دعوت اسلامی کی مجلس رابطہ کے تحت ذمّہ داران نے نگرانِ کراچی اور  زونل ذمّہ دار کے ہمراہ کراچی کے علاقہ تھانہ احمد خان میں سردار ملک اسد سکندر ( ایم پی اے سندھ )سے ان کی والدہ کے انتقال پر تعزیت کی اور مرحومہ کے درجات کی بلندی کے لئے دعا فرمائی اور انہیں امیر اہلِ سنّت دَامَتْ بَرَکَاتُہُمُ الْعَالِیَہ کی تصنیف ”غیبت کی تباہ کاریاں“ بھی پیش کی۔

دعوتِ اسلامی کی مجلس آئی ٹی کی جانب سےمجلس کفن دفن کے تحت ایک ایپلی کیشن لاؤنچ کردی گئی ہے۔ کفن دفن کے معاملات میں شرعی رہنمائی فراہم کر نے وا لی اس ایپلی کیشن میں دنیا بھر کے کئی مبلغینِ دعوتِ اسلامی اور مجلس کفن دفن کے ذمّہ دا ران کے رابطہ نمبر ز بھی شامل کئے گئے ہیں۔عاشقانِ رسول ان مبلغین سے رابطہ کرکے مردے کے کفن دفن کے معاملا ت شرعی تقاضوں کے عین مطابق ادا کرسکتے ہیں ۔

دعوت ِاسلامی کی مجلس شعبۂ تعلیم کے تحت پنجاب لینڈریکارڈ اتھارٹی لاہور کے ہیڈ آفس میں مدنی حلقے  کا انعقاد کیا گیا جس میں سرکاری افسران اور ملازمین نے شرکت کی۔ مبلغ دعوت ِاسلامی نے سنّتوں بھرا بیان کیا اور شرکا کو نیکی کی دعوت دی ۔

دعوتِ اسلامی کی مجلس ذرائع آمد ورفت کے تحت ڈویزن سدھار کے علاقے ٹھیکری والامیں ایک آٹواسٹور پر مدنی حلقہ لگایا گیا جس میں آٹو اسٹورکےمالک اور دیگر اسٹاف نےشرکت کی۔مبلغ دعوتِ اسلامی نے شرکا کو نیکی کی دعوت دیتے ہوئے ہفتہ وار اجتماع اور مدنی قافلے میں سفرکرنے کی ترغیب دلائی اور مکتبۃ المدینہ کا شائع کردہ رسالہ فیضانِ نماز تحفے میں دیا۔

اسی طرح مجلس ذرائع آمد و رفت کے تحت ذمّہ داران نے لاہور کے علاقے نشتر کالونی میں زون نگران محمد منیر عطاری کے گھرجا کر ان کی عیادت کی اور جلد صحت یابی کے لئے دعا بھی کی۔

دعوتِ اسلامی كی مجلس مدرسۃالمدینہ بالغان کے تحت ذمّہ دارا ن نے ریجن ذمّہ دار کے ہمراہ پاکپتن زون کا دورہ کرتےہوئے چیچہ وطنی اور اوکاڑہ میں مختلف دکانوں اور دفاتر میں مدنی حلقے لگائےجس میں دکان کے مالکان ، مختلف شخصیات سمیت دیگر اسلامی بھائیوں نے شرکت کی ۔ذمّہ دار اسلامی بھائی نے شرکاکی تربیت کی اور دعوتِ اسلامی کا تعارف پیش کرتے ہوئے ان کو اپنی اپنی دکانوں اور دفاتر میں مدرسۃ المدینہ بالغان لگانےکی ترغیب دلائی نیزریجن ذمّہ دار نےشرکا کو مکتبۃ المدینہ کے رسائل تحفے میں دیئے۔

اسی طرح مجلس مدرسۃالمدینہ بالغان کے تحت ذمّہ دارا ن نے ریجن ذمّہ دار کے ہمراہ مدرسۃ المدینہ للبنین کے ناظم اور قاری صاحبان سے ملاقات کی اور انہیں مدرسۃ المدینہ بالغان پڑھانے کا ذہن بھی دیا۔

بیماری بھی ایک نعمت ہے ،اس کے منافع بے شمار ہیں اگر چہ آدمی کو بظاہر اس سے تکلیف پہنچتی ہے مگر حقیقتاً  راحت وآرام کا ایک بہت بڑا ذخیرہ ہاتھ آتا ہے،یہ ظاہری بیماری جس کو آدمی بیماری سمجھتا ہے ،حقیقت میں روحانی بیماریوں کا ایک بڑا زبر دست علاج ہے ،حقیقی بیماری امراض روحانیہ مثلاً دنیا کی محبت ،دولت کا لالچ ،کنجوسی ،دل کی سختی وغیرہ ہیں، یہ بہت خوف کی چیزہے اورا سی کو مرض مہلک سمجھناچاہئے ۔

اگر بیماری کی سبب مریض وہ نیک اعمال نہ کرپائے جو وہ تندستی کی حالت میں کیا کرتا تھا تو ربِّ کریم عَزَّوَجَلْ اپنے فضل وکرم سے اسے ان اعمال کا ثواب عطا فردیتا ہے،لہٰذا ہمیں چاہئے کہ ہم تندرستی کی حالت میں بھی اپنے آپ کو نیکیوں کا عادی بنائے۔