شعبہ ائمہ مساجد پاکستان دعوت اسلامی کے تحت 8 جولائی 2021ء کو مدنی مشورہ ہوا جس میں جامع مسجد ستار محمود آبادکی انتظامیہ اور نگران کابینہ سمیت ریجن ذمہ دار مولانا وقار عطاری مدنی، شعبہ نگران حافظ فیضان عطاری مدنی اور ناظم اعلیٰ مولانا مزمل عطاری مدنی نے شرکت کی۔

مرکزی مجلس شوریٰ کے رکن حاجی محمد عقیل عطاری نے اسلامی بھائیوں کو مسجد آباد کرنے، 12 دینی کاموں کے ذریعے مسجد کے نمازیوں کے اخلاق اور اعمال کی اصلاح کرنے کی ترغیب دلائی۔رکن شوریٰ نے مسجد انتظامیہ کوشرعی اور تنظیمی ذمہ داریوں کو بروقت اور احسن انداز میں سرانجام دینے اور مسجد کے اخراجات کو خود کفیل کرنے کے لئے کوششیں کرنے کی ترغیب دلائی۔ (رپورٹ، محمد عابد عطاری مدنی، رکن شعبہ ائمہ مساجدپاکستان ودفتر ذمہ دار)

دعوت اسلامی کے تحت 8 جولائی 2021ء کو سرگودھا، اسلام آباد، لاہور، کراچی، ملتان، فیصل آباد، نواب شاہ اور میر پور میں ہفتہ وار اجتماع کا انعقاد کیا گیا جس میں گونگے،  بہرے، نابینا اور جسمانی معذور افراد نے بھی شرکت کی۔

اجتماعات میں معذور افراد کی آسانی کے لئے اسپیشل پرسنز ڈیپارٹمنٹ کے تحت دینی حلقے لگائے گئے جس میں شعبے کے ذمہ دار اسلامی بھائیوں نے اشاروں کی زبان میں بیان کی ترجمانی کی۔ (رپورٹ: محمد سمیر عطاری ، میڈیا ڈیپارٹمنٹ اسپیشل پرسن دعوت اسلامی)

دعوتِ اسلامی کے تحت گزشتہ دنوں ڈیرہ اسماعیل خان زون میں قائم جامعۃالمدینہ للبنات میں مدنی مشورےکاانعقاد ہواجس میں ناظمہ، معلمات و طالبات نےشرکت کی ۔

پاکستان نگران اسلامی بہن نے’’اسلاف کا جذبہ قربانی ‘‘ کے موضوع پر بیان کیااورمدنی مشورے میں شریک اسلامی بہنوں کو دینی کام کرنے کا ذہن دیتےہوئے ہفتہ وار سنتوں بھرے اجتماع میں شرکت کرنے ، مدرستہ المدینہ بالغات کا آغاز کرنے اورشارٹ کورسز میں حصہ لینے کی ترغیب دلائی ۔

دعوت اسلامی کے شعبہ اسپیشل پرسنز ڈیپارٹمنٹ کے زیر اہتمام نواب شاہ میں  دینی حلقہ ہوا جس میں شہر بھر سے اسپیشل (گونگے، بہرے) افراد نے شرکت کی۔

متعلقہ شعبے کے رکن زون قاری جاوید عطاری نے سنتوں بھرا بیان کیا جس کی اشاروں کی زبان میں ترجمانی بھی ہوئی۔ (رپورٹ: محمد سمیر عطاری، میڈیا ڈیپارٹمنٹ اسپیشل پرسن دعوت اسلامی)

دعوتِ اسلامی کے تحت  گزشتہ دنوں راولپنڈی میں مدنی مشورے کاانعقادہواجس میں پاکستان دفتر للبنات کی ذمہ داراسلامی بہنوں نےشرکت کی ۔

مبلغۂ دعوت ِ اسلامی نے ’’ بدگمانی کے نقصانات اوراس سے بچنے کے فوائد ‘‘ کےموضوع پربیان کیا اور اسلامی بہنوں کی تربیت کرتے ہوئے انہیں دفتری نظام میں بہتری لانےکےحوالےسےنکات بیان کئےنیز مدنی عملے کی اسلامی بہنوں کی طرف سےکئےجانےوالےسوالات کےجوابات بھی دیئے۔ 

دعوت اسلامی کے شعبہ ماہنامہ فیضان مدینہ کے تحت 8 جولائی 2021ء کو عالمی مدنی مرکز فیضان مدینہ کراچی، ماہنامہ فیضان مدینہ کے آفس میں آن لائن مدنی مشورہ ہوا جس میں شعبہ ماہنامہ فیضان مدینہ کے نگران مولانا مہروز عطاری مدنی، شعبہ ماہنامہ فیضان مدینہ فیڈبک کے ذمہ دار اورنگران پاکستان آفس کے شعبہ ذمہ دار فیڈبک نے شرکت کی۔

مدنی مشورے میں ماہنامہ فیضان مدینہ کی شکایات کو جلد از جلد حل کرنے کے حوالے سے مشاورت ہوئی۔ (رپورٹ: محمد بلال عطاری، ذمہ دار شعبہ ماہنامہ فیضان مدینہ)

) دعوت اسلامی کےتحت گزشتہ دنوں سیالکوٹ زون کے ڈویژن ڈسکہ میں مدنی مشورےکاانعقادہواجس میں علاقہ پسرور،بجوات اوروزیر آباد کی ذمہ دار اسلامی بہنوں نے شرکت کی۔

عالمی مجلس مشاورت کی نگران اسلامی بہن نے اسلامی بہنوں کو تقرری مکمل کرنے کےحوالےسے اہداف دیئے اور اصلاح اعمال و کفن دفن تربیتی اجتماعات میں شرکت کرنے کی ترغیب دلائی نیزاپنے علاقے میں نئے جامعۃ المدینہ للبنات کا آغاز کرنےکاذہن دیا ۔

2)اسی طرح عالمی مجلس مشاورت کی نگران اسلامی بہن کا سیالکوٹ زون کے ڈویژن ڈسکہ میں قائم جامعۃ المدینہ گرلز اور دارالمدینہ کی ناظمات کے ساتھ مدنی مشورہ ہوا جس میں ذمہ داراسلامی بہنوں کو دینی کاموں کے اہداف دیئے ۔

رکن مجلس و رکن لاہور شمالی زون محمد بلال عطاری نے 10 جولائی 2021ء بروز ہفتہ صحافی و ممبر لاہور پریس کلب سید تجمل حسین عطاری اور 92 نیوز چینل کے سینئر پینل پروڈیوسر علی فراز عطاری سے ملاقات کی ۔ انہیں نیکی کی دعوت دیتے ہوئے  ہفتہ وار مدنی مذاکرہ و ہفتہ وار اجتماع میں شرکت کرنے کی دعوت دی۔(رپورٹ: اسرار عطاری میڈیا ڈیپارٹمنٹ)

دعوت اسلامی کے تحت 7 جولائی 2021ء کو گوجرانوالہ زون علاقہ سبزی منڈی میں مدنی دورے کا سلسلہ ہوا جس میں ڈویژن نگران محمد افضل عطاری  اور مدرسۃ المدینہ بالغان کے قاری صاحبان نے شرکت کی۔

اسلامی بھائیوں نے دکانوں پر جاکر نیکی کی دعوت دی اور دکانداروں کو اپنی دکانوں میں مدرسۃ المدینہ بالغان شروع کروانے کا ذہن دیا۔ (رپورٹ: محمد افضل عطاری، ڈویژن نگران، گوجرانوالہ زون)

شعبہ ازدیادحب دعوت اسلامی کے زیر اہتمام 11 جولائی 2021ء بروز اتوار گجر ہال، منظور کالونی کراچی میں ایصال ِ ثواب اجتماع ہوا جس ذیلی، علاقائی، ڈویژن و کابینہ سطح کے ذمہ داران سمیت دیگر اسلامی بھائیوں نے کثیر تعداد میں شرکت کی۔

مرکزی مجلس شوریٰ کے رکن حاجی محمد علی عطاری نے سنتوں بھرا بیان کیا اور شرکا کو والدین کی خدمت کرنے، اپنے مرحومین کو ایصالِ ثواب کرنےاور دعوت اسلامی کے دینی ماحول سے وابستہ رہنے کا ذہن دیا۔ (رپورٹ: محمد اشفاق علی عطاری، ڈویژن محمود آباد)

09 جولائی 2021ء بروز جمعہ بھٹ شاہ اور ہالا پریس کلب کے صحافیوں کی عالمی مدنی مرکز فیضان مدینہ میں آمد ہوئی جن کا استقبال رکن مجلس محمود عطاری سمیت دیگر ذمہ داران نے کیا ۔

صحافیوں کو فیضان مدینہ میں قائم مختلف شعبہ جات کاوزٹ کرایا گیا، جبکہ اراکین شوریٰ حاجی محمد شاہد عطاری مدنی اور حاجی محمد برکت علی عطاری سے ملاقات بھی کرائی گئی صحافیوں میں ARY نیوز کے عبدالغفور میمن، عامر باریجو، محمد رحیم سوڈڑو, علی حیدر میر، مستقیم سموں، رانا شمشاد، عمران، اختیار علی جت، کامران میمن اور علی محمد سمیت ارشاد علی قادری شامل تھے۔(رپورٹ: اسرار عطاری میڈیا ڈیپارٹمنٹ)

دعوت اسلامی کے شعبہ مدنی کورسز کے تحت پاکپتن شریف میں جاری ”فیضان قرآن و حدیث کورس“کا 8 جولائی 2021ء کو اختتام ہوا۔

اس موقع پر اختتامی تقریب کا انعقاد کیا گیا جس میں کورس مکمل کرنے والے اسلامی بھائیوں نے شرکت کی۔

ریجن ذمہ دار شعبہ تعلیم سید عاصم سعید عطاری نے سنتوں بھرا بیان کیا اور کورس مکمل کرنے والے اسلامی بھائیوں میں اسناد تقسیم کیں۔ (رپورٹ: حسن رضا عطاری، شعبہ تعلیم پاکپتن زون)