گزشتہ دنوں شعبہ رابطہ بالعلماء دعوتِ اسلامی کے ذمہ داراسلامی بھائیوں نے پنجاب پاکستان کے علاقے کروڑ لعل عیسن ضلع لیہ میں قائم جامعہ بارویہ مظہر الاسلام میں حاضری دی جہاں انہوں نے بانیِ ادارہ مولانا محمد عظمت اللہ باروی صاحب (فارغ التحصیل جامعہ رضویہ محدث اعظمِ پاکستان) سے ملاقات کی۔

اسی طرح ذمہ داراسلامی بھائیوں نے مولانا پروفیسر محمد عبدالعزیز باروی صاحب سے ملاقات کرتے ہوئے مختلف امور پر تبادلۂ خیال کیا۔بعدازاں ذمہ داران نے انہیں ’’ماہنامہ فیضانِ مدینہ‘‘ اور ’’کنزالمدارس بورڈ پاکستان‘‘ کتاب تحفے میں پیش کی۔(رپورٹ:شعبہ رابطہ بالعلماء، کانٹینٹ:غیاث الدین عطاری)

دعوتِ اسلامی کے تحت پچھلے دنوں شعبہ رابطہ بالعلماء کے وفد نے جنوبی پنجاب پاکستان کے مشہور و معروف آستانہ عالیہ پیر بارو شریف پر حاضری دی جہاں انہوں نے سجادہ نشین مولانا خواجہ پیر محمد حسن باروی سے ملاقات کی۔

اس دوران وفد نے وسیع لائبریری کا وزٹ کرتے ہوئے وہاں موجود مختلف تبرکات کی زیارت بھی کی۔بعدازاں وفد نے سجادہ نشین کو دعوتِ اسلامی کی دینی و فلاحی سرگرمیوں کے بارے میں بتاتے ہوئے شعبہ کنزالمدارس بورڈ پاکستان کا تعارف کروایا جس پر انہوں نے خوشی کا اظہار کیا اور دعوتِ اسلامی کی ترقی کے لئے دعائیں کیں۔(رپورٹ:شعبہ رابطہ بالعلماء، کانٹینٹ:غیاث الدین عطاری)

25 مارچ 2022ء بروز جمعہ دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے دینی کاموں کے سلسلے میں پنڈدادن خان ضلع جہلم کا دورہ کیا، اس دوران انہوں نے جامع مسجد خواجگان محلہ کوٹکلاں میں نمازِ جمعہ سے قبل سنتوں بھرا بیان کرتے ہوئے استاذ العلماء حضرت مولاناحاجی حافظ نذیر احمد سعیدی رحمۃُ اللہِ علیہ کی خدمات کو خراجِ تحسین پیش کیا۔

بعدازاں رکنِ شوریٰ نے ذمہ داراسلامی بھائیوں کے ہمراہ اُن کے مزارپر حاضری دی نیز جانشین ِصاحبزادگان مولانا عبد الرحمٰن ضیاء صاحب اور مولانا حافظ محمد مدثر سعیدی صاحب سے تعزیت کی۔(رپورٹ:شعبہ رابطہ بالعلماء، کانٹینٹ:غیاث الدین عطاری)

گزشتہ دنوں دعوتِ اسلامی کی جانب سے شعبہ رابطہ بالعلماء کے گوجرانوالہ ڈویژن ذمہ دار محمد ظہیر عباس  عطاری مدنی اور ركن کابینہ فاروق عطاری مدنی نے ڈسکہ میں قائم عاشقانِ رسول کی دینی درس گاہ دارالعلوم نقشبندیہ مجددیہ جماعتیہ رضویہ کا دورہ کیا جہاں انہوں نے ناظمِ اعلیٰ مولانا حافظ محمد فضل عثمان سلطانی صاحب سے ملاقات کی۔

اس دوران ذمہ داران نے اُن سے دعوتِ اسلامی کے شعبے کنزالمدارس بورڈ پاکستان سمیت دیگر شعبہ جات کے حوالے سےگفتگو کی جس پرانہوں نے اپنی نیک خواہشات کا اظہار کرتے ہوئے تاثرات دیئے اور کنزالمدارس بورڈ پاکستان کی ترقی کے لئے دعا کروائی۔(رپورٹ:شعبہ رابطہ بالعلماء ، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں شعبہ رابطہ بالعلماء کے ذمہ داراسلامی بھائیوں نے جامعہ خیرالانام ڈسٹرکٹ لیہ کا دورہ کیا جہاں انہوں نے مہتمم و مدرس مولانا پیر محمد احمد حسن باروی صاحب سےملاقات کی۔

دورانِ ملاقات ذمہ داران نے انہیں دعوتِ اسلامی کی عالمی سطح پر ہونے والی دینی وفلاحی خدمات کے حوالے سے بتاتے ہوئے کنزالمدارس بورڈ پاکستان کا تعارف پیش کیا جس پر مہتمم صاحب نے دعوتِ اسلامی کی کاوشوں کو سراہا۔(رپورٹ:شعبہ رابطہ بالعلماء، کانٹینٹ:غیاث الدین عطاری)

پچھلے دنوں دعوتِ اسلامی کے تحت شعبہ رابطہ بالعلماء ڈسٹرکٹ گجرات کے ذمہ دار طاہر طفیل عطاری مدنی کی مولانا حامد محمود چشتی (جامعہ صفۃ المدینہ گجرات و مہتمم جامعہ رباطیہ للبنات گجرات) اور مولانا خالد محمود قادری اشرفی (ناظم تعلیمات الجامعۃ الاشرفیہ گجرات) سے ملاقات ہوئی۔

اس دوران ذمہ دار نے علمائے کرام کو گجرات میں ہونے والے دعوتِ اسلامی کے امتحانی مرکز کا وزٹ کرواتے ہوئے مدسۃ المدینہ بوائز سمیت دیگر شعبہ جات کا بھی وزٹ کروایا جس پر علمائے کرام نے دعوتِ اسلامی کے دینی و فلاحی خدمات کو سراہا۔(رپوٹ:شعبہ رابطہ بالعلماء، کانٹینٹ:غیاث الدین عطاری)

دعوتِ اسلامی کے شعبہ رابطہ بالعلماء کے تحت  حافظ محمد نیاز الازہری صاحب مہتمم جامعہ تاجدار مدینہ سیالکوٹ نے مرکز امتحان سیالکوٹ میں قائم امتحانی مرکز کا وزٹ کیا۔

ڈسٹرکٹ سیالکوٹ شہر پر مقرر شعبہ رابطہ بالعلماء کے ذمہ دار قاری یعقوب عطاری نے انہیں کنزالمدارس بورڈ کے حوالے سے بریفنگ دی اور مرکز امتحان کا دورہ کروایا۔حافظ محمد نیاز الازہری نے دعوت اسلامی کے اس نظام کے حوالے سے اچھے جذبات کا اظہار فرمایا۔

دعوتِ اسلامی کے  تعلیمی بورڈ کنزالمدارس کی جانب سے سالانہ امتحانات جاری ہیں، اس دوران معروف عالمِ دین حضرت علامہ مولانا پیر سید مزمل عمرکاظمی صاحب دامت بَرَکَاتُہمُ العالیہ نے منڈی بہاؤالدین میں قائم جامعۃ المدینہ کے امتحانی مرکز کا دورہ کیا۔

منڈی بہاؤالدین شہر پر مقرر شعبہ رابطہ بالعلماء کے ذمہ دار مظہر فاروق عطاری نے پیر مزمل عمرکاظمی صاحب سے ملاقات کی اور انہیں امتحانی مرکز کا وزٹ کروایا۔ پیر مزمل عمرکاظمی صاحب نے دعوتِ اسلامی کی تعلیمی سرگرمیوں سے متعلق اپنے نیک جذبات کا اظہار کیا اور دعوتِ اسلامی کی ترقی کے لئے دعائیں کیں۔

گزشتہ  دنوں دعوتِ اسلامی کے زیر اہتما م قائم جامعۃ المدینہ دیپالپور کے مرکز امتحان میں حضرت علامہ مولانا مفتی احمد رضا صاحب مہتمم جامعہ فریدیہ رضویہ کی تشریف آوری ہوئی۔

مبلغ دعوتِ اسلامی نے جامعہ فریدیہ رضویہ کے مہتمم صاحب کو وزٹ کرواتے ہوئے انہیں کنز المدارس بورڈ کے حوالے سے بریفنگ دی۔

دعوتِ اسلامی کے شعبہ رابطہ بالعلما  کے زیر اہتمام گزشتہ دنوں ڈسٹرکٹ گجرات کے ذمہ دار طاہر طفیل مدنی کی علامہ ظہیر الدین معظمی مہتمم جامعہ معظمیہ قمر العلوم اور مولانا محمد آصف صدیقی سیالوی گجرات سے ملاقات ہوئی۔

انہیں مرکز امتحان گجرات کا پیپر کے دوران وزٹ کروایا نیز مدرسۃالمدینہ اور دیگر شعبہ جات کا بھی دورہ کروایا جس پر انہوں نے اظہار فرحت کرتے ہوئے اچھے تأثرات دیئے۔

شعبہ رابطہ بالعلماء  دعوتِ اسلامی کے زیرِ اہتمام ذمہ دار اسلامی بھائیوں کی پروفیسر مولانا احمد سعید سیال صاحب (مہتمم جامعہ سعیدیہ رضویہ انوار الحدیث حافظ آباد)، پروفیسر قاری محمد یوسف، مولانا غلام مصطفی سلطانی صاحب ( مہتمم جامعہ سلطانیہ منظرالاسلام حافظ آباد) اور مولانا حبیب اللہ جلالی (مہتمم جامعہ اسلامیہ للبنات حافظ آباد) سے ملاقات ہوئی۔

اس دوران ذمہ داراسلامی بھائیوں نے علمائے کرام کو حافظ آباد میں مرکزِ امتحان جامعۃالمدینہ بوائز کا وزٹ کروایا جس پر علمائے کرام نے خوشی کا اظہار کیا اور دعاؤں سے نوازا۔

اس موقع پر شعبہ رابطہ بالعلماء گوجرانوالہ ڈویژن کے ذمہ دار محمد ظہیر عباس عطاری مدنی، ڈسٹرکٹ حافظ آباد کے ذمہ دار شہزاد عطاری مدنی اور شعبہ مزارات اولیاء گوجرانوالہ ڈویژن کے ذمہ دار ثناءاللہ عطاری موجود تھے۔(رپورٹ:شعبہ رابطہ بالعلماء، کانٹینٹ:غیاث الدین عطاری)

پچھلے دنوں جامعۃالمدینہ نارووال میں سرپرست و شخصیات اجتماع انعقاد ہوا جس میں کثیر مشائخ عظام و علماء کرام نے شرکت کی جن میں پیر سید شاہد حسین شاہ صاحب قادری  ،پیر سید دلدار حسین شاہ صاحب،مولانا محمد انور نقشبندی صاحب ،مولانا قاری ساجد قادری صاحب، مولانا خلیل الرحمٰن رضوی صاحب،مولانا پیر قاری محمد طیب رضوی صاحب،مولانا علی رضا اویسی صاحب،مولانا سجاد رضوی صاحب، مولانا علی رضا نقشبندی صاحب،مولانا محمد عمران نقیبی صاحب،مولانا عبدالعزیز رضوی صاحب، ڈسٹرکٹ نگران مولانا سہیل مدنی صاحب،مولانا علی رضا عطاری صاحب،مولانا محمد نوید عطاری صاحب،مولانا حاجی مشتاق عطاری صاحب،صدر مدرس مولانا محمد بابر عطاری مدنی صاحب، مولانا محمد عثمان مدنی صاحب،مولانا محمد عثمان عباس مدنی صاحب، مولانا حق نواز مدنی صاحب،مولانا دانش مدنی صاحب،مولانا وقاص مدنی صاحب ،مولانا ذیشان مدنی صاحب اور مولانا احسان مدنی صاحب سمیت دیگر علماء کرام و شخصیات نے شرکت کی۔