ڈہرکی کے قریب ٹرین خوفناک حادثے کا شکار ، ملّت ایکسپریس کی کئی بوگیاں پٹری سے اترکرمخالف ٹریک پر آگئیں، دو منٹ بعد ہی سرسید ایکسپریس گرنے والی بوگیوں سے ٹکرا گئی، کمشنر  سکھر کے مطابق اب تک حادثے میں جاں بحق افراد کی تعداد 55 ہوگئی ہے جبکہ 100سےزائد افراد زخمی ہیں۔

حادثے کی اطلاع ملنے پر بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے ویڈیو پیغام کے ذریعے جانی و مالی نقصان پر افسوس کا اظہار کیا اور انتقال کرجانے والے افراد کے سوگواروں سے تعزیت کی۔

انہوں نے اپنے پیغام میں کہا کہ اس دردناک حادثے میں جو مسلمان وفات پاگئے ہیں میں ان تمام کے سوگواروں سے تعزیت کرتا اور صبر کی تلقین کرتا ہوں ، ہمت رکھئے گا، صبر کیجئے گا، اللہ کی جو مرضی ہوئی وہ ہوا۔ میں اپنے زخمی بھائیوں سے بھی ہمدردی کا اظہار کرتا ہوں آ پ بھی اللہ کی رضا پرراضی رہئے اور صبر کیجئے ۔ اللہ پاک نے چاہا تو سب بہتر ہوجائے گا ۔

انہوں نے دعوتِ اسلامی کے ذمہ داران سے کہا کہ دعوت اسلامی کے ویلفیئر کے شعبے ایف جی آر ایف کے وہ تمام اسلامی بھائی جو سکھر اور دھڑکی کے قرب و جوار میں ہیں مہربانی کرکے جلدی جلدی جائے حادثہ پر پہنچیں اور اپنے ان دکھیارے بھائیوں، آقا کی دکھیاری امت کی خدمت میں لگ جائیں۔ اللہ پاک اس کا آپ کو بہترین اجر عطا فرمائے گا۔

امیر اہل سنت نے حادثے میں انتقال کرجانے والوں کے لئے مغفرت اور زخمیوں کے لئے صحت یابی کی دعا بھی کی۔

رکن شوریٰ مولانا حاجی ابو ماجد محمد شاہد عطاری اور شعبہ دعوتِ اسلامی کے شب و روز کی پوری ٹیم اس حادثےپر افسوس کا اظہار کرتی ہے اور دعا گو ہے کہ اللہ پاک مرحومین کی مغفرت فرمائے اور زخمیوں کو جلد روبصحت فرمائے۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

شعبہ ائمہ ٔ مساجد دعوتِ اسلامی کے زیر اہتمام   وقتاً فوقتاً امامت کورس کا اہتمام ہوتا ہے جس کی تفصیل کچھ اس طرح ہے ۔

5 ماہ امامت کورس :

اس کورس میں اسلامی بھائی کو 50 رکوع حفظ ، قرآن پاک کی تدریس، مسائل کا ٹیسٹ پاس کرواکر امامت کا اہل بنایا جاتا ہے۔ اس کا آغاز 26 شوال المکرم سے ہوتا ہے۔ یہ 19 ربیع الاول تک جاری رہتا ہے ۔ اس کورس میں داخلہ لینے والے کے لئے لازمی ہے کہ ناظرہ قرآن پاک پڑھنا جانتا ہو، عمر کم ازکم 18 سال ہو اور اردو لکھنا پڑھنا بھی جانتا ہو۔

امامت کورس 10 ماہ:

اس کورس میں قرآن مجید مع مدنی قاعدہ و 50 رکوع حفظ پڑھاکر امامت و مدرس کا اہل بنایا جاتا ہے اس کا آغاز بھی 26 شوال المکرم سے ہوتا ہے۔ اس کورس میں داخلہ لینے والے کے لئے لازمی ہے کہ ناظرہ قرآن پاک پڑھنا جانتا ہو، عمر کم ازکم 18 سال ہو اور اردو لکھنا پڑھنا بھی جانتا ہو۔

سدا بہارامامت کورس:

طالب علم کی صلاحیت کے مطابق اس کورس کے اسلامی بھائی کو بہتر کیفیت میں قرآن پاک پڑھنے کی صلاحیت پیدا کرکے 5 ماہ امامت کورس میں داخلے کا اہل بنایا جاتا ہے ۔ رمضان المبارکے کے علاوہ جب چاہیں اس کورس میں داخلہ لیا جاسکتاہے۔ کورس میں داخلہ لینے والے کے لئے لازمی ہے کہ عمر کم ازکم 18 سال ہو اور اردو لکھنا پڑھنا بھی جانتا ہو۔

پاکستان میں جاری امامت کورس کے مقامات

کراچی ریجن

1)مرکزی جامعۃ المدینہ فیضان مدینہ کراچی

2)جامعۃ المدینہ فیضان عطار بہزاد لکھنوی سخی حسن

حید ر آباد ریجن

1)آفندی ٹاؤن حیدر آباد 2)جامعۃ المدینہ میرپور خاص 3)جامعۃ المدینہ جیکب آباد

4)ٹنڈو آدم 5)جامعۃ المدینہ ڈیرہ اللہ یار 6)جامعۃ لامدینہ اسلام کوٹ تھر سندھ

ملتان ریجن

اشاعت الاسلام 2)خانیوال 3) خانپور 4) مانک پور 5) بھاولنگر 6) سخی سرور (ڈی جی خان)

فیصل آباد ریجن

فیصل آباد 2) گوجرہ 3) جھنگ 4) قبولہ 5) جامعۃ المدینہ لیہ

لاہور ریجن

جوہر ٹاؤن 2) رحمن سٹی 3) کاہنہ ہو 4) ڈیرہ اسماعیل خان 5) شیخوپورہ

اسلام آباد ریجن

سیالکوٹ 2) ڈڈیال کشمیر 3) گجرات 4) جہلم 5) نکودر

مزید تفصیل کےلئے صبح 9:00 بجے تا رات 9:00 بجے تک اس نمبر پر رابطہ فرمائیں

0315-2678671

یا ای میل کیجئے

تفصیلات کے مطابق  حکومتِ پاکستان کے اعلان کے بعد پنجاب بھر میں قائم دارالمدینہ اسلامک اسکولز کے تمام کیمپس کھول دیئے گئے ہیں۔ اسکولوں میں بچوں کو حکومتی قواعد و ضوابط کے ساتھ ایس ا و پیز کے مطابق بٹھایا جارہا ہے۔ 6 جون کو اسکول کھلنے پر بچے ماسک لگاکر اسکول پہنچے جہاں انہیں سینیٹائز بھی کیا گیا۔ اسکول کھلنے پر بچے اور بالخصوص والدین نے خوشی کا اظہارکیا ۔ 

4جون 2021ء کو دعوت اسلامی کے مدنی مرکز فیضان مدینہ مڈلینڈ برطانیہ میں سنتوں بھرا اجتماع ہوا جس میں مقامی اسلامی بھائیوں نے شرکت کی۔

مبلغ دعوت اسلامی نے ”کاؤنٹی الائنز اور منشیات رنر“ کےموضوع پر گفتگو کرتے ہوئے مقامی برادریوں کو ایک سنگین مسئلے کے متعلق شعور اجاگر کیاجس میں انہیں بتایا گیا کہ کس نوجوان اورکمزور بچوں کو منشیات اسٹور / ٹرانسپورٹ کرنے کے لئے استعمال کیا جاتا ہے۔

مبلغ دعوت اسلامی نے مزید کہا کہ مجرموں کے ذریعہ 8 سال سے کم عمر کے بچوں کو منشیات لے جانے کے لئے رابطہ کیا جارہا ہے جس کی وجہ سے بچوں کے اہلِ خانہ پر منفی اثرات مرتب ہورہے ہیں۔مبلغ دعوت اسلامی نے حقیقی زندگی کے نقصان دہ واقعات کا تذکرہ کیا اور قرآن مجید کے متعدد نکات بیان کرتے ہوئے حدیث پاک بیان کی۔

بیان کے اختتام پر والدین اور سرپرستوں کو اس بات سے آگاہ کرنے کے لئے متعدد نشانات بتائے گئے کہ انہیں اپنے بچوں میں کیا تلاش کرنے کی ضرورت ہے جو اس قسم کے جرائم میں ملوث ہوسکتے ہیں اور اس طرح کی پریشان کن مجرمانہ سرگرمیوں سے کیسے بچا جائے۔

یوکے میں لاک ڈاؤن کی صورتحال ختم ہونے کے بعد 15 ماہ کے بعد 5جون 2021ء کو دعوت اسلامی کا مدنی قافلہ والسال برطانیہ  سے فیضان مدینہ برسٹل یوکے پہنچا جس میں ذمہ داران دعوت اسلامی اور دیگر عاشقان رسول نے شرکت کی۔

شرکائے قافلہ نے برسٹل میں مدنی قافلے کے شیڈول پر عمل کرتے ہوئے مقامی اسلامی بھائیوں کو نیکی کی دعوت پیش کی۔

برطانیہ میں لاک ڈاؤن کی صورتحال ختم ہونے کے بعد 15 ماہ کے بعد 5جون 2021ء کو دعوت اسلامی کا مدنی قافلہ ڈربی یوکے سے لیسٹر یوکے پہنچا جس میں ذمہ داران دعوت اسلامی اور دیگر عاشقان رسول نے شرکت کی۔

شرکائے قافلہ نے لیسٹر میں مدنی قافلے کے شیڈول پر عمل کرتے ہوئے مقامی اسلامی بھائیوں کو نیکی کی دعوت پیش کی۔

5 جون 2021ء کو دعوت اسلامی کےشعبہ ڈونیشن بکس کا مدنی مرکز فیضان مدینہ اسٹچفورڈبرمنگھم یوکے ریجن میں مدنی مشورہ ہوا جس میں متعلقہ شعبے کے ذمہ داران نے شرکت کی۔

نگران برمنگھم ریجن یوکے حاجی سید فضیل رضا عطاری نے حالیہ کارکردگی کا جائزہ لیا اور آئندہ تین ماہ کے اہداف طے کئے۔

6جون 2021ء کو دعوت اسلامی کے مدنی مرکز فیضان مدینہ اسٹچفورڈ برمنگھم یوکےکا P.Cادھم خان، پولیس سارجنٹ حنیف اللہ، کمیونٹی ورکشاپ شباب احمد، ویسٹ مڈلینڈ پولیس کے دیگر ممبران نے دورہ کیا جہاں ذمہ دارا ن دعوت اسلامی نے انہیں خوش آمدید کہا۔

نگران برمنگھم ریجن حاجی سید فضیل رضا عطاری نے دعوت اسلامی کے تحت ہونے والے فلاحی خدمات، نوجوانوں سے ہونے والی جرائم کی روک تھام، نوجوانوں میں اصلاحات اور کردار سازی ورکشاپس، آفات سے نجات کی سرگرمیوں کے متعلق تعارف پیش کیا۔ مہمانوں نے کو فیضان مدینہ میں قائم مختلف شعبہ جات کاوزٹ کروایا گیاجس پر انہوں دعوت اسلامی کے تمام اقدام کو خوب سراہا اور خوشی کا اظہار کیا۔

31 مئی 2021ء سے دعوت اسلامی ویسٹ مڈلینڈ نے مقا می پولیس کے ہمراہ ”کاؤنٹی لائنز“ کے مسئلے کے بارے میں آگاہی مہم شروع کیا ہوا ہے۔

اس مہم کے دوران دعوت اسلامی کے نمائندگان اور پولیس کی جانب سے سیکڑوں بچوں کو آگاہی دی گئی کہ کس طرح دوسرے علاقوں اور شہروں میں منشیات اسٹور/ ٹرانسپورٹ کرنے کےلئے چھوٹے بچوں کا استحصال کیا جاتا ہے۔ بچوں کو منشیات فروشوں کے ذریعہ جبری یا لالچ سے روکنے کے لئے نشانیاں بتائی گئیں۔ بچوں کو اس بارے میں آگاہ کیا گیا کہ اگر ان کا سامنا ایسے بندے ہوتو وہ کس سے بات کرسکتے ہیں۔

ویسٹ مڈلینڈ پولیس نے دعوت اسلامی کے اس اقدام کو سراہا جس کے ذریعے عوام میں سنگین مسئلے پر شعور اجاگر کیا جارہا ہے۔ 

دعوتِ اسلامی کے شعبہ اصلاح اعمال للبنات کے زیر اہتمام  04 جون 2021 ء کو پاکستان میں اصلاح اعمال ذمہ دار اسلامی بہنوں کا بذریعہ اسکائپ مدنی مشورہ ہوا جس میں تمام ریجن سطح کی اصلاحِ اعمال ذمہ دار اسلامی بہنوں نے شرکت کی۔

پاکستان سطح کی اصلاح اعمال ذمہ دار اسلامی بہن نےاسلامی بہنوں کی ماہانہ کاکردگیوں کاجائزہ لیتے ہوئے عاملات نیک اعمال میں اضافے کے حوالے سے نکات بتائے اورسو فیصد تقرری مکمل کرنے کے حوالے سے اسلامی بہنوں کو ذہن دیا نیز ماہانہ کارکردگی جدول وقت پر جمع کروانے اورسو فیصد وصول کرنے کی ترغیب دلائی ۔ 

دعوتِ اسلامی کے تحت  4 جون2021ء بروز جمعہ پاکستان کے شہر واہ کینٹ میں ایصال ثواب اجتماع کاانعقاد ہوا جس میں پاکستان نگران اسلامی بہن نے ’’ یہ وقت بھی گزر جائے گا ‘‘ کے موضوع پر بیان کیا ۔

آخر میں اجتماع میں شریک اسلامی بہنوں کو مصیبت وآزمائش پر صبر کرنے کے فضائل بتاتے ہوئے صبر کرنے کاذہن دیتے ہوئےدعوتِ اسلامی کے ہفتہ وار سنتوں بھرے اجتماع میں شرکت کرنے اور دعوتِ اسلامی کے دینی کاموں میں حصہ لینے کی ترغیب دلائی جس پر اسلامی بہنوں نے اچھی نیتوں کااظہار کیا۔

دعوتِ  اسلامی کے تحت گزشتہ دنوں شمالی لاہور زون میں مدنی مشورے کاانعقاد ہوا جس میں زون مشاورت، کابینہ نگران اور ڈویژن نگران اسلامی بہنوں نے شرکت کی ۔

زون نگران اسلامی بہن نے’’ وقت کی اہمیت‘‘ کے موضوع پر بیان کیا اوراسلامی بہنوں کو وقت پر کام کرنے کی ترغیب دلاتے ہوئے کارکردگی وقت پر جمع کرنے کی ترغیب دی نیز ماہانہ مدنی مشورہ اور کارکردگی جدول کو مضبوط کرنے کاذہن دیا جبکہ ڈونیشن کارکردگی پر اسلامی بہنوں کی حوصلہ افزائی کرتے ہوئے انہیں تحائف پیش بھی کئے۔