دعوت اسلامی کے تحت 28 جنوری 2022 ء کو نگرانِ ضلع قصور حاجی نعیم نے تحصیل پتوکی کادورہ کیا اس دورے میں مدرسۃ المدینہ ،ملانوالہ کی نئی شاخ اور جامعۃ المدینہ کا وزٹ کیا جس میں طلبہ کرا م کے درمیان سنتوں بھرا بیان کیا اور لنگر ِ صدیق اکبر تقسیم کی، پتوکی کے ذمہ داران کا مدنی مشورہ کیا، فیضان عشق رسول مسجد اور پھول نگر تحصیل پتوکی فیضان مدینہ کے ہال کا سنگ بنیاد رکھا ، دارالمدینہ و جامعۃ المدینہ گرلز کی بلڈنگ کا وزٹ کیا ۔(رپورٹ: علی ریاض عطاری مجلس سیکیورٹی ڈیپارٹمنٹ)

شعبہ میڈیا ڈیپارٹمنٹ  کے تحت نواب شاہ میں صحافیوں کے ساتھ ملاقات

میڈیا ڈپارٹمنٹ نواب شاہ کابینہ: میڈیا ڈیپارٹمنٹ( دعوتِ اسلامی) ڈسٹرکٹ شہید بینظیر آباد کے تحت ڈسٹرکٹ ذمہ داران نے تعلقہ پریس کلب قاضی احمد کاوزٹ کیا اور وہاں موجود صحافیوں کو نیکی کی دعوت پیش کی۔

اس موقع پر میڈیا ڈپارٹمنٹ کے ڈسٹرکٹ ذمہ دار قاری محمدراشد عطاری نے صحافیوں کو درود پاک کے فضائل کے متعلق بتایا اور کہا کہ درود شریف کی کثرت کرنے والے کو قیامت کے دن ہر قسم کی سختیوں سے محفوظ رکھا جائے گا اور بروز قیامت درود شریف پڑھنے والے خوش نصیب سے آقا کریم صلی اللہ علیہ وآلہ وسلم مصافحہ فرمائیں گے۔

ذمہ دار نے صحافیوں کو حقوق اللہ وحقوق العباد کے متعلق بھی بتایا اور کہا کہ پنج وقتہ نماز کی پابندی کے ساتھ ساتھ نوافل کی کثرت بھی کرنی چاہیئے اور حقوق العباد کے حوالے سے ذمہ دار اسلامی بھائی نے صحافیوں کو حدیث پاک کا مفہوم بتاتے ہوئے کہا کہ اللہ پاک کے آخری نبی حضرت محمدِ عَرَبی صلَّی اللہ علیہ واٰلہٖ وسلَّم نے اِرشاد فرمایا : مسلمان وہ ہے جس کی زبان اور ہاتھ سے دوسرے مسلمان کو تکلیف نہ پہنچے۔

ذمہ دار کا مزید کہنا تھا کہ صحافت کا شعبہ عظیم پیشہ ہے اس شعبے سے وابستہ ہوکر اپنے قلم اور زبان سے دین اسلام کا پرچار بہترین انداز میں کرسکتے ہیں جبکہ معاشرے میں برائیوں کے خاتمے کے حوالے سے بھی اپنا کردار ادا کرسکتے ہیں۔

اس کے علاوہ ذمہ داران نے اُنہیں دعوتِ اسلامی کے مختلف شعبہ جات کا تعارف پیش کرتے ہوئے دنیابھر میں دعوتِ اسلامی کے دینی و فلاحی کاموں کے متعلق کی جانےوالی خدمات کےحوالےسےبریفنگ دی اور 2020 ءکی لاک ڈاؤن میں تھیلیسیمیا کے مریض بچوں کو بلڈ ڈونیٹ کرنے اور آقا کریم کی دکھیاری امت کی خیر خواہی کرنے کے حوالے سے دعوتِ اسلامی کی خدمات کے متعلق بتایا اور آخر میں صحافی اسلامی بھائیوں کو مکتبۃ المدینہ کے رسائل تحفے میں پیش کئے۔

بعدازاں تعلقہ پریس کلب قاضی احمد کے صدر ممتاز علی جتوئی ، غلام مصطفیٰ چانڈیو ،غلام حیدر انڑ ،ممتاز علی سومرو ،اشفاق احمد راجپوت اور دیگر نے دعوتِ اسلامی کی دینی و فلاحی خدمات کو خوب سراہا نیز ڈسٹرکٹ ذمہ دار نے صحافیوں کو دعوتِ اسلامی کے عالمی مدنی مرکز فیضانِ مدینہ کراچی وزٹ کی دعوت دی ،جوکہ صحافیوں نے قبول کی اور خوشی کا اظہار کیا۔( رپورٹ: قاری محمدراشد عطاری میڈیا ڈیپارٹمنٹ)

عاشقان رسول کی عالمگیر دینی تحریک دعوت اسلامی جس طرح بڑے اسلامی بھائیوں میں تعلیم و تربیت اور نیکی کی دعوت کو عام کررہی ہے۔ ویسے ہی بچوں کو بھی معاشرے کا اچھا، باصلاحیت اور باکردار فرد بننے کے لئے وسائل پیدا کررہی ہے جس کے لئے دعوت اسلامی نے اب تک پاکستان میں چار مقامات پر شعبہ فیضان اسلامک اسکول سسٹم کی برانچز قائم کردی ہے۔ ان برانچز میں انتہائی مناسب فیسوں میں پری نرسری سے لے کر تیسری کلاس تک بچوں، بچیوں کو دینی و دنیاوی تعلیم فراہم کی جارہی ہے۔

شعبہ فیضان اسلامک اسکول سسٹم نے اپنے مقصد کو مزید آگر بڑھاتے ہوئے بلوچستان کے شہر حب میں پہلاکیمپس قائم کردیا ہے۔

کیمپس کا باقاعدہ آغاز 27 جنوری 2022ء کو ہوا۔ فیضان اسلامک اسکول سسٹم کے افتتاح کے موقع ایک تقریب کا انعقاد کیا گیا جس میں حب سٹی کے عاشقان رسول اورمقامی ذمہ داران نے شرکت کی۔

مرکزی مجلس شوریٰ کے رکن حاجی محمد اطہر عطاری نے سنتوں بھرا بیان کیا اور ٹیچرز کو قیمتی مشوروں سے نوازتے ہوئے دعا فرمائی۔

نوٹ: اسکول کے آغاز میں پری نرسری سے لے کر ٹو کلاسز تک کےایڈمیشن جاری ہے۔

کیمپس کی نمایاں خصوصیات:

٭تعلیم اور تربیت کا حسین امتزاج ٭قومی نصاب کے متعلق آسان تعلیمی نصاب ٭کشادہ کلاس رومز ٭Activity Based Learning کا خصوصی اہتمام ٭تربیت یافتہ اساتذۂ کرام

کیمپس کا ایڈریس:

مکان نمبر 267، مین آر سی ڈی روڈ، نزد سری بیکری، حب سٹی، لسبیلہ، بلوچستان

فون نمبر: 03182836925

دعوت اسلامی کے شعبہ ماہنامہ فیضان مدینہ کے نگران مولانا مہروز عطاری مدنی نے نگران شعبہ تقسیم رسائل سید حسنین عطاری کے ہمراہ 27 جنوری 2022ء کو صوبہ سندھ کے شہر سکھر کا دورہ کیا جہاں انہوں نے مدارس المدینہ، مختلف مارکیٹس، ہفتہ وار اجتماع اور مساجد میں بیانات  کئے اور ذمہ داران کے ساتھ مدنی مشورہ کیا جن کی تفصیلات درج ذیل ہیں:

٭سکھر میں قائم جامعۃ المدینہ بوائز میں طلبہ اور اساتذۂ کرام دینی حلقے کا انعقاد کیا گیا جس میں مولانا مہروز عطاری نے سنتوں بھرا بیان کیا اور شرکا کو ”ماہنامہ فیضان مدینہ“سالانہ بکنگ کروانے اور اس کا مطالعہ کرنے کی ترغیب دلائی۔

٭سکھر کے مدارس المدینہ کے اسٹاف سے ملاقات کی اور انہیں ”ماہنامہ فیضان مدینہ“سالانہ بکنگ کروانے اور اس کا مطالعہ کرنے کا ذہن دیا۔

٭سکھر کی مختلف مارکیٹوں میں تاجروں کے درمیان دینی حلقے کا انعقاد کیا جس میں مولانا مہروز عطاری مدنی نے سنتوں بھرا بیان کیا کرتے ہوئے تاجروں کو ”ماہنامہ فیضان مدینہ“سالانہ بکنگ کروانے اور اس کا مطالعہ کرنے کی ترغیب دلائی۔

٭مولانا مہروز عطاری نے بعد نماز عصر غریب آباد کی مسجد میں بھی بیان کیا جس میں شرکا کو ”ماہنامہ فیضان مدینہ“سالانہ بکنگ کروانے اور اس کا مطالعہ کرنے کی ترغیب دلائی گئی۔

٭بعد نماز مغرب سکھر میں ہونے والے ہفتہ وار اجتماع میں مولانا مہروز عطاری مدنی نے سنتوں بھرا بیان کیا۔ بعد اجتماع دینی حلقے کا انعقاد کیا گیا جس میں شرکا کو ”ماہنامہ فیضان مدینہ“سالانہ بکنگ کروانے اور اس کا مطالعہ کرنے کی ترغیب دلائی گئی۔

٭سکھر میں ڈویژن، ڈسٹرکٹ نگران اور دیگر ذمہ داران کا مدنی مشورہ ہوا جس میں مولانا مہروز عطاری مدنی نے ”ماہنامہ فیضان مدینہ “کی سالانہ بکنگ کے حوالے سے مشاورت کی اور باہم تبادلۂ خیال کیا۔

ماہنامہ فیضان مدینہ کے نگران مولانا مہروز عطاری مدنی نے شعبہ تقسیم رسائل کے نگران سید حسنین عطاری کے ہمراہ  26 جنوری 2022ء کو صوبہ بلوچستان کے شہر ڈیرہ اللہ یار اور نصیر آباد کا دورہ کیا جہاں انہوں نے شخصیات سے ملاقاتیں کیں، ذمہ داران کا مدنی مشورہ لیا اور مختلف مقامات پر بیانات فرمائے جن کی تفصیلات درج ذیل ہیں۔

٭مدرسۃ المدینہ کے اسٹاف کے درمیان دینی حلقے کا انعقاد کیا گیا جس میں مولانا مہروز عطاری مدنی نے شرکا کو ”ماہنامہ فیضان مدینہ“سالانہ بکنگ کروانے اور اس کا مطالعہ کرنے کی ترغیب دلائی۔

٭مولانا مہروز عطاری نے جامعۃ المدینہ بوائز کے طلبہ و اساتذۂ کرام کے دینی حلقے کا انعقاد کیا گیا جس میں مولانا مہروز عطاری مدنی نے شرکا کو ”ماہنامہ فیضان مدینہ“سالانہ بکنگ کروانے اور اس کا مطالعہ کرنے کی ترغیب دلائی۔

٭ شعبہ تقسیمِ رسائل کے صوبائی اور ڈسٹرکٹ ذمہ داران سے مولانا مہروز عطاری نے ملاقات کی اور شرکا کو خود بھی ”ماہنامہ فیضان مدینہ“ کا مطالعہ کرنے اور اس سالانہ بکنگ کے لئے بھر پور کوشش کرنے کی ترغیب دلائی۔

٭مولانا مہروز عطاری مدنی نے بلوچستان کے صوبائی نگران قاری انور عطاری سے ملاقات کی۔ ملاقات میں ”ماہنامہ فیضان مدینہ“ کی سالانہ کو بکنگ کو بڑھانے کے حوالے سے مشاورت ہوئی اور اہداف طے کئے گئے۔

٭ان شہروں میں شخصیات اور تاجروں کے درمیان دینی حلقے کا انعقاد کیا گیا جس میں مولانا مہروز عطاری مدنی نے شرکا کو ”ماہنامہ فیضان مدینہ“کا مطالعہ کرنے اور اس کی سالانہ بکنگ کروانے کی ترغیب دلائی۔

شعبہ میڈیا ڈیپارٹمنٹ دعوت اسلامی کے زیر اہتمام 31 جنوری 2022ء ڈویژن ذمہ دار بابر مصطفٰے نے دیگر ذمہ داران کے ہمراہ پریس کلب رحیم یار خان کا دورہ کیا جہاں انہوں نے جنرل سیکرٹری بلال حبیب اور صدر پریس کلب جاوید سے ملاقات کی۔

ڈویژن ذمہ دار نے انہیں نیکی کی دعوت پیش کی اور دعوت اسلامی کے شعبہ جات کا تعارف پیش کرتے ہوئے بالخصوص FGRFکے بارے میں بریفنگ دی۔

29 جنوری 2022ء بروز ہفتہ پاکستان کے شہر سکھر میں دعوتِ اسلامی کے شعبہ مدنی قافلہ کے تحت مدنی مشورے کا اہتمام ہوا جس میں مقامی ذمہ داراسلامی بھائیوں نے شرکت کی۔

دورانِ مدنی مشورہ نگرانِ شعبہ حاجی مشکور عطاری نے شعبے کے دینی کاموں کے حوالے سے گفتگو کرتے ہوئے 4، 5، 6 فروری 2022ء کو تین دن اور 11 فروری 2022ء کو صوبۂ سندھ سے سفر کرنے والے ایک ماہ کےمدنی قافلوں کے اہداف طےکئے۔

اس کے علاوہ نگرانِ شعبہ نے دیگر ذمہ داران کے ہمراہ خیر پور میں بذریعہ مدنی چینل مدنی مذاکرے میں شرکت کی۔بعدازاں کم و بیش 4 اسلامی بھائیوں نے 12 ماہ مدنی قافلے میں سفر کرنے کی اچھی اچھی نیتیں کیں۔(رپورٹ:حارث عطاری شعبہ مدنی قافلہ، کانٹینٹ:غیاث الدین عطاری)

پچھلے دنوں پاکستان کے شہر نواب شاہ میں دعوتِ اسلامی کے شعبہ مدنی قافلہ کے تحت مدنی مشورے کا اہتمام ہوا جس میں مقامی ذمہ داراسلامی بھائیوں نے شرکت کی۔

اس مدنی مشورے میں نگرانِ شعبہ مدنی قافلہ حاجی مشکور عطاری نے شعبے کے دینی کاموں کے حوالے سے گفتگو کرتے ہوئے 4، 5، 6 فروری 2022ء کو تین دن اور 11 فروری 2022ء کو صوبۂ سندھ سے سفر کرنے والے ایک ماہ کے مدنی قافلوں کے اہداف طےکئے۔

اسی طرح نواب شاہ کے علاقے غوثیہ کی ایک مسجد میں مدنی قافلہ اجتماع منعقد ہوا جس میں مبلغِ دعوتِ اسلامی نے سنتوں بھرا بیان کرتے ہوئے عاشقانِ رسول کی دینی و اخلاقی اعتبار سے تربیت کی۔

بعدازاں کم و بیش 8 اسلامی بھائیوں نے ایک ماہ اور کثیر عاشقانِ رسول نے تین دن کے مدنی قافلوں میں سفر کرنے کی اچھی اچھی نیتیں کیں۔

مزید نگرانِ شعبہ نے نواب شاہ ڈسٹرکٹ کے نگران سے سال 2022ء میں سفر کرنے والے مدنی قافلوں کی پلاننگ پر تفصیلی کلام کیا۔(رپورٹ:حارث عطاری شعبہ مدنی قافلہ، کانٹینٹ:غیاث الدین عطاری)

دعوتِ اسلامی کے شعبہ مدنی قافلہ کے تحت پنجاب پاکستان کے ضلع ڈیرہ غازی خان میں سنتوں بھرے اجتماع کا انعقاد کیا گیا جس میں کثیر تعداد میں اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن ابوماجد حاجی محمد شاہد عطاری مدنی نے’’ شانِ صدیقِ اکبر رضی اللہ عنہ‘‘ کےموضوع پر سنتوں بھرا بیان کرتے ہوئے اسلامی بھائیوں کو راہِ خدا عزوجل میں سفر کرنے کا ذہن دیا جس پر عاشقانِ رسول نے اچھی اچھی نیتوں کا اظہار کیا۔اس کے علاوہ رکنِ شوریٰ نے چند اسلامی بھائیوں کے سروں پر عمامہ شریف باندھا ۔

بعدازاں کم و بیش 6 مدنی قافلے سفر پر روانہ ہوئے جن میں شعبہ محبتیں بڑھاؤ کے 2 مدنی قافلے، شعبہ اوراقِ مقدسہ کا 1 مدنی قافلہ، شعبہ روحانی علاج کا 1 مدنی قافلہ اور مقامی اسلامی بھائیوں کے 2 مدنی قافلے شامل تھے۔(رپورٹ:بدر منیر عطاری شعبہ مدنی قافلہ سوشل میڈیا پنجاب، کانٹینٹ:غیاث الدین عطاری)

پچھلے دنوں قائد آباد ٹاؤن کراچی میں جزوقتی فیضانِ نماز کورس کا انعقاد کیا گیا جس میں اسٹوڈنٹس اور تاجران سمیت کثیر عاشقانِ رسول نے شرکت کی۔

دورانِ کورس 29 جنوری 2022ء بروز ہفتہ جزوقتی مدنی کورسز ذمہ داران مولانا صدام عطاری مدنی اور قاری نفیس عطاری نے شرکائے کورس کی تربیت کرتے ہوئےانہیں نماز کا عملی طریقہ سکھایا نیز اذکارِ نماز کے حوالے سے بھی بتایا۔(رپورٹ: قاری محمد ناصر رضا عطاری شعبہ مدنی کورسز ڈسٹرکٹ ذمہ دار، کانٹینٹ:غیاث الدین عطاری)

شعبہ اصلاحِ اعمال دعوتِ اسلامی کے زیرِ اہتمام 30 جنوری 2022ء بروز اتوار کراچی کی ایک جامع مسجد میں تہجد اجتماع کا انعقاد کیا گیا جس میں نئے پرانے ذمہ دارانِ دعوتِ اسلامی سمیت دیگر اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے شرکائے اجتماع کی تربیت و رہنمائی کی اور انہیں نیک اعمال رسالے کے ذریعے اپنے اعمال کا جائزہ لینے کا ذہن دیا۔(رپورٹ:شیراز عطاری شعبہ اصلاح اعمال کراچی، کانٹینٹ:غیاث الدین عطاری)

پچھلے دنوں پنجاب پاکستان کی تحصیل کلورکوٹ ضلع بھکر کے پپلاں روڈ پر واقع جامعۃ المدینہ بوائز میں حضرت سیّدنا صدیق اکبر رضی اللہ عنہ کے عرس کے سلسلے میں عظیم الشان اجتماع کا اہتمام کیا گیا جس میں طلبۂ کرام اور اُن کے سرپرستوں سمیت شخصیات نے شرکت کی۔

اس دوران جامعۃ المدینہ بوائز کے اساتذہ نے ’’شانِ صحابۂ کرام و سیرت ِحضرت سیّدنا صدیق اکبر رضی اللہ عنہم‘‘ کے موضوع پر سنتوں بھرے بیانات کئے جبکہ طلبہ نے مناقبِ ِحضرت سیّدنا صدیق اکبر رضی اللّہ عنہ پیش کیں۔(رپورٹ:محمد اسد اللہ عطاری مدنی پرنسپل جامعۃ المدینہ تحصیل کلورکوٹ ضلع بھکر، کانٹینٹ:غیاث الدین عطاری)