بروز ہفتہ مؤرخہ 30 دسمبر 2023ء کو  دعوتِ اسلامی کے شعبہ رابطہ برائے شخصیات کے ذمہ داران نے گارڈن پولیس اسٹیشن کا دورہ کیا اور وہاں شعبہ ایف جی آر ایف کے تعاون سے شجرکاری کی جس میں ڈی ایس پی سہیل احمد خان، ایس ایچ او سید راشد علی اور دیگر افراد نے پودے لگائے۔

آخر میں ان کے آفس میں ملاقات کی۔ دوران ملاقات ذمہ داران نے پولیس افسران کو دعوت اسلامی کے دینی و فلاحی کاموں کے بارے میں بتایا اور انہیں عالمی مدنی مرکز فیضان مدینہ کا وزٹ کرنے کی دعوت دی جس پر ایس ایچ او سید راشد علی نےدعوت اسلامی کی دینی خدمات پر اچھے خیالات کا اظہار کیا۔(رپورٹ:شعبہ رابطہ برائے شخصیات، ڈسٹرکٹ ساؤتھ کراچی،کانٹینٹ:رمضان رضا عطاری) 

مؤرخہ 30 دسمبر2023ء کو  اسسٹنٹ کمشنر کورنگی عمران الحق اوران کے اسٹاف آفیسر مرتضی قائم خانی نے عالمی مدنی مرکز فیضان مدینہ کراچی کا وزٹ کیا۔

جہاں ذمہ داران نے اسسٹنٹ کمشنر اور ان کے اسٹاف آفیسر کو ویلکم کیا اور شعبہ جات کا وزٹ کروایا۔ نماز عصر کی ادائیگی کے بعد نگران آسٹریلیا رکن شوریٰ حاجی محمد امین عطاری کے درس میں شرکت کی اور آپ سے ملاقات کی ۔

بعدازاں ذمہ داران نے شخصیات کو دنیا بھر میں ہونے والے دینی اور فلاحی کاموں پر مشتمل دعوت اسلامی کی ڈاکیو منٹری دکھائی جس پر اسسٹنٹ کمشنر نے دعوت اسلامی کے متعلق اچھے تاثرات پیش کئے۔(رپورٹ: غلام محبوب عطاری ڈسٹرکٹ کورنگی ذمہ دار، کانٹینٹ:رمضان رضا عطاری)

دعوتِ اسلامی کے شعبہ  رابطہ برائے شخصیات ذمہ داران کی دعوت پر مؤرخہ 30 دسمبر2023ء کو چیئرمین ماڈل ٹاؤن ظفر علی خان اور ڈائریکٹر سینیٹیشن نیئر رضا، ڈائریکٹر انفارمیشن سعد خان نے فیضان مدینہ کراچی کا دورہ کیا۔

اس موقع پر شعبہ رابطہ برائے شخصیات کے ذمہ داران نے شخصیات کو خوش آمدید کہا اور ان کو فیضان مدینہ میں قائم چند شعبہ جات کا وزٹ کروایا نیز دعوت اسلامی کا تعارف پیش کیا جبکہ دینی وفلاحی کاموں کی ڈاکیومنٹری بھی دکھائی جس پر انہوں نے دینی کاموں کے اس انداز پر خوشی کا اظہار کیا۔(رپورٹ: غلام محبوب عطاری ڈسٹرکٹ کورنگی، کانٹینٹ:رمضان رضا عطاری)

1 جنوری  2024ء بروز پیر پنجاب کے شہر منڈی واربرٹن میں مین فیروز وٹواں روڈ بالمقابل واپڈا دفتر پر واقع 10 مرلہ کے پلاٹ پر عاشقانِ رسول کی دینی تحریک دعوتِ اسلامی کے شعبہ خدام المساجد والمدارس المدینہ کے تحت جامع مسجد فیضانِ عائشہ صدیقہ کا سنگِ بنیاد رکھا گیا۔

مسجد کے سنگ بنیاد کے موقع پر رکنِ شوریٰ حاجی محمد اظہر عطاری نے مسجد کی پہلی اینٹ رکھی اور دعائے خیر فرمائی۔ بعدازاں رکنِ شوریٰ نے ”مسجد بنانے کے فضائل اور مسجد آباد کرنے“ کے موضوع پر سنتوں بھرا بیان کیا ۔

رکنِ شوریٰ نے شرکا کو مساجد کی آباد کاری میں نیکی کی دعوت کے ذریعے اپنا حصہ ملانے کا ذہن دیا اور دعوتِ اسلامی کے شعبہ جات کا تعارف کرواتے ہوئے ان کو ہفتہ وار اجتماع میں شرکت کرنے کی ترغیب دلائی۔

مزید رکنِ شوریٰ نے شرکا کو بتایا کہ ان شا اللہ عزوجل یہ مسجد ڈبل اسٹوری بنائی جائے گی اور اس میں بیک وقت تقریباً 350 نمازی سجدہ ریز ہوسکیں گے ۔

سنگِ بنیاد کی اس تقریب میں مبلغِ دعوتِ اسلامی حاجی نصر اقبال عطاری ،امیر سنی علماکونسل واربرٹن مولانا اشفاق احمد رضوی صاحب ، سابق مشیر وزیر اعلیٰ پنجاب رانا محمد ارشد ، نائب صدر مسلم لیگ ن ڈسٹرکٹ ننکانہ محمود احمد قاضی ، بزنس مین عمران رشید ، سماجی شخصیت رانا شفیق عباد،دعوتِ اسلامی کے ذمہ داران اور دیگر عاشقانِ رسول نے شرکت کی۔(رپورٹ: محمد رمضان عطاری مدنی مدرس جامعۃ المدینہ امینیہ رضویہ واربرٹن، کانٹینٹ:رمضان رضا عطاری)

فیضانِ مدینہ فیصل آباد میں 31 دسمبر 2023ء  کو نگران پاکستان مشاورت نے مدرسۃالمدینہ و جامعۃالمدینہ بوائز کا مدنی مشورہ لیا۔ اس مدنی مشورے میں دونوں شعبوں کے ڈویژن ناظمین اور سٹی ذمہ داران سمیت دیگر ذمہ داراسلامی بھائیوں نے شرکت کی۔

نگران پاکستان مشاورت و رکنِ شوریٰ حاجی محمد شاہد عطاری نے جامعۃالمدینہ و مدرسۃالمدینہ بوائزفیصل آباد میں بجلی کے اخراجات کو کنٹرول کرنے کے لئے سولر سسٹم کے نظام کو نافذ کرنے کے بارے میں گفتگو کی جس پر ذمہ داران نے اس بارے میں اپنے تجربات بھی پیش کئے جبکہ ان کے نفاذ پر نگران پاکستان مشاورت نے اپنے قیمتی مدنی پھول بھی دیئے۔(رپورٹ:عبدالخالق عطاری فیصل آباد،کانٹینٹ:رمضان رضا عطاری)

پنجاب  فیصل آباد کے علاقہ 8 چک میں نیو سوسائٹی ڈیپارٹمنٹ کے تحت 29 دسمبر 2023ء کو ایک اسلامی بھائی کے گھر شخصیات کا مدنی حلقہ منعقد کیا گیا جس میں ڈویلپرز، تاجران و ذمہ داران نے شرکت کی ۔

مدنی حلقے کی ابتدا تلاوتِ قرآن پاک و نعتِ رسول ﷺ سے ہوئی پھر نگرانِ پاکستان مشاورت و رکنِ شوریٰ حاجی محمد شاہد عطاری نے سنتوں بھرا بیان کیاجس میں نیکی کرنے اور نیکی کی دعوت دینے کے بارے میں ذہن سازی کی نیز سنتوں پر عمل کرنے کے حوالے سے بھی مدنی پھول دیئے۔

اختتام پر نگران پاکستان مشاورت نے دعا فرمائی اور اسلامی بھائیوں سے ملاقات کی۔(رپورٹ:عبدالخالق عطاری فیصل آباد،کانٹینٹ:رمضان رضا عطاری)

22 دسمبر 2023ء  کو پنجاب فیصل آباد میں ایک اسلامی بھائی کے گھر شخصیات میں مدنی حلقے کا اہتمام ہوا جس میں سیاسی و سماجی شخصیات کے ساتھ تاجران و ذمہ داراسلامی بھائیوں نے شرکت کی ۔

نگرانِ پاکستان مشاورت و رکنِ شوریٰ حاجی محمد شاہد عطاری نے سنتوں بھرا بیان کیاجس میں نیکی کرنے اور نیکی کی دعوت دینے کے بارے میں ذہن دیا نیز سنتوں پر عمل کرنے کے حوالے سے مدنی پھول بھی ارشاد فرمائے ۔

علاوہ ازیں نگران پاکستان مشاورت نے اسلامی بھائیوں کے سروں پر عمامہ بھی سجایا ۔آخر میں دعا فرمائی اور اسلامی بھائیوں سے ملاقات بھی کی۔(رپورٹ:عبدالخالق عطاری فیصل آباد،کانٹینٹ:رمضان رضا عطاری)

شعبہ مدرسۃ المدینہ بالغان کےتحت  2 جنوری 2024ء کو عالمی مدنی مرکز فیضانِ مدینہ کراچی میں مدرسین کا اجتماع ہوا جس میں ڈسٹرکٹ اور ٹاؤن ذمہ داران سمیت ناظمین و مدرسین نے شرکت کی ۔

کراچی سٹی ذمہ دار قاری محمد حسان عطاری اور مبلغین نے مدرسین کی شعبہ مدرسۃ المدینہ بالغان کی JD's(جاب ڈسکرپشن)،ای ایس ایس اپلیکیشن،خود کفالت،مدرسین کے کام،مسائل و تدارک اور 12 دینی کاموں کے حوالے سے تربیت کی۔(رپورٹ: ڈسٹرکٹ ذمہ دار عبدالباسط عطاری مدنی،کانٹینٹ:رمضان رضا عطاری)

دعوتِ اسلامی کی مرکزی مجلس شوریٰ میں ایک نئے رکن شوری کا اضافہ

یوکے نگران حاجی خالد عطاری نئے رکن شوریٰ مقرر

تفصیلات کے مطابق 02 جنوری کو یوکے مشاورت کے مدنی مشورے کے دوران دعوتِ اسلامی کی مرکزی مجلس شوریٰ کےنگران مولانا حاجی محمد عمران عطاری نے اعلان کیا کہ دعوتِ اسلامی کی مرکزی مجلس شوریٰ میں ایک نئے رکن کا اضافہ ہورہا ہے۔ ان کا نام ہے” حاجی خالد عطاری “ (نگران U.K)

اس وقت حاجی خالد عطاری U.K کے نگران کی حیثیت سے دینی کاموں میں مصروفِ عمل ہیں۔

واضح رہے کہ دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری اس وقت دینی کاموں کے سلسلےمیں یوکے کے دورے پر ہیں جبکہ رکن شوریٰ حاجی عبدالحبیب عطاری نے بھی ان کویوکے میں جوائن کرلیا ہے ۔

حاجی خالد عطاری کے اضافے کے بعد نگران شوریٰ سمیت دعوتِ اسلامی کی مرکزی مجلس شوریٰ کے اراکین کی تعداد 28 ہوگئی ہے۔

نگران شوریٰ :

مولانا حاجی محمد عمران عطاری

اراکین شوریٰ:

حاجی شاہد عطاری ،حاجی عبدالحبیب عطاری ،حاجی امین عطاری ،حاجی یعفور رضا عطاری ،حاجی وقارالمدینہ عطاری ،حاجی اطہر عطاری ،حاجی اسلم عطاری، قاری ایاز عطاری ،حاجی رفیع عطاری ،حاجی امین قافلہ عطاری ،قاری سلیم عطاری ،حاجی علی عطاری ، عبدالوہاب عطاری، حاجی سید ابراہیم عطاری،حاجی عقیل عطاری ،حاجی شاہد عطاری مدنی ،حاجی سید لقمان عطاری ،حاجی فضیل رضا عطاری ،حاجی اسد عطاری مدنی، حاجی اظہر عطاری ،حاجی جنید عطاری مدنی،حاجی فاروق جیلانی عطاری ،حاجی بغداد عطاری ،حاجی منصور عطاری ،حاجی برکت علی عطاری، حاجی عارف عطاری (ہند)،حاجی خالد عطاری (یوکے)۔

اسلام کے عقائد و نظریات دنیا بھر کے  لوگوں تک پہنچانے والی عاشقانِ رسول کی دینی تحریک دعوتِ اسلامی کے زیرِاہتمام 30 دسمبر 2023ء کو برطانیہ میں قائم Majestic Conference & Banqueting Centre 208-216 Witton lane Birmingham B6 6QEمیں جامعۃ المدینہ انٹرنیشنل افیئرز کے ”Graduation Ceremony “ کا انعقاد کیا گیا جس میں علمائے کرام، شخصیات اور مقامی عاشقانِ رسول کی کثیر تعداد نے شرکت کی۔

Graduation Ceremony کے آغاز میں تلاوتِ قراٰن کی گئی اور نعت خواں اسلامی بھائیوں نے حضور خاتم النبیین صلی اللہ علیہ و سلم کی بارگاہِ اقدس میں نذرانۂ عقیدت پیش کئے۔

دورۂ برطانیہ میں موجود دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کیا جس میں انہوں نے وہاں موجود شرکا کو علمِ دین حاصل کرنے، اپنے علم پر عمل کرنے اور دعوتِ اسلامی کے دینی و فلاحی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔

آخر میں وہ لمحہ بھی آیا جب نگرانِ شوریٰ مولانا حاجی محمد عمران عطاری اور برطانیہ کے دیگر علمائے کرام نے اس سال 2023ء میں جامعۃ المدینہ انٹرنیشنل افیئرز سے فارغ التحصیل ہونے والے 18 علمائے کرام کے سروں پر عمامہ شریف باندھا جبکہ نگرانِ شوریٰ نے اختتامی دعا کروائی۔

اس موقع پر UK کے نگران خالد عطاری، شعبہ FGRF UK کے نگران حاجی سیّد فضیل رضا عطاری اوردینی کاموں کے سلسلے میں پاکستان سے UK آئے ہوئے جامعۃ المدینہ بوائز کراچی کے ذمہ دار مولانا سیّد ساجد عطاری مدنی بھی موجود تھے۔(کانٹینٹ:غیاث الدین عطاری)

عالمی مدنی مرکز فیضان ِمدینہ کراچی میں 30 دسمبر 2023ء کو کفن دفن کورس ہوا جس میں مختلف مقامات سے آئے ہوئے بارہ ماہ مدنی قافلے کے عاشقان رسول نے شرکت کی ۔

ایسٹ ذمہ دارعزیر عطاری نے کورس میں شریک اسلامی بھائیوں کو غسل میت دینے کا طریقہ بتایا نیز کفن کاٹنے اور پہنانے کا عملی طریقہ کرکے سمجھایا جبکہ نمازِ جنازہ اور تدفین کے متعلق اسلامی تعلیمات سے آگاہی بھی دی۔آخر میں شعبے کے تعارف پر مشتمل مسلم فیونرل ایپلی کیشن ڈاؤن لوڈ کروائی۔(کانٹینٹ:رمضان رضا عطاری ) 

دعوت اسلامی  کے تحت نیکی کی دعوت پہنچانے کی نیت سے فرحان پریس قائد اعظم ٹرک اسٹینڈ نیو ماڑی پور میں مدنی حلقہ کا سلسلہ ہوا جس میں وہاں کام کرنے والے اسلامی بھائیوں کی شرکت ہوئی۔

ڈسٹرکٹ سینٹرل ذمہ دار عبد الوہاب عطاری نے ”علم دین کی فضیلت“ کے موضوع پر بیان کیا اور وہاں موجود عملے کو ہفتہ وار سنتوں بھرے اجتماع میں شرکت کرنے کی دعوت بھی دی جس پر انہوں نے بھلے جذبات کا اظہار کیا۔اس موقع پر ڈسٹرکٹ کیماڑی ذمہ دار محمد ظہیر عطاری مدنی بھی موجود تھے۔(کانٹینٹ:رمضان رضا عطاری)