اسلامی عبادات  میں حج جانی ومالی عبادت کا وہ حسین مرقع ہے جس میں قدم قدم پر عشق ومستی میں ڈوبے ہوئے فرزندان توحید لبیک لبیک کی صدائے دلنواز سے جہاں اپنی بندگی کا اظہار کررہے ہوتے ہیں تو وہیں دنیا کے گوشے گوشے سے آئے ہوئے خوش نصیب احرام میں ملبوس مسلمان فریضہ حج کی ادائیگی کے ساتھ ساتھ ملی اتحاد وتنظیم کی عملی تصویر کا منظر بھی پیش کرتے ہیں ۔جن کی قسمت میں حج کی فرضیت کا ادائیگی کا سہرا سجتا ہے ان کی خوشی دیدنی ہوتی ہے پر نم آنکھیں تشکر کے سجدوں کے ساتھ حمد باری تعالی بجا لاتی ہوئی دکھائی دیتی ہیں، دل سوئے حرم جانے کے لئے مچلانا شروع کردیتا ہے ،منی وعرفات کے میدان میں تکبیرو تہلیل اور دعاکےلئے قلبی کیفیت میں اضطراب پیدا ہوجاتا ہے،جسمانی حاضری سے پہلے قلب کے تصورات طواف کعبہ کرتے ہوئے نظر آتے ہیں،عاشقان رسول کی آنکھیں سبز گنبد کے نظارے دیکھنے کےلئے بے چین ہوجاتی ہیں ،اور جو ں جوں وقت کی بساط سفرحرمین کےلئے قریب سے قریب ہونے لگتی ہے تو عازمین حج مناسک حج سیکھنے کےلئے بے چین ہوجاتے ہیں ہر طرف حج کے احکام سیکھنے اور سکھانے والوں کا مکتب قائم ہوجاتا ہے۔مفتیانِ کرام احکام حج کے مسائل بیان کرنا شروع کردیتے ہیں ، علماء سفر حج سے متعلق بیانات کرنے لگ جاتے ہیں،کوئی عازم حج ،حج کی احکام جاننے کےلئے مختلف درسگاہوں کا رخ کرتاہے تو کوئی سیکھنے کے بعد بھی احکام حج سے متعلق الجھن کا شکار نظر آتاہے،یوں ملی جلی کیفیت میں مبتلا عازمین حج تیاریٔ حج میں مصروف ہوجاتے ہیں۔ہر مسافر ِ حرم اپنے طور پر حج کے تربیتی پروگرام ، محافل ،مجالس اور نشست سےکچھ نہ کچھ سیکھنے کی کوشش ضرور کرتا ہے کیونکہ یہ سفر جہاں ایک طرف عبادت کی ادائیگی سے وابستہ ہے تو دوسری طرف اسی مسافر حج کو عشق کے امتحانات سے بھی گزرنا پڑتا ہے۔سفر حج کہنے کو بہت آسان ہے لیکن اس سفر میں قدم قدم پر احکامات شریعت کی لگام تھامنا بہت ضروری ہوتا ہے تاکہ کہیں غفلت سے سفر حج کی روح اور مغز ضائع نا ہوجائے ۔موسم حج میں جہاں بہت سارے ادارے حجاج کی تربیت کرتے ہوئے دکھائی دیتے ہیں وہیں عاشقا ن رسول کی عظیم تحریک دعوت اسلامی بھی اپنے مخصوص انداز میں حاجیوں کی تربیت کےلئے اپنی خدمات پیش کرتی ہے۔معاونت حج فارم سے لیکر اختتام سفر حج تک شانہ بشانہ عازم حج کے ساتھ مصروف خدمت ہوتی ہے۔تربیت حجاج کی جس احسن انداز میں علمی وعملی تربیت ہوتی ہے وہ کہیں اور نظر نہیں آتی ہے۔اس سلسلہ میں دعوت اسلامی کے شعبہ انفارمیشن ٹیکنالوجی ( I T Dept)نے عازم حج کی مشکلات کو اور آسان کردیا ہے اور ایک ایسی موبائل ایپلی کیشن Develop کی جس کی مثال نظر نہیں آتی ہے۔یہ Hajj and Umrah App معلمِ حج وعمرہ کا کردار ادا کرتی ہے ۔

اس ایپ کے فوائد:

عمرہ اور حج کرنے والے کو مسائل حج سے متعلق پریشان ہونے نہیں دیتی ہے۔ہر ایک عبادت کو کس طرح ادا کرنا ہے ،کس انداز میں تلبیہ پڑھنا ہے ، کس طرح طواف کعبہ کرنا ہے ، کیاکیا دعائیں پڑھنی اور مانگنی ہیں ، کس طرح مِنٰی کے میدان میں حاضری پیش کرنی ہے ، عرفات کے میدان میں مناجاتِ باری تعالی کس اندا ز میں بجالانا ہے، مزدلفہ کی رات میں کیسے آہ وزاری کرنی ہے، جمع صلاۃ کہاں کہاں ہوگی، رمی جمار کا کیا طریقہ ہوگا، عشق حج میں تشکر کے طور پر کس طرح قربانی پیش کرنی ہے، طواف زیارت اور حج کی سعی کا صحیح وقت کا انتخاب کب کرناہے ،پھر سوئے منی آکرمنی کی برکتوں سے کب تلک مالا مال ہونا ہے اور کس کس وقت رمیِ جمار سے فارغ ہونا ہے۔اس مختصر سے تصور حج کے منظر کے بعد دل کے طواف اور عشق کی تسکین کا سامان کرنے کےلئے مدینہ کیسے جانا ہے اور وہاں جامی و عطار کی طرح کیسے تڑپنا مچلانا اور آداب عشق بجا لانا ہے۔جی ہاں یہ سب اس Application کا خاصہ ہے جو آپ کے سامنے پیش خدمت ہے ذرا ایک جھلک اس کی خصوصیات کو پڑھئے ۔

اس ایپلی کیشن کی مین اسکرین(Main Screen) پر موجود 15 Features عازم حج وعمرہ کی سہولت کےلئے دیئے گئے ہیں ۔

Umrah Guide: فقط عمرہ کی ادائیگی سراانجام دینے والے مسافروں کی خدمت میں عمرہ کے جملہ احکام ،یعنی سفر عمرہ سے لیکر عمرہ کی ادائیگی اور سفر مدینہ کے بارے میں مکمل رہنمائی ۔ اس میں عمرہ کرنے والا موبائل کی اسکرین پر عمرہ گائیڈ کی مدد سے ناصرف عمرہ کے احکام کو ادا کرسکے گا بلکہ دوران عمرہ ہر مقام کی دعا اور مناجات کے طریقہ کی رہنمائی بھی ملے گی۔

Hajj Guide: حج سے متعلق مکمل رہنمائی یعنی عازم حج کے سفر میں حج کے احکام اور سفر حج سے متعلق ضروری ہدایات درج کی گئی ہیں۔

Explanation of Hajj: حج کا طریقہ: گھر سے نکلنے سے لیکر اختتام حج تک مکمل حج کی وضاحت ، کب کیا کرنا ہے ، کیسے کرناہے ، کیا پڑھنا ہے ، ترتیب وار کیا کیا ارکان ہوں گے ،ان ارکان کو کیسے ادا کرنا ہے یہ سب عازم حج کی سہولت کےلئے اس Feature میں موجود ہے ۔

Due Accepted places: عمرہ اور حج کرنے والے مسافر اکثر اُن مقامات سے نابلد ہوتے ہیں جہاں دعامانگنے والے کی دعاؤں کو شرف قبولیت سے نوازا جاتاہے۔شعبہ انفارمیشن ٹیکنولوجی (I T) نے اس ایپلی کیشن میں مکۃ المکرمہ اور مدینۃ المنورہ میں موجود 29 ایسے مقامات کی نشاندہی کی ہے جہاں دعائیں قبول ہوتی ہیں۔

Due: اس فیچر میں وہ تما م دعائیں جو مختلف مقامات پر مانگی یا پڑھی جاتی ہیں ان سب کو یکجا کرکے Dueکے feature میں پیش کیاگیا ہے تاکہ زائرین حج وعمرہ اپنی اپنی سہولت کے ساتھ وقتافوقتا پڑھ لیں۔

3D Videos: اس feature میں مدنی چینل پر پیش کئے جانے والے حج عمرہ سے متعلق پروگرامز اور حج وعمرہ سے متعلق احکامات کو3D ویڈیو کی صورت میں بھی پیش کیا گیاہے۔

Sing language Video: خصوصی اسلامی بھائیوں کا اس ایپلی کیشن میں خاص خیال رکھا گیا ہے اور ان کےلئے حج و عمرہ کی ادائیگی میں آسانی کےلئے اشاروں کی زبان میں حج وعمرہ کا طریقہ بیان کیاگیا ہے۔

Place of Interest: وہ مقامات جہاں کی زیارت کرنا موجب ثواب اور باعث برکت ہے ۔ عازمین حج وعمرہ اکثر اس بارے میں پریشان نظر آتے ہیں کہ کس کس مقام کی زیارت کی جائے تو ان کی سہولت کےلئے اس feature کو بھی پیش کیاگیا ہے۔

Prayer Times: نمازوں کے اوقات اور حنفی وقت کے مطابق نماز ادا کرنے کےلئے پرے ٹائم ایپلی کیشن کو بھی اس ایپلی کیشن کا حصہ بنایا گیا ہے۔ پرے ٹائم ایپلی کیشن کے فیچرز ایپلی کیشن میں موجود ہیں ۔

Check list: عمرہ اور حج پر جانے والوں کےلئے کن کن چیزوں کی ضرورت ہوتی ہے کیا کیا سامان ساتھ ہونا چاہئے اس کی باقاعدہ ایک لسٹ بھی ہے۔

16 Madani Pearls: اسی طرح عازمین حج و عمرہ کرنے والوں کےلئے 16 مدنی پھول بھی موجود ہیں۔

Downloaded items: حج و عمرہ سے متعلق کتابیں ، ویڈیوز وغیرہ ڈاؤن لوڈ کیجئے اور ڈاؤن لوڈِڈ ایٹم سے مستفید ہوئے۔

Weather: بدلتے موسم سے ناواقفیت اکثر طبیعت پر گراں گزرتی ہے اسیلئے عازمین حج وعمرہ کےلئے موسم کی صورت حال سے باخبر رہنے کےلئے Weather کے Feature کو بھی شامل کیا گیا ہے۔

Currency Converter: ہر ملک کا اپناسکہ ہوتا ہے جہاں صرف اسی کا راج ہوتاہے اپنے ملک کے پیسوں کو دوسروں ملک میں استعمال کرنے کے لئے اس ملک کے پیسوں کو اپنے ملک کے پیسوں کے ساتھ تبادلہ کیا جاتاہے جس سے پیسوں کی مالیت میں فرق آتا ہے اس فرق کو جاننے کےلئے Currency Converter سہولت بھی دی گئی ہے۔

: Collection of Kalam: سفر حج و عمرہ کو پرسوز اور پرکیف بنانے ،دل کے تاروں کو ساز عشق سے چھیڑنے اور کیف ومستی میں اضافہ کےلئے نعت ومناجات پر مشتمل پرسوز کلام کو بھی اس ایپلی کیشن کی فہرست میں شامل کیاگیا ہے۔

اس ایپلی کیشن کا مختصر سا خاکہ آپ کے سامنے پیش کرنے کا مقصد اس ایپلی کیشن کی اہمیت بتلا نا مقصود نہیں بلکہ آپ کو ترغیب دلانا ہےتا کہ آپ خود اس ایپلی کیشن کو استعمال کرکے اس کی اہمیت کے بارے میں ہم سے ضرور اظہار خیال کریں اور دوسرں کو بھی ڈاؤن لوڈ کرنے کی ترغیب دلائیں۔

پچھلے دنوں ڈسٹرکٹ ویسٹ سرجانی ٹاؤن کراچی  (سندھ) کی ایک مسجد میں دعوت اسلامی کے ذمہ داران کا تربیتی مشورہ ہوا جس میں ٹاؤن

کے علاقہ تا ذیلی نگران و مشاورت نے شرکت کی ۔

مبلغ دعوت اسلا می و ڈسٹرکٹ ویسٹ نگران محمد بغداد رضا عطاری نے ذمہ داران سے تقوی و پرہیزگاری کے موضوع پر بیان کیا اور انہیں 12 دینی کاموں میں بڑھ چڑھ کر حصہ لینے کی ترغیب دی نیز ڈسٹرکٹ نگران نے ذمہ دار اسلامی بھائیوں کو دینی کاموں کے اعتبار سے اہداف دیئے اور اچھی کارکردگی پیش کرنے والوں کو تحائف بھی پیش کئے ۔(رپورٹ: محمد شہمیر خان عطاری ڈسٹرکٹ ویسٹ کارکردگی ذمہ دار ، کانٹینٹ: محمد مصطفی انیس) 

پچھلے دنوں اسپیشل پرسنز ڈیپارٹمنٹ کے تحت 12 دن کامدنی قافلہ مدنی مرکز فیضان مدینہ فیصل آباد سے کشمیر کے سفر پر روانہ ہوا اس قافلے میں نابینا اسپیشل پرسنز نے بھی شرکت ۔

اس موقع پر علی عمران عطاری مدنی فیصل آباد نابینا ذمہ دار اور ڈسٹرکٹ ذمہ دار سہیل عطاری نے بھی شرکت کی اور اسپیشل پرسنز کی تربیت کے ساتھ ساتھ سیکھنے سکھانے کا حلقہ بھی لگایا او رعلاقائی دورہ برائے نیکی کی دعوت کا سلسلہ بھی ہوا ۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ رضویہ ، کانٹینٹ: محمد مصطفی انیس) 

طلباۓکرام کسی بھی معاشرہ کے اہم رکن سمجھے جاتے ہیں جس کی وجہ سے کامیاب لوگ وقتا فوقتا اپنے ہونہار وں کی تربیت  کرتے رہتے ہیں اسی ضمن میں 25 مئی 2022 ء بروز بدھ واربرٹن میں جامعۃ المدینہ کے طلباۓکرام کے درمیان تربیتی مدنی حلقے کا ہتمام کیا گیا ۔

تفصیلات کے مطابق واربرٹن میں دعوتِ اسلامی کے تعلیمی ادارے جامعۃ المدینہ امینیہ رضویہ میں مدنی حلقہ لگایا گیا جس میں جامعۃ المدینہ کے طلباۓکرام اور اساتذہ ٔ کرام نے شرکت کی ۔جامعۃ المدینہ کے ناظم اعلی مولانا نوید مدنی صاحب اور ڈسٹرکٹ ننکانہ کے نگران محمد شکیل عطاری نے اس مدنی حلقےمیں شرکت کی اور ”علم کے فضائل “و ”طلباۓ کرام کو حصول علم دین پر استقامت “ کے موضوع پر گفتگو کی ۔ اس کے علاوہ طلباۓکرام کو 12 دینی کاموں کرنے ، حصولِ علم دین کی راہ میں آنے والی مشقتوں پر صبر کرنے اور استقامت اپنانے پر مدنی پھول دیئے جس پر طلبانے اچھی اچھی نیتوں کا اظہار کیا ۔(رپورٹ: محمد رمضان مدنی مدرس جامعۃ المدینہ امینیہ رضویہ ، کانٹینٹ: محمد مصطفی انیس) 

26 مئی 2022 ء بروز جمعرات پنجاب کے شہر قصور میں  ضلعی ذمہ دار صغیر عطاری نے سنت رسول ﷺ پر عمل کرتے ہوئےتاجر اسلامی بھائی ندیم عطاری کی عیادت کی ۔

تفصیلات کے مطابق پچھلے دنوں ندیم عطاری کا ایکسیڈنٹ ہوگیا تھا جس پر صغیر عطاری نے ان کے گھر پر ان سے ملاقات کی اور انکی طبیعت معلوم کرتے ہوئے ان کو تکلیف و مصیبت پر صبر کی تلقین دی اور شفایابی کے لئے دعائے صحت بھی کی۔(رپورٹ: صغیر عطاری، ضلعی ذمہ دار، کانٹینٹ: محمد مصطفی انیس)

دعوت اسلامی کے تحت 25 مئی 2022 ءکو  سینٹرل افریقہ ریجن نگران اسلامی بہن کا کینیا،تنزانیہ اور یوگینڈا کی ملک نگران اسلامی بہنوں کے ساتھ مدنی مشورہ ہوا اس میں تربیت کے مدنی پھول اور اپنے ملک میں سفر شیڈول بنانے پر بات چیت ہوئی۔ اس پر ملک نگران اسلامی بہنوں نے اچھی اچھی نیتیں پیش کیں۔

دعوت اسلامی کے تحت 25 مئی 2022ء  کو علاقہ پی آئی بی میں علاقائی دورے کا سلسلہ ہوا نگرانِ عالمی مجلس مشاورت اسلامی بہن نے ذمہ دار اسلامی بہنوں کے ہمراہ گھر گھر جا کر اسلامی بہنوں پر انفراد ی کوشش کی اور انہیں ہفتہ وار سنتوں بھرے اجتماع میں شرکت کا ذہن دیتے ہوئے مدنی پھول پیش کئے جس پر اسلامی بہنوں نے اجتماع پاک میں شرکت کی نیتیں پیش کیں ۔

٭ دوسری جانب 25 مئی 2022ء کوعلاقہ فیضانِ مدینہ کے اطراف میں ہفتہ وار سنتوں بھرے اجتماع کا انعقاد ہوا جس میں مقامی خواتین نے شرکت کی۔

مبلغہ دعوت اسلامی نے سنتوں بھرا بیان کیا اور نگران عالمی مجلس مشاورت اسلامی بہن نے دعا کروائی ۔ آخر میں اسلامی بہنوں سے ملاقات کرتے ہوئے دینی کام کے حوالے سے انفرادی کوشش کی ۔ 

23مئی  2022ء کو صاحبزادیِ عطار اورنگران عالمی مجلس مشاورت اسلامی بہن نے گلشن13Dکراچی کے دار السنہ میں دعوت اسلامی کے تحت ہونے والے فیضان نمازکورس میں شرکت کی۔

اس موقع پر کورس میں شریک اسلامی بہنوں نے صاحبزادیِ عطار سے نمازکا پابند بننے،خشوع خضوع سے نماز پڑھنے اور بچوں کونمازکاپابند بنانے سے متعلق سوالات کئے جس کے صاحبزادیِ عطار نے جوابات ارشادفرماتے ہوئے انہیں نماز کی پابندی کا ذہن دیا۔آخرمیں ملاقات و انفرادی کوشش کی۔

دعوتِ اسلامی کے شعبہ رابطہ برائے شخصیات کے تحت 24 مئی 2022ء  کو ملتان ڈسٹرکٹ لیڈی بار میں سیکھنے سکھانے کے حلقہ کا انعقاد ہوا جس میں کم و بیش 24 لیڈی وکلاء نے شرکت کی۔

پاک سطح شعبہ رابطہ برائے شخصیات ذمہ دار اسلامی بہن نے سنتوں بھرا بیان کیا اور انہیں ملک و بیرون ملک ہونے والی دعوت اسلامی کی دینی خدمات کے حوالے سے آگاہی فراہم کی جس پر لیڈی وکلاء کی جنرل سیکرٹری نے ہر ماہ درس اجتماع کروانے کی نیت پیش کی۔

دعوتِ اسلامی کے شعبہ مجلس رابطہ برائے شخصیات (اسلامی بہنیں) کے تحت 24مئی 2022ءبروز منگل ڈسٹرکٹ جہلم میں M.P.A.چوہدری ظفر اقبال کے گھر میں met.up ہوا۔

ان کے گھر کی خواتین سے ذمہ دار اسلامی بہنوں نے ملاقات کی اور دعوت اسلامی کا تعارف پیش کرتے ہوئے انہیں آن لائن سیشن میں شرکت کا ذہن دیا ۔ اس کے علاوہ دینی حلقہ لگوانے کی پیشکش کی۔ آخر میں ہفتہ وار اجتماع میں شرکت کی دعوت دی جس پر انہوں نے اچھی اچھی نیت کا اظہار کیا ۔ اختتام پر وضو کے فرائض اور دیگر کتب تحفے میں پیش کی گئیں۔

دعوتِ اسلامی کے تحت  24مئی بروز منگل 2022ء کو پاکستان مجلس مشاورت نگران اسلامی بہن نے مکران ڈویژن کی ذمہ داراسلامی بہنوں کا مدنی مشورہ لیا جس میں مبلغہ دعوت ِ اسلامی نے’’ اتفاق زندگی ہے‘‘کے موضوع پر سنتوں بھرا بیان کیا ۔

دورانِ بیان دینی کاموں کو بڑھانے کا ذہن دیا۔ مدنی مشوروں کی اہمیت بیان کر کے ذمہ داران کو پابندی سے مدنی مشورے میں شرکت کا ذہن دیا نیز کارکردگی شیڈول وقت پر جمع کروانے، مبلغات و معلمات کو بڑھانے کے لئے درس و بیان کے حلقے لگانے اور منسلک ڈیٹا انٹری مکمل کرنے کی ترغیب دلائی۔ آخر میں مختلف دینی کاموں کے اہداف دیئے جس پر ذمہ دارا سلامی بہنوں نے اچھی اچھی نیتوں کا اظہار کیا۔

دعوت اسلامی کے شعبہ ٹرانسلیشن ڈیپارٹمنٹ کے تحت 21 مئی 2022ء عالمی مدنی مرکز فیضان مدینہ کراچی میں تربیتی نشست کا انعقاد کیا گیا جس میں ٹرانسلیشن ڈیپارٹ کے ملک و بیرون ملک (افریقہ، یورپ، ایشیاء) میں موجود مترجم، مفتش اور دیگر ٹیم ممبرز نے شرکت کی۔

نشست کے آغاز میں قرآن کریم کے تراجم کی رپورٹ پیش کی گئی جس میں نیشنل اور انٹرنیشنل 29 زبانوں میں تراجم قرآن کا کام کتنا ہوا ہےیہ بیان کیا گیا۔

رپورٹ پیش کرنے کے بعد رئیس دار الافتاء اہلسنت، شیخ الحدیث والتفسیر مفتی محمد قاسم عطاری مُدَّ ظِلُّہُ العالی نے شرکا کی تربیت کی اور تین موضوعات پربیان فرمایا جن کا خلاصہ درجِ ذیل ہے:

(1)کام کرنے والے کی نیت اور مقصد

مفتی صاحب دامت بَرَکَاتُہمُ العالیہنے اپنے کام کو سرانجام دیتے ہوئے جو نیت اور مقصد پیش نظر ہونا چاہیے اس پر توجہ دلاتے ہوئے فرمایا کہ ’’نیت کی بلندی ، ہمت کی بلندی اور محنت“ کسی بھی کام کو اچھے انداز میں کرنے کے لیے بنیادی چیزیں ہیں۔ اس کام کی سعادت اور عظمت کو ہر دم پیش نظر رکھیں تورحمت خداوندی کاحصول بھی ہو گا ۔اپنا قیمتی وقت دیتےہوئے ہمارا اصل مقصد کام ہونا چاہیئے، جو لوگ کام کو بقیہ معاملات پر ترجیح دیتے ہیں وہی کامیاب ہوتے تھے۔مفتی صاحب نے کام کی نیت کے حوالے سے فرمایا کہ دیگر کسی بھی مصروفیات سے زیادہ اہم اپنا وقت اپنے کام کو دیتے ہیں اس لئے کام کی نیت عظیم ہے۔ مفتی صاحب نے اپنا معمول بیان کرتے ہوئے فرمایا کہ میں نے اپنے کام کی نیتیں لکھ کر رکھی ہوئی ہے اور ہر تین دن میں ان کی دہرائی کرتا ہوں۔

(2)ترجمہ کے کام کی اہمیت و عظمت

مفتی قاسم صاحب حفظہ اللہ نے ترجمہ کے کام کی اہمیت وعظمت بیان کرتے ہوئے فرما یا کہ حضورخاتم النبیین صلی اللہ علیہ وسلم تمام اقوام کی طرف مبعوث ہوئے ہیں اور آپ صلی اللہ علیہ وسلم کا نذیر یعنی ڈر سنانے والا ہونا یہ سب قوموں کے لیے ہے اس لیے آپ صلی اللہ علیہ وسلم کا پیغام سب لوگوں تک ان کی زبان میں پہچانا عظیم سعادت ہے۔ یہ کام کتنی ذمہ داری کا ہے اس کی اہمیت کو اس طرح سمجھیں کہ حدیث کا ترجمہ کرنے والا رسول اللہ ﷺ کی اور ان کے احکامات کی ترجمانی کررہا ہوتا ہے۔ اردو ترجمہ پڑھنے والا یہ نہیں کہتا کہ ترجمہ نگار کا فرمان ہےبلکہ وہ یہی کہتا ہے کہ رسول اللہ کا فرمان ہے۔

اسی طرح ترجمہ کے کام کا اثر ، اس کی معنویت اور اہمیت بعض اوقات صدیوں تک باقی رہتی ہےاور ترجمہ کرنے والے کو اس کا اجر ملتا رہتا ہے۔ شیخ سعدی علیہ الرحمہ نے جو قرآن کا ترجمہ فارسی میں کیا ہےاس کا فائدہ آج تک ہو رہاہے۔

(3) ترجمہ کرنے میں کیا انداز ہو

اس موضوع پر کلام کرتے ہوئے مفتی صاحب نے فرمایا کہ ترجمہ بنیادی طور ایک زبان کے کلا م کو دوسری زبان میں منتقل کرنے کا نام ہے لیکن اس کے ساتھ ہی ایک زبان کی فصاحت،زوربیانی ،تہذیب ،سوچ ،نظریات ، حسن بیان اور ذوق کو دوسری زبان میں منتقل کرنے سے ہی ترجمہ میں نکھار آتا ہے ۔ اور اس کے لیے مسلسل کوشش اور سیکھنے کی تگ و دو میں رہنا ضروری ہے ۔ ترجمے کی روح یہی ہے کہ جن الفا ظ اور قیودات کا اصل زبان میں لحاظ کیا گیا ہے اس کا لحاظ ترجمہ شدہ زبان میں بھی رکھا جائے لیکن اس میں ہر زبان کی فصاحت اور حسن بیان کا لحاظ رکھنا ضروری ہے ۔بہترین تراجم کی مثال دیتے ہوئے فرمایا کہ شیخ محقق شیخ عبد الحق محدث دہلوی رحمۃ اللہ علیہ کی فارسی کتب میں جو عربی کا کلام ترجمہ ہوا اس کی فصاحت اور حسن بیان بعض اوقات عربی سے بھی زیادہ ہوتا ہے۔

اسی طرح امام اہلسنت امام احمد رضا خان رحمۃ اللہ علیہ کے ترجمہ قرآن کنزالایمان شریف کے حوالے سے مفتی صاحب نے فرمایا کہ ’’اگرچہ کنزالایمان شریف کے محاسن پر مختلف زاویوں سے بہت سارا کام ہوا ہے لیکن اس کی پوری علمیت ابھی تک بیان نہیں ہوئی ‘‘۔

ترجمہ کے معیار و مقدار کے حوالے سے ایک سوال کا جواب دیتے ہوئے مفتی صاحب نے ارشاد فرمایا کہ ’’ معیار کی کوئی حد نہیں ہے۔ مثلا میرے سامنے اردو زبان کا کوئی کلام آئےتو میں اس میں غلطی نکال دوں کہ اس طرح نہیں بلکہ یوں بہتر ہوتا،بنیادی طور پر معیار اور مقدار دونوں کا خیال رکھنا ضروری ہے کہ یہ نہ ہو کہ معیار کی وجہ سے اصلی مقصود ہی فوت ہو جائے ‘‘۔

تربیتی نشست کے آخر میں ٹیم ممبر ز نے اس طرح کی نشست کے اہتمام پر ذمہ داران کا شکریہ ادا کیا اور مزید اس طرح کےتربیتی پرواگرام کرنے کا مشورہ بھی دیا ۔