کسی شخص کو جس سے محبت ہوتی ہے تو وہ اس کی عادات اور اس کی بتائی ہوئی باتوں پر عمل کرنے اور اس کے منع کی گئی باتوں سے بچنے کی کوشش کرتا ہے رب تعالیٰ کے بعد ذات سب سے زیادہ محبت کی مستحق ہے وہ یقینا نبی کریم صلی اللہ علیہ وسلم ہے اور حضور سے محبت کی نشانیوں میں سے آپ کی سنتوں سے محبت اور ان پر عمل کرنا بھی ہے۔

چنانچہ امام قسطلانی رحمۃ اللہ تعالی علیہ فرماتے ہیں :سرکار صلی اللہ علیہ وآلہ وسلم کی محبت میں سے یہ بھی ہے کہ آپ کی سنت سے محبت کی جائے اور آپ کی حدیث کو پڑھا جائے۔

(المواھب اللدنیہ ،ج2،ص499)

جب نبی کریم صلی اللہ علیہ وآلہ وسلم کے محبین کا ذکر کیا جائے تو جن کی طرف سب سے پہلے ذہن جاتا ہے وہ ایسی ہستیاں ہیں جن سے اللہ تبارک و تعالی نے -وَ كُلًّا وَّعَدَ اللّٰهُ الْحُسْنٰىؕ- (سورۃ الحدید، آیت : 10)کا وعدہ فرمایا ہے جن کو رب تعالی نے رَّضِیَ اللّٰهُ عَنْهُمْ وَ رَضُوْا عَنْهُ (سورۃ التوبہ، آیت: 100 )کا مژدہ سنایا (اللہ ان سے راضی ہے اور وہ اللہ سے راضی ہیں) میری مراد صحابہ کرام کی مبارک ذات ہے جن کی سیرت میں اتباع رسول کے بہت سے ایسے واقعات ملتے ہیں کہ جن کے مطالعہ سے عقل انسانی دھنگ رہ جاتی ہے۔

حضرت عبداللہ بن عمر رضی اللہ تعالی عنہ کو دیکھا گیا کہ اپنی اونٹنی کو ایک مکان کے گرد چکر لگوا رہے ہیں ان سے اس کا سبب دریافت کیا گیا تو فرمانے لگے کہ وجہ تو مجھے بھی معلوم نہیں مگر میں نے رسول اللہ صلی اللہ علیہ وسلم کو ایسا کرتے دیکھا ہے اس لیے میں بھی ایسا کر رہا ہوں۔

(الشفاء، ج2، ص15)

انھیں کے متعلق مروی ہے کہ اتباع رسول کا اتنا اہتمام فرماتے کہ کبھی کبھی آپ کی عقل ضائع ہونے کا اندیشہ ہو نے لگتا۔(الاصابۃ الرقم ،42،4852،ص 157)

یار غار حضرت سیدنا صدیق اکبر رضی اللہ تعالی عنہ فرماتے ہیں کہ جس کام پر حضور علیہ الصلوۃ والسلام کا عمل کیا کرتے تھے میں اسے کئے بغیر نہیں چھوڑتا تھا ۔

(نسیم الریاض، ج4، ص414)

چنانچہ آپ نے اپنی وفات سے چند گھنٹے قبل اپنی شہزادی سیدہ حفصہ رضی اللہ تعالی عنہا سے دریافت فرمایا کہ حضور صلی اللہ علیہ وسلم کے کفن کے کتنے کپڑے تھے آپ کی وفات کس دن ہوئی تھی یہ سب کچھ پوچھنے کا سبب یہ تھا کہ زندگی میں تو اتباع رسول کرتے ہی رہے کہ آخری لمحات میں اور وصال کے بعد بھی اتباع رسول کرسکیں ۔

(صحیح بخاری ،کتاب الجنائز ،باب موت یوم اثنین، ج1، ص468،حدیث 1387)

حضرت اسلم رضی اللہ تعالی عنہ سے روایت ہے کہ حضرت عمر رضی اللہ تعالی عنہ نے حجر اسود کو بوسہ دیا اور فرمایا کہ میں تجھے بوسہ نہ دیتا اگر میں نے نبی کریم صلی اللہ علیہ وآلہ وسلم کو تجھے بوسہ دیتے ہوئے نہ دیکھا ہوتا۔(صحیح بخاری ،کتاب الحج، ج1، ص537 ،حدیث: 1597)

حضرت عبداللہ بن عمر رضی اللہ تعالی عنہ مکہ اور مدینہ کے درمیان واقع ایک درخت کے نیچے قیلولہ( دوپہر کا آرام) فرمانے کے لئے تشریف لے جاتے اور فرماتے کہ میرے آقا صلی اللہ علیہ وسلم بھی ایسے ہی کیا کرتے تھے۔ (الترغیب والترھیب ،ج1،ص55،حدیث: 75)

معزز قارئین کرام! ہمیں بھی ان واقعات سے سبق حاصل کرتے ہوئے نبی کریم صلی اللہ علیہ وآلہ وسلم کی سنتوں پر عمل کی بھرپور کوشش کرنی چاہیے۔

دعوت اسلامی کی مجلس مدنی کورسز  کے زیر اہتمام 31دسمبر 2020ء بروز جمعرات واہ کینٹ گرین سٹی میں کورس کا اختتام ہوا جس میں شعبہ تعلیم کے شرکاء نے شرکت کی ۔

کورس کے اختتام پر مبلغ دعوت اسلامی لیاقت عطاری نگران زون نے شرکائے شعبہ تعلیم کے درمیان علم دین پر عمل کے موضوع پر بیان کرتے ہوئے شرکا سے کہا کہ جو آپ نے سیکھا اس پر عمل کرنا ہے اپنے گھر والوں کو سیکھانا ہے نماز کی پابندی کرنی ہے جس پر حاضرین نے اپنی اچھی اچھی نیتوں کا اظہار کیا ۔(رپورٹ: محمداحمدسیالوی عطاری رکن مجلس مدنی کورسزواعتکاف)

 شعبہ فنانس ڈیپارٹمنٹ دعوت اسلامی کے زیر اہتمام 3جنوری 2021 بروز اتوار مظفرگڑھ زون آفس میں مدنی مشورے کا سلسلہ ہوا جس میں زون ذمہ داران اور نگران کابینہ سمیت مظفرگڑھ زون فنانس ڈیپارٹمنٹ کے اسلامی بھائیوں نے شرکت کی ۔

مدنی مشورے میں مبلغ دعوت اسلامی محمد اشرف عطاری نگران زون مظفرگڑھ نے شعبہ جات کی آمدن و اخراجات اور تعمیرات کے نظام کا جائزہ لیتے ہوئے کرنٹ پوزیشن اور رسید بکس واپسی و ای رسید کا نفاذ پر کلام کیا اور شرکا کو آمدن بڑھانے اور اخراجات کم کرنے کے متعلق اہم نکات دیئے ۔(رپورٹ:احمد رضا عطاری،رکن زون مالیات مظفرگڑھ زون) 

دعوت اسلامی کی مجلس تحفظ اوراق مقدسہ کے زیر اہتمام فیصل آباد چیچہ وطنی ساہیوال میں مبلغ دعوت اسلامی محمد شاہ نواز احمد عطاری نگران شعبہ تحفظ اوراق مقدسہ نے رکن زون اراکین کابینہ اور ڈویژن ذمہ داران سے ملاقات کی ۔

ملاقات میں نگران مجلس نے2020کی کارگردگی کا جائزہ لیتے ہوئے 2021 کے اہداف طے کئے جبکہ جدول رپورٹ اور بہتر کارگردگی والوں کو تحائف دئیے۔( رپورٹ : ڈاکٹرمحمد عدنان عطاری ریجن ذمہ دار فیصل آباد تحفظ اوراق مقدسہ)

حضرت علامہ  مولانامحمد الیاس عطّاؔر قادری رضوی دَامَتْ بَرَکَاتُہُمُ الْعَالِیَہ

کے دلچسپ اور علم و حکمت سے لبریز مَدَنی پھولوں پر مشتمل رسالہ

مسجد کی صفائی کی فضیلت

(مع دیگر دِلچسپ سُوال جواب )

اِس رسالے کی چندخصوصیات:

٭دیدہ زیب ودِلکش سرورق (Title) وڈیزائننگ (Designing) ٭عصرحاضرکے تقاضوں کے پیشِ نظر جدید کمپوزنگ وفارمیشن ٭عبارت کے معانی ومفاہیم سمجھنے کیلئے ’’علاماتِ ترقیم‘‘(Punctuation Marks) کا اہتمام ٭اُردو، عربی اور فارسی عبارتوں کو مختلف رسم الخط (Fonts)میں لکھنے کا اہتمام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭بعض جگہ عربی عبارات مع ترجمہ کی شمولیت ٭آیات کے ترجمہ میں کنزالایمان کی شمولیت ٭حسب ضرورت مشکل اَلفاظ پر اِعراب اور بعض پیچیدہ اَلفاظ کے تلفظ بیان کرنے کا اہتمام ٭قرآنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، اَحادیث،توضیحی عبارات، فقہی جزئیات کےحوالوں (References) کا خاص اہتمام ٭ اغلاط کوکم سے کم کرنے کیلئے پورے رسالے کی کئی بار لفظ بہ لفظ پروف ریڈنگ۔

27صفحات پر مشتمل یہ رسالہ2019ء میں تقریباً15ہزار سے زائد چھپچکاہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

Under majlis e kafan dafan for Islamic sisters in North Birmingham kafan dafan tarbiyati ijtima was held via Skype in the last week of December 2020 in English, approximately 30 sisters took part.

A muballigha of dawateislami did a bayan on the time of death, method of bathing and shrouding the deceased, ruling of Mustamal pani (used water) and israaf (wastage). The muballigha motivated the Islamic sisters to train for bathing and shrouding the deceased so they are able to when needed according to sunnah. Sisters found the slides helpful in understanding how ghusal and shrouding is done in a better way.

Positive feedback was given. Sisters who attended intend to join future kafan dafan ijtimaat to increase their knowledge on this topic.

دعوت اسلامی کے شعبہ مدرستہ المدینہ بالغات  کے زیرِ اہتمام دسمبر 2020 ءسےاسپین (Spain) کے ذیلی حلقے گوتک (Gothic) میں اسلامی بہنوں کے لئے مدرستہ المدینہ بالغات کا آغاز کیا گیا جس میں8 اسلامی بہنوں نے داخلہ لیا۔

مدرستہ المدینہ بالغات میں اسلامی بہنوں کو درست مخارج کیساتھ احسن انداز میں قرآن پاک کی تعلیم دی جارہی ہے نیز فرض علوم بھی سکھائے جا رہے ہیں۔

داخلے کی خواہشمند اسلامی بہنیں اپنے علاقے کی متعلقہ ذمہ دار اسلامی بہن نے رابطہ کریں۔

دعوت اسلامی کے شعبہ مدرستہ المدینہ بالغات  کے زیراہتمام گزشتہ دنوں اسپین (Spain) کے ڈویژن میڈرد (Madrid) میں مدرستہ المدینہ بالغات کی ذمہ دار اسلامی بہنوں کا مدنی مشورہ ہوا۔

مدرستہ المدینہ بالغات کی ڈویژن نگران اسلامی بہن نے اپنے شعبے کے دینی کاموں کو بڑھانے اور زیادہ سے زیادہ مدرستہ المدینہ بالغات کا انعقاد کرنے کے حوالے سے اہم نکات پیش کئے نیز ذمہ داراسلامی بہنوں کو اپنے مدرسے کو شیڈول کے مطابق چلانے کی ترغیب دلائی۔

دعوت اسلامی کے شعبہ مدرستہ المدینہ بالغات کے زیراہتمام دسمبر 2020ء سے اسپین (Spain) میں اسلامی بہنوں کے لئے بذریعہ اسکائپ مدرستہ المدینہ بالغات کا آغاز کیا گیا جس میں6 اسلامی بہنوں نے داخلہ لیا۔

مدرستہ المدینہ بالغات میں اسلامی بہنوں کو درست مخارج کیساتھ احسن انداز میں قراٰنِ پاک کی تعلیم دی جارہی ہے۔ دین کے ضروری مسائل بھی سکھائے جا رہے ہیں اور نماز یاد کروائی جا رہی ہے۔

داخلے کی خواہشمند اسلامی بہنیں اپنے علاقے کی متعلقہ ذمہ دار اسلامی بہن نے رابطہ کریں۔

دعوتِ اسلامی کے زیرِ اہتمام دسمبر  2020ء کے آخری ہفتے ہالینڈ( Holland) میں بذریعہ اسکائپ مقامی زبان ڈچ میں ون ڈے سیشن کا انعقاد کیا گیا جس میں روٹرڈیم( Rotterdam ) دین ہاگ ( Den Haag )کی تقریبًا 16 اسلامی بہنوں نے شرکت کی ۔

مبلغۂ دعوت اسلامی نے ڈچ زبان میں ”فضول گفتگو سے بچنے“ کےموضوع پر بیان کرتے ہوے قراٰن وحدیث کی روشنی میں فضول گفتگو کی مذمت اور غیبت کی تباہ کاریوں کے بارے میں آگاہ کیا نیز اسلامی بہنوں کو مدنی چینل دیکھنے کی ترغیب دلائی۔

دعوتِ اسلامی کے زیرِ اہتمام گزشتہ دنوں امریکہ کے شہر ہیوسٹن (Houston)میں بذریعہ اسکائپ دعائے حاجات اجتماع کا انعقاد کیا گیا جس میں 50 اسلامی بہنوں نے شرکت کی۔

مبلغۂ دعوت اسلامی نے”دعا کی قبولیت کا نسخہ“ کے موضوع پر بیان کیا اور اجتماعِ پاک میں شریک اسلامی بہنوں کو متفرق روحانی علاج اور وظائف وغیرہ بتائیں نیزروزانہ اپنےاعمال کا جائزہ لینے،دعوت اسلامی کے دینی ماحول سے منسلک رہنے اور رسالہ آدابِ دعا پڑھنے کی ترغیب دلائی۔

دعوتِ اسلامی کے زیرِ اہتمام گزشتہ دنوں کینیڈا کے شہر مونٹریال(Montreal) میں ماہانہ مدنی حلقے کا انعقاد کیا گیاجس میں نارتھ امریکہ ریجن نگران اسلامی بہن سمیت 16 اسلامی بہنوں نے شرکت کی۔

ریجن نگران اسلامی بہن نے انفرادی کوشش کے موضوع پر ترغیبی بیان کیا اور مدنی حلقے میں شریک اسلامی بہنوں کو آٹھ دینی کاموں کو مزید بڑھانےاور اس میں بہتری لانے کے حوالے سے نکات فراہم کئے۔