دعوتِ اسلامی کی مجلس امامت کورس کے تحت عالمی مدنی مرکز فیضانِ مدنی کراچی میں مدنی حلقہ ہوا جس میں امامت کورس کرنے والے اسلامی بھائیوں نے شرکت کی ۔رکنِ شوریٰ حاجی سیّد لقمان عطاری نے شرکاکی تربیت کی اوردعوتِ اسلامی کے 12مدنی کاموں میں بڑھ چڑھ کر حصّہ لینے کی ترغیب دلائی۔

دعوتِ اسلامی کے تحت عالمی مدنی مرکز فیضانِ مدینہ کراچی میں شعبہ جات کے ذمّہ داران کا مدنی مشورہ ہوا جس میں فیضانِ مدینہ کراچی میں قائم تمام شعبہ جات کے ذمّہ داران نے شرکت کی ۔نگرانِ شوریٰ مولانا محمد عمران عطاری مَدَّظِلُّہُ الْعَالِی نے شرکا کی تربیت کی اورکار کردگی کا جائزہ لیتے ہوئے مدنی پھولوں سے نوازا۔

دعوتِ اسلامی کی مجلس مدنی کورسز کے تحت مدنی مرکز فیضانِ مدینہ اسلام آباد ریجن میں تین دن کے12 مدنی کام کورس کا سلسلہ جاری ہے جس میں ذیلی تا علاقہ مشاورت کے ذمّہ اسلامی بھائی شرکت کر رہے ہیں ۔نگرانِ پاکستان انتظامی کابینہ حاجی محمد شاہد عطاری بھی اس مدنی کورس میں شامل ہیں اور شرکا کی مدنی تربیت فرما رہے ہیں۔

دعوتِ اسلامی کی مجلس ازدیاد حب کے تحت مدنی مرکز فیضان ِمدینہ فیصل آباد میں مدنی مشورہ ہوا جس میں نگرانِ پاکستان انتظامی کابینہ حاجی محمد شاہد عطاری نے شرکا کی تربیت فرمائی اور مدنی پھول دیئے۔آپ کا کہنا تھا کہ دعوتِ اسلامی چھوڑ کر جانے والے اسلامی بھائیوں کو مدنی تحریک میں 12 مدنی کاموں میں سے کوئی ذمّہ داری دے کر فعال کیا جائے۔

دعوتِ اسلامی کی مجلس خدّام المساجد کے تحت عالمی مدنی مرکز فیضانِ مدینہ کراچی میں مدنی مشورہ ہوا جس میں کراچی ریجن کے ذمّہ داران نے شرکت کی ۔ مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے کار کردگی کا جائزہ لیااور شرکا کی تر بیت کی ۔

دعوتِ اسلامی کی مجلس عطیات بکس کے تحت مدنی مرکز فیضانِ مدینہ آفندی ٹاؤن حیدرآباد میں 24 جولائی 2019ء کو ذمّہ داران کا مدنی حلقہ ہوا جس میں ریجن ذمّہ داران ،اراکینِ زون اور مفتشین سمیت دیگر ذمّہ داران نے شرکت کی ۔نگرانِ مجلس عطیات بکس نے ذمّہ داران کی مدنی تربیت کی اور مقصد میں کامیابی کے حوالے سے مدنی پھول دئیے۔

دعوتِ اسلامی کی مجلس شعبۂ تعلیم کےتحت مدنی مرکز فیضانِ مدینہ اسلام آباد میں تربیت کا سلسلہ ہوا جس میں شعبۂ تعلیم کے ذمّہ داران نے شرکت کی ۔رکنِ شوریٰ محمد اطہر عطاری نے شرکا کی تربیت کی اور کارکردگی کا جائزہ لیتے ہوئے کہا کہ اس شعبۂ تعلیم کے تحت  ایبٹ آباد اور کوہِ مری میں فیضانِ نماز کورس اور اصلاح ِاعمال کورس جاری ہےجس میں 300سے زائداسلامی بھائی شریک ہے ۔

دنیا بھر میں سنّتوں کی دھومیں مچانے والی عاشقانِ رسول کی مدنی تحریک دعوتِ اسلامی کے مدنی مرکز فیضانِ مدینہ  کراچی میں قائم مجلس آئی ٹی دعوتِ اسلامی کے مختلف شعبہ جات کے لئے مختلف سافٹ ویئر ز ڈویلپ کرتی رہتی ہے تاکہ دنیا بھر کے عاشقانِ رسول سوشل میڈیا کے اس دور میں ان جدید ایپلی کیشنز اور سافٹ ویئرز کے ذریعے استفادہ کرسکیں ۔ مرکزی مجلسِ شوریٰ کے نگران مولانا محمد عمران عطاری مَدَّظِلُّہُ الْعَالِی نے دیگر ذمّہ داران کے ہمراہ مجلسِ آئی ٹی کی جانب سے تیار کردہ ان سافٹ ویئرز کا جائزہ لیا۔ ذمّہ دار اسلامی بھائی نے پریزنٹیشن دیتے ہوئے نگرانِ شوریٰ کو ان سافٹ وئیرز کے بارے میں تفصیلی بریفنگ دی ۔