دعوت اسلامی کے زیر اہتمام 18 اگست 2020ء بروز  منگل ستگھرہ کابینہ اوکاڑہ زون میں مدنی مشورے کا سلسلہ ہوا جس میں ڈویژن وعلاقہ نگران ذمہ داران نے شرکت کی ۔

مبلغ دعوت اسلامی لیاقت علی عطاری نے شرکا کو مساجد میں مدنی درس پڑھانے اور بذات خود صدائے مدینہ و مدنی حلقے میں شرکت کرنے کا ذہن دیا اور ہفتہ وار اجتماع ،مدنی دورہ اور مدنی مذاکرہ کے مقامات بڑھانے اور شرکاء کے اضافے کے متعلق کلام کرتے ہوئے اہداف طے کئےنیز کارکردگی بروقت دینے کا ذہن دیتے ہوئے ذمہ داران کی تقرر ی پر تبادلہ خیال کیا ۔(رپورٹ:اویس عطاری)

دعوت اسلامی کی مجلس زراعت ولائیو اسٹاک کے نگران ڈاکٹر محمد ناصر عطاری، رکن زون ڈاکٹر محمد قاسم عطاری، رکن کابینہ ظفر اقبال عطاری کے ہمراہ اوکاڑہ شہر کا دورہ کیا جہاں ایڈیشنل ڈائریکٹر لائیو اسٹاک اوکاڑہ، ڈپٹی ڈائریکٹر لائیو اسٹاک اوکاڑہ، ڈپٹی ڈائریکٹر ایگریکلچر ایکسٹینشن اوکاڑہ اور ویٹرنری ا سٹورز میں شخصیات سےملاقاتیں کیں ۔

مجلس رابطہ بالعلماء و مزارات اولیاء ملتان کے ریجن ذمہ دار نے بارکھان کابینہ علاقہ محمد صمد خان میں حضرت پیر سید چراغ شاہ رحمۃ اللہ علیہ کے مزار شریف پر حاضری دی اور ایصال ثواب کے لئے فاتحہ خوانی کی۔

حاضری کے بعد ریجن ذمہ دار نے مزار شریف کے سجادہ نشین سید عبد اللہ شاہ بخاری صاحب اور سید حافظ محمد حبیب اللہ شاہ بخاری صاحب سے ملاقات کی اور انہیں ماہنامہ فیضان مدینہ تحفے میں پیش کیا۔

دعوت اسلامی کے زیر اہتمام 19 اگست 2020ء بروز بدھ مدنی مرکز فیضان مدینہ لالہ زار کالونی بھلوال ضلع سرگودھا پنجاب میں مدنی مشورے کا سلسلہ ہوا جس میں اراکین زون اور اراکین کابینہ نے شرکت کی ۔

مبلغ دعوت اسلامی محمد عادل عطاری نگران زون سرگودھا اور مولانا عنصر خان عطاری مدنی نے محاسبۂ نفس کے موضوع پر سنتوں بھرا بیان کیا اس موقع پر مبلغ نے کہا کہ ذمہ داری ایک نعمت ہے ہمیں اس کی قدر کرنی چاہیئے، جبکہ ذمہ داران نے سرگودھا زون کی تقسیم کاری کا اعلان کرتے ہوئے اپنا محاسبہ کرنے کا ذہن دیا اور دین کی مزید خدمت کرنے کا جذبہ اجاگر کیا۔(رپورٹ: محمد فضیل رضا عطاری رکن زون بھلوال مجلس مدنی چینل عام کریں)

دعوت اسلامی کے زیر اہتمام 18 اگست 2020ء کو ضلع سرگودھا کوٹ مومن رحیم میڈی کیئر میں تھیلیسیمیا اور دیگر مریضوں کے لئے بلڈ ڈونیشن کیمپ کا انعقاد کیا گیا جس میں امیر اہل سنت دَامَتْ بَرَکَاتُہُمُ الْعَالِیَہ کے فرما ن پرلبیک کہتے ہوئے کثیر تعداد میں عاشقان رسول نے اپنا خون عطیہ کیا۔

جعفر حسین گجر (اسسٹنٹ کمشنر کوٹ مومن)، مہر جہانگیر احمد (صدر T.B.Aکوٹ مومن) اور میجر فیاض منہاس (وائس پریزنٹ P.T.I ضلع سرگودھا) نے اس بلڈ ڈونیشن کیمپ میں دورہ کیا اور دعوت اسلامی کی خدمات کو خوب سراہا۔ (رپورٹ: فضیل رضا عطاری، رکن کابینہ کوٹ مومن)

19 اگست 2020ء کودعوت اسلامی کے زیر اہتمام شیخوپورہ کے نگرانِ کابینہ محمد خرم عطاری نے ڈویژن ہاؤسنگ کالونی میں چار علاقوں ( ہاؤسنگ کالونی، جوئیانوالہ موڑ، جاوید نگر، خانپور) کا دورہ کیا۔ دوران دورہ ذمہ داران کا مدنی مشورہ کیا جس میں 12 مدنی کام، ہفتہ وار رسالہ کی مطالعہ کارکردگی بڑھانے اور شجر کاری مہم کو تیز کرنے کے حوالے سے مدنی پھول دیئے۔ نگران کابینہ نے شخصیات سے ملاقاتیں کیں اور نمایاں کارکردگی کے حامل ذمہ داران کی حوصلہ بھی افزائی کی۔ (رپورٹ: محمد ساجد عطاری، مجلس کارکردگی شیخوپورہ)

پچھلے دنوں دعوت اسلامی کے زیر اہتمام پاکپتن زون میں مدنی مشورہ ہوا جس میں مجلس ہفتہ وار اجتماع کے ذمہ داران نے شرکت کی۔ ریجن ذمہ دار محمد شفیق عطاری نے  اجتماع کی مجالس کا تقرر کرنے، انتظامی امور کی کیفیت کو پہلے سے بہتر بنانے، ہفتہ وار اجتماع کی تشہیر کرنے اور اجتماع میں شرکا کی تعداد میں اضافہ کرنے حوالے سے مدنی پھول دیئے۔مدنی مشورےمیں شرکا کی تعداد میں اضافہ کرنے کے حوالے سے اہداف بھی دیئے گئے۔ (رپورٹ: عابد عطاری، رکن کابینہ)

دعوت اسلامی کی مجلس رابطہ بالعلماء کے تحت رکن شوریٰ حاجی ابو ماجد محمد شاہد عطاری مدنی نے نگران مجلس رابطہ پاکستان محمد افضل عطاری مدنی نے راولپنڈی کے مشہور خطیب مولانا پروفیسر محمد عمر فیض چشتی قادری صاحب سے ملاقات کی۔ رکن شوریٰ نے انہیں دعوت اسلامی کے شعبہ جات اور درسی کتب کا تعارف پیش کرتے ہوئے ماہنامہ فیضان مدینہ تحفے میں دیا۔

اس موقع پر ریجن ذمہ دار محمد ظہیر عباس عطاری مدنی اور اسلام آباد کے زون ذمہ دار محمد خالد عطاری مدنی سمیت دیگر ذمہ داران بھی موجود تھے۔

دعوت اسلامی کے مدنی مرکز فیضان مدینہ اسلام آباد میں ذمہ داران کا مدنی مشورہ ہوا جس میں پنڈی زون، اسلام آباد، واہ کینٹ، جہلم چکوال، سیالکوٹ، میر پور کشمیر اور مظفر آباد زون کے نگران زون اور نگران کابینہ نے شرکت کی۔ نگران پاکستان انتظامی کابینہ حاجی محمد شاہد عطاری نے ذمہ داران کی رہنمائی فرمائی اور گزشتہ پانچ ماہ کے دوران ہونے والے مدنی کاموں کی کارکردگی کا جائزہ لیا۔

مدنی مشورے میں زونز میں آنے والے ہر گاؤں میں ایک نگران کی تقرری ، گاؤں نگران پر اطراف نگران کی تقرری اور نگران کابینہ کی تقرری پر گفتگو ہوئی جبکہ اطراف میں نئی کابینہ بنانےپر اہداف مقرر ہوئے۔ اسلام آباد ریجن میں 32 نئی کابینہ کا قیام عمل میں لانے، نیو سوسائیٹیز میں ذمہ داران کی تقرری کرنے اور زلفیں رکھنے رکھوانے کی تحریک چلانےاور رسالہ مطالعہ کی کارکردگی بڑھانے سمیت دیگر اہم امور پر اہداف مقرر ہوئے۔

اس موقع پر اراکین شوریٰ حاجی محمد اظہر عطاری اور حاجی وقار المدینہ عطاری بھی موجود تھے۔

دعوت اسلامی کی مجلس ڈاکٹر کے ریجن ذمہ دار محمد مہشید عطاری نے ڈاؤ یونیورسٹی اوجھا کیمپس کا دورہ کیاجہاں ڈائیریکٹر سید حبیب، اسسٹنٹ پروفیسر کاشف بیگ، اوجھا کے ڈائریکٹر پروفیسر نثار راؤ اور ڈاؤ یونیورسٹی وائس چانسلر کے ایڈوائزر ڈاکٹر عامر رضا سے ملاقات کی۔ محمد مہشید عطاری نے انہیں 23 اگست 2020ء کو ہونے والے ٹیچرز اجتماع میں شرکت کرنے کی ترغیب دلائی۔ ریجن ذمہ دار نے 23 اگست کو ہونے والے پروگرام کو آفیشلی طور پرپروموٹ کرنے پر گفتگو کی۔ دوران دورہ اسسٹنٹ ڈائیریکٹر اسحاق خان اور ان کی پانچ رکنی ٹیم کو بھی اجتماع کی دعوت دی گئی۔

دعوت اسلامی کی مجلس شعبہ تعلیم کے ذمہ داران نے کراچی میں واقع ایک نجی یونیورسٹی I.B.A Universityکا دورہ کیا۔ ذمہ داران نے یونیورسٹی کے انتظامیہ سے ملاقات کی اور 23 اگست 2020ء کو ہونے والے ٹیچرز اجتماع میں شرکت کرنے کی ترغیب دلائی۔ ذمہ داران نے انہیں یونیورسٹی کے لیکچرار اور اسسٹنٹ پروفیسرتک اس اجتماع کی دعوت دینے کا ذہن دیا۔ انتظامیہ نے اس دعوت کو اساتذہ تک دعوت پہچانے کی نیت کی اوریونیورسٹی میں مدنی کام کو فروغ دینےکے لئے تعاون کی یقین دہانی کروائی۔

دعوتِ اسلامی کے زیرِ اہتمام ہر سال کی طرح اس سال بھی یکم محرم الحرام سے 10 محرم الحرام تک مدنی مذاکروں کا سلسلہ ہوگا۔ ان مدنی مذاکروں میں عاشقِ صحابہ و اہلِ بیت، بانیِ دعوتِ اسلامی مولانا الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ یہ مدنی مذاکرے موجودہ صورتِ حال کے پیشِ نظر گیدرنگ کی صورت میں نہیں ہوں گے، عاشقانِ رسول اپنے گھروں میں رہتے ہوئے مدنی چینل کے ذریعے امیرِ اہلِ سنت کےمدنی پھولوں سے مستفیض ہوسکیں گے۔