گزشتہ روز پنجاب کے علاقے یزمان میں دعوتِ اسلامی کے تحت  مدنی قافلے کی آمد ہوئی جس میں عاشقانِ رسول نے علاقے میں نیکی کی دعوت پیش کی اور علاقے کے اسلامی بھائیوں پر انفرادی کوشش کی۔

اس کے علاوہ مدنی قافلے کے شرکا نے ڈگری کالج بوائز یزمان کا وزٹ کیا اور فیضانِ نماز کورس کا سلسلہ کیا جس میں کالج کے اسٹوڈنٹس نے شرکت کی ، ذمہ داران نے اسٹوڈنٹس کو نماز کے بنیادی و اہم مسائل سکھائیں اور ہفتہ وار اجتماعات میں شرکت کرنے کاذہن دیا ۔ (کانٹینٹ : محمد مصطفیٰ انیس)

گزشتہ روز پنجاب کے شہر خانیوال میں ”superior group of colleges“ میں شعبہ تعلیم دعوتِ اسلامی کے تحت فیضانِ نماز کورس کا اہتمام کیا گیا۔

کورس کے معلّم اشفاق مدنی عطاری نے اس کورس میں شرکا کو نماز کے فرائض و واجبات کے ساتھ ساتھ وضو کرنے کا طریقہ بھی بتایا اور عملاً وضو کر کے بھی دکھایا ۔

اس کورس میں کالج کے اسٹوڈنٹس سمیت ٹیچرز نے بھی شرکت کی ۔ ( کانٹینٹ : محمد مصطفیٰ انیس)

پچھلے دنوں سندھ کے شہر نوشہروفیروز میں ذمہ دارانِ دعوتِ اسلامی کا تربیتی اجتماع ہوا جس میں ڈسٹرکٹ و تحصیل شعبہ جات کے ذمہ دار اور تحصیل و ٹاؤن کے نگران و ذمہ داران نے شرکت کی ۔

اس اجتماع میں دعوتِ اسلامی کی مرکزی مجلسِ شوریٰ کے رکن حاجی قاری ایاز عطاری کی آمد ہوئی ، رکن شوریٰ نے ذمہ داران کو 12 دینی کاموں کو کرنے اور اپنے شعبہ جات کو مضبوط کرنے کا ذہن دیا ۔ ( کانٹینٹ : محمد مصطفیٰ انیس) 

گزشتہ روز ہزارہ  کے علاقے میں شعبہ تعلیم دعوت، اسلامی کے تحت ”university of haripur“ میں سنتوں بھرا اجتماع کا انعقاد کیا گیا جہاں کثیر تعداد میں عاشقانِ رسول نے شرکت کی ۔

مبلغِ دعوتِ اسلامی ونگرانِ پروفیشنلز ڈیپارٹمنٹ مولانا ثوبان عطاری نے شرکا کو ”time management“ کے حوالے سے گفتگو کی اور لوگوں کو دعوتِ اسلامی کی دینی و تعلیمی خدمات بیان کرتے ہوئے ، لوگوں کو نئے اسکلز سیکھنے کا ذہن دیا ۔

اسکے علاوہ یونیورسٹی کے ڈائریکٹرزو پروفیسرز نے مولانا ثوبان عطاری سے ملاقاتیں کیں اور انہیں یونیورسٹی کی طرف سے شیلڈز بھی دیئے گئے۔ ( کانٹینٹ : محمد مصطفیٰ انیس) 

گزشتہ روز خیبر پختونخواہ کے علاقے میں شعبہ تعلیم دعوت، اسلامی  کے تحت ایبٹ آباد میں جلال بابا آڈیوٹوریم میں سنتوں بھرا اجتماع کا انعقاد کیا گیا جہاں کثیر تعداد میں عاشقانِ رسول نے شرکت کی ۔

مبلغِ دعوتِ اسلامی ونگران پروفیشنلز ڈیپارٹمنٹ مولانا ثوبان عطاری نے شرکا سے بیان کرتے ہوئے لوگوں کواپنی اصلاحِ اعمال کا ذہن دیتے ہوئے دعوتِ اسلامی کے مدنی ماحول سے وابستہ رہنے کی ترغیب دی ۔ ( کانٹینٹ : محمد مصطفیٰ انیس) 

گزشتہ روز بلوچستان کے علاقے  حب میں شعبہ تعلیم دعوتِ اسلامی کے تحت فوجی فاؤنڈیشن اسکول میں فیضانِ نماز کورس کا اہتمام کیا گیا جس میں اسکول کےاسٹوڈنٹس و ٹیچرز نے شرکت کی ۔

ذمہ دار شعبہ تعلیم محمد جمال عطاری نے نماز کورس میں نماز کے بنیادی و اہم مسائل بیان کئے ۔(رپورٹ: محمد جمال عطاری ،ڈویژن ذمہ دار شعبہ تعلیم/ کانٹینٹ : محمد مصطفیٰ انیس) 

پچھلے دنوں شعبہ تعلیم دعوتِ اسلامی کے ذمہ داران نے بہاولنگر کے کالجز ”informatics college, KIPS college“کا وزٹ کیا اور کالج کے ڈائریکٹر و پروفیسرز سے ملاقاتیں کیں ۔

دورانِ ملاقات دعوت اسلامی کی تعلیمی و فلاحی خدمات بیان کیں نیز ذمہ دارا سلامی بھائی نے یونیورسٹی کے اسٹوڈنٹس کی دینی و اخلاقی تربیت کے حوالے سے یونیورسٹی میں وقتاًفوقتاً دعوتِ اسلامی کے دینی کورسز کرانے کا ذہن دیا ۔

اسکے علاوہ کالج کے اسٹوڈنٹس میں تربیتی سیشن ہوا جس میں نیکی کی دعوت کا سلسلہ ہوا اور دعوتِ اسلامی کے سنتوں بھرے ماحول سے وابستہ رہنے کی ترغیب دی نیز ذمہ داراسلامی بھائی نے یونیورسٹی مینجمنٹ کے تعاون سے ویکلی کورسز پلان کیا۔(کانٹینٹ: محمد مصطفیٰ انیس) 

پچھلے دنوں بہاولنگر میں اسلامیہ یونیورسٹی میں شعبہ تعلیم دعوتِ اسلامی کے ذمہ داران نے وزٹ کیا اور ڈائریکٹر رفاقت صاحب و ایڈیشنل رجسٹرار سے ملاقات کی ۔

دورانِ ملاقات دعوت اسلامی کی تعلیمی و فلاحی خدمات بیان کیں نیز ذمہ دارا سلامی بھائی نے یونیورسٹی کے اسٹوڈنٹس کی دینی و اخلاقی تربیت کے حوالے سے یونیورسٹی میں وقتاًفوقتاً دعوتِ اسلامی کے دینی کورسز کرانے کا ذہن دیا جس پر ڈائریکٹر صاحب نے یونیورسٹی میں ماہِ جنوری 2023ء میں ”character building“ پر سیشن کرانے کی اجازت دی ۔(کانٹینٹ: محمد مصطفیٰ انیس) 

پچھلے دنوں ڈسٹرکٹ اوستہ محمد بلوچستان میں گورنمنٹ بوائز ہائی اسکول میں شعبہ تعلیم دعوتِ اسلامی کے تحت سیکھنے سکھانے کے مدنی حلقے کا اہتمام کیا گیا جس میں اسکول کے نویں جماعت کے اسٹوڈنٹس نے شرکت کی ۔

تحصیل ذمہ دار شعبہ تعلیم اللہ بخش عطاری نے اسٹوڈنٹس کو دعوتِ اسلامی کا تعارف کروایا اور اسکی تعلیمی خدمات بیان کیں ، ذمہ داراسلامی بھائی نے اسٹوڈنٹس کومدنی قافلے میں سفر کرنے اور فیضانِ مدینہ اوستہ محمد میں فیضانِ نماز کورس میں شرکت کرنے کی ترغیب دی ۔(رپورٹ: اللہ بخش عطاری ، تحصیل ذمہ دار شعبہ تعلیم ڈویژن نصیرآباد/ کانٹینٹ: محمد مصطفیٰ انیس)

عاشقانِ رسول کی دینی تحریک دعوتِ اسلامی کے تحت پچھلے دنوں عمر کوٹ ڈسٹرکٹ میں ہفتہ وار سنتوں بھرے اجتماع کا انعقاد کیا گیا جس میں کالجز کے کم و بیش 25 اسٹوڈنٹس سمیت دیگر اسلامی بھائیوں نے شرکت کی۔

معلومات کے مطابق بعدِ اجتماع اسٹوڈنٹس کے لئے سیکھنے سکھانے کا حلقہ لگایا گیا جس میں مبلغِ دعوتِ اسلامی نے شرکا کی تربیت کرتے ہوئے انہیں دعوتِ اسلامی کے تحت ہونے والے کورسز میں داخلہ لینے کی ترغیب دلائی جس پر 10 اسٹوڈنٹس کورس کرنے کے لئے تیار ہوگئے۔(رپورٹ:شعبہ تعلیم، کانٹینٹ:غیاث الدین عطاری) 

مختلف شعبہ ہائے زندگی سے تعلق رکھنے والے افراد کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت ڈگری کالج عمر کوٹ میں سنتوں بھرا اجتما ع ہوا جس میں کالج کے پرنسپل اور پروفیسرز سمیت اسٹوڈنٹس نے شرکت کی۔

قراٰنِ پاک کی تلاوت کرنے اور نعت شریف پڑھنے کے بعد مبلغِ دعوتِ اسلامی نے ”حسنِ اخلاق“ کے موضوع پر سنتوں بھرا بیان کرتے ہوئے شرکا کو اپنے اخلاق سنوارنے کا ذہن دیا اور پیارے آقا صلی اللہ علیہ و سلم کی تعلیمات کے مطابق اپنی زندگی گزارنے کی ترغیب دلائی۔

بعدازاں کالج کے پرنسپل اور اسٹاف کے درمیان سیکھنے سکھانے کا حلقہ لگایا گیا جس میں مبلغِ دعوتِ اسلامی نے مختلف موضوعات پر کلام کیا نیز شرکا کو ذمہ داران کی جانب سے تحائف بھی دیئے گئے۔(رپورٹ:شعبہ تعلیم، کانٹینٹ:غیاث الدین عطاری)

شعبہ تعلیم دعوتِ اسلامی کے تحت پاکستان کے شہر  ملتان میں واقع شیر شاہ ٹاؤن میں ٹیچرز اجتماع منعقد کیا گیا جس میں ٹیچرز سمیت دیگر کثیر اسلامی بھائیوں نے شرکت کی۔

اس اجتماعِ پاک میں نگرانِ ملتان شہر راشد عطاری نے ”علمِ دین سیکھنے کی فضیلت“ کے موضوع پر سنتوں بھرا بیان کیااور وہاں موجود عاشقانِ رسول کو دعوتِ اسلامی کے تحت منعقد ہونے والے مختلف کورسز کرنے کی ترغیب دلائی جس پر انہوں نے اچھی اچھی نیتوں کا اظہار کیا۔