عالمی مدنی مرکز فیضان مدینہ کراچی میں 25رجب المرجب 1443ھ بمطابق 26فروری 2022ء کو ہفتہ وار مدنی مذاکرے کا انعقاد کیا گیا جس میں عاشقان رسول کی بڑی تعداد شریک ہوئی۔

مدنی مذاکرے میں شیخِ طریقت، امیر اہل سنت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کی جانب سے ہونے والے سوالات کے بیرونِ ملک سے آن لائن مدنی چینل کے ذریعے جوابات دیئے اور مدنی پھول ارشاد فرمائے۔

مدنی مذاکرے کے چند نکات ملاحظہ کیجئے:

سوال: سوشل میڈیا کا کس طرح استعمال کیاجائے ؟

جواب :سوشل میڈیا کے فائدے کم اورنقصانات زیادہ ہیں ،سوشل میڈیا سے اس طرح فائدہ حاصل کیا جاسکتاہے کہ بندہ مستندعالم دین سے کوئی شرعی مسئلہ سیکھ لےیا بیان کے کلپ سے استفادہ کرے یا خود عالم دین ہے تو اپنی خدمات سوشل میڈیا کے ذریعے پیش کرے، دعوتِ اسلامی کی ویب سائٹ(www.dawateislami.net) پر دینی مواداپ لوڈ کیا جاتاہے ،اس سے بھی فائدہ اٹھایا جا سکتاہے تاہم سوشل میڈیا کے نقصانا ت غالب ہیں ،اس کے نقصانات کیا، کیا ہیں؟ اس کے یوزر(user) اس بات کو خوب سمجھتے ہیں ،اگرکوئی اسے رکھتابھی ہے تو وہی استعمال کرے جو مَیں نے بیان کیا ۔

سوال: جب دینی باتیں بیان ہورہی ہوں تو ہمارااندازکیساہو نا چاہئے ؟

جواب: جب دین کی بات کی جارہی ہوتو موبائل سمیت تمام کام چھوڑکر اسے غورسےسنا جائے تاکہ کوئی غلط مسئلہ ذہن میں نہ بیٹھ جائے،طلبہ ٔ علم دین بھی جب اپنے استاذصاحب کے پاس پڑھیں تو یہی اندازہوناچاہئے ۔

سوال: مدنی اسلامی بھائی معاشرے میں کیا کرداراداکرسکتے ہیں اورآپ ان کے بارے میں کیا توقعات رکھتے ہیں ؟

جواب : ایک بات یادرکھیں ،آپ نے جو پڑھا ہے اسے پڑھتے اورپڑھاتے رہیں گے تو یہ یادرہے گا، باقی رہے گا اوراس میں اضافہ بھی ہوتارہے گا ورنہ بھول جائیں گے،جس سے بَن پڑے وہ ضرورپڑھاتارہے اگرچہ تدریس کا موقع نہ بھی ملے،چھوٹے بھائی یا محلے میں کسی کو پڑھاتارہے، پڑھانے میں نیت ثواب کی ہونی چاہئے، مزید دین کی خدمت کا ذہن بنائیں،مسجدمیں امامت وخطابت کریں ،امامت کا منصب کم نہیں ہے بہت اعلیٰ ہے ،اس سے ہرگزنہ ہٹئے گا، امامت کرنے سے مساجد محفوظ ہوں گی ، دین کی خدمت ہوگی، اگرایک سلجھاہوا عاشقِ رسول امام ہواور حکمتِ عملی سے چلے تو پورامحلہ اس کے اندازمیں چلتاہے،یادرکھئے ! جو دین کی خدمت کرتاہے وہ دنیا سے کٹ آف نہیں ہوتا،جو اس فیلڈ میں ہوتے ہیں،ا نکی معاشرے میں بہت عزت ہوتی ہے،عموماً حج وعمرہ کی سعادت نصیب ہوتی ہے ،مدنی اسلامی بھائی اپنے اخلاق درست رکھیں گے، مال سے بے رغبت ہوں گے، عادات بہترہوں گی،بداخلاقی وجھگڑوں سے بچیں گے تو اپنے علاقے کے بے تاج بادشاہ ہوں گے، بہرحال آپ کے پاس علم کا اعزازہے جسے آپ نے نبھانا ہے۔

سوال: اس مرتبہ کتنے طلبہ و طالبات جامعۃ المدینہ میں دورہ ٔحدیث کرکے فارغ التحصیل ہوئے ہیں؟

جواب: ان کی کل تعداد3 ہزار5 سو33ہے(3533) ،اس میں طالبات 2ہزارایک سو95(2195)،اورطلبہ ایک ہزار3 سو38(1338) ہیں، اللہ کرے یہ تعدادبڑھتی رہے،دعوتِ اسلامی کے دینی کام بڑھائیں گے ، تو اس سے دعوت ِ اسلامی مضبوط ہوگی،دعوت ِ اسلامی مضبوط ہوگی تو ان شاءاللہ الکریم یہ تعداد بھی بڑھے گی ۔

سوال: ٹریننگ کتنی ضروری ہے ہم ٹریننگ کیسے حاصل کرسکتے ہیں ؟

جواب:بندے کی ترقی میں تربیت کا بڑادخل ہوتاہے، دیکھنا ہوگا کہ تربیت دینے والاکون ہے ؟سب سے پہلی تربیت تو ماں کی گود میں ہوتی ہے،یہاں سے تربیت ہوتو بچہ بہت ترقی کرسکتاہے، ماؤں کی تربیت کا فقدان یعنی نہ ہونے کے برابرہے ، دینی ادارہ ہویا دنیاوی ادارہ ہرجگہ اخلاقی تربیت کی حاجت ہے، تھوڑا سامزاج کے خلاف کوئی کام ہوتاہے تو عقل گھوم جاتی اورزبان کے ذریعے بداخلاقی شروع ہوجاتی ہے، اگرکوئی اپنے آپ کو بااخلاق سمجھتاہے تو غصے کے وقت اپنی کیفیت دیکھ لے،کسی بزرگ کا قول ہے کہ کسی کے حسنِ اخلاق کی گواہی اس وقت نہ دوجب تک اسے غصے میں نہ دیکھ لو، جب غصہ آتاہے تو بندہ بداخلاقی کے سابقہ سارے ریکارڈ توڑدیتاہے، جوگالیاں دے اسے کون بااخلاق کہہ سکتاہے۔ (مکتبۃ المدینہ کی کتاب ”حسن اخلاق“ کا مطالعہ بھی ان شاء اللہ بے حد مفید رہے گا ۔)

سوال: اِس ہفتے کارِسالہ ” جنگل کا بادشاہ “ پڑھنے یاسُننے والوں کوجانشینِ امیرِاہلِ ِسُنّت دامت براکاتہم العالیہ نے کیا دُعا دی ؟

جواب: یاربَّ المصطفٰے! جو کوئی 21 صفحات کا رسالہ”جنگل کا بادشاہ“ پڑھ یا سُن لے اُس کو صرف اپنا خوف عطا فرمااور اُس سے ہمیشہ ہمیشہ کےلئے راضی ہوجا۔اٰمِیْن بِجَاہِ خاتَمِ النَّبیّن صلَّی اللہ علیہ واٰلہٖ وسلَّم ۔

آج رات ہفتہ وار مدنی مذاکرے کا انعقاد کیا جائیگا، امیر اہل سنت مدنی پھول ارشاد فرمائیں گے

عاشقانِ رسول کو علم دین کی جستجو دلانے، معاشرتی حوالے سے تربیت کرنے اور ان کے قلوب کو خوفِ خدا و عشق رسول اور محبتِ صحابہ و اولیاء کرام سے روشن کرنے کے لئے آج رات عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا جائیگا۔

اس مدنی مذاکرے میں بانی دعوت اسلامی حضرت علامہ محمد الیاس عطار قادری دامت بَرَکَاتُہمُ العالیہ بیرونِ ملک سے بذریعہ ویڈیو لنک مدنی پھول ارشار فرماتے ہوئے عاشقان رسول کی جانب سے ہونے والے سوالات کے جوابات ارشاد فرمائیں گے۔ اس پروگرام کو مدنی چینل پر بھی براہ راست نشر کیا جائیگا۔

تمام عاشقان رسول سے اس مدنی مذاکرے میں شرکت کرنے کی درخواست ہے۔

دعوتِ  اسلامی کے تحت گزشتہ دنوں نگران عالمی مجلس مشاورت ذمہ دار اسلامی بہن نے مانسہرہ و ایبٹ آباد کی ذمہ داراسلامی بہنوں کا مدنی مشورہ لیا جس میں مدرسۃ المدینہ ( اسلامی بہنیں ) کی ذمہ دار اسلامی بہنوں نے بھی شرکت کی۔

مدنی مشورے میں ایبٹ آباد میں جامعۃ المدینہ کی ضرورت کے موضوع پر بات ہوئی اور بروقت تنظیمی طریقۂ کار کو فالو کرنے کا ذہن دیا گیا نیز تقرریاں مکمل کرنے اور فیضانِ صحابیات کی تقرریاں مکمل کرنےکے اہداف دیئے گئے۔

Under the supervision of Majlis ‘Islah-e-A’maal’, an ‘Islah-e-A’maal Ijtima’ was conducted in Coventry, UK in previous days. 17 Islamic sisters had the privilege of attending this great Ijtima’.

The female preacher of Dawat-e-Islami delivered a Sunnah-inspiring Bayan, briefed the attendees (Islamic sisters) about the booklet, ‘Nayk A’maal’ and gave them the mindset of analyzing their deeds daily and performing good deeds.

دعوتِ اسلامی کے زیرِ اہتمام  گزشتہ دنوں سویڈن ( Sweden) میں ذمہ دار اسلامی بہنوں کا بذریعہ اسکائپ ماہانہ مدنی مشورہ ہوا جس میں کابینہ ذمہ دار اسلامی بہنوں نے شرکت کی۔

کابینہ نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اوردینی کاموں کومزید بڑھانے کے ساتھ ساتھ مقامی زبان سویڈش میں اجتماعات کروانے اور زیادہ سے زیادہ اسلامی بہنوں کو دعوت اسلامی کے دینی ماحول سے وابستہ کروانے کا ذہن دیا۔

اسلامی بہنوں کے شعبہ کفن دفن کے زیر اہتمام گزشتہ دنوں  ڈیرہ اسماعیل خان زون میں مدنی مشورے کاانعقادہوا جس میں ذمہ دار اسلامی بہن نے اسلامی بہنوں کو کارکردگیوں کو مضبوط کرنے کے حوالے سے مدنی پھول دیئے اور تربیتی اجتماع کرنے اور اسلامی بہنوں کئ ٹیسٹ لینے کے حوالے سے بھی تربیت کئ نیز اسلامی بہنوں کو مدنی مذاکرہ دیکھنے اور ڈونیشین جمع کرنے کی ترغیب دلائی ۔

دعوت اسلامی کے شعبے مدنی قافلہ کے زیر اہتمام 10 اپریل 2021ء کو حیدر آباد ریجن میں مدنی مشورہ ہوا جس میں حیدر آباد ریجن کے زون اور کابینہ سطح کے قافلہ ذمہ داران نے شرکت کی۔

رکن شوریٰ حاجی فاروق جیلانی عطاری اور نگران شعبہ مدنی قافلہ حاجی مشکور عطاری نے شرکا کی تربیت کی اور ماہِ رمضان میں روزہ رکھواؤ تحریک کو جاری رکھنے اور زیادہ سے زیادہ عطیات جمع کرنے کی ترغیب دلائی۔

رابطہ برائے شخصیات کی دعوت پر دعوت اسلامی کے زیر اہتمام منعقدہ اجتماع شب برات میں ریڈر ٹو ڈی آئی جی سبی رینج سلطان سولنگی ، قبائلی سیاسی و سماجی شخصیت ٹکری محمد اسلم جتوئی، میر پنل  خان جتوئی سیاسی و سماجی شخصیت، محمد دین مری ایڈووکیٹ، میر شہباز خان باروزئ رسالدار لیویز فورس ، میاں محمد یوسف سرپرست اعلیٰ پریس کلب، سینئر صحافی نمائندہ بول نیوز احمد خان سومرو تاجر شخصیت ، افتخار بنگلزئ صوبائی صدر پیپلز پارٹی اسٹوڈنٹس فیڈریشن بلوچستان اور سی ٹی ایس پی ٹیچرز کے ڈسٹرکٹ صدر جاوید سیلاچی نے شرکت کی۔ ( رپورٹ: شعبہ رابطہ برائے شخصیات بلوچستان)

سبی میں قبائلی و سیاسی رہنما پشتون خواہ عوامی ملی پارٹی کے صوبائی رہنما سید نور احمد شاہ خجک کے آفس السید ٹریول ایجنسی و شوروم کے  افتتاح کے موقع پر نگران سبی کابینہ و دیگر ذمہ داران نے شرکت کی ۔

تقریب میں شہر بھر کی مختلف معزز قبائلی ، سیاسی و سماجی شخصیات تاجران مختلف اور شعبہ ہائے زندگی سے تعلق رکھنے والی شخصیات نے شرکت کی۔

تقریب کا باقاعدہ آغاز مولانا اویس رضا عطاری المدنی نے تلاوت قرآن پاک سے کیا ۔ نعت شریف کا نذرانہ سینیئر صحافی نمائندہ جنگ نعت خواں الحاج ریاض ندیم نیازی نے پیش کیا اور مبلغ دعوت اسلامی مولانا اویس رضا عطاری المدنی نے مختصراً بیان فرمایا۔افتتاح کی خصوصی دعا مبلغ دعوت اسلامی نگران سبی کابینہ حاجی غلام حیدر عطاری نے کی۔(محمد وقار عطاری ممبر کوآرڈینیشن دعوت اسلامی بلوچستان)

گزشتہ دنوں شعبہ رابطہ برائے شخصیات کے ذمہ داران نے سب انسپکٹر بہادر خان کھوکھر کے بھائی مرحوم مہر اللہ کھوکھر کے انتقال پر تعزیت کی اور فاتحہ خوانی بھی کی ۔ اس موقع پر موجود اسلامی بھائیوں کو نیکی کی دعوت پیش کرتے ہوئے صبر کی تلقین کی اور شرکاء سابق ایس ایچ او بھاگ ناڑی، موجودہ سی آئی اے انچارج ڈھاڈر سے ملاقات بھی کی۔ (رپورٹ: شعبہ رابطہ برائے شخصیات بلوچستان ریجن)

دعوتِ اسلامی کی مجلس رابطہ برائے شخصیات کے زیر  اہتمام گزشتہ دنوں ڈسٹرکٹ قصور ، پولیس تھانہ کوٹ رادھاکشن میں شب برات کے موقع پر محفل کا انعقاد کیا گیا جس میں SHO پولیس ، انچارج انویسٹیگیشن ، ملازمین اور سول سوسائٹی کے افراد نے بھی شرکت کی۔

محفل شب برات میں ثناء خوانی کی گئی اور مبلغِ دعوتِ اسلامی محمد شکیل عطاری نے سنتوں بھرا بیان کیا ۔ دعا پر اجتماع کا اختتام ہوا جس میں خصوصی طور پر شہداء پولیس کیلئے دعا کا سلسلہ ہوا ۔

شعبہ اطراف کابینہ دعوتِ اسلامی کے زیر اہتمام 9 اپریل 2021 ء قائم خان ودھیہ میں نگران سکھر زون  کا جدول ہوا ۔ اس موقع پر جمعہ اعتکاف کیا۔ جمعۃ المبارک میں بیان کیا۔ مدنی حلقہ لگایا شرکاء رمضان المبارک کے روزے رکھنے، عشراور ٹیلی تھون کے حوالے سے ذہن سازی کی۔(رپورٹ: اختیار احمد عطاری)