دعوت اسلامی کے تحت 12 اگست 2020ء کو فیصل آباد ریجن میں مدنی مشورہ ہوا جس میں رکن ریجن، رکن زون اور دیگر ذمہ داران نے شرکت کی۔ رکن شوریٰ حاجی ابو ماجد محمد شاہد عطاری مدنی نے کارکردگی کا جائزہ لیا اور روزانہ محاسبہ کرنے کے حوالے سے مدنی پھول دیئے۔ رکن شوریٰ نے شرکا کو اسلامی بہنوں کے مدنی کاموں میں معاونت کرنے، محارم اجتماع کروانےاور محارم اسلامی بھائیوں سے رابطے میں رہنے کا ذہن دیا۔

دعوت اسلامی کی مجلس ائمہ مساجد کےتحت مدنی مشورہ ہوا جس میں ریجن ذمہ دار اور اراکین زون نے شرکت کی۔ نگران مجلس ائمہ مساجد گل شیر عطاری نے سابقہ ماہ کی کارکردگی کا جائزہ لیااور 12 مدنی کاموں پر کلام کیا۔ نگران مجلس نے مساجد کو خود کفیل کرنے اور ہر مسجد میں 12 اسلامی بھائیوں کو 12 مدنی کاموں پر تقررکرنے کے حوالے سے اہداف دیئے۔ مدنی مشورے میں ہر امام صاحب کو 12 مدنی کام کورس کروانے کا ذہن دیا بھی گیا۔

دعوت اسلامی  کےتحت پچھلے دنوں پاکستان کے شہر کراچی ایسٹ زون ٹول پلازہ دنبہ گوٹھ فیضان مدینہ مسجد میں مبلغ دعوت اسلامی نگران کابینہ گڈاپ محمد خالد عطاری نے مدنی حلقہ لگایا اور اور شرکا کو نیکی کی دعوت دی ۔

دوسری جانب نگران گڈاپ کابینہ نے ڈویژن ٹول پلازہ دنبہ گوٹھ میں اسحاق عطاری کی بیماری پر انکے گھر جاکر عیادت کی اور دعا کی جبکہ انہیں مدنی چینل دیکھنے اور دیکھانے کا ذہن دیتے ہوئے دو اسلامی بھائی عارف و اسحاق کو آن لائن فیضان نماز کورس میں داخلہ لینے کا ذہن دیا جس پر دونوں بھائیوں نے کورس کرنے کی نیت کا اظہار کیا اس موقع پر محمد خالد عطاری نے اسحاق عطاری سمیت دونوں بھائیوں کے ساتھ انکے گھر مدنی چینل دیکھنے کا اہتمام کیا ۔(محمد خالد عطاری)

پچھلے  دنوں ذمہ داران دعوت اسلامی نے قصور کابینہ اور کابینہ فیروز پور روڈ کا دورہ کیا جہاں موجود ذمہ داران سے کابینہ کی چھ مدنی کاموں کی کارکردگی دینے اورشعبہ عطیات باکس کے تحت باکس رکھوانے پر خصوصی کلام کرتے ہوئے دو کابینہ کے رکن کابینہ کے ون ٹو ون مدنی مشورے کئے۔

اس موقع پر قصور کے نگران کابینہ سے ٹیلی فونک رابطے کا سلسلہ ہوا اور اپنے شعبہ کے تحت عطیات بکس رکھوانے کے متعلق بات چیت ہوئی مبلغ دعوت اسلامی نے فیروز پور روڈ کابینہ میں سنتوں بھر ابیان کیا اور رکن کابینہ کو مدنی کاموں کے حوالے سے ہدف دئیے۔ (رپورٹ:مجلس ڈاکٹر ہومیو پیتھک شمالی لاہور زون)

دعوت اسلامی کے تحت  پچھلے دنو ں زونل نگران حاجی محمد امتیاز عطاری نے شیخ محمد جعفر قادری دامت برکاتہم العالیہ سے پیر سوائی میں ملاقات کی اور دعوت اسلامی کے مدنی کاموں کے حوالے سے گفتگو کی۔

قبلہ سائیں شیخ محمد جعفر صاحب نے دعوت اسلامی کی دین متین کی خدمات اور ہر شعبہ جات میں سنتوں کو عام کرنے کی عظیم خدمات کو خوب سراہا تے ہوئے دعاؤں سے نوازا جبکہ اپنے تاثرات دیتے ہوئے کہا کہ اس پرفتن دور میں امیر اہلسنت جس محنت ولگن سے دین کا کام کررہے ہیں وہ قابل تعریف ہے اللہ پاک امیر اہلسنت کی درازی عمر بالخیر عطا کرے۔

واضح رہے !اس موقع پر نگران کابینہ حاجی محمد گلفام عطاری ودیگر ذمہ داران بھی موجود تھے۔(رپورٹ: محمد جہانزیب عطاری مجلس میڈیا ڈیپارٹمنٹ گوادر زون)

دعوت اسلامی کے زیر اہتمام مانانوالہ فاروق آباد کابینہ میں 11اگست2020ء بروز منگل مدرستہ المدینہ اور جامعۃالمدینہ کی بلڈنگ کا افتتاح ہوا اس موقع پر نگران کابینہ اور ڈویژن نگران نے شرکت کی ۔

مبلغ دعوت اسلامی نگران جنوبی لاہور زون حاجی عبدالرشید عطاری نے مدرستہ المدینہ اور جامعۃ المدینہ کی بلڈنگ کا افتتاح کرتے ہوئے اور ذمہ داران کو جلد تعمیرات مکمل کر کےعلم دین کی شمع روشن کرنے کے متعلق مدنی پھول دیتے ہوئے علم دین اور دینی درسگاہ تعمیر کرنے کے فضائل پر سنتوں بھر بیان کیا۔(رپورٹ:غلام جیلانی عطاری مدنی قافلہ ذمہ دار فاروق آباد کابینہ) 

دعوت اسلامی کے زیر اہتمام بلوچستان کے شہر اوتھل  میں قائم فیضان مدینہ صابرین مسجد میں 11اگست 2020بروز منگل لسبیلہ کابینہ کا مدنی مشورہ ہوا ۔مدنی مشورے میں نگران کابینہ، ڈویژن نگران، اراکین کابینہ،مجلس کورسز کے ذمہ دار رکن زون محمد آصف عطاری اور مجلس آئمہ مساجد کے ذمہ دار رکن زون نور محمد عطاری نے شرکت کی۔

مدنی مشورے میں زونل نگران حاجی محمد امتیاز عطاری نے محاسبہ کے موضوع پر مدنی پھول ارشاد فرماتے ہوئے کہا کہ حضرت سیدنا عمر فاروق رضی اللہ عنہ روزانہ اپنا احتساب فرمایا کرتے اور رات آتی تو اپنے پاوں پر درہ مارکر فرماتے بتا آج تو نے کیا کیا کیا ہے

محاسبہ کیا ہے؟ اپنے سابقہ اعمال کا حساب کرنا (جائزہ لینا)محاسبہ کہلاتا ہے سمجھدار وہ ہے جس نے حساب آخرت کو پیش نظر رکھتے ہوئے خود کو سدھارنے کے لیے اپنے نفس کا سختی سے محاسبہ کیاکیونکہ اپنے اعمال میں غوروفکر کرنے سے نہ صرف فکر آخرت پیدا ہوتی بلکہ گناہوں سے بچنے اور نیکیوں کی طرف راغب ہونے کا جذبہ بھی نصیب ہوتا ہے

انھوں نے کہا کہ اپنے محاسبے کا بہترین حل مدنی انعامات پر عمل ہے روزانہ 12منٹ اپنے مدنی کاموں کی فکر مدینہ کیا کریں کہ آج مجھے کیا کیا مدنی کام کرنے تھے اور کیا کیا ہوئے اپنی ذمہ داری کے مطابق اپنے مدنی کاموں کا جائزہ بھی لیتے رہیں کہ کیا واقعی میں اپنی ذمہ داری کا حق ادا کررہا ہوں کہ نہیں اور یہ غور کرے کہ کتنا وقت دے کر میں مدنی کام کو آگے سے آگے بڑھا سکتا ہوں؟

مزید نگران پاک نے کہا کہ تمام ذمہ داران 12مدنی کاموں کو مضبوط بنائیں ڈویژن نگران اور اراکین کابینہ شعبہ جات کے ذمہ داران اپنا عملی جدول بنائیں نگران پاک نے 12مدنی کاموں کی کارکردگی کا جائزہ لیتے ہوئے کہا کہ آن لائن کورسزمیں بھرپور انداز میں شرکت کے حوالے سے مدنی ذہن دیا۔(رپورٹ :محمد جہانزیب عطاری مجلس میڈیا ڈیپارٹمنٹ گوادر زون)

پچھلے کئی ماہ سے دعوت اسلامی کے زیر اہتمام تھیلیسیمیا اور دیگر امراض میں مبتلا مریضوں کے لئے پاکستان کے مختلف شہروں میں وقتاً فوقتاً بلڈ کیمپس کا انعقاد کیاجارہا ہے۔

اسی سلسلے میں 15اور 16اگست 2020ء بروز ہفتہ اور اتوار کو لاہور شمالی اور جنوبی زون میں بلڈ کیمپس کا انعقاد ہونے جارہا ہے ۔ عاشقان رسول سے التجاء کی جاتی ہے کہ اس فلاحی کام میں دعوت اسلامی کا ساتھ دیں اور دکھیاری امت کی خیر خواہی کے لئے اپنا بلڈ ڈونیٹ کریں۔

بلڈ کیمپس کی تفصیلات درج ذیل ہیں:

داتا صاحب کابینہ ، ڈویژن اچھرہ

مقام : نور محل ہال رسول پارک LOSروڈ لاہور۔15 اگست 2020ءبروز ہفتہ رات 7:00 بجے

03014162161-03234730236

فیروز پور روڈ کابینہ، ڈویژن کاہنہ نو

مقام: حسین میرج ہال ملحقہ مدنی مرکز فیضان مدینہ کاہنہ نوفیروز پور روڈ لاہور۔16 اگست2020ء بروز اتوار صبح 11:00 بجے

03218846963

ملتان روڈ کابینہ، ڈویژن چوھنگ

مقام: سدرہ شادی ہال کمبوہ کالونی چوھنگ۔ 16 اگست 2020ء بروز اتوارصبح 10:30 بجے

03092526563-03007826272

قصور کابینہ، ڈویژن بلھے شاہ

مقام: احمد میڈیکل کپملیکس رائیونڈ روڈ نزد مدینہ ٹاؤن کھارا چونگی قصور۔ 16 اگست 2020ء بروز اتوار صبح 9:30 بجے

03218868813-03239707269

دعوت اسلامی کی مرکزی مجلس شوریٰ کے رکن حاجی ابو ماجد محمد شاہد عطاری مدنی  نے مجلس رابطہ بالعلماء ملتان کے ذمہ داران کے ہمراہ ملتان کے علاقے M.D.A چوک کے قریب جماعت اہلسنت کے سربراہ مولانا سید مظہر سعید کاظمی شاہ صاحب سے ان کی رہائش گاہ پر ملاقات کی۔ رکن شوریٰ نے ان سے عیادت کرتے ہوئے انکی جلد صحت یابی کے لئے دعائیں کیں اور مدنی مرکز فیضان مدینہ ملتان آنے کی دعوت بھی پیش کی۔

پنجاب کے شہر ملتان کی ایک مارکیٹ میں تاجر اسلامی بھائی محمد شہزاد کی دکان پر مجلس تقسیم رسائل کے تحت نیکی کی دعوت کا سلسلہ ہوا جس میں دکان مالک کے علاوہ وہاں کام کرنے والے اور دیگر اسلامی بھائیوں نے شرکت کی۔ نگران مجلس سید محمد حسنین عطاری نے شرکاکو دنیاوی کاموں کے ساتھ ساتھ دینی کاموں میں بھی شرکت کرنے  کی ترغیب دلائی ۔نگران مجلس نے تاجروں کو اپنے والدین کے ایصال ثواب کیلئے مکتبۃ المدینہ کے رسائل تقسیم کرنے کا بھی ذہن دیا جس پر انہوں نے اپنی نیتوں کااظہار کیا۔

مجلس تقسیم رسائل کے نگران اور ریجن ذمہ دار نےملتان ہی کی دری مارکیٹ میں ایک اور تاجر اسلامی بھائی محمد اکبر کی دکان پر مدنی حلقے میں تاجروں کو نیکی کی دعوت پیش کی اور مدنی کاموں میں شرکت کا ذہن دیا۔ عاشقان رسول نے حالات بہتر ہونے پر مدنی قافلوں میں سفر کرنے، ہفتہ وار اجتماع میں شرکت کرنے کی نیت کی اور دعوت اسلامی کے مدنی کاموں کو سراہا۔

لاہور کے علاقے شملہ پہاڑی ڈیوس روڈ پر قائم پریس کلب میں پنجاب یونین آف جرنلسٹ کے صدر قمر زمان بھٹی، جوائنٹ سیکریٹری حافظ نعیم، صحافی اسلم سعیدی اور دیگر سے میڈیاڈیپارٹمنٹ دعوت اسلامی لاہور کے ریجن و زون ذمہ داران نے  ملاقات کی۔ ذمہ داران نے انہیں نیکی کی دعوت پیش کی اور شرکا کو دعوت اسلامی کے تحت ہونے والے فلاحی کاموں کے حوالے سے بتایا۔ریجن ذمہ داران نے ان افرادکو فیضان مدینہ جوہر ٹاؤن کا دورہ کرنے کی بھی دعوت دی جس کو انہوں نے قبول کرتے ہوئے فیضان مدینہ آنے کی نیت کا اظہار کیا ۔

اسی طرح میڈیا ڈیپارٹمنٹ دعوت اسلامی کے ریجن و زون ذمہ داران نے جوائنٹ سیکریٹری حافظ فیض احمد، ممبر گورننگ باڈی لاہور پریس کلب عمران شیخ، صحافی عامر سلامت اور ناصر رضا سے ملاقات کی اور انہیں بھی دعوت اسلامی کے مدنی کاموں کے حوالے سے تعارف پیش کیا۔

لاہور کے علاقے مال روڈ پر واقع انار کلی بانوبازار میں مجلس تاجران کے تحت مدنی حلقہ ہوا جس میں بازار کے صدر سلمان خان،  سینئر نائب صدر عبدالغفار،چیئرمین سید نور الامین، سیکریٹری نشرواشاعت ارسلان ایوب، تاجر چوہدری اویس ، تاجر تصورعلی، تاجر وقاص سمیت دیگر تاجروں نے شرکت کی۔

نگران مجلس محمد ندیم عطاری نے تاجروں میں ”حسد “کے موضوع پر سنتوں بھرا بیان کیا اور بتایا کہ ایک تاجر کو اسلام کی روح سے کیسا ہوناچاہیے۔ بیان کے اختتام پر ان تاجراسلامی بھائیوں نے اپنی مارکیٹ میں اس سلسلہ کو جاری رکھنے کی نیتیں کی اور دعوت اسلامی کا شکریہ ادا کیا۔