21اگست 2020ء بروز جمعۃ المبارک  نگران زون جنوبی لاہور حاجی عبدالرشید عطاری اور نگران شیخوپورہ کابینہ محمد خرم عطاری نے ڈویژن شرقپور شریف کا دورہ کیا اور مسجد فیضانِ غوث اعظم میں ڈویژن کے ذمہ داران کا مدنی مشورہ کیا جس میں شرقپور شریف کے کثیر اسلامی بھایٔیوں نے شرکت کی۔

نگرانِ زون نےذمہ داران کی بہترین تربیت کرتے ہوئے ڈویژن میں بارہ مدنی کاموں کو بڑھانے کا ذہن دیا اور ذمہ داران کی اچھی کارکردگی پر حوصلہ افزایٔی کرتے ہوئے تحائف تقسیم کئے اس موقع پر حا ضرین نے عمل کرنے کی بھر پور نیتوں کا اظہار کیا اور اہداف دیئے۔(رپورٹ :محمد ساجد عطاری مجلس کارکردگی شیخوپورہ کابینہ)

دعوت اسلامی  کے زیر اہتمام ستگھرہ کابینہ اوکاڑہ زون میں 19 اگست 2020ء بروز بدھ شخصیات کے درمیان مدنی حلقے کا سلسلہ ہوا جس میں علاقے کی شخصیات نے شرکت کی ۔

مبلغ دعوت اسلامی لیاقت علی عطاری نے شرکا کو شرعی اصولوں کے مطابق تجارت وزراعت کرنے کے متعلق مدنی پھول دیتے ہوئے دعوت اسلامی کی دینی خدمات سے آگاہ کیا جبکہ دعوت اسلامی کے شعبہ جات کا تعارف پیش کرتے ہوئے ہفتہ وار اجتماع اور ہفتہ وار مدنی مذاکرے میں شرکت کی دعوت دی ۔اس موقع پر ذمہ داران دعوت اسلامی نے شخصیات کو مرحومین کے ایصال ثواب کےلیے مساجد بنانے کا ذہن دیا جس پر حاضرین نے اپنی اچھی اچھی نیتوں کا اظہار کیا۔(رپورٹ:اویس عطاری)

دعوت اسلامی کی مجلس سیکورٹی کے تحت 21اگست2020ء  بروز جمعۃ المبارک فیضان مدینہ شیخوپورہ میں مدنی مشورے کا سلسلہ ہوا جس میں سیکورٹی مجلس شیخوپورہ کا بینہ کے ذمہ داران نے شرکت کی ۔

مبلغ دعوت اسلامی رکن کابینہ سکیورٹی مجلس محمد احمد رضا عطاری نے شیخوپورہ کابینہ کے عاشقان رسول کے درمیان 12 مدنی کام ،افرادی قوت، عملی جدول، اور مطالعہ کارکردگی جیسے کئی امور پر کلام کرتے ہوئے آنے والے ایونٹس( جلوس میلاد، اجتماع میلاد ،اجتماع بڑی گیارہویں شریف اور بڑی راتوں کے اجتماعات میں سیکیورٹی معاملات کے حوالے سے تبادلہ خیال کیا۔( رپورٹ: خالد عطاری)

دعوت اسلامی  کے تحت 21 اگست 2020ء بروز جمعۃ المبارک میر پور کشمیر زون کے نگران سید محمد ریاض حسین عطاری نے ضلع ہجیرہ کابینہ اور ضلع کوٹلی کابینہ کی ڈویژنز سہنسہ بلوچ ،عباس پور،راولا کوٹ،ہجیرہ اور کوٹلی کے ذمہ داران کا مدنی مشورہ کیا ۔

مبلغ دعوت اسلامی سید محمد ریاض حسین عطاری نے اجتماعی مدنی مذاکرہ کی اہمیت اور افادیت کے موضع پر بیان کرتے ہوئے ذمہ داران دعوت اسلامی کو ان کے مقامات بڑھانے کا ذہن دیا نیز اخلاقی تربیت کے ساتھ12مدنی کاموں بالخصوص مدرستہ المدینہ بالغان سمیت مختلف موضوع پر کلام کیا۔ اس موقع پر کئی اسلامی بھائیوں نے زلفیں رکھنے اور مدنی قافلے میں سفر کی نیتیں کیں۔ (رپورٹ:عتیق الرحمن عطاری مجلس مدرستہ المدینہ میرپور کشمیر زون)

دعوت اسلامی کے زیر اہتمام 22اگست 2020ء  میانی تحصیل بھیرہ شریف ضلع سرگودھا پنجاب میں تھیلیسیمیا اور دیگر مریضوں کے لئے بلڈ ڈونیشن کیمپ کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ کے فرما ن پرلبیک کہتے ہوئے تقریباً 55 اسلامی بھائیوں نے اپنا اپنا خون عطیہ کیا۔

واضح رہے! اسسٹنٹ کمشنر بھیرہ شریف مہر واثق عباس ہرل،ڈپٹی ڈائریکٹر اینٹی کرپشن سرگودھا شیخ محمد عمر،ایس ایچ او تھانہ میانی ملک محمد عمیر اعوان،اہم سیاسی شخصیات رانا سجاد غفورعنصر خان لودھی،سابقہ چیئرمین ویرووال چوہدری فلک شیر دھبیانہ سمیت نگران بھلوال کابینہ قاری محمد نوید عطاری اور دیگر ذمہ داران نے اس بلڈ ڈونیشن کیمپ میں دورہ کیا اور دعوت اسلامی کی خدمات کو خوب سراہا۔(رپورٹ: فضیل رضا عطاری، رکنِ زون بھلوال کوٹ مومن)

دعوت اسلامی  کے تحت 23اگست 2020ء بروز اتوار نگران کابینہ احمدپورشرقیہ و رکن زون مجلس تاجران مظفر حسین عطاری ،نگران کابینہ اوچشریف محمد احسان عطاری اور ذون ذمہ دار مجلس رابطہ ڈاکٹر عطا حسین عطاری نے اوچ شریف کابینہ میں موجودہ ایم پی اے (M.P.A) مخدوم سید افتخار حسن گیلانی سجادہ نشین دربار عالیہ قادریہ غوثیہ (محبوب سبحانی) اوچ شریف سےملاقات کی اور انہیں دعوت اسلامی ویلفیئر کی خدمات کے حوالے سے آگاہ کرتے ہوئے مخدوم صاحب کو فیضان مدینہ اوچ شریف آنے کی دعوت پیش کی جس پر انہوں نےآنے کی نیت کا اظہار کیا۔(رپورٹ: حاجی محمد عارف عطاری رکن کابینہ مجلس تاجران اوچ شریف)

دعوت اسلامی کی مجلس عشر کے تحت 21 اگست 2020ء کو مدنی مرکز فیضان مدینہ شیخوپورہ میں مدنی مشورہ ہوا جس میں شیخوپورہ کابینہ کے اطراف اور دیہات کے اسلامی بھائیوں نے شرکت کی۔ نگران زون حاجی عبد الرشید عطاری نے گاؤں میں مدنی کام کی اہمیت کے حوالے سے مدنی پھول دیئے۔نگران زون نے 12 مدنی کاموں میں بڑھ چڑھ کر حصہ لینے کی ترغیب دلائی۔ (رپورٹ: محمد ساجد عطاری، مجلس کارکردگی شیخوپورہ کابینہ)

دعوت اسلامی کے زیر اہتمام 18 اگست 2020ء بروز  منگل ستگھرہ کابینہ اوکاڑہ زون میں مدنی مشورے کا سلسلہ ہوا جس میں ڈویژن وعلاقہ نگران ذمہ داران نے شرکت کی ۔

مبلغ دعوت اسلامی لیاقت علی عطاری نے شرکا کو مساجد میں مدنی درس پڑھانے اور بذات خود صدائے مدینہ و مدنی حلقے میں شرکت کرنے کا ذہن دیا اور ہفتہ وار اجتماع ،مدنی دورہ اور مدنی مذاکرہ کے مقامات بڑھانے اور شرکاء کے اضافے کے متعلق کلام کرتے ہوئے اہداف طے کئےنیز کارکردگی بروقت دینے کا ذہن دیتے ہوئے ذمہ داران کی تقرر ی پر تبادلہ خیال کیا ۔(رپورٹ:اویس عطاری)

دعوت اسلامی کی مجلس زراعت ولائیو اسٹاک کے نگران ڈاکٹر محمد ناصر عطاری، رکن زون ڈاکٹر محمد قاسم عطاری، رکن کابینہ ظفر اقبال عطاری کے ہمراہ اوکاڑہ شہر کا دورہ کیا جہاں ایڈیشنل ڈائریکٹر لائیو اسٹاک اوکاڑہ، ڈپٹی ڈائریکٹر لائیو اسٹاک اوکاڑہ، ڈپٹی ڈائریکٹر ایگریکلچر ایکسٹینشن اوکاڑہ اور ویٹرنری ا سٹورز میں شخصیات سےملاقاتیں کیں ۔

مجلس رابطہ بالعلماء و مزارات اولیاء ملتان کے ریجن ذمہ دار نے بارکھان کابینہ علاقہ محمد صمد خان میں حضرت پیر سید چراغ شاہ رحمۃ اللہ علیہ کے مزار شریف پر حاضری دی اور ایصال ثواب کے لئے فاتحہ خوانی کی۔

حاضری کے بعد ریجن ذمہ دار نے مزار شریف کے سجادہ نشین سید عبد اللہ شاہ بخاری صاحب اور سید حافظ محمد حبیب اللہ شاہ بخاری صاحب سے ملاقات کی اور انہیں ماہنامہ فیضان مدینہ تحفے میں پیش کیا۔

دعوت اسلامی کے زیر اہتمام 19 اگست 2020ء بروز بدھ مدنی مرکز فیضان مدینہ لالہ زار کالونی بھلوال ضلع سرگودھا پنجاب میں مدنی مشورے کا سلسلہ ہوا جس میں اراکین زون اور اراکین کابینہ نے شرکت کی ۔

مبلغ دعوت اسلامی محمد عادل عطاری نگران زون سرگودھا اور مولانا عنصر خان عطاری مدنی نے محاسبۂ نفس کے موضوع پر سنتوں بھرا بیان کیا اس موقع پر مبلغ نے کہا کہ ذمہ داری ایک نعمت ہے ہمیں اس کی قدر کرنی چاہیئے، جبکہ ذمہ داران نے سرگودھا زون کی تقسیم کاری کا اعلان کرتے ہوئے اپنا محاسبہ کرنے کا ذہن دیا اور دین کی مزید خدمت کرنے کا جذبہ اجاگر کیا۔(رپورٹ: محمد فضیل رضا عطاری رکن زون بھلوال مجلس مدنی چینل عام کریں)

دعوت اسلامی کے زیر اہتمام 18 اگست 2020ء کو ضلع سرگودھا کوٹ مومن رحیم میڈی کیئر میں تھیلیسیمیا اور دیگر مریضوں کے لئے بلڈ ڈونیشن کیمپ کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ کے فرما ن پرلبیک کہتے ہوئے کثیر تعداد میں عاشقان رسول نے اپنا خون عطیہ کیا۔

جعفر حسین گجر (اسسٹنٹ کمشنر کوٹ مومن)، مہر جہانگیر احمد (صدر T.B.Aکوٹ مومن) اور میجر فیاض منہاس (وائس پریزنٹ P.T.I ضلع سرگودھا) نے اس بلڈ ڈونیشن کیمپ میں دورہ کیا اور دعوت اسلامی کی خدمات کو خوب سراہا۔ (رپورٹ: فضیل رضا عطاری، رکن کابینہ کوٹ مومن)