پچھلے دنوں اسپیشل پرسنز ڈیپارٹمنٹ دعوتِ اسلامی کے زیرِ اہتمام اللہ مہر ہوٹل پرانی سبزی مارکیٹ نواب شاہ میں سیکھنے سکھانے کا حلقہ لگایا گیا جس میں صوبائی ذمہ دار سندھ اسپیشل پرسنز ڈیپارٹمنٹ عابد حسین عطاری اور نواب شاہ ڈویژن ذمہ دار اسمٰعیل عطاری نے اسپیشل پرسنز سے ملاقات کی۔

اس موقع پر صوبائی ذمہ دار نے اشاروں کی زبان میں سنتوں بھرا بیان کرتے ہوئے وہاں موجود اسپیشل پرسنز کو امیرِ اہل سنت دامت بَرَکَاتُہمُ العالیہ کے فرمان پر شعبان المعظم میں زیادہ سے زیادہ دورد شریف پڑھنے کی ترغیب دلائی جس پر انہوں نے کثرت کے ساتھ دردِ پاک پڑھنے کی نیتوں کا اظہا رکیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

گزشتہ دنوں دعوتِ اسلامی کے تحت اسپیشل ایجوکیشن ڈیپارٹمنٹ پاکستان سطح کے ذمہ دار احمد اویس عطاری اور شعبہ تعلیم لاہور ذمہ دار مامون عطاری نے دینی کاموں میں سلسلے میں اسپیشل اسکول برائے نابینا افراد شیرانوالہ لاہور کا وزٹ کیا جہاں انہوں نے اسپیشل پرسنز سے ملاقات کی اور انہیں ہفتہ وار سنتوں بھرے اجتماع میں شرکت کرنے کی دعوت دی۔

اس کے علاوہ ذمہ داران نے پرنسپل سے ملاقات کرتے ہوئے انہیں اسپیشل پرسنز ڈیپارٹمنٹ دعوت اسلامی کا تعارف پیش کیا نیز اسپیشل پرسنز موبائل ایپ، فیس بوک، یوٹیوب چینل اور ڈیجیٹل دعوت اسلامی کے حوالے سے بریفنگ دی جس پر انہوں نے دعوتِ اسلامی کی خدمات کو سراہا۔آخر میں ذمہ داراسلامی بھائیوں نے پرنسپل کو ہفتہ وار سنتوں بھرے اجتماع میں شرکت کرنےکی دعوت بھی دی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں دینی کاموں کے سلسلے میں  صوبائی ذمہ دار عابد حسین عطاری اسپیشل پرسنز ڈیپارٹمنٹ سندھ کا نواب شاہ میں جدول ہوا جس میں اسمعیل عطاری ڈویژن نواب شاہ ذمہ دار سے ملاقات کی اور ان کے ہمراہ سوشل ویلفیئر آفس نواب شاہ کا وزٹ کیا اور بلا ل رضا سوشل ویلفیئر آفیسر سے ملاقات کی ۔

گزشتہ دنوں  اسپیشل پرسنز ڈیپارٹمنٹ کے تحت ڈی ای او اسپیشل ایجوکیشن فیصل آباد عبد الستار سے نگران فیصل آباد میٹروپولیٹن عرفان مدنی ،حافظ یاسر عطاری فیصل آباد اسپیشل ایجوکیشن ،نعیم عطاری FGRF، شاہد عطاری ڈویژن ذمہ دار فیصل آباد اور ارسلان عطاری نے گورنمنٹ بوائز ہائی سکینڈری اسکول فار ڈیف فیصل آباد میں ملاقات کی۔

دورانِ ملاقات دعوت اسلامی اور اسپیشل پرسنز ڈیپارٹمنٹ کا تعارف پیش کیا اور دینی و فلاحی خدمات کے بارے میں بھی بریف کیا جس پر عبدالستار نے دعوت اسلامی کی خدمات کو سراہا اور400 پودے پورے ڈویژن فیصل آباد کے اسپیشل ایجوکیشن اسکولوں میں لگانے کے حوالے سے بھی تبادلہ ٔخیال کیا بعد ازاں اسکول کے بچوں میں سیکھنے سکھانے کا حلقہ ہوا جس میں بچوں کو والدین اور اساتذہ کے احترام کرنے کے حوالےسے تربیت دی گی اور ملاقات کے بعد شجر کاری کا بھی سلسلہ ہوا ۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی ، کانٹینٹ: محمد مصطفی انیس) 

دعوتِ اسلامی کے شعبہ رابطہ برائے ایگریکلچر و لائیو اسٹاک کے زیر اہتمام 21 مارچ 2022ء بروز پیر تنظیمی ڈویژن کنری عمرکوٹ ڈسٹرکٹ میں اسسٹنٹ فشریز ڈپارٹمنٹ کراچی سے ملاقات کا سلسلہ ہوا۔

اس موقع پر مبلغ دعوت اسلامی ندیم رضا مدنی نے اپنے شعبے کا تعارف پیش کرتے ہوئے اسسٹنٹ فشریز ڈپارٹمنٹ کراچی کے اسلامی بھائیوں کو دعوت اسلامی کی دین متین کی خدمت کے حوالے سے بتایااورانہیں دعوت اسلامی کے تحت ہونے والے ایک ماہ کے اعتکاف کرنے کا ذہن دیا جس پر انہوں نے شعبے کے متعلق اچھے تأثرات بھی دیئے اور اس شعبے کی کاوشوں کو سراہا ۔(رپورٹ: ندیم رضا مدنی رابطہ برائےایگریکلچر و لائیو اسٹاک ڈسٹرکٹ ذمہ دار ، کانٹینٹ: رمضان رضا )

گزشتہ دنوں اسلام آباد گورنمنٹ ڈگری کالج میں  ذمہ داران دعوت اسلامی نے دورہ کیااور پرنسپل صاحب کو جمعرات اجتماع اور فیضان مدینہ کا وزٹ کرنے کی دعوت دی جسے انہوں نے قبول کیا۔ اس کے علاوہ انہیں ملک و بیرون ملک ہونے والی دعوت اسلامی کی دینی و فلاحی خدمات کے حوالے سے بریفنگ دی جس پر انہوں نے کالج میں ماہانہ سیکھنے سکھانے کے حلقے کو لگانے کی خواہش کا اظہار کیا۔

٭دوسری جانب احمد اویس عطاری اسپیشل ایجوکیشن ڈیپارٹمنٹ پاکستان کا اسلام آباد میں ڈایریکٹوریٹ آف اسپیشل ایجوکیشن سے ملاقات کا جدول رہا جہاں ڈی -جی اسپیشل ایجوکیشن اسلام آباد سے ملاقات ہوئی۔ ذمہ دار نے انہیں شعبے کا تعارف کروایا اور انہیں اسپیشل پرسن کے لئے مکتبۃ المدینہ کی مطبوعہ کتب دکھائیں جس پر انہوں نے دعوت اسلامی کی اسپیشل پرسنز پر کی جانے والی کاوشوں کو سراہا اور دوبارہ ملاقات کی پیشکش بھی کی۔

٭اس کے علاوہ ان کے پرسنل اسسٹنٹ (PA) سے بھی ملاقات ہوئی۔ انہیں شعبہ اسپیشل پرسن کی ایپلیکیشن اور واٹس ایپ /یوٹیوب پیجز متعارف کروائے گئے جس پر انکا کہنا تھا کہ : اسپیشل پرسنز کے لئے اصل کام تو آپ لوگ کر رہے ہیں ۔

آخر میں انہیں ہفتہ وار سنتوں بھرے اجتماع کی دعوت دی گئی جس پر انہوں نے اچھی اچھی نیتوں کا ااظہار کیا۔

پچھلے دنوں  حیدرآباد میں قائم دعوتِ اسلامی کے مدنی مرکز فیضانِ مدینہ سے گونگے ،بہرے، نابینا اور معذور افراد نے میر پورخاص کی جانب مدنی قافلے میں راہِ خدا کا سفر اختیار کیا۔ ان اسپیشل پرسنز کے ہمراہ خصوصی طورپر نگران مجلس اسپیشل پرسن محمد حنیف عطاری ا ور صوبائی ذمہ دار عابد حسین عطاری نے بھی مدنی قافلے میں سفر کیا۔

اس دوران ان اسپیشل پرسنز نے میر پور خاص کےاسلامی بھائیوں کو اشاروں کی زبان میں نیکی دعوت دی اور چوک درس دیئے جبکہ کثیر گونگے، بہرے اسلامی بھائیوں نے ہفتہ وار مدنی مذاکرے میں شرکت کی جس کی اشاروں کی زبانوں میں ترجمانی بھی کی گئی۔قافلے کے اختتام پر چند اسپیشل پرسنز اسلامی بھائیوں نے داڑھی شریف رکھنے اور عمامہ شریف مستقل باندھنے کی نیت کی۔ 

12 مارچ 2022 ء بروز ہفتہ کروڑپکاکے ایک مقامی اسکول  میں شعبہ اسپیشل پرسنز کے تحت سیکھنے سکھانے کا حلقہ منعقد ہوا جس میں اسپیشل ایجوکیشن سینٹر کروڑپکا کے ورکرز اور ذمہ داران نے شرکت کی ۔

ملتان ڈویژن کے ذمہ دار عثمان عطاری نے وضو کے فرائض ، نماز کے مسائل و نیک اعمال کرنے پر گفتگو کی بعد ازاں اسکول کے اسٹاف کے ساتھ ملکر شجرکاری کی اور امیر اہلسنت کے رسائل اور باتصویر نماز رسالہ بھی تقسیم کیا ۔ (رپورٹ: عثمان عطاری ملتان ڈویژن ، کانٹینٹ: مصطفی انیس) 

گزشتہ دنوں فیصل آباد  میں اسپیشل پرسنز ڈیپارٹمنت دعوت اسلامی کے ذمہ داران محمد ارسلان عطاری اور علی عمران عطاری کا اسپیشل ایجوکیشن اسکول فار ہیرئنگ ایمپئرڈ فیصل آباد کا وزٹ ہوا ۔

اس دوران انہوں نے ٹیچرز اور پرنسپلز سے ملاقات کرتے ہوئے انہیں اسپیشل پرسنز ڈیپارٹمنٹ اور دعوت اسلامی کا تعارف پیش کیا نیز اشاروں کی زبان میں مکتبۃ المدینہ کی شائع ہونے والی کتب ”باتصویر نماز اور آئیے وضو سیکھیں “اور بریل لینگویج میں شائع رسائل کا تعارف پیش کیا ۔

آخر میں بچوں کے ہمراہ سیکھنے سکھانے کا حلقہ لگایا گیا جس میں اشاروں کی زبان میں نماز کا طریقہ اور صفائی کے حوالے سے بچوں کی تربیت کی ۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی، کانٹینٹ: مصطفی انیس)

پاکستان کے قصبےکاہنہ نوضلع لاہور میں اجتماع معراج النبی ﷺ کا انعقاد ہوا جس میں اسپیشل پرسنز کی تربیت کے لئے سیکھنےسکھانے کا  حلقہ لگایا گیا ۔

اس اجتماع پاک میں مرکزی مجلس ِشوری کے رکن حاجی یعفور رضا عطاری نےسنتوں بھرا بیان کرتے ہوئے اسلامی بھائیوں کی تربیت و رہنمائی کی جس کی اشاروں کی زبان میں مبلغِ دعوتِ اسلامی نے ترجمانی کی۔

اس موقع پر ڈویژن لاہور ذمہ دار محمد علی عطاری، مولانا مدثر عطاری مدنی، صوبائی ذمہ دار گلگت عبدالوارث عطاری اور محمد سمیر ہاشمی عطاری سوشل میڈیا ذمہ دار اسپیشل پرسنز موجود تھے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری) 

اسپیشل پرسنز ڈیپارٹمنٹ دعوت اسلامی کے تحت پنجاب پاکستان کے علاقے لالیاں ضلع چنیوٹ میں اسپیشل پرسنز کے لئے ماہانہ  سنتوں بھرےاجتماع کا انعقاد کیا گیا جس میں کافی تعداد میں اسپیشل پرسنز کی شرکت رہی۔

اس موقع پر ڈسٹرکٹ نگران نے سنتوں بھرا بیان کرتے ہوئے اُن کی دینی و اخلاقی اعتبار سے تربیت کی جس کی اشاروں کی زبان میں ترجمانی کی گئی۔بعدازاں اسپیشل پرسنز کے درمیان مکتبۃ المدینہ سے شائع ہونے والی کتاب ’’باتصویر نماز‘‘ اور ’’آئیے وضو سیکھئے‘‘ تقسیم کی گئی۔

اس موقع پر صوبائی ذمہ دار پنجاب سیّد عمیر ہاشمی عطاری، ڈویژن ذمہ دار فیصل آباد شاہد عطاری اور چنیوٹ ڈسٹرکٹ ذمہ دار غلام مصطفی عطاری موجود تھے۔ (رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام عالمی مدنی مرکزفیضان مدینہ کراچی  میں 12دن پر مشتمل اشاروں کی زبان کا کورس ہوا جس کی اختتامی نشست میں مرکزی مجلس شوری کے رکن ابو ماجد حاجی محمد شاہد عطاری مدنی نے سنتوں بھرا بیان کیا۔

اس دوران رکنِ شوریٰ نے شرکائے کورس کی اسپیشل پرسنز میں دینی کام کرنے کے حوالے سے ذہن سازی کی اور اچھی اچھی نیتیں کروائیں۔بعدازاں رکنِ شوریٰ نے شرکا کے درمیان اسناد بھی تقسیم کیں۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)