اسپیشل پرسنز ڈیپارٹمنٹ  دعوتِ اسلامی کی جانب سے 14 اگست2023ء کو لاہور کے علاقے جوہر ٹاؤن میں واقع مدنی مرکز فیضانِ مدینہ میں جاری 63 دن تربیتی کورس کے شرکا میں سیکھنے سکھانے کا حلقہ لگایا گیا۔

نگرانِ مجلس سید عمیر ہاشمی عطاری نے کورس میں شریک اسلامی بھائیوں کو اسپیشل پرسنز ڈیپارٹمنٹ اور اس کے تحت ہونے والے دینی کاموں کا تعارف پیش کیا اور ان کی دلچسپی کے لئے کچھ اشارے بھی سکھائے، اس موقع پر صوبائی ذمہ دار حافظ محمد وقاص عطاری ( پنجاب) بھی ہمراہ تھے۔(رپورٹ:احمد اویس عطاری رکن مجلس پاکستان اسپیشل ایجوکیشن ذمہ دار، کانٹینٹ :رمضان رضا عطاری)

عاشقانِ رسول کی دینی تحریک دعوتِ اسلامی  کے تحت دنیا بھر میں نیکی کی دعوت کے سلسلے میں 3 دن،12 دن اور ایک ماہ کے مدنی قافلے سفر کرتے رہتے ہیں۔

اس سلسلے میں اسپیشل پرسنز ڈیپارٹمنٹ دعوت اسلامی کے تحت 17 جولائی 2023ءکو وفاقی دارالحکومت اسلام آباد کے سیکٹر G11 میں قائم مدنی مرکز فیضانِ مدینہ سے نابینا اسلامی بھائیوں پر مشتمل 12 دن کا مدنی قافلہ راہِ خدا میں علمِ دین سیکھنے سکھانے اور نیکی کی دعوت عام کرنے کے لئے سفر پر روانہ ہوا۔

نابینا افراد کے صوبائی ذمہ دار قاری خالد عطاری (پنجاب) نے بھی اس مدنی قافلے میں نابینا اسلامی بھائیوں کے ہمراہ سفر کیا، مدنی قافلے میں نابینا افراد کو علمِ دین میں فرض علوم،نماز اور وُضو کا عملی طریقہ سیکھایا گیا نیز نیکی کی دعوت کی اہمیت اور مختلف دعائیں، سنتیں آداب و اذکار سکھائے گئے۔

مزید مدنی قافلے میں نابینا اسلامی بھائیوں کو بنیادی عقائد و معمولات اہل سنّت بتائے گئے نیز دعوت اسلامی کا تعارف اور دینی ماحول سے وابستہ رہنے ، ماں باپ کا ادب کرنےکے علاوہ معاشرے میں ایک اچھا فرد بننے کا ذہن دیا گیا ۔ اس پر نابینا افراد نے اچھی اچھی نیتوں کا اظہار کیا۔ (رپورٹ:محمد کامران عطاری نابینا افراد صوبائی ذمہ دار اسلام آباد،کانٹینٹ:رمضان رضا عطاری)

اسپیشل پرسنز ڈیپارٹمنٹ دعوتِ اسلامی کے تحت گزشتہ روز دینی کاموں کے سلسلے میں  رکن شعبہ نابینا افراد حاجی محمد حنیف عطاری (پاکستان) نے ڈویژن ذمہ دار عبد القیوم عطاری(راولپنڈی) کے ہمراہ جہلم پنجاب میں مختلف مقامات پر اسپیشل پرسنز(گونگے بہرے ،نابینا،معذور افراد) میں نیکی کی دعوت پیش کی۔

اس دوران ذمہ دار اسلامی بھائیوں نے اسپیشل پرسنز کو دعوتِ اسلامی کے دینی ماحول سے وابستہ رہنے کا ذہن دیا اور دینی کام کرنے کے حوالے سے اُن کی ذہن سازی کی۔

آخر میں ذمہ دار اسلامی بھائیوں نے اسپیشل پرسنزکو ماہِ جولائی 2023ء میں دعوتِ اسلامی کے تحت سفر کرنےوالے 12 دن اور ایک ماہ کے مدنی قافلے میں سفر کرنے کی دعوت پیش کی جس پر اسلامی بھائیوں نے اچھی اچھی نیتیں کیں ۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے اسپیشل پرسنز ڈیپارٹمنٹ کےتحت پچھلے دنوں لاڑکانہ سٹی کے جامعۃالمدینہ بوائز میں اشاروں کی زبان کورس کا انعقاد کیا گیا طلبۂ کرام سمیت دیگر اسلامی بھائیوں نے شرکت کی۔

دورانِ کورس مبلغِ دعوتِ اسلامی نے حاضرین کو اسپیشل پرسنز (گونگے، بہرے اور نابینا افراد) سے گفتگو کرنے کا طریقہ ٔ کار سکھاتے ہوئے اُن کی دینی، اخلاقی اور تنظیمی اعتبار سے تربیت کی۔

معلومات کے مطابق 22 جون 2023ء بروز جمعرات اس کورس کے مکمل ہونے پر سنتوں بھرے اجتماع کا انعقاد کیا گیا جس میں شرکائے کورس کی حوصلہ افزائی کی گئی اور اُن کے درمیان اسناد بھی تقسیم کی گئیں۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)

عاشقانِ رسول کی دینی تحریک  دعوتِ اسلامی کے اسپیشل پرسنز ڈیپارٹمنٹ کے تحت 4 جون2023ء کو پشاور کی تحصیل بڈھ بیر میں سیکھنے سکھانے کے حلقے کا انعقاد ہوا جس میں اسپیشل پرسنز( گونگے بہرے اسلامی بھائیوں ) نے شرکت کی ۔

ڈویژن ذمہ دار مولانا ہدایتُ اللہ خان عطاری (پشاور) نے سائن لینگویج میں ’’اتفاق کی برکت ‘‘کے موضوع پر بیان کرتے ہوئے شرکا کو دعوت اسلامی کے دینی کاموں میں شریک ہونے کی ترغیب دلائی جس پر انھوں نے اچھی اچھی نیتیں کیں ۔(رپورٹ:محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری) 

ملک و بیرونِ ملک کے عاشقانِ رسول کے درمیان نیکی کی دعوت عام کرنے کے سلسلے میں گزشتہ روز اسپیشل پرسنز ڈیپارٹمنٹ دعوتِ اسلامی کے تحت 12 دن کے لئے اسپیشل پرسنز (گونگے، بہرے، نابینا اور معذور افراد) کا مدنی قافلہ کراچی سے کشمیر کی طرف روانہ ہوا۔

پچھلے دنوں عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ذمہ اسلامی بھائیوں نے بہاولپور سٹی کے علاقے اکبر کالونی میں قائم معذور افراد اور یتیم بچوں کی دیکھ بھال کرنے نیز شیلٹر ہوم کی خدمت سرانجام دینے والے سوشل ویلفیئر کے آفس کا دورہ کیا۔

تفصیلات کے مطابق ذمہ داران میں موجود نابینا افراد کے صوبائی ذمہ دار(پنجاب) قاری خالد عطاری اور ڈویژن ذمہ دار(بہاولپور) عابد حسین عطاری کی ویلفیئر اونر ڈاکٹر انیس الرحمٰن سے ملاقات ہوئی۔

دورانِ ملاقات ذمہ دار اسلامی بھائیوں نے ڈاکٹر انیس الرحمٰن کو دعوتِ اسلامی کے تحت اسپیشل پرسنز (گونگے، بہرے، نابینا اور معذور افراد) میں ہونے والے دینی کاموں کے بارے میں بتایا نیز نابینا افراد کے متعلق ہونے والی دینی خدمات کو بیان کرتے ہوئے ذمہ داران نے دعوتِ اسلامی کے زیرِا ہتمام پانچ مدرسۃالمدینہ اور ایک جامعۃالمدینہ برائے نابینا افراد کا تعارف کروایا۔

ذمہ دار اسلامی بھائیوں نے ڈاکٹر انیس الرحمٰن کو بتایا کہ ان مدارس المدینہ و جامعۃالمدینہ میں نابینا بچوں کو ضروریاتِ زندگی کے ساتھ ساتھ حفظ و ناظرہ قراٰنِ پاک کی مفت تعلیم بھی دی جاتی ہے جس پر انہوں نے اسپیشل پرسنز کی خدمات نیز امیرِ اہلِ سنت دامت بَرَکَاتُہمُ العالیہ کی کاوشوں کو سراہا اور اپنی نیک خواہشات کا اظہار کیا۔(رپورٹ: عابد حسین عطاری ڈویژن ذمہ دار بہاولپور ، کانٹینٹ:غیاث الدین عطاری)

لوگوں کو قراٰن و حدیث کی تعلیمات دینے والی عاشقانِ رسول کی دینی تحریک دعوتِ اسلامی کے تحت سرگودھا میں قائم مدنی مرکز فیضانِ مدینہ میں نابینا اسلامی بھائیوں کے لئے مدرسۃالمدینہ برائے نابینا افراد کا آغاز کیا جاچکا ہے جس میں قراٰنِ پاک کی تعلیم کے ساتھ ساتھ اُن کی دینی و اخلاقی تربیت کی جاتی ہے۔

معلومات کے مطابق دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہدعطاری کی دورۂ سرگودھا ڈویژن کے دوران مدرسۃالمدینہ برائے نابینا افراد میں آمد ہوئی۔

نگرانِ پاکستان مشاورت حاجی محمد شاہد عطاری نے مدرسۃالمدینہ کا وزٹ کرتے ہوئے وہاں پڑھنے والے اسلامی بھائیوں سے ملاقات کی اور انہیں مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

عاشقان رسول کی دینی تحریک دعوتِ اسلامی کے  اسپیشل پرسنز ڈیپارٹمنٹ کے تحت4 جون 2023ء کو جہلم کے علاقے دینہ میں قائم چکوہا ڈیف کلب میں سیکھنے سکھانے کے حلقہ کا انعقاد کیا گیا۔

ڈویژن ذمہ دار عبد القیوم عطاری(راولپنڈی) نے’’ والدین کے حقوق‘‘ کے موضوع پر اشاروں کی زبان میں سنتوں بھرا بیان کیا جس میں اسپیشل پرسنز (گونگے بہرےاسلامی بھائیوں)کو راہ خدا میں سفر کرنے کے فضائل بیان کئے اور ان کو مدنی قافلے میں سفر کرنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ:رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

4 جون 2023ء کو دینی تحریک دعوتِ اسلامی کے  اسپیشل پرسنز ڈیپارٹمنٹ کے تحت جہلم کے علاقے دینہ میں ڈیف اسلامی بھائی کےوالد صاحب کے چہلم کے موقع پر ایصال ثواب اجتماع کا انعقاد کیا گیا جس میں کثیر تعداد میں اسپیشل پرسنز (گونگے بہرے اسلامی بھائیوں )نے شرکت کی۔

معلومات کےمطابق اجتماع پاک کا آغاز تلاوتِ قرآن پاک اور نعت شریف سے کیا گیا، اس کے بعد ڈویژن ذمہ دار احسان الحق عطاری (گوجرانوالہ)نے اشاروں کی زبان میں’’ درودِ پاک کے فضائل ،قبر کے عذاب اور ایصال ثواب کی برکات‘‘ کے موضوعات پر سنتوں بھرا بیان کیاجس میں گونگے بہرے اسلامی بھائیوں کو نماز، روزے کی پابندی کرنے، دعوت اسلامی کے دینی ماحول سے وابستہ رہنے اور مدنی قافلوں میں سفر کرنے کی دعوت دی جس پر انھوں نے اچھی اچھی نیتوں کا اظہار کیا ۔(رمضان رضا عطاری)

26 مئی 2023ء کو دعوتِ اسلامی کے شعبہ  اسپیشل پرسنز ڈیپارٹمنٹ کے تحت ڈویژن نگران سادات عطاری (ملتان)کے والد محمد صدیق عطاری کے ایصال ثواب کے لیےگونگے بہرے اسلامی بھائیوں نے چک چاویکا ،بہاولنگر پنجاب میں مدنی قافلے میں سفر کیا ۔

مدنی قافلے میں گونگے بہرے اسلامی بھائیوں نے مقامی اسلامی بھائیوں کو اشاروں کی زبان میں نیکی کی دعوت دی اور انھیں اسپیشل پرسنز ڈیپارٹمنٹ دعوت اسلامی کے دینی کاموں کے بارے میں بتاتے ہوئے ہفتہ وار سنتوں بھرے اجتماع میں شریک ہونے کا ذہن دیا جس پر انھوں نے اچھی اچھی نیتیں کیں۔(رپورٹ:رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

20 مئی 2023ء کو اسپیشل پرسنز ڈیپارٹمنٹ دعوت اسلامی  کے تحت ملتان کے علاقے شجاع آباد کی جامع مسجد غوثیہ میں گونگے بہرے اسلامی بھائیوں میں سیکھنے سکھانے کاحلقہ منعقد ہوا جس میں ڈویژن ذمہ دار عابد حسین عطاری (بہاولپور)نے اشاروں کی زبان میں’’ نیک اعمال‘‘کے موضوع پر سنتوں بھرا بیان کیا ۔

دوران بیان ڈویژن ذمہ دار نے گونگے بہرے اسلامی بھائیوں کو امیر اہل سنت مولانا محمد الیاس عطار قادری دامت برکاتہم العالیہ کے عطا کردہ 27نیک اعمال پر عمل کرنے کے کی ترغیب دلائی جس پر انھوں نے نیک خیالات کا اظہار کیا۔ شہر ذمہ دار محمد عامر عطاری(ملتان) اور مقامی گونگے بہرے اسلامی بھائیوں نے بھی شرکت کی۔(رپورٹ:محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)