ملتان و بہاولپور ڈویژن کے شفٹ اور  برانچ ناظمین کا ماہانہ مدنی مشورہ ہوا جس میں ڈویژن ذمہ دار للبنات ہوم کلاسز قاری راشد عطاری نے مدنی مشورہ کرنے کی اہمیت و افادیت پر کلام کیا۔

بعدازاں صوبائی ذمہ دار مولانا عامر سلیم عطاری مدنی نے شرکا کو مزید افراد تیار کرنے کے حوالے سے بریفنگ دی اور اپنے شعبے اور تحریک کے لئے با صلاحیت ،بااثر افراد تیار کر کے دینے کا ذہن دیا۔

ساتھ ساتھ ملتان و بہاولپور ڈویژن کے ذمہ دار مولانا غلام عباس عطاری مدنی نے منیجمنٹ کے اسلامی بھائیوں کو مختلف مدنی پھول دیئے جن میں درجات بڑھانے کے حوالے سے تربیت کی اور اہداف دیئے نیز دینی کاموں کو مزید بہتر بنانے اور گھریلو صدقہ بکس کی تعداد بڑھانے کے متعلق نکات بھی بتائے جبکہ ہفتہ وار اجتماع میں شرکت کرنے اور روزانہ 2 اسلامی بھائیوں کو دعوت دینے کی ترغیب دلائی۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

پچھلے دنوں نگران مجلس فیضان آن لائن اکیڈمی گرلزسید غلام الیاس عطاری مدنی و اراکین مجلس نے  حیدرآباد ڈویژن میں لطیف آباد نمبر 05 میں زیرِ تعمیرنیو برانچ کا وزٹ کیا جس میں نگران مجلس نے وہاں موجود ذمہ داران کو برانچ کی تعمیرات کے حوالے سے مدنی پھول و اہداف دیئے۔ (رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

دعوتِ اسلامی کے شعبہ  فیضان آن لائن اکیڈمی بوائز کےتحت مدنی مرکز فیضانِ مدینہ کراچی میں ٹریننگ سیشن کا انعقاد کیا گیا جس میں فیضان آن لائن اکیڈمی کراچی کے مفتشین و معاونین کو بلایا گیا تھا۔

شعبے کےتفتیش ذمہ دار سید انس عطاری نے تجوید لیول 3 پر مفتشین و معاونین کی تربیت کی۔بعدازاں رکن مجلس و صوبائی ذمہ دار مولانا تبریز عطاری مدنی نے دینی کاموں و شعبے میں مزید بہتری لانے کے حوالے سے شرکاکو مدنی پھول دیئے اور اسلامی بھائیوں کی جانب سے کئے جانے والے سوالات کے جوابات دیئے۔ (رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

خیر خواہی امت کا جذبہ رکھنے والی عاشقانِ رسول کی دینی تحریک دعوت اسلامی کے فلاحی شعبے  ایف جی آر ایف کی کاوشوں سے 27 دسمبر 2023ء کو پنڈی بھٹیاں میں تھیلیسیمیا کے مریضوں کےلئے بلڈ کیمپ کا انعقاد کیا گیا۔

اس موقع پر اہلِ علاقہ نے تھیلیسیمیا کے مریضوں سے اظہار ہمدردی کرتے ہوئے اپنے بلڈ عطیہ کئے، تقریباً 50 بلڈ بیگز عطیہ ہوئے۔ یادرہے! اس ایک ماہ کے دورانیے میں ڈسٹرکٹ حافظ آباد میں دعوتِ اسلامی کے تحت یہ چوتھا بلڈ کیمپ تھا۔

ڈسٹرکٹ نگران حافظ آباد مولانا محمد وسیم عطاری ، ایس ایچ او سٹی پنڈی بھٹیاں علی حسنین گجر، منیجر خوشحالی بینک پنڈی بھٹیاں رانا صفدر اقبال اور سوشل ورکر پنڈی بھٹیاں رائے عاصم علی کھرل نے خصوصی شرکت کی اور دعوت اسلامی کی اس کاوش کو خوب سراہا۔(رپورٹ: محمد مدثر عطاری ، شعبہ رابطہ برائے شخصیات و FGRF ڈسٹرکٹ حافظ آباد،کانٹینٹ:رمضان رضا عطاری)

26 دسمبر 2023ء  کو دعوتِ اسلامی کے شعبہ تحفظ اوراقِ مقدسہ کے تحت آن لائن مدنی مشورہ ہوا جس میں رکنِ شوریٰ ابو ماجد حاجی محمد شاہد عطاری مدنی نے شعبہ کے اسلامی بھائیوں کی سابقہ دینی کاموں کی کارکردگی کاجائزہ لیا اور انہیں آئندہ کے اہداف دیئے جس پر اسلامی بھائیوں نے عمل کرنے کی اچھی اچھی نیتوں کا اظہار کیا۔( کانٹینٹ: رمضان رضا عطاری مدنی )

23 دسمبر 2023ء کو    نیکی کی دعوت دینے کے سلسلے میں رکن شوریٰ مولانا حاجی عبدالحبیب عطاری کی آمد کے موقع پر ڈسٹرکٹ لودہراں میں مدنی حلقے کا انعقاد کیا گیا۔ مدنی حلقہ میں سیدپیررفیع الدین شاہ صاحب ( MPA سجادۂ نشین آستانہ عالیہ مہرآبادشریف )سمیت دیگر بااثر شخصیات کی بھی شرکت ہوئی۔

رکنِ شوریٰ نے شخصیات کو دعوت اسلامی کا تعارف کروایا جس میں انہیں ملک و بیرون ممالک میں ہونے والے دینی و فلاحی کاموں کے متعلق آگاہی دی اور ان کو بھی دینی کام کاموں میں بڑھ چڑھ کا حصہ لینے کا ذہن دیا ۔

ساتھ ساتھ رکن شوریٰ عبد الحبیب عطاری نے ہفتہ وار اجتماع میں شرکت کرنے کی دعوت بھی دی جس پر انہوں نے خوشی کا اظہار کرتے ہوئے بھلے جذبات کا اظہار کیا۔آخر میں شخصیات سے ملاقات بھی کی۔ (رپورٹ : شہزاد عطاری شعبہ رابطہ برائے شخصیات پنجاب آفس ، کانٹینٹ: رمضان رضا عطاری مدنی )

تحصیل قائدآباد، ڈسٹرکٹ خوشاب، ڈویژن سرگودھا میں  نیکی کی دعوت دینے کے سلسلے میں پرنس آف دامن مہاڑ میاں طاہر منیر اعوان، پرنس آف دامن مہاڑ میاں امجد منیر اعوان اورسیکیورٹی انچارج قائدآباد محمد مشتاق خان سے صوبائی ذمہ دار پنجاب محمد لیاقت عطاری نے ملاقات کی۔

محمد لیاقت عطاری نے شخصیات کو دنیا بھر میں ہونے والے دعوت اسلامی کے دینی سلسلوں کے متعلق بتایا اور ان کو ہفتہ وار اجتماع میں شرکت کرنے کی دعوت بھی دی جس پر انہوں نے دعوت اسلامی کے حوالے سے مثبت تاثرات کاا ظہار کیا اور اجتماع میں شرکت کرنے کی یقین دہانی کروائی۔(رپورٹ: شان حسنین عطاری محمد نثار عطاری کوآرڈینیشن ڈیپارٹمنٹ،کانٹینٹ:رمضان رضا عطاری)

ملتان میں 27 دسمبر 2023ء  کو دعوت اسلامی کے شعبہ رابطہ برائے شخصیات کےسٹی ذمہ دارحاجی محمدمسعودعطاری نے سیکیورٹی مجلس ذمہ دارعبدالرزاق عطاری اور ٹاؤن ذمہ دارمحمد خالدعطاری کےہمراہ نئےتعینات ہونیوالےCPOصادق علی ڈوگر اور ایڈیشنل ڈپٹی کمشنرجنرل محمدسیف سےملاقات کی ۔

سی پی اوصاحب کوملتان پوسٹنگ پردعوت اسلامی کی جانب سےویلکم کیااور انہیں فیضان مدینہ ملتان میں جمعرات کو منعقد ہونے والے ہفتہ وار اجتماع میں شرکت کرنے کی دعوت پیش کی ۔

علاوہ ازیں سٹی ذمہ دارنے 4جنوری کو ملتان سےبراہِ راست مدنی چینل پر نشر ہونے والے اجتماع کی سیکیورٹی انتظامات میں تعاون کرنے کی درخواست بھی کی جس پر انہوں نے دینی اجتماع میں تعاون کرنے کی اچھی نیت کا اظہار کیا۔(رپورٹ:شعبہ رابطہ برائے شخصیات دعوتِ اسلامی ملتان سٹی، کانٹینٹ:رمضان رضا عطاری)

26 دسمبر2023ء  کو شعبہ رابطہ برائے شخصیات دعوت اسلامی کے تحت ذمہ داران نے ٹاؤن چئیرمین پریٹ آباد عدنان رشید صاحب سے ملاقات کی ۔

دورانِ ملاقات دعوت اسلامی کی دینی و فلاحی خدمات پر بات چیت ہوئی اورذمہ داران نے ٹاؤن چئیرمین عدنان رشید صاحب کو مدنی مرکز فیضان مدینہ کا وزٹ کرنے کی دعوت پیش کی۔ (رپورٹ:شعبہ رابطہ برائے شخصیات حیدرآباد میٹرو پولیٹین،کانٹینٹ:رمضان رضا عطاری)

عاشقانِ رسول کی دینی تحریک  دعوت اسلامی کے زیرِ اہتمام 26 دسمبر 2023ء کو شعبہ رابطہ برائے شخصیات کے ذمہ دار حاجی یعقوب عطاری نے کلفٹن ٹاؤن نگران خالد عطاری کے ہمراہ ایس ایچ او کھارادر سے ملاقات کی ۔

دوران گفتگو حاجی یعقوب عطاری نے ایس ایچ او کھارادر کو دعوت اسلامی کاتعارف کروایا اور ان کو مدنی مرکز فیضان ِ مدینہ کا وزٹ کرنے کی دعوت دی جس پر انہوں نے دعوت اسلامی کی کاوشوں کو سراہتے ہوئے نیک خیالات کا اظہار کیا۔

٭بعدازاں حاجی یعقوب عطاری نے ڈائریکٹر جنرل پارک کے آفس میں پی ایس ٹو ڈائریکٹرآزاد خان صاحب سے ملاقات کی اور پچھلے دنوں ذہنی آزمائش سیزن 15 جو کہ فریئر ہال میں منعقد ہوا تھا اس میں کے ایم سی کے تعاون پر شکریہ ادا کیا اور انہیں تحفہ پیش کیا ۔(رپورٹ: محمد مدثر عطاری شعبہ رابطہ برائے شخصیات ڈسٹرکٹ حافظ آباد،کانٹینٹ:رمضان رضا عطاری)

بلڈ کیمپ کے سلسلے میں 26 دسمبر 2023ء  کو پنڈی بھٹیاں میں شعبہ رابطہ برائے شخصیات دعوت اسلامی کےتحت تحصیل نگران اسلامی بھائی نے دیگر ذمہ داران کے ساتھ ملکر مختلف سرکاری اداروں کا وزٹ کیا ۔

دوران وزٹ تحصیل نگران اسلامی بھائی نے افسران (اسسٹنٹ کمشنر پنڈی بھٹیاں ، ڈی ایس پی سرکل پنڈی بھٹیاں راشد اقبال ، ایس ایچ او سٹی پنڈی بھٹیاں احسان ظفر سندھو ، ریسکیو 1122 پنڈی بھٹیاں علی حسنین ،تحصیل دار پنڈی بھٹیاں اور سی او میونسپل کارپوریشن پنڈی بھٹیاں)سے ملاقاتیں کیں۔

دورانِ گفتگو شخصیات کو ذمہ دار اسلامی بھائی نے اتھارٹی پرسنز کو دعوت اسلامی کے تحت پنڈی بھٹیاں میں شعبہ ایف،جی ،آر،ایف کی جانب سے تھلیسیمیاں کے مریضوں کی مدد کے لئے متعلقہ اداروں کو بلڈ ڈونیٹ کے لئے لگائے جانے والے کیمپ کا دورہ کرنے کی دعوت دی جس پر انہوں نے خدماتِ دعوت اسلامی کو سراہتے ہوئے کیمپ کا دورہ کرنے کی نیت کاا ظہار کیا۔(رپورٹ: محمد مدثر عطاری شعبہ رابطہ برائے شخصیات ڈسٹرکٹ حافظ آباد،کانٹینٹ:رمضان رضا عطاری)

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقانِ رسول کو اس ہفتے 17 صفحات کا رسالہ ”شراب کی بوتل“ پڑھنے /سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یا ربَّ المصطفٰے! جو کوئی 17صفحات کا رسالہ ”شراب کی بوتل“پڑھ یا سُن لے اُسےجنت الفردوس میں جگہ نصیب فرما اور ماں باپ سمیت اُس کی مغفرت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download