دعوتِ اسلامی کے مرکزی جامعۃالمدینہ فیضانِ مدینہ میرپورخاص میں 11 ستمبر 2022ء بروز اتوار فری طبی کیمپ کا انعقاد کیا گیا جس میں میرپورخاص سندھ کے ڈاکٹرز نے اساتذۂ کرام، طلبۂ کرام اور فیضانِ مدینہ کے اسٹاف کا فری چیک اپ کیا اور انہیں ادویات دیں۔

اس دوران ذمہ دار اسلامی بھائیوں نے ڈاکٹرز کو دنیا بھر میں ہونے والی دعوتِ اسلامی کی دینی و فلاحی خدمات کے بارے میں آگاہی دیتے ہوئے مختلف شعبہ جات کا تعارف کروایا۔

اس کے علاوہ ڈاکٹر حضرات نے ماہانہ فری میڈیکل کیمپ کا انعقاد کرنے، دعوتِ اسلامی کے ہفتہ وارسنتوں بھرے اجتماع میں شرکت کرنے، مدنی قافلے میں سفر کرنے اور ہفتہ وار مدنی مذاکرہ دیکھنے کی اچھی اچھی نیتیں کیں۔

بعدازاں ڈاکٹرز کے لئے سیکھنے سکھانے کا حلقہ لگایا گیا جس میں صوبائی ذمہ دار مولانا محسن عطاری مدنی نے سنتوں بھرا بیان کیا۔(رپورٹ:محمد محسن مدنی عطاری، کانٹینٹ:غیاث الدین عطاری)

10 ستمبر 2022ء بروز ہفتہ دعوتِ اسلامی کے مرکزی جامعۃالمدینہ فیضانِ مدینہ لطیف آباد حیدر آباد 4 نمبر میں فری طبی کیمپ کا انعقاد کیا گیا جس میں حیدر آباد سندھ کے ڈاکٹرز نے اساتذۂ کرام و طلبۂ کرام کا فری چیک اپ کیا اور انہیں ادویات دیں۔

اس موقع پر ذمہ دار اسلامی بھائیوں نے ڈاکٹرز کو مختلف شعبہ جات کا تعارف کرواتے ہوئے انہیں دنیا بھر میں ہونے والی دعوتِ اسلامی کی دینی و فلاحی خدمات کے بارے میں آگاہی دی۔

مزید ڈاکٹر حضرات نے ماہانہ فری میڈیکل کیمپ کا انعقاد کرنے، دعوتِ اسلامی کے ہفتہ وارسنتوں بھرے اجتماع میں شرکت کرنے، مدنی قافلے میں سفر کرنے اور ہفتہ وار مدنی مذاکرہ دیکھنے کی اچھی اچھی نیتیں کیں۔

9 ستمبر 2022ء بروز جمعہ دعوتِ اسلامی کے تحت شعبہ فیضان آن لائن اکیڈمی کے نگران مولانا یاسر عطاری مدنی نے رکنِ شعبہ عبد الوحید اعظم عطاری اور صوبائی ذمہ دار مولانا عامر سلیم عطاری مدنی کے ہمراہ پاکستان کے شہر جہلم میں قائم نیو برانچ فیضان آن لائن اکیڈمی کا وزٹ کیا۔

اس دوران ذمہ دار اسلامی بھائیوں نے برانچ کے تعمیراتی کاموں کا جائزہ لیتے ہوئے مزید ہونے والے کاموں کے بارے میں گفتگو کی اور جلد از جلد تعمیرات مکمل کرنے پر تبادلۂ خیال کیا۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

دعوت  اسلامی کے زیر اہتمام پچھلے دنوں فیصل آباد میں مدنی مشورے کا سلسلہ ہواجس میں ڈویژن، یوسی نگران اور شعبہ دارالسنہ کی اسلامی بہنوں نے شرکت کی۔

نگران عالمی مجلس مشاورت اسلامی بہن نے ’’ ذمہ داران کو اپنی اصلاح کرنی چاہیئے ‘‘سے متعلق مدنی پھول دیئے اور دارالسنہ ذمہ دار مقرر کرنے، سافٹ وئر میں کارکردگی انٹر کرنے کے حوالے سے اہداف دیئے۔ بعدازاں مختلف مسائل پر باہم مشاورت سے ان کے حل پیش کئے گئے۔آخر میں حوصلہ افزائی کے لئے تحائف بھی دیئے گئے۔

دعوت اسلامی کی جانب سے  سرگودھا میں تعلیمی شعبہ جات جامعۃ المدینہ گرلز و مدرسۃ المدینہ گرلز کا مشورہ منعقد ہوا جس میں متعلقہ شعبے کی ذمہ دار اسلامی بہنوں نے شرکت کی۔

مدنی مشورے میں نگران عالمی مجلس مشاورت اسلامی بہن نے مدرسۃ المدینہ بالغات، شارٹ کورسز اور گھر درس کے اہداف دیئے نیز دینی کام کرنے، اتحاد و اتفاق برقرار رکھنے اور ہر جگہ پردے کی پابندی رکھنے کا ذہن دیا۔آخر میں اسلامی بہنوں کو تحائف پیش کئے ۔

٭دوسری جانب سرگودھا میں شخصیات کے درمیان سیکھنے سکھانے کے حلقے کا انعقاد ہواجس میں مختلف لیڈی ڈاکٹرز اور مختلف شعبہ جات سے تعلق رکھنے والی شخصیات خواتین نے شرکت کی۔ نگران عالمی مجلس مشاورت اسلامی بہن نے ’’ وقت کی اہمیت‘‘ کے موضوع پر سنتوں بھرا بیان کیا اور وقت کو اچھے کاموں میں گزارنے کی ترغیب دلاتے ہوئے شارٹ کورسز کرنے اور مدرسۃ المدینہ بالغات میں پڑھنے نیز ہفتہ وار اجتماع میں شرکت کرنے کا ذہن دیا۔

پاکستان بھر میں قائم دعوتِ اسلامی کے شعبہ مدرسۃالمدینہ گرلز کے بواب (خادمین) اسلامی بھائیوں کے لئے بذریعہ ویڈیو لنک تربیتی نشست کاانعقاد کیا گیا جس میں کراچی کے اسلامی بھائیوں نے عالمی مدنی مرکز فیضانِ مدینہ کراچی میں شرکت کی۔

اس تربیتی نشست میں مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے اسلامی بھائیوں کی دینی و اخلاقی اعتبار سے تربیت کی۔

بعدازاں رکنِ شوریٰ نے بواب اسلامی بھائیوں کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوتِ  اسلامی کے تحت پچھلے دنوں گجرانوالہ ڈویژن تا یوسی سطح کی نگران اسلامی بہنوں کا مدنی مشورہ ہوا جس میں شعبہ مدرسۃ المدینہ بالغات، شارٹ کورسز ذمہ دار ، فیضانِ اسلام کی اراکین اور صوبہ پنجاب کی ذمہ دار اسلامی بہنوں نے شرکت کی۔

اس مشورے میں ذمہ داران کی تنظیمی نکات پر تربیت کی گئی اور اسلامی بہنوں کی طرف سے کئے گئے سوالات کے جوابات دیئے گئے نیز گلی گلی مدرسۃ المدینہ بڑھانے کے اہداف دیئے۔ آخر میں حوصلہ افزائی کے لئے تحائف دیئے۔

٭دوسری جانب نگران عالمی مجلس مشاورت اسلامی بہن نے گجرانوالہ کے یوسی میں گھر گھر جا کر اسلامی بہنوں پر انفرادی کوشش کرتے ہوئے ہفتہ وار سنتوں بھرے اجتماع میں شرکت کا ذہن دیتے ہوئے مدنی پھول پیش کئے اور اسلامی بہنوں سے اچھی اچھی نیتیں کروائیں ۔

دعوت اسلامی کے زیر اہتمام  پچھلے دنوں گجرانوالہ کے علاقے نیو سیٹلائٹ ٹاؤن میں مدنی مشورہ ہوا جس میں ڈویژن تا یوسی سطح کی نگران سمیت گلی گلی مدرسۃ المدینہ کی ذمہ دار اسلامی بہنوں نے شرکت کی۔

نگران عالمی مجلس مشاورت اسلامی بہن نے مدنی مشورے میں کارکردگی وقت پر جمع کروانے، ماتحت سے رابطے مضبوط رکھنے نیز سافٹ وئیر میں ڈیٹا محفوظ رکھنے سے متعلق تربیت کی۔ علاوہ ازیں احساسِ ذمہ داری کے ساتھ دینی کام کرنے اور بانئ دعوتِ اسلامی امیر اہل سنت دامت برکاتہم العالیہ کی قربانیاں بتا کر مزید دینی کام کرنے کا ذہن دیا۔ آخر میں مختلف اہداف دیئے مثلاً: نئے مقامات پر ہفتہ وار اجتماع شروع کرنا، گلی گلی مدرسۃ المدینہ بالغات قائم کرنا اور حوصلہ افزائی کے لئے تحائف دیئے گئے۔

دعوتِ اسلامی کے زیرِاہتمام 9 ستمبر 2022ء بروز جمعہ عید میلاد النبی ﷺ کے سلسلے میں مدنی مشورے کا انعقاد کیا گیا۔

تفصیلات کے مطابق مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مدنی مرکز فیضانِ مدینہ فیصل آباد میں تمام شعبہ جات کے نگران و ذمہ داران سے 12 ربیع الاول کو ہونے والے سنتوں بھرے اجتماعات اور جلوسِ میلاد کے حوالے سے گفتگو کی۔

تفصیلات کے مطابق آج 10ستمبر2022ء  کو دعوتِ اسلامی کے عالمی مدنی مرکز فیضانِ مدینہ کراچی میں قائم اسلامک ریسرچ سینٹر، دعوتِ اسلامی( المدینۃ العلمیۃ) کی برانچ میں تربیتی سیشن کا سلسلہ ہوا جس میں دعوتِ اسلامی کی مرکزی مجلسِ شوریٰ کے رکن حاجی فضیل عطاری نے سنتوں بھرا بیان فرمایا۔

تربیتی سیشن میں نگرانِ مجلس مولانا آصف خان عطاری مدنی اور المدینۃ العلمیۃ کے اسکالرز نے شرکت کی سعادت حاصل کی۔

اس موقع پر رکنِ شوریٰ نے تقوے کی تعریف بیان کرتے ہوئےشرکا کو تقویٰ و پرہیزگاری اختیار کرنے کا ذہن دیا۔

انہوں نے کہا کہ مرحوم رکنِ شوریٰ حاجی زم زم عطاری فرمایا کرتے تھے ” ہم دعوتِ اسلامی کے دینی ماحول سے وابستہ ہوگئے شیطان ہمیں روک نہ سکا، ہم نے داڑھی رکھ لی شیطان ہمیں روک نہ سکا، ہم نے عمامہ شریف کا تاج سرپر سجالیا شیطان ہمیں روک نہ سکا ، مگر نیک اعمال کا رسالہ پُر کرنے سے شیطان ہمیں روک دیتا ہے، حالانکہ یہ زیادہ وقت طلب کام نہیں، ہم گھر بیٹھے بآسانی اس کو فِل fill کرسکتے ہیں لیکن شیطان ہمیں اپنا محاسبہ نہیں کرنے دیتا۔

ان کا مزید کہنا تھا کہ” نیک اعمال“ کا رسالہ ایسا آئینہ ہے جو ہمیں ہمارا باطن دِکھاتا ہے کہ ہم اندر سے کیسے ہیں؟۔ یہ رسالہ ہمیں متقی بناتا ہے، ہمیں آنکھوں، کانوں اور زبان کی حفاظت کا ذہن دیتا ہے، نمازی بنانے میں معاون و مددرگار ثابت ہوتا ہے۔ خود احتسابی نہایت اہم ہے، ہمیں اپنا محاسبہ کرتے رہنا چاہیئے اور اس کے لئے ” نیک اعمال“ کا رسالہ نہایت اہمیت کا حامل ہے۔

رکنِ شوریٰ نے بیان کے دوران اچھی نیت کی اہمیت پرروشنی ڈالتے ہوئے شرکا کو ہر جائز کام سے پہلے اچھی اچھی نیتیں کرنے کا ذہن دیا۔

سیشن کے اختتام پر المدینۃ العلمیۃ کے اسکالرز نے رکنِ شوریٰ سے ملاقات بھی کی۔ 

9 ستمبر 2022ء بروز جمعہ ضلع لیہ پنجاب کے مدنی مرکز فیضانِ مدینہ میں دعوتِ اسلامی کے زیرِ اہتمام ایک میٹنگ منعقد ہوئی جس میں شعبہ ڈونیشن بکس کے ڈویژن و ڈسٹرکٹ ذمہ داران، کوآرڈینیٹرز  اور سپروائزز سمیت آفس کے اسلامی بھائیوں نے شرکت کی۔

دوارانِ میٹنگ مبلغِ دعوتِ اسلامی نے سابقہ میٹنگ میں طے کئے ہوئے دینی کاموں کی کارکردگی کا جائزہ نیز دعوتِ اسلامی کے 12 دینی کاموں بالخصوص ذمہ داران سمیت دیگر عاشقانِ رسول کو مدنی قافلوں میں سفر کرونے اور نیک اعمال رسالے جمع کروانے کے حوالے سے اہداف دیئے۔

اسی طرح مبلغِ دعوتِ اسلامی نےمیٹنگ میں شریک اسلامی بھائیوں سے اگست 2022ء کی کارکردگی کا جائزاہ لیا جبکہ ستمبر 2022ء کے اہداف طے کئے جس پر ذمہ دار اسلامی بھائیوں نے اچھی اچھی نیتوں کا اظہا ر کیا۔

بعدازاں ڈی جی خان ڈویژن کے نگران نے بھی اسلامی بھائیوں کی دینی و اخلاقی اعتبار سے تربیت کی۔ اس میٹنگ صوبائی ذمہ دار محمد زاہد بغدادی عطاری، آفس ذمہ دار سید حامد عطاری بھی شریک تھے۔اور ۔(رپورٹ: محمد شہریار عطاری سوشل میڈیا، ڈونیشن بکس پنجاب ، کانٹینٹ:غیاث الدین عطاری)

دعوتِ  اسلامی کے تحت مورخہ 5 ستمبر2022 ء بروز پیر رنگ پور ڈویژن بنگلہ دیش میں بذریعہ انٹر نیٹ مدنی مشورے کا انعقاد ہوا اس مشورے میں 8 اسلامی بہنوں نے شرکت کی۔

بنگلہ دیش ریجن نگران اسلامی بہن نے سابقہ دینی کام کی کارکردگی کا جائزہ لیااور دینی کاموں کو بڑھانے کے لئے اہداف دیئے۔ مزید اسلامی بہنوں کی طرف سے کئے گئے سوالات کے جوابات دیئے۔