دعوتِ اسلامی کی مجلس اسپیشل افراد کے تحت واہ کینٹ میں مدنی حلقہ کا انعقاد کیا گیا جس میں گونگے،بہرے اورنابینا اسلامی بھائیوں نے شرکت کی۔ اس سنّتوں بھرے اجتماع میں پڑھی جانے والی نعت اورمبلغ دعوتِ اسلامی کے بیان کی اشاروں کی زبان میں ترجمانی بھی کی جاتی رہی۔

اسی طرح پنجاب کے شہر ٹوبہ ٹیک سنگھ میں جامعۃ المدینہ کے طلبۂ کرام میں مدنی حلقے کا انعقاد کیا گیا۔ نگرانِ مجلس اسپیشل افراد نے سنّتوں بھرا بیان کرتے ہوئے طلبۂ کرام کو مقامی علاقے کے گونگے بہرے اسلامی بھائیوں میں نیکی کی دعوت دینے کی ترغیب دلائی۔علاوہ ازیں بیان کے اختتام پر شرکا کو اشارے بھی سکھائے گئے۔

کراچی میں آج صبح سے سمندری ہواؤں اور بادلوں کی آنکھ مچولی نے شہر کا موسم انتہائی دلفریب بنائے رکھا۔محکمہ موسمیات کے مطابق کراچی میں مون سون کے دوسرے اسپیل نے بھی دستک دے دی ہے اور جمعہ سے پیر تک بادل جم کر برسنے کا امکان ہے  جس کے نتیجے میں 80 ملی میٹر سے بھی زائد بارش ریکارڈ کی جاسکتی ہے۔

سرمئی بادل اور تیز ہواؤں سے شہر کراچی کا موسم انتہائی سہانا ہوگیا۔ شہریوں نے ابر رحمت برسنے اور موسم کی تبدیلی پر اللہ پاک کا شکر ادا کیا۔ محکمہ موسمیات نے بھی کراچی میں مون سون کے دوسرے اسپیل کی پیشگوئی کردی۔

محکمہ موسمیات کے مطابق آج شہر کا درجہ حرارت کم سے کم 27 اور زیادہ سے زیادہ 32 سینٹی گریڈ ریکارڈ کیا گیا۔ ڈائریکٹر محکمہ موسمیات کا کہنا تھا کہ 9 سے 12 اگست تک تیز بارشوں کا امکان ہے ۔ خلیج بنگال میں ہوا کے کم دباؤ سے بننے والا سسٹم گزشتہ سسٹم سے زیادہ طاقتور ہوسکتا ہے ۔

شہری انتظامیہ نے برسات سے نمٹنے کےلئے محکموں میں رین ایمرجنسی نافذ کردی ہےجبکہ کے الیکٹرک نے برسات کے موسم میں شہریوں کو بجلی کے کھمبوں، ٹوٹے تاروں اور دیگر برقی آلات سے دور رہنے کا مشورہ دیا ہے۔ لہٰذا شہریوں کو چاہئے کہ بارش کا سلسلہ جاری ہو تو اس دوران صرف انتہائی ضرورت کے تحت گھر سے باہر نکلیں۔ ایسے تمام ممکنہ حادثات سے بچنے کیلئے بہترین پناہ گاہ گھر کے سوا کچھ نہیں ہے۔

دعوتِ اسلامی کی مجلس جامعۃالمدینہ کے تحت بھمبہ کلاں گاؤں مصطفٰی آباد رائیونڈمیں جامعۃ المدینہ جوہر ٹاون کے ایک مدرِّس

کی والدہ کے ایصالِ ثواب کے سلسلے میں اجتماعِ پاک کا انعقاد کیا گیا جس میں مرحومہ کے رشتہ دار، عزیزو اقارب، اہلِ علاقہ سمیت دیگر عاشقانِ رسول نے شرکت کی۔رکنِ شورٰی حا جی محمد اسد رضا عطاری مدنی نے فکر ِآخرت پرسنّتوں بھرا بیان کیا اور شرکا کو اپنا محاسبہ کرتےہوئے تقویٰ اور پرہیزگاری اختیار کرنے کا ذہن دیا۔علاوہ ازیں مرحومہ کے لئے دعائے مغفرت بھی کی گئی۔

ذوالحج اسلامی سال کا بارہواں مہینہ ہے جو حرمت والے مہینوں میں شامل ہے ۔حرمت یعنی احترام والے مہینے چار ہیں۔ذوالقعدہ،ذوالحجہ،محرم  الحرام اور رجب ،ان چار مہینوں میں سب سے افضل ذوالحجہ ہے ،باالخصوص اس کے پہلے دس دن اور راتوں کے فضائل تو بہت زیادہ ہیں ۔قراٰ ن کریم میں بھی اس مہینے کی پہلی دس راتوں کی قسم ارشاد فرمائی ہے ۔

PIA نے کامیابی سے قبل از حج آپریشن مکمل کرلیا، پی آئی اے نے ایک ماہ طویل قبل ازحج آپریشن میں292 پروازوں کے ذریعے82300 عازمین کو حجازِ مقدّس پہنچایا۔PIA کی آخری حج پرواز لاہور سے جدہ روانہ ہوئی، پرواز پی کے739 کے400 سے زائد عازمین کو اسٹیشن مینجر نے رخصت کیا،اس حوالے سے ادارے کے CEO نے بتایا کہ PIAنے دس مقامات سے عازمین حج کو حجاز مقدّس پہنچایا انہوں نے مزید کہا کہ حج کے بعد حجّاج کرام کی وطن واپسی کےلئے آپریشن17 اگست 2019ءسے شروع ہو کر14 ستمبر2019ء کو اختتام پذیر ہو گا۔اس سلسلے میں جدہ اور مدینہ کے حج ٹرمینل پر حجّاج کرام کی واپسی کےلئے خصوصی انتظامات کیے گئے ہیں۔

دعوتِ اسلامی کی مجلس ازدیاد حب کے تحت فیصل آباد سرگودھاروڈ کے قریب ایک آفس اور غلام محمد آباد کی ایک مارکیٹ میں دکان پرمدنی حلقے کا سلسلہ ہواجس میں آفس کے اسٹاف سمیت دیگر عاشقانِ رسول نے شرکت کی ۔ مبلغ دعوت اسلامی نے نیکی کی دعوت دی اور شرکا کو دعوتِ اسلامی کے مدنی کاموں میں حصّہ لینے کا ذہن دیا۔