پچھلے دنوں اسپیشل پرسنز ڈیپارٹمنٹ دعوتِ اسلامی کے تحت  نواب شاہ شہر میں قائم گورنمنٹ اسپیشل ایجوکیشن سینٹر کے اسٹاف کے درمیان سیکھنے سکھانے کا حلقہ لگایا گیا۔

ڈیپارٹمنٹ کے صوبۂ سندھ ذمہ دار عابد حسین عطاری اور پاکستان سطح کے ذمہ دار برائے نابینا افراد حاجی محمد حنیف عطاری نے حلقے میں موجود اسٹاف کی تربیت کرتے ہوئے انہیں اسپیشل پرسنز ڈیپارٹمنٹ کا تعارف کروایا نیز جامعۃالمدینہ برائے نابینا اسلامی بھائی میں داخلوں کے لئے ملاقات کرنے پر مشاورت کی۔

اس کے علاوہ ذمہ دار اسلامی بھائیوں نے اسٹاف کو نابینا افراد کے ہمراہ مدنی قافلوں میں سفر کرنے اور ہفتہ وار سنتوں بھرے اجتماع میں شرکت کرنے کا ذہن دیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں  دعوتِ اسلامی کے تحت فیصل آباد سٹی میں قائم اسپیشل ایجوکیشن بلاینڈ اسکول میں ڈویژن ذمہ دار شاہد عطاری اور ڈسڑکٹ ذمہ دار نعمان بدر عطاری نے دورہ کیا جہاں انہوں نے اساتذہ اور بلاینڈ بچوں سے ملاقات کی۔

دورانِ ملاقات ان کو دعوتِ اسلامی کے شعبہ اسپیشل پرسنز میں ہونے والے دینی کاموں کے بارے میں معلومات فراہم کیں اور اسپیشل پرسنز کو تحفتاً بریل مدنی قاعدے تقسیم کئے۔

دوسری جانب فیصل آباد ڈویژن میں بلاینڈ بچوں کے درمیان سیکھنے سکھانے کے حلقے کا سلسلہ ہوا جس میں ڈویژن ذمہ دار شاہد عطاری نے سائن لینگویج میں سنتوں بھرا بیان کیا اور بچوں کو نماز کی پابندی کرنے اور دینِ اسلام کے بتائے ہوئے طریقہ کار کے مطابق زندگی گزارنے کا ذہن دیا۔(رپورٹ : محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی، کانٹینٹ: رمضان رضا عطاری)

عاشقانِ رسول کی دینی تحریک دعوتِ اسلامی نے جہاں عام لوگوں کی تربیت و رہنمائی کے لئے مختلف شعبہ جات قائم کئے ہیں وہیں اسپیشل پرسنز (گونگے، بہرے اور نابینا) کے لئے بھی وقتاً فوقتاً کوششیں کرتی رہتی ہے۔

تفصیلات کے مطابق دعوتِ اسلامی کے اسپیشل پرسنز ڈیپارٹمنٹ کے زیرِا ہتمام 25 نومبر 2022ء بروز جمعہ جامعۃالمدینہ برائے نابینا اسلامی بھائی کا افتتاح کیا جا رہا ہے جس کے لئے باغِ مصطفیٰ گراؤنڈ حیدر آباد میں سنتوں بھرا اجتماع منعقد کیاجائے گا۔

تلاوتِ قراٰنِ پاک سے اس اجتماع کا آغاز کیا جائے گا جبکہ نعت خواں اسلامی بھائی حضور صلی اللہ علیہ و سلم کی بارگاہ میں نعت شریف کا نذرانہ پیش کریں گے۔

وقتِ مناسب پردعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سنتوں بھرا بیان فرمائیں گےاور شرکا کو مدنی پھولوں سے نوازے گے۔مقامی عاشقانِ رسول سے اس اجتماعِ پاک میں شرکت کرنے کی مدنی التجا ہے۔(کانٹینٹ:غیاث الدین عطاری)

13 نومبر 2022ء کو اسپیشل پرسنز ڈیپارٹمنٹ کے تحت کراچی سینٹرل ڈسٹرکٹ ناظم آباد ٹاؤن میں نابینا اسلامی بھائیوں نے ٹیلی تھون کا بستہ لگایا جس میں اسپیشل پرسنز ڈیپارٹمنٹ کراچی سٹی کے ذمہ دار محمد جمیل عطاری نے بھی شرکت کی ۔

ذمہ دار محمد جمیل عطاری نے اسپیشل پرسنز کے ساتھ ٹیلی تھون کیا اس موقع پر ساجد عطاری اور محمد یوسف عطاری بھی موجود تھے۔(رپورٹ: محمد سمیر ہاشمی عطاری ، اسپیشل پرسنز ڈیپارٹمنٹ دعوت اسلامی/ کانٹینٹ: محمد مصطفیٰ انیس ) 

گزشتہ روز کھیوڑا جہلم میں اسپیشل پرسنز اسلامی بھائیوں نے مدنی قافلے میں سفر کیا جس میں نابینا اسلامی بھائی ، اسلام آباد سٹی  وراولپنڈی ڈویژن نابینا اسپیشل پرسنز ذمہ دار محمد کامران عطاری شامل تھے ۔

مبلغِ دعوتِ اسلامی نے نابینا اسلامی بھائیوں کو دعوت اسلامی کے دینی ماحول اور نابینا افراد کے دینی کاموں سے آگاہی دیتے ہوئے عملی طور پر حصہ لینے کا ذہن دیا نیز نابینا افراد کو موبیلٹی کورس بھی کروایا۔

اس کے علاوہ فیضان ِقرآن ڈیجیٹل پن کا تعارف اور نابینا افراد کے لئے اس کے فوائد بیان کئے ۔

کامران عطاری نے کھیوڑا جہلم کے اسپیشل ایجوکیشن سینٹرکا وزٹ کیا جہاں اسٹاف اور طلبا کو دعوت اسلامی کے شعبہ جامعۃ ُالمدینہ ، مدارسُ المدینہ ، سوشل میڈیا اور شعبہ اسپیشل پرسنز کا تعارف پیش کرتے ہوئے بریل رسائل اور اشارے کی زبان نماز اور وضو والے رسائل بھی دیکھائے۔ (رپورٹ:محمد سمیر ہاشمی عطاری ، اسپیشل پرسنز ڈیپارٹمنٹ دعوت اسلامی/ کانٹینٹ: محمد مصطفیٰ انیس ) 

پچھلے دنوں دعوتِ اسلامی کے شعبہ اسپیشل پرسنز ڈسٹرکٹ ذمہ دار وسیم احمد عطاری کا کراچی کے مختلف مقامات پر شیڈول رہا جس میں عظیم گوٹھ اور گلشن ٹاؤن یو سی 5 شامل تھے۔

ذمہ دار وسیم احمد عطاری نے مقامی اسلامی بھائیوں کو شعبہ اسپیشل پرسنز کا تعارف پیش کیا نیز دعوتِ اسلامی کے تحت ہونیوالے شارٹ کورسز کرنے کاذہن دیا اس کے ساتھ ہی اسپیشل پرسنز کے ساتھ ٹیلی تھون کے لئے اسٹال لگایا و عطیات جمع کئے ۔

اس دوران اسٹال پر اراکینِ شوریٰ و ڈسٹرکٹ نگران کی آمد ہوئی اور اسپیشل پرسنز کے سرپرست سے ملاقاتیں بھی کیں۔(رپورٹ:محمد سمیر ہاشمی عطاری ، اسپیشل پرسنز ڈیپارٹمنٹ دعوت اسلامی/ کانٹینٹ: محمد مصطفیٰ انیس )

14 نومبر 2022ء  کو عاشقانِ رسول کی دینی تحریک دعوتِ اسلامی کے لینگوئج ڈیپارٹمنٹ کی جانب سے فیضانِ مدینہ جوہر ٹاؤن لاہور میں چائنیز مبلغ کورس کرنے والے اسٹوڈنٹس کا ٹریننگ سیشن ہوا۔

اس موقع پر رکنِ شوریٰ حاجی یعفور رضا عطاری نے طلبہ و اساتذہ کی دینی و اخلاقی اعتبار سے تربیت کرتے ہوئے انہیں دینی تحریک دعوتِ اسلامی کےبارے میں بتاتے ہوئے12 دینی کام کرنے کا ذہن دیا اور ہفتہ وار سنتوں بھرے اجتماع میں باقاعدگی سے آنے اور دیگر کو ترغیب دیکر ساتھ لانے کی ترغیب دلائی۔( کانٹینٹ: رمضان رضا عطاری)

پچھلے دنوں عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ذمہ دار محمد وقاص عطاری (صوبائی ذمہ دار پنجاب) نے دینی کاموں کے سلسلے میں ملتان ڈویژن کا دورہ کیا جہاں انہوں نے ڈویژن ذمہ دار عثمان عطاری اور ملتان ڈسٹرکٹ ذمہ دار جمال عطاری سے ملاقات کی۔

عاشقانِ رسول کی دینی تحریک دعوتِ اسلامی کے اسپیشل پرسنز ڈیپارٹمنٹ کے ذمہ دار اسلامی بھائیوں نے گورنمنٹ ادارہ برائے بصارت سے محروم (نابینا) بچے پشاور کا وزٹ کیا۔

اس دوران ذمہ داران نے ادارے کے ٹیچرز سمیت دیگر اسٹاف سے ملاقات کی اور انہیں اسپیشل پرسنز ڈیپارٹمنٹ دعوتِ اسلامی کے دینی کاموں کا تعارف کروایا نیز ذمہ دار اسلامی بھائیوں نے ادارے میں اسٹوڈنٹس لرننگ سیشن و ٹیچرز ٹریننگ سیشن کرنے پر تبادلۂ خیال کیا۔

اسی طرح ذمہ دار اسلامی بھائیوں کا ڈائریکٹوریٹ جنرل آف سوشل ویلفیئر اینڈ اسپیشل ایجوکیشن کا بھی شیڈول رہا جہاں انہوں نے پی اے ٹو ڈائریکٹراسپیشل ایجوکیشن سمیت دیگر اسٹاف سے میٹنگ کی۔

دورانِ میٹنگ ذمہ دار اسلامی بھائیوں نے انہیں دعوتِ اسلامی کی عالمی سطح پر ہونے والی دینی و فلاحی خدمات بالخصوص اسپیشل پرسنز ڈیپارٹمنٹ کے بارے میں بریفنگ دی اور اسکولوں میں اسٹوڈنٹس لرننگ سیشن و ٹیچرز ٹریننگ سیشن پر مشاورت کی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

گزشتہ روز دعوتِ اسلامی کے تحت پاکستان کے شہر فیصل آباد میں اسپیشل پرسنز ڈیپارٹمنٹ کے ذمہ دار اسلامی بھائیوں نے اسپیشل پرسنز (نابینا افراد) سے ملاقات کی۔

اس موقع پر اسپیشل پرسنز کے لئے سیکھنے سکھانے کا حلقہ لگایا گیا جس میں ڈسٹرکٹ ذمہ دار نعمان بدر عطاری نے اسپیشل پرسنز کی تربیت کرنے کے ساتھ ساتھ انہیں دعوتِ اسلامی کے ٹیلی تھون میں حصہ لینے نیز دینی کام کرنے کا ذہن دیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

13 نومبر 2022ء بروز اتوار دعوتِ اسلامی کے جملہ اخراجات کے لئے ہونے والے ٹیلی تھون کے سلسلے میں اسپیشل پرسنز ڈیپارٹمنٹ کے ذمہ دار اسلامی بھائیوں نے کراچی کے علاقے اورنگی ٹاؤن اور مومن آباد ٹاؤن میں لگے ہوئے بستے (اسٹال) کا وزٹ کیا۔

اس دورانِ ڈسٹرکٹ ذمہ دار عمران عطاری نے مختلف مقامات پر اسپیشل پرسنز سے ملاقات کی اور انہیں دعوتِ اسلامی کے تحت ہونے والے ٹیلی تھون میں حصہ ملانے کا ذہن دیا نیز انہیں دعوتِ اسلامی کے دینی ماحول سے ہر دم وابستہ رہنے کی ترغیب دلائی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے تحت کبیر والا تحصیل ملتان میں اسپیشل پرسنز ڈیپارٹمنٹ کے تحت علاقائی دورہ کا  سلسلہ ہوا جس میں پنجاب صوبائی ذمہ دار محمد وقاص عطاری نے ڈویژن ذمہ دار ملتان عثمان عطاری کے ہمراہ شخصیات سے ملاقات کی۔

دورانِ ملاقات شخصیات کو عالمی سطح پر ہونے والی دعوتِ اسلامی کی دینی و فلاحی خدمات کے حوالے سے معلومات دیں اور انہیں ٹیلی تھون مہم میں حصہ ملانے کا ذہن دیا نیز انہیں 3 دن کے مدنی قافلے میں سفر کرنے کا ذہن بھی دیا جس پر انہوں نے دعوتِ اسلامی کی کاوشوں کو سراہاتے ہوئے دینی کاموں میں تعاون کرنے کی اچھی اچھی نیتوں کا اظہار کیا۔ اس موقع پرسلطان عطاری اور دیگر ذمہ داران بھی موجود تھے۔(رپورٹ : محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی، کانٹینٹ: رمضان رضا عطاری)