل کرنے کے لیے تشریف لائیں ہیں جنکی تعلیم کے ساتھ ساتھ تربیت کا سلسلہ بھی جاری رہتا ہے۔

امامت کورس میں مختلف مبلغین اسلامی بھائی تربیت کرتے رہتے ہیں اسی سلسلے میں 13مئی2025ء کو مرکزی مجلس شوری کے رکن حاجی منصور عطاری نے بذریعہ آن لائن اسلامی بھائیوں کی تربیت فرمائی اور نیک اعمال کرنے کا ذہن دیا ۔(رپورٹ: محمد شہزاد عطاری مدنی امامت کورس فیضان مدینہ کراچی،کانٹینٹ:شعیب احمد عطاری)

پچھلے دنوں رکن شوری ابو ماجد  محمد شاہد عطاری نے نگران مجلس،صوبائی ذمہ داران اور ذیلی شعبہ جات کے اسلامی بھائیوں کا مدنی مشورہ فرمایا جس میں حاضرین کومرکزی مجلس شوری کے مدنی پھول پڑھنے کا ذہن دیتے ہوئے نگران کےساتھ ماہانہ مدنی مشورہ کرنےاورکروانے کی کارکردگی لی جبکہ آئندہ کے اہداف دیئے۔

اس موقع پر رکن شوری نے مختلف کارکردگی کے حوالے سے بات کرتے ہوئے شعبہ مدرسۃ المدینہ بالغات ، گلی گلی مدرسۃالمدینہ اور قرآن ٹیچر ٹریننگ کورس کی کارکردگی کا جائزہ لیا جبکہ شعبہ جات کے کاموں کو بڑھانے کے حوالے سے ہدف دیا۔( کانٹینٹ:شعیب احمد عطاری)

وفاقی دارالحکومت اسلام آباد میں موجود دارالمدینہ  انٹرنیشنل یونیورسٹی میں عاشقانِ رسول کی دینی تحریک دعوتِ اسلامی کے تحت ایک سیمینار کا اہتمام کیا گیا جس میں وائس چانسلر، رجسٹرار اور فکلٹی ممبران سمیت اسٹوڈنٹس نے شرکت کی۔

سیمینار کی ابتدا تلاوتِ قراٰن سےکی گئی اور اسلامی بھائیوں نے حضور صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا جبکہ مبلغِ دعوتِ اسلامی نے ” A Step Towards 100% Literacy in Pakistan “ کے موضوع پر بیان کیا ۔

شعبہ تحفظ اوراق مقدسہ دعوت اسلامی کے تحت 12مئی2025ء کو پنجاب کی ڈویژن ساہیوال کی ڈسٹرکٹ اوکاڑہ میں مدنی مشورہ ہوا جس میں صوبائی ذمہ دار محمد فھیم عطاری اور ڈویژن ذمہ دار محمد عابد حسین مدنی سمیت شعبہ تحفظ اوراق مقدسہ کے اسلامی بھائیوں نے شرکت کی ۔

مبلغ دعوت اسلامی نے ڈویژن ساہیوال کے اسلامی بھائیوں کو نیو باکس لگانے کا ذہن دیا اور مکمل کارکردگی کا سابقہ اہداف کا جائزہ لیا اور نیو اہداف طے پائے ذمہ دار اسلامی بھائی نے عشر کی کارکردگی کےموضوع پر گفتگو کرتے ہوئےاچھی کارکردگی والے اسلامی بھائیوں کو تحفے سے نوازا جبکہ اسلامی بھائیوں کو عشر کے اہداف دیئے۔آخر میں ذمہ دار نے دعائیں کیں۔( رپورٹ: حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظ اوراق مقدسہ دعوت اسلامی،کانٹینٹ:شعیب احمد عطاری)

اسلامک ریسرچ سینٹر (المدینۃ العلمیۃ) کا ایک ذیلی شعبہ ”شعبہ ہفتہ وار رسالہ“ بھی ہے جو علمی و تحقیقی انداز میں اور خوب محنت و لگن سے ہفتہ وار رسائل تیار کرتا ہے جسے ہر ہفتے مدنی مذاکرے میں پڑھنے/سننے کی ترغیب دلائی جاتی ہے۔

اسی شعبے نے اپنی محنت و کوشش سےقرآن پاک کی تفسیر کی کتاب ”تفسیر نور العرفان“ سے چند مدنی پھول اخذ کرکے ایک رسالہ بنام ”تفسیر نورُ العرفان سے 85 مدنی پھول(قسط 04)“ تیار کیا ہے۔ امیر اہلسنت دامت بَرَکَاتُہمُ العالیہ نے اس ہفتے اس رسالے کو پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یاربَّ المصطفٰے! جو کوئی 17 صفحات کا رسالہ ”تفسیر نورُ العرفان سے 85 مدنی پھول (قسط 04)“ پڑھ یا سُن لے اُسےدنیا و آخرت کی بھلائیاں دے اور اس کی ماں باپ اور خاندان سمیت بے حساب مغفرت فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download