دعوتِ اسلامی کے تحت پچھلے دنوں  سیالکوٹ میں دو مقامات پر دو مدارس المدینہ آن لائن شارٹ کورسز کا افتتاح کیا گیا۔اس موقع پر صاحبزادیِ عطار سَلَّمَہَا الْغَفَّارْ نے دونوں مقامات پر شرکت کی اور دو مدارس المدینہ آن لائن شارٹ کورسزکی برانچز کا افتتاح کیا۔ان مدارس میں داخلے کی خواہش مند اسلامی بہنیں اپنی علاقہ نگران اسلامی بہن سے رابطہ فرمائیں۔

دعوت اسلامی کی مجلس شارٹ کورسز للبنات کے تحت ماہ ستمبر2019ء میں525 مقامات پر ”تربیت اولاد کورس “منعقد کیا گیا۔ ان مدنی کورسز  میں کم و بیش 10ہزار 61 اسلامی بہنوں نے شرکت کی۔ مبلغاتِ دعوتِ اسلامی نے شرکا کی تربیت کی اور اسلامی بہنوں کو سنتوں بھرے اجتماع میں پابندی سے شرکت کرنے کے ساتھ ساتھ دیگر مدنی کام کرنے اور اپنی اولاد کی سنّتوں کے مطابق تربیت کرنے کی ترغیب دلائی۔

دعوت اسلامی کی مجلس شارٹ کورسز للبنات کے تحت 26 اکتوبر 2019ء کو پانچ دن کے”زندگی پُرسکون بنائیے“کورس کا انعقاد کیا گیا جس میں مستقبل قریب میں رشتۂ ازدواج سے منسلک ہونے والی اسلامی بہنوں نے شرکت کی ۔مبلغۂ دعوت اسلامی نے  کورس میں شریک اسلامی بہنوں کو شریعت کے مطابق زندگی گزارنے کے طریقے بتائے اور دعوت اسلامی کے مدنی کاموں میں تعاون کرنے کی ترغیب دلائی۔ 

دعوتِ اسلامی کے تحت کراچی کے علاقے پی آئی بی کالونی میں 15ستمبر 2019ء سے دعوتِ اسلامی کی ذمّہ دار اسلامی بہنوں کا تین دن کا سنّتوں بھرا اجتماع ہوا۔ دورانِ اجتماع رکنِ شوریٰ حاجی ابو ماجد عطاری مدنی نے پردے میں موجود اسلامی بہنوں کے درمیان بذریعہ انٹرنیٹ سنّتوں بھرا بیان فرمایا اور انہیں دارُالسنّہ للبنات پاکستان کے نظام کو مضبوط بنانے اور اپنے شعبے میں مدنی کاموں کو مضبوط کرنے کے متعلق قیمتی نکات بیان کئے۔

دعوتِ اسلامی کی مجلسِ مدنی انعامات کے تحت اکتوبر 2019ء میں پاکستان کے صوبہ سندھ، پنجاب، بلوچستان اور خیبر پختونخواہ میں 39 مقامات پر3 گھنٹے کے ”مدنی انعامات اجتماعات“ منعقد ہوئے جن میں 36ہزار سے زائداسلامی بہنوں نے شرکت کی۔ مبلغاتِ دعوتِ اسلامی نے سنّتوں بھرے بیانات کئے اور شرکا کو مدنی انعامات پر عمل کرنے کی ترغیب دلائی ٭ملیر کراچی میں 26 ستمبر 2019ء سے فیضانِ قراٰن وسنّت کورس کے درجات (Classes) کا آغاز ہوا جن میں کئی اسلامی بہنیں شرکت کی سعادت پارہی ہیں ٭مجلس مختصر کورسز ( للبنات) کے تحت 12ستمبر 2019ء سے پاکستان کے شہروں کراچی، حیدرآباد، فیصل آباد، اسلام آباد، ملتان اور لاہور میں شادی شدہ اسلامی بہنوں کےلئے اپنی اولاد کی بہترین تربیت کرنےکے حوالے سے تین دن پر مشتمل ایک منفرد کورس بنام ”تربیتِ اولاد کورس“ ہوا جس میں اسلامی بہنوں کو تربیت دی گئی کہ اپنی اولاد کو کس طرح دین کی طرف راغب کریں اور ان کی دینی تربیت کس طرح کی جائے؟ ٭17 ستمبر2019ء سے پاکستان کے شہروں کراچی، حیدرآباد، فیصل آباد، اسلام آباد، ملتان اور لاہور میں ”فیضانِ عمرہ کورس“ منعقد ہوا جس میں اسلامی بہنوں کو عمرے کی ادائیگی کا طریقہ بیان کیا گیا۔

اسلامی بہنوں کی مجالس میں ایک مجلسِ رابطہ بھی ہے جس کے مدنی کاموں میں ایک کام شخصیات اسلامی بہنوں سے ملاقات کرنا بھی ہے۔ اس مجلس کے تحت ماہِ اکتوبر 2019ء میں لطیف آباد حیدر آباد میں HESCO Officer کی رہائش گاہ پر سنّتوں بھرا اجتماع برائے شخصیات منعقد کیا گیا جس میں اہلِ ثروت خواتین نے شرکت کی سعادت حاصل کی۔ اجتماع کے آخر میں شُرَکا کو مکتبۃُ المدینہ کے شائع کردہ کتب و رسائل بھی پیش کئے گئے ٭فیصل آباد میں مجلسِ وُکَلا کی ذمہ دار اسلامی بہن نے فیصل آباد بار اینڈلا اکیڈمیFaisalabad Bar and law Academy سے منسلک ایک خاتون ایڈووکیٹ سے ان کے ادارے میں جاکر ملا قات کی اور انہیں دعوتِ اسلامی کی خدماتِ دینیہ سے متعلق آگاہی فراہم کی۔ خاتون ایڈووکیٹ نے فیصل آباد بار اکیڈمی میں مدنی حلقے کا آغاز کرنے کی نیت بھی کی ٭مجلسِ رابطہ برائے شوبز کے تحت کراچی میں ذمہ دار اسلامی بہن نے پاکستان کی شوبز سے وابستہ ان خواتین سے ملاقاتیں کیں اور انہیں مدنی رسائل تحفے میں پیش کئے گئے۔

اکتوبر2019ء میں اسلامی بہنوں کی مجلسِ رابطہ وشعبۂ تعلیم کے تحت دھوراجی کالونی کراچی میں نعت خواں اسلامی بہنوں کے لئے سنتوں بھرا اجتماع منعقد کیا گیا۔ مجلسِ رابطہ وشعبۂ تعلیم ذمہ دار (عالمی سطح) نے سنّتوں بھرا بیان کیا اور صاحبزادیِ عطّار سلّمَھاالغفّار نے دعا فرمائی۔ اجتماع کے اختتام پر کئی اسلامی بہنوں نے آن لائن فرض علوم کورسز کرنے اور قراٰنِ کریم تجوید سے پڑھنے کی نیتیں کیں۔ 

دعوتِ اسلامی کی مجلس نیک کام کے تحت پاکستان کے صوبہ پنجاب،بلوچستان ،سندھ اور خیبر پختونخواہ میں 39 مقامات پر3 گھنٹے کانیک کام اجتماع ہوا جس میں کم و بیش 36ہزار 13اسلامی بہنوں نے شرکت کی۔مبلغۂ دعوتِ اسلامی نے سنّتوں بھرا بیان کیا اور شرکاکو نیک کام پر عمل کرنے کی ترغیب دلائی۔

الحمد للہ عزوجل! دعوتِ اسلامی کی مجلس مختصر کورسز( للبنات) کے تحت کورس”مفتاح الجنہ“ آغاز کیاگیا ہےجس میں اسلامی بہنوں کو نماز، وضو اور غسل کا درست طریقہ سکھایا جائے گا ۔اِنْ شَآءَ اللہ عَزَّ وَجَلَّ جلد ہی یہ کورس پاکستان کے تمام بڑے شہروں (کراچی،حیدرآباد،فیصل آباد،ملتان،لاہور اور اسلام آباد ) میں کروایا جائے گا۔تمام اسلامی بہنوں سےالتجا ہے کہ اس کورس میں شریک ہوکر زیادہ سے زیادہ فائدہ حاصل کریں ہے۔

اَلْحَمْدُ لِلّٰہِ عَزَّ وَجَلَّ! دعوتِ اسلامی کی مجلس مختصر کورسز( للبنات)نے شادی شدہ اسلامی بہنوں کےلئے اپنی اولاد کی بہترین تربیت کرنےکے حوالے سے تین دن پر مشتمل ایک منفرد کورس بنام ” تربیت اولاد“ ترتیب دیا ہے۔ اِنْ شَآءَ اللہ عَزَّ وَجَلَّ یہ کورس 12 ستمبر 2019ءسے پاکستان کے تمام بڑے شہروں (کراچی،حیدر آباد،ملتان، فیصل آباد ،اسلام آباد اورلاہور) میں شروع کیا جا ئے گا۔ اسلامی بہنیں اس کورس میں شریک ہوکر خوب خوب فائدہ حاصل کرسکتی ہیں۔

اَلْحَمْدُ لِلّٰہِ عَزَّ وَجَلَّ!دعوتِ اسلامی کی مجلس مختصر کورسز( للبنات) کے تحت ”فیضان عمرہ “ کورس کروایا جاتا ہے جس میں اسلامی بہنوں کو عمرے کی درست ادائیگی کا طریقہ سکھایا جائے گا۔ اِنْ شَآءَ اللہ عَزَّ وَجَلَّ اس کورس کا آغاز 17 ستمبر2019ء سے ہو گا۔ یہ کورس پاکستان کے تمام بڑے شہروں کراچی ،حیدرآباد، فیصل آباد،ملتان،لاہور، اور اسلام آباد میں منعقد ہو گا۔علم ِدین کی خواہش مند اسلامی بہنوں سےاس کورس میں شرکت کر نے کی درخواست ہے۔