پچھلے دنوں شعبہ تعلیم دعوتِ اسلامی کے تحت حیدر آباد سندھ اور ملتان ڈویژن سے ذمہ داران سمیت دیگر  اسلامی بھائیوں نے 12 دن کے مدنی قافلے میں مظفر آباد کشمیر سفر کیا۔

اس موقع پر شرکائے مدنی قافلہ کے لئے مدنی مرکز فیضانِ مدینہ مظفر آباد میں سیکھنے سکھانے کا حلقہ لگایا گیا جس میں نگرانِ شعبہ تعلیم عبد الوہاب عطاری نے وقت کی اہمیت اور تعلیمی اداروں میں دینی کام کرنے کے حوالے سے بیان کیا۔

نگرانِ شعبہ نے وہاں موجود اسلامی بھائیوں کو دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: شعبہ تعلیم، کانٹینٹ:غیاث الدین عطاری)

مظفر آباد کشمیر میں قائم کیڈٹ کالج (Cadet College)کے مین آڈیٹوریم میں شعبہ تعلیم دعوتِ اسلامی کے تحت ایک سیشن منعقد ہوا جس میں اسٹوڈنٹس، ٹیچرز، پرنسپل بریگیڈیئر منظور عباسی اور سجادہ نشین کوکب سلیم چشتی سمیت دیگر اسلامی بھائیوں نے شرکت کی۔

دورانِ سیشن نگرانِ شعبہ تعلیم عبد الوہاب عطاری نے ”طلبہ کے اخلاق و کردار کی بہتری“ کے موضوع پر بیان کیا اور وہاں موجود تمام اسلامی بھائیوں کی ذہن سازی کی۔

اس کے علاوہ نگرانِ شعبہ نے حاضرین کو دعوتِ اسلامی کے دینی ماحول سے منسلک ہو کر دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ: شعبہ تعلیم، کانٹینٹ:غیاث الدین عطاری)

پچھلے  دنوں فیضان مدینہ سمہ سٹہ ،بہاولپور میں شعبہ تعلیم کے تحت 12 دن کاجزوقتی فیضان قرآن و حدیث کورس کا انعقاد کیا گیا ۔ اس کورس میں میٹرک ، انٹرمیڈیٹ اور BS کے اسٹوڈنٹس نے شرکت کی۔

کورس کے اختتام پر تقسیم اسناد اجتماع منعقد ہوا ۔اختتامی نشست میں ڈویژن ذمہ دار شعبہ تعلیم احمد رضا عطاری نے بیا ن کیا جس میں دعوت اسلامی کے دینی کاموں میں حصہ لینے اور ہفتہ وار سنتوں بھرے اجتماع میں شریک ہونے کا ذ ہن دیا جس پر اسٹوڈنٹس نے نیک خواہشات کا اظہار کیا۔آخر میں ڈویژن ذمہ دار نے کورس مکمل کرنے والوں کو تحائف بھی دیئے۔(کانٹینٹ:رمضان رضا عطاری)

فیضانِ مدینہ  فیصل آباد سے شعبہ تعلیم کے ذمہ داران کا آن لائن مدنی مشور ہ ہوا جس میں نگران پاکستان مشاورت حاجی محمد شاہد عطاری نے مدرسۃُالمدینہ بالغان کے دینی کاموں میں اضافہ کرنے کے حوالے سے ذمہ داران کی تربیت فرمائی۔

معلومات کے مطابق نگران پاکستان مشاورت نے شعبہ مدرسۃُالمدینہ بالغان کی موجودہ کار کردگی ، اہداف ، مسائل اور تجاویز کے علاوہ دیگر مدنی پھولوں پر گفتگو کی اور اپنے قیمتی مدنی پھولوں سے نوازا۔(رپورٹ: عبدالخالق عطاری،کانٹینٹ:رمضان رضا عطاری )

عاشقانِ  رسول کی دینی تحریک دعوتِ اسلامی کی طرف سے نگران مجلس شعبہ تعلیم( پاکستان )نے شعبہ تعلیم ذمہ دا ر کے ہمراہ انٹرنیشنل اسلامک یونیورسٹی اسلام آباد کا دورہ کیا۔

جہاں وائس پریزیڈنٹ نبی بخش جمانی سے ملاقات کی، دوران ملاقات انہیں دعوتِ اسلامی کے دینی کاموں اور اصلاح اُمّت کیلئے کی جانے والی کوششوں سے آگاہ کیا نیز ان کاموں میں حصہ لینے کا ذہن بھی دیاجس پر انھوں نے خوشی کا اظہار کرتے ہوئے تعاون کرنے کی اچھی نیت کی۔(کانٹینٹ:رمضان رضا عطاری)

دعوتِ  اسلامی کے شعبہ تعلیم کی جانب سے راولپنڈی میں قائم سرسید سائنس کالج میں سیکھنے سکھانے کے حلقے کاا نعقاد ہوا جس میں نگران مجلس شعبہ تعلیم پاکستان نے بیان کیا۔

دورانِ بیان اسٹوڈنٹس کو اپنے کردار کو بہتر کرنے کے حوالے سے دینی معلومات دیں نیز امتحانات کی تیاری کے حوالے سے تربیت کی اور انہیں اپنی ڈیلی روٹین میں نمازِ پنجگانہ، تلاوتِ قرآنِ پاک اور دیگر نفلی عبادات کرنے کی ترغیب دلائی۔

آخر میں کالج کے سی ای او سے بھی ملاقات ہوئی اور انہیں اسلام آباد G-11میں قائم دعوت اسلامی کے مدنی مرکز فیضانِ مدینہ میں حاضری کی دعوت دی جس پر انہوں نے جلد وزٹ کرنے کی اچھی نیت کی۔(کانٹینٹ:رمضان رضا عطاری)

اسلام آباد G10 میں قائم ایک ایجوکیشنل انسٹی ٹیوٹ میں ٹیچرز ٹریننگ سیشن کا انعقاد کیا گیا جس میں ادارے کے سی ای او بورڈ آف گورنرز، ڈائریکٹرز سمیت مختلف اداروں کے پرنسپلز اور ان کے ٹیچرز نے شرکت کی۔

ٹریننگ سیشن میں نگران مجلس شعبہ تعلیم نے سنتوں بھرا بیان کیا جس میں معاشرے کی اصلاح اور طلبہ کے اخلاق و کردار میں بہتری کیلئے ایک استاذ کے کردار کے تعلق سے تربیتی نکات بتائے نیز اساتذہ کو اس تعلق سے اپنا کردار ادا کرنے کا ذہن بھی دیا ۔مزید نیکی کی دعوت دیتے ہوئے شرکا کو دعوت اسلامی کے دینی ماحول سے وابستہ ہونے اور ہفتہ وار اجتماع میں آنے کی دعوت دی جس پر انھوں نے اچھی اچھی نیتیں کیں۔(کانٹینٹ:رمضان رضا عطاری)

پچھلے  دنوں دعوتِ اسلامی کے شعبہ تعلیم کے زیرِ اہتمام نگران مجلس شعبہ تعلیم نے شعبے کے ذمہ داران کے ہمراہ راولپنڈی میں قائم ایرڈ ایگریکلچر (Arid Agriculture) یونیورسٹی میں مختلف اتھارٹی پرسنز سے ملاقاتیں کی۔

معلومات کے مطابق ذمہ داران نے یونیورسٹی رجسٹرار ڈاکٹر محمد عقیل سلطان، ڈائریکٹر اور مختلف عہدیداران سے ملاقات کی۔ اس موقع پر شخصیات کو دعوتِ اسلامی کے دینی کاموں اور اصلاح امت کے لئے کی جانے والی کوششوں سے آگاہ کیا نیز ان کاموں میں خود بھی حصہ لینے کا ذہن دیا جس پر انھوں نے نیک خواہشات کا اظہار کیا۔

علاوہ ازیں نگران مجلس نے ڈاکٹر محمد عقیل کو اپنی ٹیم کے ہمراہ اسلام آباد فیضانِ مدینہ کا وزٹ کرنے کی دعوت بھی پیش کی۔(کانٹینٹ:رمضان رضا عطاری) 

عاشقانِ رسول کی دینی تحریک دعوتِ اسلامی کے شعبہ تعلیم کے تحت سبحان میرج ہال فورٹ عباس میں  عیدملن اجتماع منعقد کیا گیا جس میں مختلف تعلیمی اداروں (پنجاب گروپ آف کالج، لیڈ کالج، العصر سیکنڈری اسکول، جناح آئیڈیل کالج کچھی والا ، مثالی کالج کچھی والا)کے مالکان اور ٹیچرز نے شرکت کی۔

تلاوتِ کلامِ پاک اور نعتِ رسولِ مقبول صلی اللہ علیہ و سلم کے بعد شعبہ تعلیم کے ڈسٹرکٹ ذمہ دار محمد اسامہ عطاری نے سنتوں بھرا بیان کیا اور وہاں موجود اسلامی بھائیوں کو دینِ اسلام کے بارے میں چند ضروری باتیں بتائیں۔(رپورٹ: احمد رضا عطاری ڈویژن شعبہ تعلیم ذمہ دار ، کانٹینٹ:غیاث الدین عطاری)

  دعوتِ اسلامی کے شعبہ تعلیم کی جانب سے 29 اپریل 2023ء کو کمال میرج ہال ہارون آباد میں عید ملن اجتماع کا انعقاد ہوا جس میں پنجاب کالج،سپریئر کالج اور پنجاب سائنس کالج کے پرنسپل اور ٹیچرز نے شرکت کی۔

اجتماع کا باقاعدہ آغاز تلاوت قراٰن پاک و نعت رسول مقبول صلَّی اللہ علیہ واٰلہٖ وسلَّم سے کیا گیا۔ بعدازاں مبلغ دعوت اسلامی نے سنتوں بھرا بیان کیا اور شرکائے محفل کو نیکی کی دعوت پیش کرتے ہوئے انھیں اللہ و رسول کی فرماں  برداری میں زندگی کے شب و روز گزارنے کا ذہن دیا ۔علاوہ ازیں حاضرین کو مدنی مذاکرہ دیکھنے ا ور مدنی قافلے میں علاقے کے اسلامی بھائیوں کے ساتھ سفر کرنے کی دعوت دی جس پر انھوں نے اچھی اچھی نیتیں کیں۔(رپورٹ: احمد رضا عطاری ڈویژن بہاولپور شعبہ تعلیم ذمہ دار،کانٹینٹ:رمضان رضا عطاری)

دعوتِ اسلامی کے زیر اہتمام  ملتان فیضان ِمدینہ میں افطار اجتماع کاانعقاد ہوا جس میں ایجوکیشن ڈیپارٹمنٹ سے منسلک HOD,s پروفیسرز، ٹیچرز اور اسٹوڈنٹس نے شرکت کی ۔

بعد نماز مغرب مبلغ دعوتِ اسلامی نے شرکا کو مدنی مرکز فیضانِ مدینہ میں موجود شعبہ جات میں سے Faizan Online Academy اور دورہ حدیث شریف کا وزٹ کروایا اور ان میں ہونے والی تعلیمی سرگرمیوں سے آگاہ کیا جس پر شخصیات نے اظہار مسرت کرتے ہوئے دعوتِ اسلامی کی کاوشوں کو سراہا۔ (کانٹینٹ: رمضان رضا عطاری)

عاشقانِ رسول کی دینی تحریک دعوت اسلامی کے شعبہ تعلیم کے تحت گوجرانولہ میں افطار اجتماع منعقد ہوا جس میں مختلف یونیورسٹیز، کالجز اور تعلیمی اداروں سے وابستہ اسٹوڈنٹس، ٹیچرز اور پروفیسرز نے شرکت کی۔

معلومات کے مطابق اس اجتماعِ پاک میں نگرانِ شعبہ تعلیم عبد الوہاب عطاری نے سنتوں بھرا بیان کیا اور حاضری کو رمضانُ المبارک میں زیادہ سے زیادہ عبادت کرنے کا ذہن دیا جس پر انہوں نے اچھی اچھی نیتیں کیں۔۔(رپورٹ: محمد فیاض عطاری ڈسٹرکٹ و سٹی ذمہ گوجرانوالہ ،کانٹینٹ:غیاث الدین)