دعوتِ اسلامی کی مجلس مدنی کورسز کے زیر ِاہتمام مدنی مرکز فیضانِ مدینہ منڈی موڑ پاکپتن شریف میں 63 دن کا مدنی تربیتی کورس کا سلسلہ جاری ہے۔

دوران ِکورس تربیتی سیشن ہوا جس میں نگران شعبہ مدنی کورسز محمد طارق عطاری نے شرکا کی تربیت کی اور ایمان کی حفاظت کا ذہن دیتے ہوئے ایمان کی حفاظت کے ذرائع اور مُرشِد کامل کے حوالے سے مدنی پھول بیان کیا۔(رپورٹ: محمداحمدسیالوی عطاری، رکن شعبہ مدنی کورسز)

اسلامی بہنوں کے شعبے  علاقائی دورہ کے زیر ِاہتمام گزشتہ دنوں ملتان زون کی ایک کابینہ میں علاقائی دورہ کا سلسلہ ہوا جس میں علاقائی دورہ زون ذمہ داراسلامی بہن نے خصوصی شرکت کی۔

مبلغہ ٔ دعوتِ اسلامی نے علاقائی دورے میں گھر گھر جا کر اسلامی بہنوں کو سنتوں بھرے اجتماع میں شریک ہو کر بیان سننے، نبی کریمﷺ کی سنتیں سیکھنے اور اپنی مُشکلات اور پریشانیوں کے حل کے لئے اجتماعی دعامیں شامل ہونے کا ذہن دیا۔

تفصیل

دعوتِ اسلامی کی مجلس مدنی کورسز کے زیر ِاہتمام مدنی مرکز فیضان مدینہ منڈی موڑ پاکپتن شریف میں فیضان ِنماز کورس کا سلسلہ جاری ہے۔

دوران ِکورس یکم فروری 2021ء کو مدنی حلقہ ہوا جس میں نگران شعبہ مدنی کورسز محمد طارق عطاری نے شرکا کی تربیت کی اور انہیں مُعلِّم کی خصوصیات، ٹیچرز کا انداز،معلم اور شرکا کو 12 دینی کاموں میں شرکت کا اندازبتایا۔(رپورٹ: محمداحمدسیالوی عطاری، رکن شعبہ مدنی کورسز)

اَلْحَمْدُ لِلّٰہِ عَزَّ وَجَلَّ! دعوتِ اسلامی کے تحت 2021ء کے ماہ رجب المرجب اور شعبان المعظم کے تیسرے ہفتے میں ڈویژن سطح پر اسلامی بہنوں کے لئے شخصیات اجتماعات منعقد ہوں گے۔ان اجتماعات میں جنّت سے متعلق معلومات دی جائیں گی۔ مثلاً:جنّت کیا ہے؟ آٹھ جنّتوں کے نام،جنّتِ عدن کیا ہےاور اس کی نعمتیں،جنّت الفردوس کس کے لئے ہے؟،جنّت کی سب سے بڑی نعمت،صحابیات و صالحات کا راہ ِخدا میں خرچ کرنے کا جذبہ،اصلاح ِامّت میں دعوتِ اسلامی کا کردار،دعوت ِ اسلامی آپ کے مال کی امین وغیرہ۔

لہٰذا جواسلامی بہنیں علمِ دین سے مستفیض ہونے کی خواہشمند ہیں وہ اپنے اپنے ڈویژن میں ہونے والے شخصیات اجتماع میں ضرور شرکت فرمائیں اور ڈھیروں اجر و ثواب کمائیں۔

دعوتِ اسلامی کے شعبہ روحانی علاج للبنات کے زیر ِاہتمام  گزشتہ دنوں کراچی صدیق آباد میں ذمہ دار اسلامی بہنوں کا مدنی مشورہ ہوا جس میں شعبہ روحانی علاج کی زون سطح اور بستہ ذمہ دار اسلامی بہنوں نے شرکت کی۔

روحانی علاج ریجن سطح ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور ڈونیشن بکس اور صدقہ بکس کی کارکردگی بڑھانے کا ذہن دیا نیز شعبے کے دینی کاموں کو مزید بڑھانے اور اس میں بہتری لانے کے حوالے سے نکات فراہم کئے۔

 دعوتِ اسلامی کے شعبہ شارٹ کورسز کے زیرِ اہتمام گزشتہ دنوں کلفٹن کابینہ میں 2 مقامات پر فیضان ِنماز کورس کا انعقاد کیا گیا جن میں کم و بیش 45 اسلامی بہنوں نے شرکت کی۔

مبلغاتِ دعوتِ اسلامی نے سنتوں بھرے بیانات کئے اور کورس میں شریک اسلامی بہنوں کو نماز کا عملی طریقہ، نماز کے شرائط و فرائض سمیت پاکی اور ناپاکی کے مسائل بھی سکھائے نیز ہفتہ وار سنتوں بھرے اجتماع میں شرکت کرنےاور مزید کورسز کرنے کی نیتیں بھی کیں۔

مدنی مذکرے میں امیرِاہل ِسنت دامت برکاتھم العالیہ کی بارگاہ سے تلاوتِ قراٰن پاک کی ترغیب ملنے پر جامعات المدینہ گرلز کی 32 طالبات نے بعدِ مغرب تا فجر مکمل قراٰن ِپاک تلاوت کرنے کی سعادت حاصل کی۔

1 طالبہ نے 3دن میں مکمل قراٰن ِپاک تلاوت کرنے کی سعادت حاصل کی نیز 2 طالبات نے بعدِفجرتامغرب قراٰن ِپاک کے 15 پارے تلاوت کرنے کی سعادت حاصل کی اور 1طالبہ نے نمازِ مغرب تا فجر قراٰنِ پاک کے 21پارے تلاوت کرنے کی سعادت حاصل کی ۔

دعوتِ اسلامی کے شعبہ اصلاحِ اعمال للبنات کے زیرِ اہتمام گزشتہ دنوں لیاری کابینہ میں اصلاحِ اعمال اجتماع  کا انعقاد کیا گیا جس میں 50 اسلامی بہنوں نے شرکت کی۔

اصلاح ِاعمال کی کابینہ مشاورت اسلامی بہن نے نیتوں کی اہمیت کے موضوع پر بیان کرتے ہوئے اجتماعِ پاک میں شریک اسلامی بہنوں کو یوم ِقفل مدینہ مناتے ہوئے خاموش شہزادہ رسالہ پڑھنے کا ذہن دیا نیز عاملاتِ نیک اعمال بننے کی ترغیب دلائی۔

دعوتِ اسلامی کے شعبہ اصلاحِ اعمال للبنات کے زیرِ اہتمام گزشتہ دنوں بلدیہ کابینہ میں 5 مقامات پر اصلاحِ اعمال اجتماعات کا انعقاد کیا گیاجن میں عوام و ذمہ دار اسلامی بہنوں  سمیت 104 اسلامی بہنوں نے شرکت کی ۔

مبلغاتِ دعوتِ اسلامی نے سنتوں بھرے بیانات کئے اور اجتماعات میں شریک اسلامی بہنوں کو رسالہ نیک اعمال کے بارے میں معلومات فراہم کرتے ہوئے عاملاتِ نیک اعمال بننے کا ذہن دیا۔

دعوتِ اسلامی کے شعبہ اصلاحِ اعمال للبنات کے زیرِ اہتمام کراچی کورنگی کے ڈویژن لکھنوؤں میں اصلاح ِاعمال اجتماع کا انعقاد کیا گیا جس میں 16 اسلامی بہنوں نے شرکت کی۔

اصلاحِ اعمال کی ڈویژن مشاورت اسلامی بہن نے ”شکر“ کے موضوع پر سنتوں بھرا بیان کیا اور اجتماعِ پاک میں شریک اسلامی بہنوں کو رسالہ نیک اعمال پر عمل کرنے اور آئندہ ماہ بھی اصلاح ِاعمال اجتماع میں شرکت کرنے کی ترغیب دلائی۔

15 دسمبر 2020ء سے شروع ہونے والا سلسلہ ”ذہنی آزمائش سیزن 12“ اپنے اختتام کو پہنچا۔

ذہنی آزمائش سیزن 12 کا گرینڈ فائنل5فروری 2021ء بروز جمعۃ المبارک جناح اسٹیڈیم سیالکوٹ میں منعقد ہوا جس میں سرگودھا اور گوجرانوالہ کی ٹیموں کے درمیان مقابلہ رہا۔ ہزاروں عاشقان رسول نےذہنی آزمائش کا گرینڈ فائنل دیکھنے کے لئے جناح اسٹیدیم کا رُخ کیا جبکہ پروگرام کی میزبانی مذہبی اسکالر رکن شوریٰ مولانا حاجی عبد الحبیب عطاری فرمارہے تھے۔دونوں ٹیموں کے درمیان انتہائی دلچسپ مقابلے کے بعد سرگودھا کی ٹیم میدان اپنے نام کرنے میں کامیاب ہوگئی۔

اختتام پر دونوں ٹیموں کی زبردست حوصلہ افزائی کی گئی اور انہیں عمرے کے ٹکٹس و دیگر تحائف پیش کئے گئے۔اس موقع پر اراکین شوریٰ حاجی محمد اظہر عطاری، حاجی وقار المدینہ عطاری، حاجی منصور رضا عطاری، نگران ریجن برمنگھم حاجی سید فضیل رضا عطاری اور نگران مجلس پروفیشنل محمد ثوبان عطاری سمیت سیاسی و سماجی شخصیات بڑی تعداد میں شریک تھیں۔