دعوت اسلامی  کی مرکزی مجلس شوریٰ کے رکن حاجی منصور رضا عطاری اور دیگر عاشقان رسول نیکی کی دعوت کی دھومیں مچاتے ہوئے مکینن روڈ ممباسہ (Mombasa) کینیا (Kenya) پہنچے جہاں انہوں نے حضرت سید باغ علی شاہ رحمۃُ اللہِ علیہ کے مزار شریف پر حاضری دی۔

زائرین نے صاحب مزار کے ایصالِ ثواب کے لئے فاتحہ خوانی اور دعائیں کیں۔

دعوت اسلامی کی مرکزی مجلس شوریٰ کے رکن حاجی منصور رضا عطاری نے عاشقان رسول کے ہمراہ کینیا (Kenya) کے شہر ممباسہ (Mombasa) کی طرف مدنی قافلے میں سفر کیا۔

دوران قافلہ 9جنوری 2023ء کو مدنی حلقے کا سلسلہ ہوا جس میں رکن شوریٰ حاجی منصور رضا عطاری نے شرکائے قافلہ کی تربیت کی اور 12 دینی کام کرنے کا ذہن دیا۔

6 جنوری 2023ء کو دعوت اسلامی کے زیر اہتمام آسٹریلیا (Australia) کے شہر لیکیمبا (Lakemba)میں محفل نعت کا انعقاد کیا گیا جس میں اسٹوڈنٹس نے شرکت کی۔

مبلغ دعوت اسلامی نے سنتوں بھرا بیان کیا اور شرکا کو سیرت مصطفٰے صلَّی اللہ علیہ واٰلہٖ وسلَّم کے مطابق زندگی گزانے کی ترغیب دلائی۔

8 جنوری 2023ء کو دعوت اسلامی کے زیر اہتمام آسٹریلیا (Australia) کے شہر ایڈیلیڈ (Adelaide)کی مقامی مسجد میں ”نماز جنازہ کورس“ کروایا گیاجس میں مقامی عاشقان رسول نے شرکت کی۔

مبلغ دعوت اسلامی نے شرکا کو نماز کے احکام، نماز جنازہ کی دعا، فرائض و واجبات اور دیگر مسائل سکھائے اور انہیں درست طریقے سے نماز جنازہ ادا کرنے کی ترغیب دلائی۔

9 جنوری 2023ء کو دعوت اسلامی کے تحت محلہ نظام پورہ گاؤں وار برٹن میں مسجد انوارِ مدینہ کا سنگ بنیا رکھ دیا گیا۔

اسی سلسلے میں سنتوں بھرے اجتماع کا انعقاد کیا گیا جس میں مقامی ذمہ داران اور کثیر تعدادمیں عاشقان رسول نے شرکت کی۔مرکزی مجلس شوریٰ کے رکن حاجی محمد اظہر عطاری نے ”مسجد بنانے کے فضائل و اہمیت“ کے موضوع سنتوں بھرا بیان کیا اور شرکا کو مسجد بنانے کے ساتھ ساتھ اسے عبادت کے ذریعے آباد کرنے کی ترغیب دلائی۔ آخر میں سادات کرام کے ہاتھوں مسجد کی بنیاد کے لئے اینٹیں رکھی گئیں۔

دعوت اسلامی کے زیر اہتمام 4 جنوری 2023ء کو نیدر لینڈز (Netherlands) کی غوثیہ مسجد میں ہفتہ وار learning سیشن کا انعقاد کیا گیا جس میں قرب و جوار عاشقان رسول نے شرکت کی۔

مبلغ دعوت اسلامی نے شرکا کو وضو کا سنت کا طریقہ اور مسافر کی نماز کے شرعی مسائل سکھائے۔مبلغ دعوت اسلامی نے عاشقان رسول کو سیشن میں شرکت کے لئے اپنے دوستوں کو بھی دعوت دینے کا ذہن دیا۔

دعوت اسلامی کے تحت ہالینڈ اور ترکی کے اسلامی بھائیوں سمیت 15 عاشقان رسول نے مدنی قافلے میں سفر کیا۔

دوران قافلہ 6 جنوری 2023ء کو مدنی مرکز فیضان مدینہ استنبول ترکی میں (Turkey) مدنی حلقے کا سلسلہ ہوا جس میں دعوت اسلامی کی مرکزی مجلس شوریٰ کے رکن حاجی یعفور رضا عطاری نے شرکا کی تربیت کی اور انہیں دینی کاموں میں شرکت کرنے کی ترغیب دلائی۔

بعد ازاں فیضان مدینہ استنبول میں مقامی مبلغین دعوت اسلامی کا بھی مدنی حلقہ ہوا۔

9 جنوری 2023ء کو دعوت اسلامی کے مدنی مرکز فیضان مدینہ اسلام آباد G-11 میں مدنی مشورہ ہوا جس میں I.C.Tاسلام آباد صوبائی مشاورت اور راولپنڈی ڈویژن مشاورت کے نگران اور دیگر ذمہ داران نے شرکت کی۔

رکن شوریٰ حاجی وقار المدینہ عطاری نے شرکا کی تربیت کی اور دینی کاموں کے حوالے سے گفتگو فرمائی۔ رکن شوریٰ نے سابقہ کارکردگی کا جائزہ لیتے ہوئے انہیں دینی کاموں کو مزید بڑھانےکا ذہن دیا۔ مدنی مشورے میں آئندہ کے اہداف بھی طے کئے گئے۔

گزشتہ روز نگران ڈسٹرکٹ شیخوپورہ حاجی عبد الرشید عطاری  نے دیگر ذمہ داران کے ہمراہ معروف بزنس مین سینئر نائب صدر چیمبرآف کامرس شیخوپورہ حاجی محمد زبیر کے بھائی کی وفات پران سے تعزیت کی ۔

دوران تعزیت ذمہ داران نے مرحوم کے ایصالِ ثواب کے لئے فاتحہ خوانی کی اور لواحقین کو صبر کی تلقین کی ۔(رپورٹ: اصغر علی گجر عطاری خادم کوآرڈینیشن ڈیپارٹمنٹ ڈسٹرکٹ شیخوپورہ / کانٹینٹ : محمد مصطفی انیس )

گزشتہ روز تحصیل گوجرہ ڈسٹرکٹ ٹوبہ میں سابق ایم ۔ این ۔ اے چوہدری امجد علی وڑائچ  کے ایصالِ ثواب کے لئے ختم چہلم کا اہتمام کیا گیا جس میں ڈسٹرکٹ نگران ٹوبہ قاری محمد عمر عطاری سمیت مدرسۃُ المدینہ کے طلبائےکرام نے شرکت کی۔

مبلغ دعوت اسلامی نے اس موقع پر سنتوں بھرا بیان کیا اور مرحوم کے ایصالِ ثواب کے لئے فاتحہ خوانی و دعائے مغفرت کی جبکہ چہلم میں ایم ۔این ۔اے ۔کمالیہ ریاض فتیانہ، ایم ۔این ۔اے ۔چوہدری خالد جاوید وڑائچ گوجرہ، ایم ۔پی ۔اے ۔و سابق صوبائی وزیر چوہدری بلال اصغر وڑائچ گوجرہ ،چوہدری سجاد احمد وڑائچ صادق آباد ،ایم ۔پی ۔اے ۔سعید احمد سعیدی ٹوبہ اور کثیر تعداد میں مذہبی ،سیاسی ،سماجی و کاروباری شخصیات نے شرکت کی۔(رپورٹ: کوآرڈینیشن ڈیپارٹمنٹ تحصیل گوجرہ ڈسٹرکٹ ٹوبہ / کانٹینٹ : محمد مصطفی انیس )

گزشتہ روز تحصیل جہلم کے نواحی علاقے یوسی ناڑہ میں عاشقانِ رسول کی دینی تحریک دعوتِ اسلامی کے تحت  شعبہ تحفظِ اوراقِ مقدسہ کے ذمہ داران کی کوششوں سے ایک شخصیت نے مدرسۃالمدینہ کے لئے پلاٹ وقف کر دیا۔

اس موقع پر سنتوں بھرے اجتماع کا انعقاد کیا گیا جس میں نگرانِ تحصیل جہلم پروفیسر عبد الرحمٰن عطاری نے سنتوں بھرا بیان کیااور وہاں موجود اسلامی بھائیوں کو دعوتِ اسلامی کے دینی کاموں میں عملی طور پر حصہ لینے کا ذہن دیا۔(کانٹینٹ:غیاث الدین عطاری)

دنیا بھر میں اشاعتِ دین کا کام بھرپور انداز میں کرنے والی عاشقانِ رسول کی دینی تحریک دعوتِ اسلامی کے تحت 7 جنوری 2023ء کو مدنی مرکز  فیضانِ مدینہ اسٹچفورڈ برمنگھم یوکے ((Stechford, Birmingham, UK میں ایک میٹنگ ہوئی جس میں ویسٹ مڈلینڈز UK ریجن کے ذمہ دار اسلامی بھائی شریک ہوئے۔

ابتداءً ویسٹ مڈلینڈز یوکے ریجن کے ذمہ دار سیّد عمار عطاری نے دعوتِ اسلامی کے 12 دینی کاموں کے متعلق گفتگو کرتے ہوئے مدنی قافلے کے حوالے سے کلام کیا جبکہ ویسٹ مڈلینڈز کنٹری ذمہ دار مولانا طارق عطاری مدنی نے رمضان اعتکاف اور آئندہ کے اہداف پر مشاورت کی۔

مزید ذمہ داران نے دعوتِ اسلامی کے ہفتہ وار سنتوں بھرے اجتماع نیز مقامی کمیونٹی کے درمیان دینی کام کرنے کے حوالے سے شرکا کی تربیت و رہنمائی کی جس پر انہوں نے اپنی اپنی رائے پیش کی۔(کانٹینٹ:غیاث الدین عطاری)