نام وکنیت:

نام عبد اللہ بن محمد بن عبید بن سفیان بن قیس قرشی ہے،کنیت ابو بکر اور شہرت ابن ابی دُنیاکے نام سے ہے ۔

ولادت:

آپ208ہجری کوبغدادمیں پیداہوئے ۔(سیر اعلام النبلاء،10/694)

اساتذۂ کرام :

آپ رحمۃُ اللہِ علیہ نےاپنے وقت کے جیدعلما اور اکابرمحدثین سے اکتسابِ فیض کیا۔آپ کے اساتذہ میں سے چند کے نام یہی ہیں:امام بخاری، امام ابوداؤد سجستانی،امام احمد بن حنبل،امام قاسم بن سلام،صاحب طبقات امام ابنِ سعد، امام علی بن جعد، امام ابو بکر بن ابی شیبہ،امام عثمان بن ابی شیبہ،امام قتیبہ بن سعید، احمدبن ابراہیم، امام احمدبن حاتم، احمدبن محمدبن ایوب، ابراہیم بن عبداللہ ہروی، داؤدبن رشید، حسن بن حماد، ابو عبیدہ بن فضیل بن عیاض، ابراہیم بن محمد بن عرعرہ، احمدبن عمران احنسی رحمۃُ اللہِ علیہم وغیرہ کے اسمائے گرامی معروف ہیں ۔(سیر اعلام النبلاء،10/694، تھذیب التھذیب،4/473)

تلامذہ:

آپ رحمۃُ اللہِ علیہ سے علم حاصل کرنے والوں کی تعداد کافی بڑی ہے ۔ آپ کے اکابر تلامذہ میں سے کچھ کے نام یہ ہیں : امام ابن ابی حاتم، احمدبن محمد، امام ابوبکراحمدبن سلیمان،امام ابن ماجہ،امام ا بن خزیمہ،امام ابوالعباس بن عقدہ، عبداللہ بن اسماعیل بن برہ،امام ابوبکر بن محمدبن عبداللہ شافعی، امام ابوبکر احمد بن مروان دینوری، ابوالحسن احمدبن محمدبن عمر نیشاپوری، اور محمد بن خلف وکیع رحمۃُ اللہِ علیہم ۔ان کے علاوہ بھی بہت لوگوں نے آپ کے علوم سے فیض پایاہے ۔امام ذہبی رحمۃُ اللہِ علیہ نے تقریباً 26 تلامذہ کے نام ذکر کئے ہیں۔(سیر اعلام النبلاء،10/696)اورامام ابن حجر عسقلانی رحمۃُ اللہِ علیہ نے 17کے نام ذکر کئے ہیں ۔ (تھذیب التھذیب،4/473)

تعریفی کلمات :

(1)…امام ابن ابی حاتم رحمۃُ اللہِ علیہ فرماتے ہیں : میں اورمیرے والد امام ابن ابی دُنیا رحمۃُ اللہِ علیہ کی روایات لکھاکرتے تھے ، ایک دن کسی نے میرے والد صاحب سے امام ابن ابی دُنیا رحمۃُ اللہِ علیہ کے بارے میں پوچھاتو والد صاحب نے فرمایا : وہ بہت سچے آدمی ہیں۔( تھذیب التھذیب،4/474)

(2)…قاضی اسماعیل بن اسحاق رحمۃُ اللہِ علیہنے آپ کے وصال کے موقع پرکہا : اللہ پاک ابو بکرکوغریقِ بحررحمت فرمائے !ان کے ساتھ کثیر علم بھی چلاگیا۔( تھذیب التھذیب،4/474)

(3)…امام ذہبی رحمۃُ اللہِ علیہنقل فرماتے ہیں کہ’’امام ابن ابی دُنیا رحمۃُ اللہِ علیہ جب کسی کے پاس تشریف فرماہوتے تواگراس کوہنساناچاہتے توایک لمحے میں ہنسا دیتے اور اگررلاناچاہتے تو رُلادیتے کیونکہ آپ رحمۃُ اللہِ علیہ بہت وسیع علم رکھتے تھے ۔(سیر اعلام النبلاء،10/696) نیز فرماتے ہیں:آپ رحمۃُ اللہِ علیہسچے عالم اور محدث تھے۔(تذکرۃ الحفاظ،2/181)

(4)…مؤرخ ابن ندیم نے کہا:امام ابن ابی دُنیا رحمۃُ اللہِ علیہ خلیفہ مکتفی باللہ کے استاد ہیں۔آپ ایک متقی اورپرہیز گار آدمی تھے اور اخبارو روایات کے بہت بڑے عالم تھے ۔(الفہرست،ص262)

(5)…علامہ ابن تغری بردی حنفی رحمۃُ اللہِ علیہفرماتے ہیں: امام ابن ابی دُنیا رحمۃُ اللہِ علیہ عالم،زاہد،متقی اور عبادت گزار تھے۔آپ سے کثیر حضرات نے روایت کیا اور علما نے آپ کے ثقہ ،سچے اور امانت دار ہونے پر اتفاق کیا۔(النجوم الزاہرۃ،3/86)

تصانیف:

آپ رحمۃُ اللہِ علیہ نے کثیر کتابیں یاد گار چھوڑیں ہیں جن میں سے اکثر زُہد و رقائق پرمشتمل ہیں ۔آپ کی نصیحتوں اور مواعظ اورکتب کوہردور میں بے پناہ مقبولیت حاصل رہی ہے۔حضرت علامہ ابن جوزی رحمۃُ اللہِ علیہ فرماتے ہیں کہ امام ابن ابی دُنیا رحمۃُ اللہِ علیہ نے زہدکے موضوع پر100سے زائدکتب لکھی ہیں۔( المنتظم لابن جوزی، 12/341) امام ذہبی رحمۃُ اللہِ علیہ نے آپ کی 183کتابوں کے نام بیان کئے ہیں۔(سیر اعلام النبلاء،10/697)آپ کی چند کتابوں کے نام یہ ہیں :

(1)اَلْقَنَاعة(2)قَصْرُالْاَمَل(3)اَلصَّمْت(4)اَلتَّوْبَة(5)اَلیَقِیْن(6)اَلصَّبْر(7)الجُوْع(8)حُسْنُ الظَّنِ بِاللّٰه(9)اَلْاَوْلِیَاء(10)صِفَةُالنَّار (11)صِفَةُ الْجَنَّة (12)تَعْبِیْرُ الرُّؤْیَاء (13)الدُّعَاء (14)ذَمُّ الدُّنْیَا(15)اَلْاَخْلَاق(16)کَرَامَاتُ الْاَوْ لِیَاء(17)عَاشُوْرَاء(18) اَلْمَنَاسِک (19)اَخْبَارُ اُوَیْس(20)اَخْبَارُ مُعَاوِیَه(21) اَخْبَارُقُرَیْش(22) اَخْبَارُ الْمُلوک (23) اَخْبَارُ الثَّوْرِی(24) اَخْبَارُ الْاَعْرَاب (25)ذَمُّ الْمُسْکِر(26)ذَمُّ الْکِذْب (27) ذَمُّ الْبَغی(28)ذَمُّ الْغِیْبة(29)ذَمُّ الْحَسَد(30)ذَمُّ الرِّبَا(31)ذَمُّ الرِّیَاء (32) ذَمُّ الْبُخْل(33)ذَمُّ الشَّہْوَات (سیر اعلام النبلاء،10/697)

وفات:

آپ رحمۃُ اللہِ علیہ نےبروز منگل 14 جُمَادَی الاُولیٰ 281ہِجْرِی میں وفات پائی۔ قاضی یوسف بن یعقوب رحمۃُ اللہِ علیہ نے نمازِجنازہ پڑھائی۔آپ کے جسدِخاکی کو شُوْنِیْزِیَّہ (بغداد)کے قبرستان میں سپردِ خاک کیاگیا۔( تاریخ بغداد ، 10 / 9 0 ، 9 1 ، مقدمۃ التحقيق،ذم الکذب،ص12)

از:محمد گل فراز مدنی(اسلامک ریسرچ سینٹر دعوتِ اسلامی)

دعوتِ اسلامی کے اسپیشل پرسنز ڈیپارٹمنٹ کے تحت ذمہ دار اسلامی بھائیوں نے فیصل آباد میں قائم اسپیشل پرسنز آفس کا وزٹ کیا جہاں اُن کی ملاقات ڈی او عبدالستار سے ہوئی۔

اس دوران ذمہ داران نے ڈی او کو دعوتِ اسلامی کی عالمی سطح پر ہونے والی دینی و فلاحی خدمات سے آگاہ کیا نیز نابینا افراد کے ادارے الفیصل کا بھی وزٹ ہوا جہاں موجود عاشقانِ رسول کو جامعۃ المدینہ نابینا افراد کا تعارف کروایا گیا۔

اسی طرح ذمہ داران نے نابینا افراد کے ادا رے المنار مرکز کا دورہ کیا جہاں انہوں نے اسپیشل پرسنز سے ملاقات کی اور انہیں دعوتِ اسلامی کے تحت سفر کرنے والے مدنی قافلوں میں شرکت کرنے کی دعوت دی۔اس کے علاوہ اسپیشل پرسنز کے داخلوں کے حوالے سے اہم نکات پر ٹیچر سے گفتگو ہوئی۔(رپورٹ:محمد شاہد عطاریاسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام گوجرانوالہ عالم چوک لنک بلال روڈ میں ایک ڈیف(معذور) اسلامی بھائی کے گھر پر بذریعہ مدنی چینل اجتماعی طور پر مدنی مذاکرہ دیکھنے کا سلسلہ کیا گیا۔

اس موقع پر گوجرانوالہ ڈویژن ذمہ دار احسان عطاری اور گوجرانوالہ ڈسٹرکٹ ذمہ دار وقاص عطاری موجود تھے جنہوں نے اشاروں کی زبان میں مدنی مذاکرے کی ترجمانی کرتے ہوئے وہاں موجود اسپیشل پرسنز کی دینی و اخلاقی اعتبار سے تربیت کی۔ (رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

گزشتہ دنوں اسپیشل پرسنز ڈیپارٹمنٹ دعوتِ اسلامی کے ذمہ داراسلامی بھائیوں نے ڈائریکٹوریٹ پنجاب آف اسپیشل ایجوکیشن لاہور کا دورہ کیا جس میں انہوں نے ٹیچرز اور  ٹرینرز کے درمیان سیکھنے سکھانے کا حلقہ لگایا۔

اس کے علاوہ ذمہ داران احمد اویس عطاری (شعبہ تعلیم ذمہ دار پاکستان) اور قاری خالد محمود عطاری (شعبہ جسمانی معذور افراد پاکستان) نے سابق پرنسپل و ٹیچر، ٹرینر اور نیشنل اسپیشل ایجوکیشن سینٹر جوہر ٹاؤن کے ٹیچرز کو مدنی مرکزفیضان مدینہ جوہرٹاؤن لاہور کا وزٹ کروایا جہاں اُن کی ملاقات رکن شوریٰ حاجی یعفور رضا عطاری سے ہوئی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں دعوتِ اسلامی کے تحت اسپیشل پرسنز ڈیپارٹمنٹ کے ذمہ داران کا صوبۂ سندھ کے شہر کراچی میں واقع گلشن ٹاؤن کا شیڈول رہا جہاں انہوں نے اسپیشل پرسنز سے ملاقات کی۔

اس موقع پر اسپیشل پرسنز کی تربیت کے لئے سیکھنے سکھانے کا حلقہ منعقد کیا گیا جس میں کراچی سٹی کے ذمہ داران محمد عمران عطاری اور جمیل عطاری نے شرکائے حلقہ کی دینی و اخلاقی اعتبار سے تربیت کی اور انہیں جامعۃ المدینہ (عالم کورس) میں داخلہ لینے کے حوالے سے ذہن سازی کی۔ بعدازاں ذمہ دار اسلامی بھائیوں نے اسپیشل پرسنز کے سرپرستوں سے بھی ملاقات کی۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

پچھلے دنوں دعوتِ اسلامی کےعالمی مدنی مرکز فیضان مدینہ کراچی(سندھ) میں اسپیشل پرسنز ڈیپارٹمنٹ کراچی سٹی ذمہ داران کا مدنی مشورہ ہوا جس میں ڈسٹرکٹ ذمہ دار اسلامی بھائیوں کی شرکت رہی۔

دورانِ مدنی مشورہ سٹی ذمہ دار عمران عطاری نے ڈیپارٹمنٹ کے دینی کاموں کے حوالے سے گفتگو کرتے ہوئے سابقہ کارکردگی کا جائزہ لیا اور آئندہ کے اہداف طے کئے جس پر ذمہ داران نے دینی کاموں کے ترقی کے لئے اچھی اچھی نیتیں کیں۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

پچھلے دنوں پاکستان کے شہر گوجرانوالہ میں قائم مدنی مرکز فیضانِ مدینہ میں شعبہ رابطہ برائے حکیم دعوتِ اسلامی کے زیرِاہتمام فری طبی کیمپ منعقد کیا گیا جس میں شہر کے سینئر حکما حکیم رفیق چشتی، حکیم یاسین مغل، حکیم عظیم، حکیم غفار قادری اورحکیم محسن ضیاء  سمیت دیگر معروف اطبا نے شرکت کی۔

اس موقع پر کثیر عاشقانِ رسول کو دعوتِ اسلامی کی طرف سے فری چیک اپ اور دوائیاں دی گئیں۔بعدازاں وہاں موجود حکما سمیت عاشقانِ رسول نے دعوتِ اسلامی کی عالمی سطح پر ہونے والی دینی وفلاحی خدمات کو سراہا۔(رپورٹ: شعبہ رابطہ برائے حکیم ، کانٹینٹ:غیاث الدین عطاری)

23 مئی 2022ء بروز پیر صوبۂ سندھ کے شہر کراچی میں دعوتِ اسلامی کے دینی کاموں کے سلسلے میں مدنی مشورہ ہوا جس میں اورنگی ٹاؤن کے علاقہ تا ذیلی نگران و مشاورت کے ذمہ دار اسلامی بھائیوں کی شرکت رہی۔

اس مدنی مشورے میں نگران ڈسٹرکٹ ویسٹ محمد بغداد رضا عطاری نے ’’تقوی و پرہیزگاری‘‘ کے موضوع پر سنتوں بھرا بیان کیا اور شرکا کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا نیز اچھی کارکردگی والے اسلامی بھائیوں کے درمیان تحائف بھی تقسیم کئے۔(رپورٹ:محمد شہمیر خان عطاری ڈسٹرکٹ ویسٹ کارکردگی ذمہ دار، کانٹینٹ:غیاث الدین عطاری)

پچھلے دنوں لاہور میں دعوت اسلامی کے شعبے رابطہ برائے معذور افراد کے ذمہ داران قاری محمد خالد محمود عطاری اور احمد اویس عطاری نے جسمانی معذور افراد کے ادارے PSRD (Pakistan society for the rehabilitation of the diabled )کا وزٹ کیا ۔

جہاں ادارے کے پرنسپل اور دیگر اسٹاف ممبران سے ملاقات کی اوردعوت اسلامی کی دینی خدمات اور اس کے شعبہ جات بالخصوص اسپیشل پرسنز ڈیپارٹمنٹ کا تعارف پیش کرتے ہوئے انہیں مکتبۃ المدینہ کی مطبوعہ تحفے میں دی۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:محمد مصطفی انیس انصاری) 

دعوتِ اسلامی کے زیرِ اہتمام 24 مئی 2022ء بروز منگل پاکستان کے ضلع قصور میں واقع پولیس اسٹیشن پھول نگر کے دفتر میں سیکھنے سکھانے کا حلقہ لگایا گیا جس میں مختلف افسران نے شرکت کی۔

مبلغِ دعوتِ اسلامی نے شرکائے حلقہ کو نیکی کی دعوت دیتے ہوئے وہاں موجود افسران کو دفتر میں مدرسۃ المدینہ بالغان لگانے کا ذہن دیا جس پر انہوں نے اچھی اچھی نیتیں کیں۔

اسی طرح مقامی ذمہ داران کے درمیان مدنی مشورے کا بھی سلسلہ رہا جس میں ذمہ دار اسلامی بھائی نے نمایاں کارکردگی والے ذمہ داران کے درمیان تحائف تقسیم کئے۔ (رپورٹ:صغیر عطاری لا ہور زون ذمہ داری مدرسۃ المدینہ بالغان، کانٹینٹ:غیاث الدین عطاری)

دعوت اسلامی کے زیر اہتمام اسکاٹ لینڈ، گلاسکو کی جامع مسجد اسلامیہ میں سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے تعلق رکھنے والی شخصیات اور دیگر عاشقان رسول نے شرکت کی۔

اس اجتماع پاک میں رکن شوریٰ حاجی مولانا عبد الحبیب عطاری نے نعت شریف پڑھی جبکہ مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے بیان فرمایا۔ دوران بیان نگران شوریٰ نے موت کو یاد رکھتے ہوئے اس سے نصیحت لینے کا ذہن دیااس کے علاوہ شرکا کو حرام کمائی سے بچنے اور حلال روزی کمانے کی ترغیب دلائی۔

گزشتہ روز نگران شعبہ  اسپیشل پرسنز محمد حنیف عطاری نے مالا کنڈ کے پی کے کا سفر کیا جہاں اسپیشل پرسنز ڈیپارٹمنٹ کے تحت گونگے بہرے اسلامی بھائیوں سے ملاقات کی اور سیکھنے سکھانے کے لئے مدنی حلقے کا اہتمام کیا۔

نگران شعبہ نے حاضرین سے نماز کے موضوع پر گفتگو کیا نیز انکی دینی واخلاقی اعتبار سے تربیت بھی کی اور ہفتہ وار سنتوں بھرے اجتماع میں شرکت کرنے کی ترغیب دلائی۔(رپورٹ: محمد احمد دین مدنی عطاری سرکاری ڈویژن ذمہ دار سپیشل پرسنز پشاور ڈویژن ، کانٹینٹ:محمد مصطفی انیس انصاری)