دعوت اسلامی کے تحت 22 اکتوبر 2020ء  کو رکن زون فیصل آباد محمد طاہر عطاری نے مقامی ڈویژن نگران محمد اظہر عطاری کے ہمراہ پینسرہ کابینہ اور فیصل آباد کابینہ کے اطراف میں علاقائی دورہ کیا جہاں انہوں عاشقان رسول کو نیکی کی دعوت دی۔

علاقائی دورہ کے بعد مقامی مسجد میں سنتوں بھرا بیان کیا جس میں اسلامی بھائیوں کو مدنی قافلے میں سفر کرنے کی ترغیب دلائی۔

دعوت اسلامی کی مجلس مدنی قافلہ کے زیر اہتمام 26 اکتوبر 2020ء کو فیصل آباد کابینہ کی جامع مسجد تاجدار مدینہ  میں مدنی مشورہ ہوا جس میں مدنی قافلہ کے ڈویژن ذمہ داران نے شرکت کی۔ رکن زون فیصل آباد محمد طاہر عطاری نے تقرری کا جائزہ لیا اور 10 ربیع الاول 1442ھ سے سفر کرنے والے مدنی قافلے اور ماہ نومبر2020ء میں ہونے والے ٹیلی تھون کے حوالے سے گفتگو کی۔

دعوت اسلامی کی مجلس مدنی قافلہ کے زیر اہتمام کراچی ریجن لانڈھی کابینہ کے عاشقان رسول 2 اکتوبر 2020ء سے ایک ماہ کے مدنی قافلے میں سفر کررہے ہیں۔ دوران مدنی قافلہ شرکا میں سے سات اسلامی بھائیوں نے مزید 12 ماہ کے مدنی قافلے میں سفر کرنے کی نیت کی۔

12 ربیع النور شریف کی آمد آمد ہے  اور عنقریب وہ گھڑی آنے والی ہے جس وقت نبی آخری الزماں صلَّی اللہ علیہ واٰلہٖ وسلَّم کی دنیا میں تشریف آوری ہوئی تھی۔ دنیا بھر کے عاشقان رسول اپنے نبی صلَّی اللہ علیہ واٰلہٖ وسلَّم کی آمد کی خوشی میں اپنے گھروں، محلوں، دکانوں اور سواریوں پر چراغاں کرکے اور جھنڈے لگاکر اپنی محبت کا اظہار کرتے ہوئے جشن منارہے ہیں۔

اسی آمدکی خوشی میں دعوت اسلامی کی مجلس مدنی قافلہ کے زیر اہتمام 12 ماہ کے مدنی قافلے میں سفر کرنے والے عاشقان رسول نے سٹی بہاولپور کے لاری اڈوں پر رکشوں، بسوں، ٹھیلوں اور دیگر گاڑیوں پر مدنی پرچم لگائے۔

دعوت اسلامی کی مجلس شعبہ تعلیم کے زیر اہتمام کوئٹہ میں اجتماع میلاد کا اہتمام کیا گیا جس میں اسٹوڈنٹس نے شرکت کی۔ رکن زون شعبہ تعلیم محمد فہد عطاری نے ”شان مصطفیٰ صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا اور دعوت اسلامی کا تعارف پیش کرتے ہوئے طلبہ کرام کو ہفتہ وار اجتماع میں شرکت کرنے کا ذہن دیا۔

دعوت اسلامی کی مجلس میڈیا ڈیپارٹمنٹ کے زیر اہتمام آج رات 8:00 بجے پریس کلب لاہور میں اجتماع میلاد کا انعقاد کیا جائیگا۔ اس اجتماع میں مرکزی مجلس شوریٰ کے رکن حاجی یعفور رضا عطاری سنتوں بھرا بیان فرمائیں گے۔

پریس کلب کےتمام عاشقان رسول سے اس اجتماع میں شرکت کرنے کی درخواست ہے۔ 

24 اکتوبر 2020ء کو علاقہ جعفر آباد کے اطراف میں مدنی کاموں کا سلسلہ ہوا۔

مقامی مسجد میں مدنی درس کا اہتمام کیا گیا جس میں اہل علاقہ نے شرکت کی۔ بعد ازاں علاقائی ذمہ داران کا مدنی مشورہ ہوا ۔ نگران کابینہ نے شرکا کی تربیت کی اور مدنی کاموں کے حوالے سے تبادلہ خیال کیا گیا۔ 

24اکتوبر 2020ء کو دعوت اسلامی کے زیر اہتمام خضدار کابینہ میں مدنی مشورہ ہوا جس میں شعبہ عشر، مجلس کارکردگی، مجلس مدنی قافلہ اور مجلس ہفتہ وار اجتماع کے ذمہ داران نے شرکت کی۔نگران زون نے شرکا کی تربیت کی اور شعبے میں بہتری کے حوالے سے مدنی پھول ارشاد فرمائے۔

دعوت اسلامی کی مجلس اسپیشل افراد کے نگران محمد حنیف عطاری نے مجلس اسپیشل ایجوکیشن کےنگران محمد عمیر عطاری کے ہمراہ  میر پور کشمیر میں قائم (Kashmir institute of special education) کا وزٹ کیا جہاں انہوں نےادارے کے ہیڈ ڈاکٹر امجد انصاری سے ملاقات کی۔ ڈاکٹر امجد انصاری نے اسکولز میں ہونے والے اشاروں کی زبان میں اسلامک لیکچرز کو سراہا اور آئندہ بھی یہ سلسلہ جاری رکھنے کے لیے اپنے نیک خواہشات کا اظہار کیا۔ head of kashmir institute of special educationڈاکٹر امجد انصاری نے اپنے ادارے کی جانب سے دعوت اسلامی کے لئے تعریفی سرٹیفکیٹ بھی جاری کیا۔

دعوت اسلامی کے زیر اہتمام19 اکتوبر 2020ء  بروز پیر اطراف حافظ آباد شہر کالیکی منڈی مقام مدنی مرکز فیضان مدینہ میں مدنی مشورہ ہوا جس میں ڈویژن کے اراکین اور علاقہ نگران نے شرکت کی مدنی مشورے میں مبلغ دعوت اسلامی محمد عمران عطاری نگران کابینہ نے 12 مدنی کاموں ، ہفتہ وار رسالہ اورعشر جیسے کئی امور پر کلام کیا ۔(رپورٹ:مکرم عطاری ڈویژن نگران )

دعوت اسلامی کے زیر اہتمام 22 اکتوبر 2020ء بروز  جمعرات اطراف ڈویژن احمد پور شرقیہ کے علاقے مڈپیر واہ ،گوٹھ رضا،اوربہاول واہ پل میں تربیتی مدنی حلقے کا سلسلہ ہوا جس میں غلام حسین سولگی، زمیندارخادم حسین بلوچ ،زمیندار رئیس عبدالحمید سمیت دیگر زمیندار نے شرکت کی ۔

مدنی حلقے میں اطراف نگران زون محمد ندیم عطاری ،اطراف نگران کابینہ محمدعابد عطاری اور اطراف ڈویژن نگران محمد ارشد عطاری نے شرکا کو عشر دینے کے متعلق آگاہ کیا جس پر زمینداروں نے دعوت اسلامی کو عشر دینے کی نیت کی اور دعوت اسلامی کے بارے میں اپنے نیک خیالات کا اظہار کیا۔

24اکتوبر2020ء کو نگران شوریٰ مولانا محمد عمران عطاری مَدَّظِلُّہُ الْعَالِی کی بیٹی کے نکاح کی تقریب کا انعقاد کیا گیا۔

یہ تقریب عالمی مدنی مرکز فیضان مدینہ کراچی میں ہونے والےمدنی مذاکرے کے دوران منعقد ہوئی۔ بنت حاجی مولانا محمد عمران عطاری مَدَّظِلُّہُ الْعَالِی کا نکاح شیخ طریقت امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے پڑھایا۔

اس تقریب میں جانشین امیر اہل سنت مولانا عبید رضا عطاری، استاذ الحدیث مفتی محمد حسان عطاری مدنی، اراکین شوریٰ حاجی محمد امین عطاری، حاجی مولانا عبد الحبیب عطاری، حاجی سید ابراہیم عطاری، زوجین کے اہل خانہ اور کراچی بھر سے تشریف لائے عاشقان رسول موجود تھے۔

اس تقریب کے اختتام پر نکاح کی خوشی میں سنت نبوی صلَّی اللہ علیہ واٰلہٖ وسلَّم کے مطابق چھوارے بھی تقسیم کئے گئے۔