دعوت اسلامی کے زیر اہتمام 26 مئی2021ء کو جنوبی کوریا کے شہر انچن (Incheon) میں بذریعہ اسکائپ ون ڈے سیشن کا اہتمام کیا گیا جس میں 10 اسلامی بہنوں نے شرکت کی ۔

مبلغہ دعوت اسلامی نے ”فیضان امام بخاری رحمۃ اللہ علیہ “ کے موضوع پر بیان کیا اور سیشن میں شریک اسلامی بہنوں کو ان کی مبارک زندگی کے حوالے سے اہم نکات پیش کئے نیز دعوتِ اسلامی کے دینی کاموں سے متعلق آگاہی فراہم کرتے ہوئے دعوتِ اسلامی کے دینی ماحول سے وابستہ رہنے اور دینی کاموں میں حصہ لینے کی ترغیب دلائی۔ 

دعوتِ اسلامی کے زیرِ اہتمام 25 مئی2021ء کو   ساؤدرن افریقہ ریجن کی ذمہ دار اسلامی بہنوں کا مدنی مشورہ ہوا جس میں موزمبیق ، زیمبیا اور بوٹسوانا کی ذمہ دار اسلامی بہنوں نے شرکت کی۔

ساؤدرن افریقہ ریجن نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور آن لائن ناظرہ قراٰن کورس کروانے کا ذہن دیا نیز مقامی اسلامی بہنوں کو دعوت اسلامی کے دینی ماحول سے قریب کرنے کی کوشش کرنے کی ترغیب دلائی ۔

دعوتِ اسلامی کے مدنی مرکزفیضان مدینہ حیدر آباد آفنڈی ٹاؤن میں 26 مئی2021ء کو  میں نواب لاڑکانہ زون کا مدنی مشورہ ہوا جس میں ریجن نگران، ریجن آفس نگران، متعلقہ زون کے کارکردگی ذمہ دار، نگران زون، شعبہ مدرسۃ المدینہ بالغان کت ریجن ذمہ دار، لاڑکانہ کے زون اور کابینہ ذمہ داران سمیت مختلف شعبہ جات کے نگران نے شرکت کی۔

نگران پاکستان مشاورت حاجی محمد شاہد عطاری نے 12 دینی کام اور شعبہ جات کی کارکردگی کا جائزہ لیتے ہوئےمزید اہداف دیئے۔

اس موقع پرا راکین شوریٰ حاجی امین قافلہ عطاری اور حاجی محمد ایاز عطاری بھی موجود تھے۔

رمضان المبارک کے بعد شوال المکرم میں چھ نوافل روزے رکھنے کے متعلق احادیث پاک میں  خوشخبریاں سنائی گئیں ہیں۔

اسی سلسلے میں امیر اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے عاشقان رسول کو شوال المکرم میں چھ روزے نوافل رکھنے کی ترغیب دلائی ہے اور اس کی فضیلت بیان کرتے ہوئے روزے والے اور والیوں کو اپنی دعاؤں سے نوازا۔

پیغام عطار!

شش عید کے روزوں نے بگڑی بنادی

فیضان رمضان کے پیج نمبر395کی حکایات کو اپنے انداز میں بیان کرنے کی کوشش کرتا ہوں۔

حضرت سیدنا سفیان ثوری رحمۃ اللہ عنہفرماتے ہیں ایک بار میں تین سال مکہ مکرمہ میں رہا ۔ مکہ شریف میں رہنے والےایک صاحب سےمیری بڑی محبت ہوگئی، بڑے نیک تھے۔آخر کار وہ سخت بیمار ہوئے، میں عیادت کے لئے حاضر ہواتو انہوں نے وصیت کی کہ جب میرا انتقال ہوجائےتواپنے ہاتھوں سے غسل دیجئے گا، میری نماز جنازہ بھی ادا کیجئے گا اور مجھے دفن کے بعد تنہا مت چھوڑیئے گا، ساری رات میرے قبر پر رہیئے گااور مجھے تلقین بھی کیجئے گا۔میں نے حامی بھر دی چنانچہ ان کے انتقال کے بعد وصیت پر عمل کی، قبرکے پاس حاضر تھاکہ آنکھ لگ گئی۔ غیب سےآواز آئی اے ! ” سفیان اب اس کو تمہاری تلقین اور تمہارے ساتھ (یعنی کمپنی) کی کوئی حاجت نہیں، ہم نے خود ہی اس کو اُنس دیا اور تلقین کی تو میں اُس آواز سے پوچھاکہ اس کو کس عمل کے سبب یہ مقام ملا؟آواز آئی! ”رمضان المبارک اور اس کے بعد شوال المکرم کے چھ روزے رکھنے کی برکت سے“

حضرت سیدنا سفیان ثوری رحمۃ اللہ تعالٰی علیہ فرماتے ہیں ایک رات میں نے یہی خواب تین بار دیکھا،میں اللہ پاک کی جناب میں عرض کی! ”مولائے کریم مجھے بھی اپنے فضل و کرم سےان روزوں کی توفیق عطار فرما“

اے عاشقانِ رسول! شوال المکرم 1442ھ جاری ہے، چھ روزے رکھ لیجئے! روز رکھنا ضروری نہیں ہے، وقفے وقفے سے رکھ لیجئے،پورے مہینے میں چھ رکھنے ہوتے ہیں۔ نفل روزے کی فضیلت میں آتا ہے،”جس نے ماہ رمضان المبارک کے روزےرکھے، پھر شوال کے چھ روزے رکھےتو وہ گناہوں سے ایسا پاک ہوجاتا ہے جیسا کہ اس کی ماں نے آج ہی جنا ہو“ اور ایک روایت کے مطابق اس کو پورے سال کے روزوں کا ثواب رہتا ہے کہ رمضان شریف کے روزے رکھے، چھ شوال کے رکھےتو ایسا ہے جیسے پورے سال کے روزے رکھے، سبحان اللہ ہمت کیجئے اور روزے رکھئے، میرے مدنی بیٹے اور مدنی بیٹیوں! اپنی کارکردگی دعوت اسلامی کے شعبہ اصلاح اعمال کو پہنچائیے۔ میں اِنْ شَآءَ اللہ عَزَّ وَجَلَّ شوال المکرم کے مدنی مذاکروں میں ہر ہفتے مدنی چینل پر کارکردگی کا اعلان کرتا رہوں گا اور ذیقعد ۃ الحرام کے پہلے ہفتے ہونے والے مدنی مذاکرے میں مدنی چینل پر سارے مہینے کے شش عید کے روزے رکھنے والوں کی تعداد کا بھی عرض کردونگا کہ شوال المکرم میں کتنے عاشقان رسول میرے مدنی بیٹوں اور بیٹیوں نے روزے رکھے۔ اِنْ شَآءَ اللہ عَزَّ وَجَلَّ ۔ اللہ ہم سب کو سلامت رکھے۔ آمین

دعائے عطار

یا اللہ پاک جس نے ماہ رمضان شریف کے روزے رکھے اور شوال المکرم کے چھ روزے نفل کے رکھے۔ اس پہلے اس کو موت نہ دینا جب تک تیرے محبوب صلَّی اللہ تعالٰی علیہ واٰلہٖ وسلَّم اسے اپنا جلوہ نہ دکھا دیں ، یا اللہ پاک انہیں برے خاتمے سے بچانااور ایمان پر دنیا سے اٹھانا، وقت آخر کلمۂ پاک نصیب کرنا۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہُ علٰی محمَّد

26 مئی 2021ء کو شعبہ دار المدینہ کے تحت ہیڈ آفس کراچی میں مدنی مشورہ ہوا جس میں انتظامی امور کے ذمہ داران نے شرکت کی۔

دار الافتاء اہل سنت کے مفتی محمد کفیل صاحب اور رکن شوریٰ حاجی محمد اطہر عطاری نے متعدد امور پر شرکا سے تبادلۂ خیال کیا۔

مدنی مشورے میں مختلف نئے پروجیکٹس، ورکنگ ریلیشنز، سوشل میڈیا کا مثبت اور منفی استعمال اور دارالمدینہ موبائل ایپلی کیشن کا طریقہ کار جیسے موضوعات زیرِ غور آئے۔ 

دعوت اسلامی کے تحت مدنی مرکزفیضان مدینہ حیدر آباد آفنڈی ٹاؤن میں نواب شاہ زون کا مدنی مشورہ ہوا جس میں نواب شاہ زون کے ذمہ داران نے شرکت کی۔

نگران پاکستان مشاورت حاجی محمد شاہد عطاری نے شعبہ مدنی قافلہ، شعبہ اصلاح اعمال، شعبہ ہفتہ وار اجتماع اور شعبہ ہفتہ وار مدنی مذاکرہ کی کارکردگی کا جائزہ لیا اور مدرسۃ المدینہ بالغان کی تعداد کو مزید بڑھانے کے اہداف دیئے۔

اس موقع پرا راکین شوریٰ حاجی امین قافلہ عطاری اور حاجی محمد ایاز عطاری بھی موجود تھے۔

دعوت اسلامی کے تحت مدنی مرکزفیضان مدینہ حیدر آباد آفنڈی ٹاؤن میں تھر زون کا مدنی مشورہ ہوا جس میں تھر زون کے ذمہ داران نے شرکت کی۔

نگران پاکستان مشاورت حاجی محمد شاہد عطاری نے شعبہ مدنی قافلہ، شعبہ اصلاح اعمال، شعبہ ہفتہ وار اجتماع اور شعبہ ہفتہ وار مدنی مذاکرہ کی کارکردگی کا جائزہ لیا اور مزید اہداف دیئے۔

اس موقع پرا راکین شوریٰ حاجی امین قافلہ عطاری اور حاجی محمد ایاز عطاری بھی موجود تھے۔

دعوت اسلامی کے شعبہ خدام المساجد و المدارس کے تحت کینال روڈ کالج چوک مردان میں فیضان مدینہ  کے تعمیراتی کاموں کا آغاز ہونے جارہا ہے۔اسی سلسلے میں 29 مئی 2021ء بعد نماز عصر فیضان مدینہ کا سنگِ بنیاد رکھا جائیگا۔

فیضان مدینہ کا سنگ بنیاد مرکزی مجلس شوریٰ کے رکن حاجی یعفور رضا عطاری کے ہاتھوں رکھا جائیگا۔

دعوت اسلامی کے شعبہ مدرسۃ المدینہ بالغات کے زیر اہتمام25 ممبئی 2021 ء سینٹرل زون میں مدنی مشورے کا انعقاد ہوا جس میں مدرسۃ المدینہ بالغات ذمہ داراسلامی بہنوں نے شرکت کی ۔

ذمہ دا اسلامی بہن نے مدنی مشورے میں شریک مدرسات کو شعبہ میں بہتری کےحوالے سے مدنی پھول پیش کئےاور مدرسات کو طالبات کے مدنی قاعدہ و قرآن مجید مکمل ہوتے ہی تربیت کرکے ٹیسٹ دلوانے اور نئے مدرسے کا آغاز کرنے پر نکات فراہم کئے۔ 

دعوتِ اسلامی کے شعبہ مدرسۃالمدینہ بالغات کے زیر اہتمام26  مئی 2021 ء سینٹرل زون و بنگلور زون میں 8 نئے مدرسۃ المدینہ بالغات کا آغاز ہوا جن میں اسلامی بہنوں کو درست مخارج کے ساتھ مدنی قاعدہ ،قرآن پاک اور فقہی مسائل سیکھانے کاسلسلہ ہوگانیز قرآن پاک ترجمہ و تفسیر کے ساتھ تلاوت کاسلسلہ بھی ہوگا۔

   دعوتِ اسلامی کے شعبہ شارٹ کورسز کےزیر اہتمام26 مئی 2021ء سے حبلی زون میں 7دن کا فیضانِ ایمانیات کورس کا سلسلہ جاری ہے

جس میں 72 اسلامی بہنیں شریک ہے۔

اس کورس کی خصوصیات : گلدستہ عقائد و اعمال کتاب سے معلومات کے ساتھ ساتھ توحید باری تعالیٰ، ایمان و کفر ، معجزے اور کرامتیں ،تقدیر الہی کا بیان ،عالم برزخ ،علامات قیامت ،شفاعت کا بیان اور تقلید سے متعلق معلومات دی جائے گی۔

دعوتِ اسلامی کے شعبہ شارٹ کورسز کے تحت گزشتہ دنوں ممبئی سینٹرل زون  کی ساکی ناکہ کابینہ میں20 دن پر مشتمل فیضان تلاوت قرآن کورس کاانعقادہوا جس میں ساکی ناکہ کی ذمہ دار اسلامی بہنوں نے شرکت کی ۔

مبلغۂ دعوتِ اسلامی نے دوران ملاقات ایک غیر مسلم خاتون کو اسلام کی دعوت دی جس پر اسلامی تعلیمات سے متاثر ہوکرانہوں نے اسلام قبول کرنے کااظہار کیا جس پر اصلاحِ اعمال ذمہ داراسلامی بہن نےفوری طور پر توبہ کے ساتھ کلمہ پڑھایا ۔