پچھلے دنوں عاشقانِ رسول کے جامعہ فخرالعلوم لاہور  میں سحری اجتماع ہوا جس میں ریجن ذمّہ دارمجلس مدنی انعامات، دیگر کابینہ ذمّہ داران سمیت جامعہ کے طلبائے کرام نے شرکت کی۔ رکنِ شوریٰ حاجی محمد فضیل رضا عطاری نے سنتوں بھرا بیان کیا۔واضح رہے کہ سحری اجتماع سے پہلے نماز تہجد کا سلسلہ بھی ہوا۔

دعوت اسلامی کی مجلس رابطہ بالعلماء کے تحت مدنی مرکز فیضانِ مدینہ ڈیرہ غازی خان میں تنظیم المدارس اہلِ سنّت  پاکستان کا جنوبی پنجاب کے علمائے کرام کا تربیتی کنونشن پروگرام منعقد ہوا جس میں مختلف عاشقانِ رسول کے جامعات سے علمائے کرام نے شرکت کی۔ کنونشن کی صدارت مولانا خان محمد باروی صاحب (صوبائی صدر جنوبی پنجاب)، حافظ ڈاکٹر غلام عباس صاحب (ناظم امتحانات تنظیم المدارس)، مولانا عبد المجید کریمی صاحب (کوآرڈینیٹرڈیرہ غازی خان)،سید عمار الحسن مدنی صاحب (ریجن ذمّہ دارمجلس رابطہ بالعلماء ) اورمولانا نذیرمدنی صاحب ( ناظم جامعۃ المدینہ ڈیرہ غازی خان)نے کی۔کنونشن کے بعد ذمّہ داران نے علمائے کرام کو مدنی مرکز فیضانِ مدینہ میں قائم جامعۃ المدینہ کا وزٹ کرواتے ہوئے ماہنامہ فیضانِ مدینہ اور کتاب مختصر فتاوٰی اہلِ سنّت تحفے میں پیش کی۔کنونشن میں شرکت کرنے والے چند علمائے کرام کے نام یہ ہیں:مفتی غلام مجتبیٰ صاحب (ناظم وصدر جامعہ محمودیہ دربار حضرت شاہ سلیمان تونسوی)، مفتی محمد زبیرقادری صاحب (ناظم و صدر جامعہ رضاء العلوم)، مولانا حافظ خبیب نقشبندی صاحب ، مولانا کلیم اللہ صاحب (ناظم جامعہ انوارِ مصطفیٰ)، مولانا حفیظ اللہفورٹ منرو صاحب ۔(رپورٹ: سید عمار الحسن عطاری مدنی، مجلس رابطہ بالعلماء)

دعوت اسلامی کی مجلس رابطہ بالعلماءومجلس مزارات اولیاءکے تحت 21دسمبر2019ء کو ہند کے شہر پٹنہ میں مدنی مشورہ ہوا جس میں نگرانِ زون اور  اراکینِ زون نے شرکت کی۔نگرانِ مجلس رابطہ بالعلماءومجلس مزارات اولیاء نے شرکا کی تربیت اور شعبے کے مدنی کاموں کے حوالے سے کلام کیا۔(رپورٹ:محمد صلاح الدین عطاری، مجلس رابطہ بالعلماء)

دعوت اسلامی کی مجلس رابطہ بالعلماء کے ذمّہ داران نے مختلف مقامات پر علمائے کرام سے ملاقاتیں کیں۔ ذمّہ داران نے  انہیں دعوت اسلامی کی مختلف شعبہ جات کا تعارف پیش کرتے ہوئے ماہنامہ فیضانِ مدینہ اور کتاب مختصر فتاویٰ اہلِ سنّت تحفے میں دی ۔ چند علمائے کرام کے نام یہ ہیں: شیخ الحدیث مفتی راشد حبیب امینی صاحب (دارالعلوم امینیہ رضویہ فیصل آباد)، مولانا شہوار قادری صاحب (خطیب جامع مسجد ابراہیم فیصل آباد)، مولانا یعقوب امینی صاحب (منتظم دارالعلوم امینیہ رضویہ)، مولانا عبدالمجید سعیدی صاحب (خطیب جامع مسجد لوھار والا D.Gخان کابینہ)، مولانا محمد عبدالمقیت امینی صاحب (مدرس دارالعلوم امینیہ رضویہ)، مولانا محمد اشفاق قادری صاحب (مدرس دارالعلوم امینیہ رضویہ)، مفتی محمد عبد اللہ صاحب (مدرس دارالعلوم امینیہ رضویہ)۔ مولانا حضور بخش مدنی صاحب اور مولانا سید عامر مدنی صاحب نے راجن پور ڈیرہ غازی خان زون میں جامعۃ المدینہ اور مکتبۃ المدینہ کا وزٹ کیا۔

  دعوتِ اسلامی کے زیر انتظام پچھلے دنوں موچھ شریف میانوالی میں سالانہ گیارہویں شریف کی محفل منعقد کی گئی جس میں عاشقانِ رسول سمیت کثیر تعداد میں علمائے کرام اور آئمہ حضرات نے بھی شرکت کی۔ اس موقع پر علمائے کرام کو تحائف پیش کئے گئے۔جبکہ آستانہ عالیہ موازوالہ شریف ضلع میانوالی میں مجلس رابطہ بالعلماء کے ذمہ داران کی حاضری ہوئی جہاں ان کی ملاقات سجادہ نشین پیر سید صابر حسین شاہ کاظمی صاحب، پیر سید ارشد حسین شاہ کاظمی صاحب اورپیر محبوب شاہ صاحب سے ہوئی۔

دعوتِ اسلامی کی مجلس رابطہ بالعلماء کے تحت پچھلے دنوں مجلس کے ذمہ داراسلامی بھائیوں نے  فیصل آباد میں مولانا محمد ندیم امینی صاحب (مدرس جامعہ امینیہ ) اور مولانا محمد بدر قادری صاحب (امام و خطیب جامع مسجد دیال والا فیصل آباد )سے ملاقات ہوئی۔ دورانِ ملاقات مختلف امور پر گفتگو کا سلسلہ ہوا۔ذمہ دار اسلامی بھائی نے انہیں کتاب” مختصر فتاوی اہلسنت“اور ”ماہنامہ فیضان ِمدینہ“ تحفے میں پیش کیا۔

دعوت اسلامی کی مجلس رابطہ باالعلماء کے تحت 18دسمبر 2019ء کو ذمّہ داران نے مختلف مقامات پر علمائے کرام سے ملاقاتیں کیں اور انہیں دعوت اسلامی کا تعارف پیش کرتے ہوئے ماہنامہ فیضانِ مدینہ اور کتاب مختصر  فتاوٰی اہلِ سنّت تحفے میں دی۔چند علمائے کرام کے نام یہ ہیں: مولانا حافظ نذیر احمد سعیدی صاحب (مہتمم مدرسہ فاروقیہ رضویہ پنڈدادنخان)، مولانا صاحبزادہ خلیل الرحمٰن نقشبندی صاحب (دارالعلوم امینیہ رضویہ فیصل آباد)، مفتی محمد مسعود احمد حسان صاحب (مہتمم دارالعلوم امینیہ رضویہ فیصل آباد )، مولانا قاری محمد سردار قادری صاحب (مدرسہ جامعہ حنفیہ قادریہ )، مفتی خلیل احمد سلطانی صاحب (صدر ومدرس جامعہ مرکزی عید گاہ ڈیرہ غازی خان)، مولانامحمد انورقریشی صاحب ( مہتمم دارالعلوم محمدیہ رضویہ پنڈدادنخان)۔

18دسمبر2019ء کو ہند کے شہر بلاسپور چھتیس گڑھ میں قائد ملت مولانا سیدمحمود اشرف اشرفی الجیلانی صاحب مَدَّظِلُّہُ الْعَالِی کی آمد ہوئی۔ مجلس رابطہ بالعلماء و المشائخ و مجلس مزارات اولیاء کے ذمّہ دار اسلامی بھائی نے حضرت سے جاکر ملاقات کی اور انہیں دعوت اسلامی کے مختلف شعبہ جات کا تعارف پیش کیا۔(محمد صلاح الدین عطاری،مجلس رابطہ بالعلماء و المشائخ)

دعوت اسلامی کی مجلس رابطہ بالعلماء کےذمّہ داران نےفیصل آباد میں  واقع جامعہ قادریہ رضویہ کا وزٹ کیا جہاں انہوں نے جامعہ کے مہتمم مولانا صاحبزادہ ضیاء المصطفٰی نوری صاحب،مفتی غلام رسول قادری رضوی صاحب اور مفتی معین صاحب سے ملاقات کی ۔ذمّہ داران نے انہیں دعوت اسلامی کا تعارف پیش کیااور ماہنامہ فیضانِ مدینہ اور کتاب مختصر فتاوی اہلِ سنّت تحفے میں دی۔

مجلس رابطہ بالعلماء ملتان کےریجن ذمّہ دار اور رکنِ کابینہ نے D.Gخان کی بستی مانہ ہمدانی میں واقع جامعہ حافظ احمد یار خان کے صدر مولانا طارق حسین صاحب اورجامعہ کے مدرس مولانا ملازم حسین سعیدی صاحب سے ملاقات کی۔ ذمّہ داران نے انہیں دعوت اسلامی کا تعارف پیش کیا اور عالمی مدنی مرکز فیضانِ مدینہ کراچی میں شعبان المعظم1441ھ کو ہونے والے علم التوقیت کورس میں طلبائے کرام کو شرکت کروانے کا ذہن دیا جس پر علمائے کرام نےکورس میں طلبہ کی شرکت کو یقینی بنانے کی نیت کی اور دعوت اسلامی کی دینی خدمات کو خوب سراہا۔ 

دعوت اسلامی کی مجلس رابطہ بالعلماء کے ذمّہ داران نےاسلام آباد میں واقع جامعہ محمدیہ غوثیہ فخر السادات کا وزٹ کیا جہاں انہوں نے جامعہ کے مدرسین مولانا واجد حسین چشتی صاحب، مولانا انس قریشی صاحب، مفتی محمد ریاض الدین چشتی مٹھالوی صاحب  اور مولانا عاصم قریشی صاحب سے ملاقات کی ۔ذمّہ داران نے انہیں دعوت اسلامی کا تعارف پیش کرتے ہوئے ماہنامہ فیضانِ مدینہ اور کتاب مختصر فتاوٰی اہلِ سنّت تحفے میں پیش کی۔

دعوت اسلامی کی مجلس رابطہ بالعلماء کے ذمّہ داران نے اسلام آباد میں قائم ادارہ گلشنِ مصطفٰیﷺ  کے مدرس مولانا محمد ایوب جلالی صاحب سے ملاقات کی اور انہیں دعوت اسلامی کے مختلف شعبہ جات کا تعارف پیش کرتے ہوئےماہنامہ فیضانِ مدینہ اور کتاب مختصر فتاوٰی اہلِ سنّت تحفے میں دی۔